茶水站小食

Open Now

Now Closed

今日由於又要到大角咀辦理私人事務，所以一到辦妥哂所有公事之後，唔使講就梗係要去醫肚啦，所以我又係去番茶水站食lunch，今日我就食咗另一個飯餐，咖喱豬扒腸仔蛋飯+凍奶茶，味道當然同上次係一樣咁好味，同樣又係要再加辣椒油，增添刺激度，煎蛋係荷包蛋，豬扒兩細塊，但係煎得好味白飯嘅份量感覺比上一次嚟食嗰陣時多咗D用D咖喱汁嚟撈飯食真係幾正，除咗咖喱汁外，仲有粟米汁及豉油汁可供選擇，不過我都係比較鍾意咖喱汁多D，奶茶方面~唔知係咪阿姐唔記得落糖水，定係落糖水嘅份量太少，飲落真係好淡，後尾要叫阿姐加番D糖水，老闆娘態度良好，埋單嗰陣時會同客人講多謝哂，今晚今日咁嘅服務態度絕對足夠

今日因為要去大角咀辦公事，所以就順便喺大角咀食午飯，嚟到呢間(茶水站)，睇到門口嘅餐牌，午餐連凍熱飲品只需要$30元，真係幾抵，所以就入去一試，碟飯一到枱，賣相幾吸引，當我試吓D咖喱汁嗰陣時，發覺唔係好辣，所以我就加咗幾羮辣椒油落去D咖喱汁嗰度，味道立即昇華，牛肉份量算多，而且滑嫩，火腿有3小片及1條腸仔(有炸過)，所以非常香口，白飯軟硬適中，杯凍奶茶真係好飲，夠凍又夠茶味🤗，以呢個價錢可以食到咁有質素嘅飯餐，難得~難得

本來諗住搵吓有冇下午茶食，但係經過大角咀幫襯嘅麵包舖之後見斜對面有茶水間同小泰國，就揀咗茶水間，小泰國留返聽晚再食以前附近返工有成日去茶水間，貪佢又平又快，又飽肚 佢下午茶選擇好多，下午茶時段都可以揀午餐嘅選擇～ 當然，下午茶都有好多例如熱狗多士之類嘅選擇但係我通常都係叫返午餐，佢可以去到四點鐘都order到～ 我通常都叫雞翼餐肉蛋飯，或者餐肉火腿蛋飯，呢啲類型嘅飯係外面已經慢慢式微～ 要真係好傳統嘅茶餐廳或者小本經營先至搵得到我就order左雞翼餐肉蛋飯，要豉油汁，太耐冇食過，所以特別期待！仲有一點幾好嘅，就係凍飲唔會加兩蚊深得我心 等咗大概5分鐘左右，就已經有得食，成碟飯到熱辣辣餐肉配蛋配飯一啖食，好滋味 同埋份量係超級飽肚～不過可惜幾多點係，店內油煙味重,食完出嚟會成身都係油煙味

黎到大角咀真係有好多好野食,要平有平,要出名有出名,要地道有地道,今次黎到我暴龍速食既其中一個飯堂,茶水站其實係一個好唔起眼既地方,而佢賣既快餐都好簡單,而我鍾意呢個地方既原因係：佢可以叫多飯！對住一個肥仔黎講,抵食夾人件真係好重要！有時食完一餐,未到下一餐既食飯時間已經好肚餓😂呢到係可以免費多飯,肥仔聽到表示好滿足！第二，冷熱飲同價！出價食飯食得多既都知，通常飲凍野,多左半杯冰,就要收多2-3蚊,其實真係好唔抵！但呢到凍飲唔洗收多,三餸飯,30蚊,依家真係難搵！

唔洗30蚊的早餐沙爹牛面。無味雞扒面。雞尚滑煎蛋配腸。無特別熱檸水。好夠熱，呢種杯夠保溫小店經營只有2個店員，相信是夫妻位置約10個無要求無所謂貪方便可以來食下支持下小店