Video
Opening Hours
Today
12:00 - 21:00
Mon - Sun
12:00 - 21:00
Above information is for reference only. Please check details with the restaurant.
有位挑染藍色戴眼鏡既女職員，服務態度超級差果陣大約23點幾，唔知鋪頭仲有無野賣問：唔好意思，想問下仲有無野飲賣？答：講！？？？？？同果位職員講完飲咩佢完全無對答 到比八達通都系用手指比我睇拍邊得到既回答得一個字：講！野飲系唔錯，但咁既服務態度完全唔想再幫襯比錢買難受！
continue reading
奶蓋好飲 不過啲員工成日黑面，講嘢嘅態度都特別差。我明白買杯嘢飲唔包埋服務態度好。至少我買杯嘢飲想開開心心，見到佢地都冇晒Mood。但係附近得呢一間，又唔想行得遠，如果唔係都唔飲。買嘢飲都要受氣
continue reading
平時飲開石門店，今日十分偶爾嘅情況下要去天水圍所以幫襯呢間天水圍壹茶，唔試尤至可，一試把幾火。同朋友叫左兩杯壹茶出名嘅蛋糕奶茶系列，蛋糕奶茶中杯走冰走甜（$27）同蛋糕珍珠奶茶大杯走冰走甜（$31）。雖然同樣叫做壹茶，但一飲落口就發覺同石門嘅水平有太大差距：蛋糕奶茶味道相近，但隱隱飲得出有陣酸味，令成杯奶茶嘅水平大大降低。同石門店比較，天水圍店明顯被比下去。服務方面，收銀同沖調嘅人都係生手嘅姐姐，對自己鋪頭嘅系統唔熟識，搞左半分鐘先落到單。雖不致態度差，但亦無乜服務可言。又再一次被比下去。最後，不論係飲品質素，定係睇單據同店面，我好肯定唔會有下次。今次幫襯只能算係一個美麗的誤會🥲
continue reading
排隊等前面兩位女士畀完錢，到我叫嘢飲，我企正喺收銀位置前面準備落order，突然連續有兩個客喺側邊涉過嚟打尖，店員居然完全冇反應，照收錢。咁我唔知人哋係咪優先幫熟客落單啦吓，但我有排隊，有花時間等係事實，最終到我畀錢，個店員一句唔好意思都冇，服務質素真係「超晒班」。講返嘢飲，我叫咗杯青提沙沙，味道一般，冇任何特別，但同樣價錢，無論係飲品質素，定服務態度都有更好嘅選擇，反正個人嚟講，我以後都唔會幫襯。
continue reading
呢間鋪頭雖然黎咗好多次每次嘅水準都正常，揸車過嚟可以泊喺天悅邨近巴士站那邊好多人泊車，泊一陣係可以的，今次照常都係嗰邊泊車然後過嚟呢邊買，客人唔算多排一兩個就到我，今次都係正常叫蛋糕奶茶加奶蓋微甜少冰，建議各位叫任何奶茶店都叫少甜或者微甜。因為每間奶茶店都係比較甜！少甜或者微甜就啱啱好唔會太甜，佢呢個產品甜度啱啱好，而且奶茶嘅味道亦都比較濃郁，奶蓋嘅甜度亦都中等唔會太甜。我個人好鍾意飲奶蓋！而且蛋糕和奶茶搭配得非常好！所以推薦大家過嚟飲蛋糕奶茶加奶蓋
continue reading