美味故事 (Closed)

平日與朋友一聚大家想傾計一聚，又要找沒有限時的很傷腦筋！朋友之前來過這間店説食物質素不錯而且冇限時所以我們決定來這裡！這家店的招牌很不起眼所以要留意一下，他還要走一條小樓梯才可以坐𨋢，所以行動不便的朋友就比較困難！店內裝潢設計好令人放鬆的感覺，而且有榻榻米枱伸腳入去坐就有日本風！食物方面有很多選擇，有些叫一個餐可以額外叫扒價錢幾抵，因為都好大份可以分享，我們一人叫了一份所以超級飽，味道方面都唔錯，感受到廚用心去做！價錢方面都算中價位，我會見議可以叫一個餐加扒抵好多！

今晚突然興起 上open rice 穩飯食， 見到評價不錯 就過左來食 。一上到 人都幾多下 食物方面 牛油果沙律好清新 麻醬沙律都唔錯 主菜更加係清曬仲想食 特飲同cake 都唔錯 飽到摸肚仔既我地都忍唔住繼食 特別係榴槤慕絲改變無辦法用普通詞語去形容 超級超級好食後來先知道 原來榴槤慕絲 係佢地既生招牌 更加有客人怕無得食要預訂 藍蝶花亦都好驚喜 好靚根本係打卡必備

呢個西餐廳 第一時間去去個時 覺得好大 比人感覺好舒適 好舒服 好像返到屋企咁 員工都好好服務態度 尤其是細個妹妹仔 又甜又有禮貌 嘢食方面都幾好食 唔錯㗎 龍蝦個餐值得推介 好食 而且感覺都幾新鮮餐廳裡面有個個自助區 我覺得都好方便下 唔洗下下都叫服務員 熱水壺嘅水都夠熱 同埋個樣有需要嘅醬料都有齊曬 牙籤紙巾都有 真好係好貼心 洗手間雖然有啲細 但勝在乾淨 同埋好清新 唔會有使人想嘔嘅臭味 好想比個好評但係唔夠200字 加油啊 美味故事 比心機啦！

上星期五, 朋友介紹旺角一間餐廳叫做美味故事， 於是我決定當晚和家人去嘗試， 上到去覺得環境都舒服， 侍應相當友善， 食物都算多選擇， 這裏是用Qcode選菜單, 因為太多選擇所以我用了十分鐘去選擇, 最後我決定選擇了安格斯牛柳, 蘑菇湯，溫泉蛋雜菜沙律 及水果茶， 安格斯牛柳肉質非常 嫩滑 ，再加上肉醬意粉，全個餐十分飽，一定會再去！

呢間餐廳都係我係OpenRice隨意地揀左去試下，一入到去見到地方唔太大，但其實都坐到幾圍台既，每張台之間都好闊落，一d都唔迫，不過建議book左台先去會穩陣d，因為我地冇book到台，但職員都好好，幫我地開多一張台比我地咁我地3個人叫左3個set一齊食，d野食都唔錯，價錢合理，呢個價錢食到呢種水準，算唔錯啦一入到去，佢就會送一杯Welcome drink架，應該就係芒果沙冰黎，好飲架！我地就叫左呢幾樣野，其實都係大家平時食開既牛排豬排黎既，但佢就整得好靚，同個汁好好味。岩晒想坐得舒服d傾下計，但食物又有水準，又唔貴既，中晒你想要既point既朋友仔就可以黎試下啦。

其實佢嘅食物基本上係on top 加錢多1 份，你唸下，如果單數朋友黎，單丁左個朋友就會唔開心。。。因為佢會發現無人同自己開心share... 所以你最好同雙數朋友一齊黎。。。

途經旺角見到個名美味故事好吸引，所以上左黎試一試佢地個安格斯牛柳好好食，完全好易入口，冇話太熟個沙律醬好正，十分之開胃個蘑菇濃湯係真係濃湯，5似出去有啲好水咁個朱古力蛋糕都唔漏

今晚又約左幾個frd去搵食，見呢間樓上cafe咁多好評，一於黎試下一入cafe地方唔算好大，但感覺很舒服，裝修簡簡單單，清新又有心思，有兩張4人卡位枱tatami但可以申腳落去果隻，幾張4人圓枱，中間有兩張方枱，我地有7個人，所以佢泊埋兩張方枱俾我地啱啱好。落單後好快就有野食喇，先黎頭盤同湯，跟住係主菜，等我逐一介紹下南瓜濃湯、磨菇濃湯味道好濃郁，唔錯紫菜雞卷好好味，陪日式燒汁味道好夾每個餐都跟沙律同蒜蓉包，沙律菜好新鮮，份量都幾多，仲一啲都唔馬虎呢個叫做芝士神秘卷，食落酸酸甜甜好開胃，裏面包住一粉紫色的東西，口感有啲似青瓜，但食完都唔確定係乜嘢😅，唔怪得之叫做神秘卷啦日式豆腐普通啦，少少辣，味道ok主菜出場喇！慢煮羊後膝，配忌廉煙肉焗薯肉質經慢煮後非常嫩滑，肉汁豐富，係我食過最好食的羊膝慢煮安格斯牛柳，配墨魚汁麵又係超水準之作！肉嫩多汁又不失牛鮮味，無得彈呀仲要讚下個墨魚汁麵，彈牙有口感，仲唔會食到成口都黑晒芝士焗龍蝦帶子，配三文魚碎蛋焗薯龍蝦帶子都焗到啱啱熟，鮮甜好味三文魚磨菇白汁意粉賣相好靚俾兩個囡食晒我無份食，味道應該都唔錯😂最後到飲品、甜品喇！全部都好味D24榴蓮mousse

中女獨食難肥日誌 美味故事旺角樓上cafe，多年前給我印象食物不好吃，價格亦不便宜，好久好久沒去了。今次來這間cafe朋友說位置很好，坐位舒適食物又不錯，就一試吧！剛到達朋友未到侍應就熱情招待，先送上一壺芒果沙冰請我飲住等！味道酸酸甜甜幾開胃，餐廳光猛，感覺不錯！另每份主菜旁menu有寫上開心share加多一份主菜的價錢，例如我選的大啡菇一個dinner set $158但加多份主菜只要$68，所以食量不大的朋友大可開心share一個dinner set，價錢抵好多呢！貼心的一個點菜方法！每道菜慢慢上，是給你一個地方空間慢慢與朋友聊天聚會的一個地方。而且因為點菜溝通出現問題其中一份遲了上菜，店方主動送上兩件蛋糕給我們，感覺都好重視客人呢！...黑松露芝士薯茸焗大啡菇 $158(包前菜餐湯主菜小食餐飲及甜品) 選了主菜，原來包整個dinner set，好多選擇呢！餐湯可選蘑菇湯及南瓜湯，我選的南瓜湯有個哈哈笑忌簾好得意，濃味不錯前菜選了溫泉蛋蟹籽沙律，溫泉蛋，不過熟，流出蛋漿配上脆卜卜蟹籽，開胃前菜餐前小食選了紫菜雞卷配照燒汁，坦白說外觀麻麻，但味道又比想像中好呢！甜甜地，不錯吃！然後主

餐廳環境比較適合朋友聚餐。傾計會係一個幾好既選擇。服務生態度很好。主動而且又有禮貌。餐點之中最欣賞就係黑松露大啡菇。很濃厚的黑松露。南瓜濃湯好幼滑。值得一試的仲有北海道奶凍。

約朋友食飯傾計，要搵1間坐得耐又好食，都幾困難， 想openrice見到美哋故事食評幾好，就試下啦，真係幾好喎！餐湯幾好飲，夠濃！沙律入面2隻大蝦好新鮮（如果有多2隻就好喇）餐前小食紫菜雞卷夠特別！慢煮豬鞍幼嫩滑，唔「鞋」口，推介！甜品（奶凍） 勁滑，又唔會太甜！餐飲水果茶都夠茶味，如果生果味再濃啲就滿分！整體都十分滿意，推介！

美味故事喺旺角地鐵站附近一大廈嘅樓上舖，主要食西式食物，估唔到星期二晚都幾滿，我地被安排坐一張二人枱。靠窗嗰幾張枱比較日式，有自成一角嘅感覺，可惜已經滿哂。晚餐餐牌超豐富，每個set 都有餐前飲品，湯，蒜蓉包，沙律，小食，餐飲同甜品。我地點左兩個餐：慢煮安格斯牛柳（$258）同芝士火鍋（$218）。店員先送上涼浸浸嘅小杯芒果菠蘿沙冰作為餐前飲品，好開胃。之後有磨菇湯，畫左笑哈哈：）好味，啖啖磨菇粒，鹹度剛好。我個餐嘅蒜蓉包，牛油果蝦沙律同煙三文魚他他多士小食都放埋一齊，好豐富，就咁望已經成個主菜咁，好多顏色放埋一齊又吸引眼球又引起食慾。沙律分量大而且新鮮。另外一碟係跟芝士火鍋餐，可以揀兩個小食，揀左豆腐餅同紫菜雞卷，豆腐餅係韓風，所以有啲辣。兩個小食都唔錯。寒天海藻沙律好得意，有一條條透明嘅粉，爽爽地好好咬，加埋啲柚子醬喺上面非常醒胃。主菜出場！先來一人分量嘅芝士火鍋，加多一個大啡菇（+$30），但其實跟餐配料本身份量已經好足夠！個芝士火鍋好正，啖啖都拉哂絲好玩又好食，味道最夾都係大啡菇，蕃茄仔同面包。mG:15]食完火鍋其實已經飽左大半，好在另一個主菜係牛柳配墨汁冷麵，冷麵冇咁漏。個

上個禮拜去旺角行街食飯 咁啱經過見到掛架上一間叫美味故事嘅西餐廳 當時覺得個名好特別 於是好好奇咁上左去食嘢 餐廳嘅環境舒適 食物都都幾好食服務員態度都超好 有一點美中不足嘅就係 食物速度再快小小就好啦

首先要一讚既係環境優美 d decorations 好有氣氛勁有feel 同埋落單係用qr code夠曬先進同埋有效率 等緊野食既同時又有餐前野飲 今日係芒果沙冰 唔洗驚好飽 係迷你杯size用黎打卡一流最先上菜既係好期待既芝士邊爐 但要等小小耐先會滾同開始熱 因為個火都熄左好多次 同埋份量完全係為大食人士而設 有好脆既面包粒 煙三文魚 車厘茄 翠肉瓜。。。 食到好漏既話就可以食d fresh既疏果 跟住繼續食不停loop 最後係會食到好飽都唔會清到個芝士煲 因為真係好大份同好cheesy同行朋友試左香草三文魚同安格斯牛扒 三文魚扒係會有兩塊 係出面食係好少會見到有兩塊但又唔細 性價比好高 但略嫌唔夠juicy有小韌 安格斯牛扒就好正啦 一上菜未切已經好香 食落唔韌夠熱 最有驚喜既係朱古力蛋糕同餐飲 西柚水果茶 雖然食到好飽 但最後到好味到食曬 因為朱古力唔係假甜 蛋糕仲好真 真心值得一試

最近天寒地凍，好想食芝士火鍋，朋友推介呢間樓上餐廳，就決定去試下。除左暖笠笠芝心火鍋之外，我地仲點左慢煮安格斯牛柳套餐。好快就有餐前飲品上，鮮果沙冰細細杯甜甜地幾開胃。餐湯配蒜蓉法包緊接黎到，蘑菇濃湯不過不失，笑哈哈幾特別。反而沙律同餐前小食比想像中出色，寒天海藻沙律同牛油果大蝦沙律兩個醬汁都好味，而且配料配搭得當。餐前小食亦有驚喜，煙三文魚他他多士脆口，韓風豆腐餅配木魚絲味道的確正，而紫菜雞卷配照燒汁賣相雖然一般，但會令你想再食。終於到主菜出瑒，慢煮安格斯牛柳配墨魚汁冷麵，安格斯牛柳可能慢煮嘅關係，所以食材切得比較細份，但入口感覺煮得啱啱好，肉質變得比平時更腍。 至於墨魚汁冷麵都ok,純粹墨魚汁味可更重。終於到我期待已久嘅芝士火鍋，一人份量黎講配料算幾多，有煙三文魚、新薯仔、翠綠玉瓜粒、意大利麵包粒、士多啤梨、車厘茄、大啡菇，所有配料size都切得非常合適，容易用叉拮又唔會跌。咁多種配料中我最鐘意士多啤梨，本身士多啤梨夠甜，再加上暖暖嘅芝士非常夾。呢個芝士火鍋嘅三重芝士汁做得極好，馬蘇里拉、車打、忌廉芝士調嘅比例恰當，芝士汁香氣四溢又濃郁，食落唔會太咸，又唔會太流質。呢個芝士火鍋果然