達濠仔

Open Now

Now Closed

某日揸車落西營盤入貨路過偶遇見小店經營模式又撞啱午餐時間一於坐低試一試。～ 雙併豬心+魚皮餃湯米粉先呷一口湯頭、清香帶點白胡椒味、唔錯 ，魚皮餃應該係交來貨、合格，豬心比較小餐廳做、新鮮貨入口爽滑、鮮甜味有咬口、不過內臟都係少吃多滋味為妙～ 雙併牛丸牛腩河湯頭一樣、自稱自家製手打牛丸入口爽口彈牙非常好味道、功夫出品。反而牛腩就普普通通無驚無喜師傅將香芹、芫荽、冬菜粒另上夠細心、抵讚！綜合係一間用心用力做嘅潮汕粉麵小店、真心支持用心經營小店！

今晚諗唔到食乜，見佢新開張，就試一試估唔到有驚喜。平時我好少食d乜丸乜丸，見老闆熱心推介，叫咗個三併河粉。嘩！真係好食，胡椒豬肉丸(味道一流)一定要食。其次係達濠魚丸(好彈牙，有口感)同達濠肉卷。另外，我仲叫咗碟潮州腸粉，同平時食開既腸粉完全唔同。腸粉內有蛋，菜同肉肉。

終於在西環搵到一間午餐飯堂，有飯有麵食，湯底味濃之餘帶有鮮甜之味，用料更是每日新鮮潮州當地直送店內，而不得不提既還有杯奶茶咖啡，又香又滑，聽聞水吧師傅係得過獎，果然真係有一手。。。。。。同埋自家制辣椒油真係不得不試，地方環境方面夠乾淨，貨錢合理，更為欣賞外賣餐具可循環使用，與老闆交談之後原來原本生意是海味批發生意，於是便去選購花膠，魚翅，實在相比西環區一帶便宜不少，最重要係買到靚貨，唔會比人搵笨🤣