茶墨 (Closed)

今次來到這家店，真係一試難忘！招牌麻糬芋泥茉莉鮮奶綠，第一啖就覺得芋泥味濃郁，同鮮甜茉莉奶茶好夾，那個麻糬Q彈得滴水不漏，飲得我心都花哂😌。黑糖珍珠芒果鮮奶入口個種香甜，真係叫人停唔到口，珍珠又滑又Q，飲品系列真係一絕！再講下果兩件蛋糕，伯爵茶岩燒，個香味撲鼻，淋上蜂蜜後滋味更豐富；而Gelato嘅荔枝雪葩味又清新，溶喺口裡嘅感覺簡直係夏天的雪中送炭🍧。但係，喺茶墨裡面最驚喜嘅就要算焙茶朱古力鮮奶，焙茶與朱古力的平衡做得好好，奶香勁滑，就好似係咖啡撞奶咁，夾得好特別🍫。食朱古力蛋糕嘅時候，濃郁朱古力同滑凍口感撞擊，完全係拒絕唔到。總括嚟講，無論係視覺定口味，呢家店都俾到驚喜！飲品、甜品賣相同味道都正，真係值得推介！👍🏻

衝著麻糬芋泥茉莉鮮奶綠同開心果gelato而嚟。整體飲品可以改善。始終喺呢個商場要交租，做生意無非想賺錢，我都直話直說。飲過澳門嗰杯同款就會明白。茶墨呢杯芋泥好實而難啜，飲完杯野都仲有一大舊留杯內。麻糬問題嚴重(澳門嗰杯留待大家試，人家唔係一粒粒的，超有驚喜)我就講茶墨呢杯係。芋泥甜度適中，不過係唔會啜到，飲到最尾要逐粒吉出嚟食。奶至少唔係奶精味呢點我滿足。而且少甜程度合我意。Gelato 係真係意式既口味，帶少點杏仁味道。呢個我OK的。能唔能夠得到開心果關注組關注呢？我覺得有機會的。最後講吓服務。行去收銀時我前面有兩個人研究緊飲乜。此時收銀員正在看手機。感恩佢哋見我排緊都有讓比我先。此時，收銀機正前方收銀員依然是看手機，直到我叫唔該。全程無望過人講嘢。凍定熱？杯裝定筒裝？到最後bibi 機響起去攞野飲嗰陣呢位收銀都係用同一個語氣”喺度食垃圾要自己dum返”沒有尾音，速度快而簡潔。快到我都要load 一陣佢講乜。其實真心唔介意清埋枱。我都唔期望香港服務會有笑容。但字句可以再train 吓。令客人唔會感覺激親女友咁。哈哈

茶。墨畫今日同朋友行到攰攰到去the one坐下見到四樓有間茶飲店，飲品都幾特別仲有雪芭雪糕等選擇焙茶鮮奶味道溫和，奶香中帶有濃郁的碳烤香味，味道清爽而且沒有苦澀味，茶味和牛奶的比例恰到好處，口感溫潤、味道濃郁，甜度微甜不膩，提升美食層次，令人一試愛上！麻糬 芝麻烏龍鮮奶茶店員一沖完出嚟已經心心眼，黑白色完全係水墨畫意念創作出嚟，採用日本優質芝麻做烘焙研磨成醬，茶湯選用高山烏龍茶沖製，芝麻混合茶非常特別仲飲到濃濃奶香，飲到最底仲會有人見人愛QQ麻糬試埋佢地兩款日式芝士蛋糕分別原味同抺茶，都唔會太甜，如果行街搵地方坐低休息係唔錯選擇📍茶墨尖沙咀彌敦道100號The ONE 4樓L411號舖

今天又是一个人在外面的下午了，在街上走着走着，有一点口干，于是在附近看看有什么可以喝的。有一间叫“茶墨”的店，名字很特别，於是在网上搜寻了一下，看到很多食评，而且都不错，于是就进去看看了。店里有很多选择，看來看去，最后选了清香人蔘乌龙茶。这个乌龙茶，有很浓的茶味，加上人蔘，整个味道都爆发了，喝了后成个人都精神了，这个店真的货真价实，怪不之有这么多好评。

我今日去咗尖沙咀嘅茶墨試咗幾款特色招牌，食物幾特別，口味好道地。我同朋友試咗三樣野，包括麻薯黑芝麻烏龍奶茶、朱古力芝士蛋糕同埋培茶朱古力鮮奶。首先係麻薯黑芝麻烏龍奶茶，真係一杯獨特嘅飲品！杯中有著淡談嘅烏龍茶味道，加入黑芝麻同埋麻薯，味道層次分明。茶同黑芝麻搭配好微妙。唔係普通嘅奶茶，打卡賣相一流。其次就係朱古力芝士蛋糕，最好食的單品。蛋糕嘅質地好綿密，朱古力味同芝士好夾，入口即化。如果你係朱古力&芝士控，呢個值得一試。最後就係培茶朱古力鮮奶，味道唔似坊間咁濃郁，適合淡味人士。鮮奶同培茶同朱古力嘅結合，真係令人驚艷。飲落去，朱古力嘅香氣融入鮮奶之中，加埋培茶嘅風味，味道層次豐富。茶墨嘅環境都好舒適，喺the one 入邊有位坐，服務態度好好，令人感覺好放鬆

支持小店系列✿黑糖珍珠芒果鮮奶 $42黑糖珍珠鮮奶飲得多，第一次見加埋芒果，芒果味幾濃，鮮奶香滑濃郁，珍珠煙韌而唔會太甜，整體飲落酸酸甜甜又幾夾。行街行到攰黎買完野飲仲可以坐低休息下慢慢嘆。

Ink brush 🎨Mochi mashed taro jasmine milk tea呢度有我最鍾意既芋泥😍😍😍Jasmine好香，多咗份清新。另外呢度好多飲品係健康之選乾檸柚子蜜，同樣係揀咗jasmine tea🫶🏻另外加咗件柚子cheese cake芝士味唔係太重，柚子好香係一個唔錯嘅配搭！行街行到攰最鍾意嚟呢度坐吓飲品選擇好多，價錢唔貴仲有蛋糕同gelato出嚟尖沙咀未夠鐘食晚飯可以嚟買杯嘢飲坐坐

今日同同事在外賣平台見到這間飲品店的麻薯飲品覺得好特別，於是柴娃娃心態下一齊試下。我們分別叫了麻薯抹茶鮮奶， 麻薯芋泥茉莉鮮奶， 麻薯焙茶鮮奶， 麻薯芝麻烏龍鮮奶。還可以揀甜度，冰量，牛乳或豆乳。我們大部份都揀了少冰少甜。但係大家異口同声都覺得甜度仍然太甜，麻薯口感唔夠Q彈，同埋用飲管食好難啜 大家對這款飲品評價整體一般！

有行開the one嘅朋友仔應該認識茶墨我覺得佢係成個商場唯一清泉有得坐吓同時差吓電（人&電話都需要）佢哋嘅出品係又好飲又靚值得一去再去如果第一次嚟，推介叫呢杯#麻糬芝麻烏龍鮮奶茶係佢哋嘅signature 水墨風飲品除咗靚之外，亦都非常好飲出面嘅手搖茶舖絕對搵唔到我鍾意佢有得揀無糖芝麻本身已經甜甜地，啱啱好👍入面有mochi，同芝麻好夾！佢哋嘅低脂gelato都好有名今日晏晝去到有幾隻味賣晒好彩我至愛嘅特濃黑朱仲有咋！勁濃郁，唔會過甜，勁滑嚟到千祈唔好錯過佢哋嘅雪糕呀😋

店名: 茶墨 地址: 尖沙咀彌敦道100號The ONE 4樓L411號舖尖沙咀站B1出口，行2分鐘環境: 4/5價錢: 4/5味道: 4.5/5今次經過the one，見到有間茶飲店以水墨風為主，而且除左普通嘅嘢飲外，仲有蛋糕同gelato，一於試下🙈麻糬芝麻烏龍鮮奶茶❤️❤️❤️❤️❤️$42飲落芝麻味十分之濃，入口充滿住滿滿嘅芝麻香😍烏龍比較清香，但芝麻味就有點蓋過左茶香，底下麻糬份量好足，粒粒都十分煙韌有咬口，令整體口感更豐富😙麻糬焙茶鮮奶❤️❤️❤️❤️❤️$42同樣充滿住超煙韌嘅麻糬，焙茶味十分之濃郁而甘香🤩加上鮮奶就perfect match，濃郁茶味好值得再encore🥰福岡芝士蛋糕(宇治抹茶)❤️❤️❤️❤️$32蛋糕質感偏結實，入口有淡淡嘅抹茶味，唔會cover左芝士味😌曰式奶茶蛋糕❤️❤️❤️❤️$32口感好soft好鬆軟，有少少奶茶味而又唔太甜😝

🇭🇰 每次買 @teabrush 都中意飲麻糬芝麻烏龍鮮奶 同 麻糬玄米抹茶鮮奶 ❤️ 好香茶味 中意佢奶味唔算好濃 👍🏻 最緊要係啲麻薯都夠煙韌 🇨🇦 one way to #supportlocal 😉 if you like sth that has a strong tea base instead of just milk 🥛 this would be a good fit for you ❤️ highly recommend to get their mochi sesame oolong milk🧋 Drinks 麻糬芝麻烏龍鮮奶 mochi sesame oolong milk 39麻糬玄米抹茶鮮奶 mochi matcha milk 39

茶墨以一系列水墨風飲品廣為人知，自開業以來已經多次回頭，比起坊間千篇一律的茶飲店別出新意。除了三款水墨風飲品外，焙茶朱古力冰沙、黑糖珍珠鮮奶錫蘭紅茶、焦糖芝士玫瑰茉莉花茶、抹茶雪糕奶昔、荔枝冰瑤茉莉等其他選擇繁多。另外亦有各式各樣蛋糕及意式雪糕，隨飲品加配更可享有優惠價。開心果意式雪糕 ($39)雪糕口味不定時轉換，繼之前嘗過的薄荷朱古力、玄米抹茶及伯爵茶後，開心果意式雪糕一如既往綿密細膩，並帶正宗意式雪糕應有的煙韌感，開心果味溫醇而奶香亦恰如其分。麻糬焙茶鮮奶 ($42)焙茶鮮奶茶香與奶香平分秋色，焙茶獨有的烘焙香氣亦馥郁醇厚，配上麻糬口感軟糯並富米香。黑糖珍珠芒果鮮奶 ($42)黑糖珍珠煙韌彈牙並熬煮入味，雖然黑糖甜味強勢但芒果味亦出乎預期地能突圍而出。切件蛋糕 ($40)清香柚子芝士蛋糕如柚子蜜般酸甜清爽；榛子朱古力蛋糕由鮮忌廉及朱古力海綿蛋糕梅花間竹而成，濕潤鬆軟且朱古力味香濃。

再訪THE ONE 悠閒手搖店💖 每次經過都好多人光顧，主打特色水墨風飲料，另提供多款茶飲、蛋糕、低脂Gelato，樣樣都好吸引😍 有充裕堂食座位，適合行完街來這裡消遣一下🤗二人消費：$112 🫧不設加一服務費🫧💖💖💖食評💖💖💖麻糬芋泥茉莉鮮奶綠 (冷) ($42)✨ 少甜 少冰推薦，必點的招牌飲品！入口啖啖麻糬、芋泥、鮮奶綠，奶味香濃，口感非常豐富😍 麻糬煙韌軟腍 有咬口，芋泥綿密濃郁，甜味十足，大滿足😆乾檸柚子茶蜜 (冷) ($38)✨ 紅茶底 固定甜 少冰飯後消濟解膩之選🤗 茶味突出 微微苦澀，配搭柚子蜜及乾檸增加甜酸味，整體味道清甜 好出色，還有豐富柚子，令口感更豐富榛子朱古力蛋糕 (+$32)✨賣相吸引🍫 朱古力味好香濃，甜而不膩，鬆軟蛋糕配上cream好好味，口感層次豐富😍

水墨畫風飲品店，賣相非常吸引😍行到攰同朋友買杯嘢飲，坐低休息吓😙✅伯爵茶Latte唔係咁多地方有得選伯爵茶latte，一飲就想飲，伯爵茶味香，少甜比例都OK唔算勁甜✅焦糖芝士玫瑰茉莉花茶上面嘅奶蓋芝士同普遍嘅做法好唔同，可能因為玫瑰喺面，奶蓋多咗啲層次感，下面嘅茉莉花茶非常清新，唔單止賣相精美，仲幾好飲✅抹茶芝士蛋糕抹茶嘅味道突出，芝士蛋糕口感豐富，每啖都充滿幸福感🍵✅開心果Gelato標榜low fat gelato 口味，見到勁吸引，食完無咁罪惡感😈呢度嘅Gelato真係太好味喇，充滿驚喜😙🐻總結雪糕同蛋糕不能錯過😆💛好味指數:4.8/5💛💜回頭指數:4.8/5💜📍茶墨 (尖沙咀)尖沙咀彌敦道100號The ONE 4樓L411號舖

今次係我第二次光顧茶墨，客人比之前多咗好多，堂食同埋外賣都有，咁受歡迎就足以證明係高質素。我最鍾意佢夠多款式，除咗招牌INK BRUSH 之外，我最欣賞就係GELATO SHAKE, 所以我就叫咗抹茶雪糕奶昔，下次會試吓SALTED CARAMEL CHEESE 同埋TEA LATTE 系列🤩今次我揀咗抹茶雪糕奶昔同埋榛子朱古力蛋糕。🌟🌟抹茶雪糕奶昔是一款健康而美味的選擇。使用低脂雪糕製作，讓人有更健康的感受。抹茶味道濃郁，給人一種獨特的口感，滑順而柔軟。 🌟🌟榛子朱古力蛋糕，朱古力和榛子一直以來都是最佳的搭配，這款蛋糕巧妙地將兩者結合在一起。蛋糕柔軟綿密，入口即化，帶來幼滑的口感。甜度適中，不會過於膩人，讓人一口接一口地享受。