美味故事 (Closed)

店內環境舒適，乾淨簡潔，枱與枱之間都會有距離唔會黐實，仲有榻榻米區坐位可以俾人影相👍🏻店員亦都有禮貌，唔會比人覺得有趕客嘅感覺，上菜速度正常，一開始好快就會上咗餐湯同沙律比客人先，食完就已經到意粉上菜。食物方面價錢都唔貴，特別係lunch set抵食，份量亦都足夠成年人飽肚，唯獨是意粉味道方面可能會唔夠咸，自己加返少少鹽會好食啲🤣不過整體黎講都唔錯👍🏻蛋糕亦都好食，跟餐嘅水果茶都唔馬虎。總括而言價錢公道，推介同朋友一齊聚餐👍🏻

不嬲好驚去旺角樓上cafe，因為環境雖舒服，野食賣相都好，但味道就…用一句話總結啦，眼睛上天堂，個口就落地獄。呢間野係星日收工行到旺角唔知食乜好，又唔想排隊或者同人迫枱，經友人介紹就黎咗呢間。我是抱住「是但啦，坐下吹下水，野食非重點」心態入黎。環鏡堅係正，有得揀tatami！坐得舒服，仲有得睇/聽佢電視播嘅流行曲～一坐低就會送杯迷你嘅西瓜沙冰比你，個味冇乜好講，就係西瓜沙冰😂二人dinner係最抵食的。但由於我太驚伏，所以就叫咗一人set。但佢啲小食其實都真係唔錯的。主食叫咗慢煮牛。心諗會唔會係出面60$薄薄的黑椒味牛扒嘅味， 但一放落口，又真係油脂味肉味兼具。以樓上cafe嘅標準黎講，超晒班叫2人set仲會送甜品，本身以為會唔會係menu以外嘅cheap cheap 甜品，但係見隔離係朱古力/ 芒果慕絲。呢間真係幾好

剛好到附近複診，找到一間樓上cafe吃午餐。餐廳不算很大，窗邊有榻榻米座位，挺特別的還有Live Band午餐以西餐為主，款式都算多午市套餐包沙律、南瓜湯，南瓜湯味很濃，是稠狀的，很好味小妹點了慢煮牛柳意粉，牛柳的香草味很濃，肉質亦很嫩，但仍需要咀嚼一會意粉彈性好，不會煮太冧一向很喜歡拿破崙茄醬餐飲是橙茶，很清新

侍應生服務態度好好，我們一行6人，有大有細，坐了超過2小時，都完全不會被催趕！環境優美，鬧市中的綠洲！食物水準也不錯，新鮮且即製，所以要等耐一點啊！惟食物份量細了一點……

一入去送杯西瓜沙冰解熱，熱爆天氣下真係消暑又窩心餐前叫左個nachos 又脆又多料，食完一片又一片🤭 主茶叫左慢煮羊架，份量足三大件，肉質軟滑香，羊味濃但唔「蘇」，配埋清新墨魚汁冷麵👍🏻👍🏻👍🏻哈密瓜火腿、凍果茶水準ok 份量足熱花茶也大大杯 再加次水都仲有味🌹職員好有禮貌又主動幫忙（未落完場早到左都照招呼真係有啲唔好意思）環境乾淨 檯面唔會痴立立愉快用餐會encore 一定有下次😋😋😋

幾個同事一齊去太子買嘢，上網搵間就近嘅餐廳食午餐，見到呢間評分好高，就訂位試吓。雖然是在舊樓樓上，但餐廳環境明亮潔淨，侍應哥哥友善親切，最重要係食物美味：南瓜湯上面用忌廉汁畫咗笑哈哈圖案，好有心思；沙律菜新鮮，水果茶大杯解渴消暑，焗薯配酸忌廉煙肉碎好好味👍最值得讚係期間限定嘅2小時慢煮羊架，軟熟得嚟有彈性，肉味香濃而不羶。同事有啲叫牛柳，有人叫三文魚青醬意粉，都好吃。價錢不貴，性價比高。好耐無出街食飯，幾個同事邊食邊傾偈，感覺悠閑舒服，大家都好滿意，之後有機會一定會再幫襯。

店員好Nice and Friendly，環境又舒服。幾好坐乾淨衞生，係朋友聚腳唔錯嘅選擇呀。可能係樓上舖，雖然地點好方便，但星期五晚都唔算多人，推薦想坐下吹下水嘅聚會可以去試吓呀👍🏻Dinner set每個item擺盤都有心思，主食有幾款慢煮菜式揀。今日試咗春雞嫩滑又多汁，而且都幾大份，女仔可能會食唔曬。好彩有人幫手清嘻嘻羊架做得好香，醃製得夠好入味。伴主食嘅Sides可以揀墨魚汁冷麵、肉醬意粉、煙肉焗薯、或者焗蔬菜。冷麵咁特別梗係要試吓，麵質唔錯不過用麻油芝麻撈，又唔係好合我口味。肉醬意粉好食！5號扁身意，肉醬多到我用嚟撈埋啲冷麵食哈哈。湯同前菜正常發揮，係好食嘅。今餐嘅小食小食醉雞翼超正，唔買餐嘅人都推薦可以單點嚟食！撞正炎炎夏日，一坐低未叫嘢食就俾咗每人一杯西瓜沙冰，開胃又消暑❤️

🧡想搵間可以坐得耐，舒舒服服嘅樓上café，美味故事都係一個唔錯嘅選擇👍今次同一班前同事聚舊，坐足3個鐘，唔怕比人趕🧡🍖2人餐dinner 包咗2份餐湯、2份沙律配小食、2份主菜加配菜、2杯飲料👍成個set都好有心思，配菜有焗蔬菜、焗薯、冷面，唔會話淨係得薯菜意粉😋🍖慢煮紐西蘭羊架+焗蔬菜羊架勁冧好好味😋😋😋會有羊羶味，但個人勁鐘意呢種羊羶味😋😋😋焗蔬菜都唔馬虎，蔬菜焗得好冧，調味幾好👍🍖慢煮紐西蘭西冷+煙肉酸忌廉焗薯西冷都係好冧，幾有牛味😋而焗薯配埋煙肉同酸忌廉，酸酸咸咸好開胃😋😋🍖黑松露野菌忌廉意粉黑松露好多好濃郁😋😋成個意粉唔會話好油好膩，唔錯👍🍰芒果百香果慕絲蛋糕🍰抹茶竹炭白朱古力慕絲蛋糕🍰朱古力咖啡蛋糕估唔到甜品唔一樣咁出色😋😋😋每款蛋糕嘅味道都配搭得好好，唔會話互搶，亦唔會話太甜，百香果蛋糕柑仔造型好可愛☺️☺️🥣南瓜湯🥣磨菇湯兩款湯都味道濃郁，廚師係湯上面用忌廉畫咗個笑哈哈，令人會心微笑，飲落就更加溫暖😋😋🥗煙三文魚薯仔沙律+芥末牛柳粒🥗香橙柚子煙鴨胸沙律+醉雞翼大大份好fresh好開胃😋店員仲額外送多咗份醉雞翼同三文魚他他多士😍📌場內有和式塌塌米位，如果想坐就要提早預訂啦

雖然位於Nathan Road但都有少少難搵😂唔知係因為位置定疫情 lunchtime上到去都算少人🥲餐廳夠大 坐得都闊落叫左個all day breakfast ($128) 包湯同水果茶～南瓜湯夠濃郁 好飲😋面頭仲有個笑臉好cute haha🤣🤣all day breakfast每樣都好好食😍😍炒蛋好滑好香 大啡菇超juicy👍最驚喜係牛角包！平時all day breakfast多士/包都係好普通 最唔期待😂但呢個牛角包外脆內軟 有誠意😍😍仲有個加分位係店內有部電視 不斷播住廣東話歌😛

煙三文魚碎蛋焗薯配廚師沙律焗薯比我想像中好食，薯仔好食過薯蓉味道多多聲，原哥薯仔連埋皮焗幾正。上面嘅蛋沙律同埋煙三文魚就carry咗個焗薯嘅味道，幾好食。即磨illy咖啡。我個Friend叫完再查一查，原來illy 係講緊一隻意大利牌子的咖啡粉，貴過雀巢咖啡一個價位 ~☕️ that’s why 加咗3蚊。飲落咖啡味係重啲嘅 煙鴨胸拿破崙意粉 份量係下午茶嘅份量，如果當晏晝lunch食應該就會隔一陣間就肚餓。但係味道上都係幾OK～有味道，不會太醎過於濃烈，配橙味水果茶可以食完refreshing 一下 >< jeng.兩個茶餐都係各$68:）

行到攰攰地搵間Cafe坐下食下野就最好不過，我每次都好鍾意去試下新既餐廳今次搵到呢間美味故事，餐廳環境光猛，有大玻璃窗同埋放滿左小裝飾，小清新既感覺我同朋友分別叫左個Lunch Set，就係巴馬火腿青醬意粉同埋煙三文魚忌廉扁意粉Lunch Set仲會包埋餐湯、蒜蓉包同埋田園沙律今日既餐廳係南瓜湯，有好香南瓜既點味，點埋蒜蓉包一齊食都唔錯沙律菜都幾新鮮2個意粉既醬汁都幾Creamy，同埋好夠醬汁賣相都唔錯Set Lunch仲有會埋飲品，可以加錢轉其他特飲整體黎講都OK

如果唔係深黃朋友帶路，我都唔知有間如日式茶座嘅餐館深藏喺旺角嘅舊大廈中，行上一層樓梯去到電梯大堂，再座升降機到一樓，一開門就見到美味故事嘅招牌同一句句支持嘅memo。入到去別有洞天，係溫馨嘅日式感覺。另一角竟然放咗電子樂器午餐時段人少少，套餐有沙律餐湯同埋餐包個甘筍南瓜湯加上笑笑忌廉繪圖，令人會心微笑。點咗個煙鴨胸意粉，蕃茄汁底加幾片煙鴨胸。簡單直接，不過不失。日式麻將黑豚肉拌烏冬（熱)，天氣咁凍唔想食冷拌麵，熱嘅就暖胃得多，黑豚肉唔肥，加上紫菜同埋木魚絲，有日式感，但熱拌烏冬會比軟身。本身個餐有包飲品，但我哋見座得舒服就加錢點咗柚子檸檬茶同越南滴漏咖啡，慢慢座傾下先。

餐廳環境舒適闊落好坐，位於樓上比較靜， 簡單木系枱櫈， 又有個mon播最新嘅廣東歌， 成個用餐感覺好舒服好chill,適合同朋友／拍拖嚟慢慢食野傾下計另外食物價錢好親民，比出面cafe平，嗌埋甜品每人都係一百蚊多啲，南瓜湯好味， 沙律正常水準， 食物及甜品質素唔錯， 最令我驚喜係杯唔洗加錢嘅橙味水果茶， 第一啖飲落係好香好清新嘅橙味，令我一度有錯覺以為飲緊橙汁， 跟住就有茶味慢慢浸入喉嚨， 無expect過唔洗加錢嘅餐飲都咁有驚喜咁有質素， 好飲過出面啲水果茶。店員有禮貌， 有機會出開旺角會再幫襯支持💪

原來係旺角有間咁正嘅小店，要大大力懲罰先得！！！平日入到嚟唔洗等位，職員好好服務帶我哋入嚟坐榻榻米，超開心！！第一次坐榻榻米食野！！！好似去咗日本咁😆😆😆嚟到見到個餐牌好吸引，有焗薯餐又有烏冬🤤🤤睇見都流晒口水哈哈叫咗兩個餐，包餐湯沙律同蒜蓉包一嚟就送咗一個南瓜湯，仲要係笑哈哈，睇到好開心，超得意，好有心思😆😆💛好鍾意，希望下次嚟仲會見到笑哈哈南瓜湯😆焗薯餐好快就到啦，擺盤好靚，男朋友仔食完仲話唔夠食添😋😋而我就嗌咗一個烏冬，烏冬個汁好惹味，口感煙煙韌韌，食完我都好想再食多碟哈哈我叫咗杯白桃藍蝶花，味道好清新，飲落好舒服而男朋友仔就嗌左杯熱情果茶，裝飾得好靚呢，最後佢都飲晒，好飲！因為返工唔記得事前打嚟問可唔可以係甜品寫生日快樂，去到即刻細細聲同店員講（同返店員講聲唔好意思，多謝你地臨急幫我準備）店員好細心係我地食曬個餐，點埋蠟燭送上甜品，仲要同男朋友仔講生日快樂🎂，多謝你地！！佢好開心同驚喜，個慕絲蛋糕俾我哋預期中好食好多👍🏻👍🏻💛店員世一💛💛請大家多多支持呢間小店，因為樓上鋪好少人認識，快啲去懲罰佢哋啦！

疫情下都要搵吓嘢食🧐而家好鍾意去啲樓上鋪食嘢😜一間環境非常寬躺舒適嘅店舖👍🏻我諗如果唔係疫情😂夜晚約埋三五知己傾吓計相聚好地方🥰見仲有live Band🎤🥁🎼我哋習慣LunchTime係早食😋所以去到暫時未有人😜lunch set😋都幾抵食👍🏻份量都夠😜前菜🥬都好新鮮😋今日餐單係南瓜🎃 湯湯面配合而家大家都需要嘅開心公仔😄見到個人都開心啲😃煙鴨胸意粉🍝、日式麻醬黑豚肉烏冬（配搭一流味道唔錯👍🏻👍🏻）越南滴滴咖啡☕️（好濃郁嘅咖啡味道👍🏻鍾意飲咖啡可以嘗試）、洋甘菊花果茶🥃（飲完成身暖晒😁）