Taylor Shellfish Farms

Open Now

Now Closed

由A出口行過來好遠，不過中意食蠔無計，去到好意外系賣貨唔系餐廳。唔似之前嘅評論，就算問，都系得兩款法國生蠔，仲擺曬出來，又唔會幫手開蠔，又賣35蚊一只，伙計好似又唔系好好態度，結果我咩都無買。

個日睇到電視，見到少年食神Michael 的廣告雜誌！咁橋星期六經過附近，咪去睇下，其實無咩期望！工廠區，又唔就腳！搵到喇，咁入去睇下，地方好細，又話賣蠔，點知得一個櫃，幾款野，心諗，中招喇，今次！點知，又見好多客，唔只買蠔重有牛肉 , 牛扒( 唔識，不過聽客仔講，幾靚，同價錢平 )！個個都好似熟架步咁！有三個阿姐招呼！態度幾好！個心就定D！咁，最緊要買蠔姐，得幾款點買呀？原來，要問嫁！因為太多蠔 ( 下，真係好多，後話 ).一問原來有美國 ( 原來佢地美國公司，好似話香港其中一個最大生蠔的入口商 )，法國，日本，重有西班牙 ( 第一次見同食，正呀 ).咁拿拿臨買喇，原來隔離有做批發，阿姐去個倉到拿蠔，我八掛，昅下。華，多到嚇死！以後唔敢睇小人！最後重有折添！ ( 幫我開埋蠔，有冰 )返屋企食，好新鮮，美蠔抵食，有隻叫至極，非常好食，易入口！法國蠔就唔講喇，個個都講！反而有隻叫日本小町，重有隻西班牙蠔！無得頂！一定再去！聖誕留番d蠔比我呀！