茶墨 (Closed)

我今日去咗尖沙咀嘅茶墨試咗幾款特色招牌，食物幾特別，口味好道地。我同朋友試咗三樣野，包括麻薯黑芝麻烏龍奶茶、朱古力芝士蛋糕同埋培茶朱古力鮮奶。首先係麻薯黑芝麻烏龍奶茶，真係一杯獨特嘅飲品！杯中有著淡談嘅烏龍茶味道，加入黑芝麻同埋麻薯，味道層次分明。茶同黑芝麻搭配好微妙。唔係普通嘅奶茶，打卡賣相一流。其次就係朱古力芝士蛋糕，最好食的單品。蛋糕嘅質地好綿密，朱古力味同芝士好夾，入口即化。如果你係朱古力&芝士控，呢個值得一試。最後就係培茶朱古力鮮奶，味道唔似坊間咁濃郁，適合淡味人士。鮮奶同培茶同朱古力嘅結合，真係令人驚艷。飲落去，朱古力嘅香氣融入鮮奶之中，加埋培茶嘅風味，味道層次豐富。茶墨嘅環境都好舒適，喺the one 入邊有位坐，服務態度好好，令人感覺好放鬆