茶木‧台式休閒餐廳 (Closed)

當日大概7:40 到茶木外面 都有預感要等一陣位但一出lift 見到人流唔太多 都有d surprise攞飛之後大概10分鐘就有位入到內面 舖頭大多人都食緊野咁我地坐低無耐就舉手示意要落單 間斷舉手左一陣都未有waiter 過黎 直到隔離枱要清理先過黎落單😕不過都唔緊要啦 食物味道最緊要👍🏻紅燒牛肉麵$75牛肉好林 好容易咬開 根嘅部分都係好林比以前un嘅牛肉好食得多湯味濃郁 麵嘅份量對女仔黎講都係充足但蘿蔔就可以再燜耐一d古早烤香腸肉燥飯 $67肉燥唔鹹 油嘅份量好好 唔太多唔太小 同飯撈埋一齊好好食 每粒飯都有肉操香味香腸有d 煙燻味唔錯配菜都好食 燻蛋入味飯份量睇落唔太多 男仔可能就唔太夠紅豆抹茶拿鐵 $34呢杯野面頭有mochi 煙煙un un咁樣幾好食但係mochi 有點小喔不過整體黎講都係好飲嘅奶味同抹茶唔會話邊一個搶左陣味

12點零睇戲前食餐快趣的～～未到1 點都唔洗點等位叫左個炸雞排麵，個味道做到台灣果隻，份量又夠不過個手撕雞麵真係唔得個麵暖既～～份量又少。下次都係叫返湯麵底果系列或者佢個吐司!!

當日可能時間尚早未到晚飯時間所以唔使排隊就入到去兩個人坐到四人枱都幾舒服炸豬扒肉燥飯之前食茶木通常都係食麵或者食甜品例如多士磚塊所以呢一日就決定叫一樣我平時比較少食單嗌咗炸豬扒肉燥飯價錢稍稍貴咗啲呢個飯除咗主菜炸豬扒同肉燥之外仲跟埋少少配菜同埋半隻蛋配菜味道適中，肉燥亦都唔會過鹹而蛋就老咗啲不過主角炸豬扒就令我最失望除咗表面嘅炸粉好快黐唔實之外豬扒亦好乾、好實、粗鞋食落去有少少un胃不過值得一讚係呢度嘅服務態度侍應有禮貌，亦都會不時過嚟斟水

好姊妹突然買左份禮物過我想即時比我，點知打比我試下約我點知原來大家都在銅鑼灣我咁岩又上完堂好神奇！我地無約之下能約會非常難得💗香港地各有各忙個個都低頭見面時間都減少了所以去左茶木近近地叫左個黑糖草莓芋圓仙草幾好𡁻口第一次食幾得意個人就覺得嗰幾粒士多啤梨唔係幾夾因為成碗野都甜甜有幾粒酸嘅士多啤梨唔係幾夾呢個茶唔錯可分成兩杯Chill 之選奶蓋鹹鹹甜甜幾特別🍵🍵餐牌顏色非常鮮豔🌈與圖都大致相符！

茶木有好多間分店，開既位置又方便，好多時諗唔到食咩一望到個招牌就會去碰碰運氣，如果無人等位就入去食，今次真係好好彩，又唔使等啦! 先來「寶島三小碟」，二人份量就岩晒，左邊的是麻辣豬耳，中間是炸蒜香豆腐，右邊是煙燻流心滷水蛋。豬耳麻辣度適中，有肉有咬感，不過切細方形唔太方便夾；豆腐就普普通通啦，只是感覺一件有點咸有點甜既小吃；滷水蛋偏酸，但煙燻算重，還可以。 「酥炸雞排手作麵」的雞排砍至數塊，炸皮跟肉分離，但完全沒有酥炸感，肉亦無咩味。然而，手作麵及湯底好好味，清而有陣陣肉香既湯底，配上麵質煙韌極有口感既麵條，令人遂條遂條，愈食愈上癮呀!! 試完湯麵都要試下「青醬蝦手作麵」既，係另一種享受呀! 青醬包圍住每一條既麵條，唔會過多亦唔會太少，剛剛好既汁，好refreshing既感覺，清新得來但啖啖creamy! 蝦既份量都可以，成碟麵真係想一食再食呀! 飽飽都要試呢度既「黑糖芒果芋圓」，有士多啤梨同埋芒果可以揀，不過上到來發現芒果比想像中少好多，我諗叫咩水果都唔係重點吧了! 整個甜品係略甜，但紅豆蓉夠沙，芋圓夠煙韌，加埋其他豆類，提升晒口感既層次，食到唔同既質感。期待下一次再來食手作麵呀

接近9點黎到，等左一陣就入得去啦🤩🤩入去坐低嗰陣已經擺左兩杯水係度👍🏻今次叫左一碗酥炸雞排麵and招牌蜜糖吐司share雞排香脆可口，薄薄既一層炸粉，雞肉嫩口juicy😋😋麵條依舊彈牙爽口，是我喜歡的質感！湯底濃濃的牛肉味叫野食嗰陣，叫左甜品蜜糖吐司後上，食完個麵之後就叫左佢可以上得，點知等左成20分鐘後先上到比我！😡😡好彩黎到既時候個吐司🍞係熱既，脆身有蜜糖味！兩個人share都好足夠！超飽超滿足！

來到Happy Friday，相約在銅鑼灣茶木同朋友慶祝生日，茶木都好耐冇食過了，餐牌上的食物和食物種類都比幾年前選擇多左同整得靚左。以前的茶木需要排隊最少一小時先可以入餐廳裡進食，而家可能分店開多左，排隊的時間減少左，是次等侯時間都只需10分鐘左右。酥炸豬扒肉燥飯 ($67)，鹵蛋肉燥飯是充滿台灣特色的食物，味道香濃，而酥炸豬扒香酥可口，並不油膩，的確唔錯。酥炸雞扒麵 ($69)，粗和厚身的麵條口感好彈牙，而且湯底是用新鮮的牛肉製成，所以特別濃味。而酥炸雞扒份量都不少，雞扒同樣炸得酥脆，而且雞扒起哂骨，啖啖都是肉，感覺好豐富。草莓蜜糖磚塊 ($78)，這個經典甜品，我諗應該是必叫，儘管新增了好多賣相吸引的精緻甜品在餐牌裡，草莓蜜糖磚塊還是最吸睛。一塊塊厚身的吐司塗上了滿滿的蜜糖，熱騰騰的焗出黎，一層層的放上了新鮮草莓、草莓醬、草莓雪糕和一粒粒的綿花糖，有多重的草莓滋味，食落去也有幸福的感覺!

最近有看到加Facebook 常被朋友們分享的一篇文章，大約是說多少年的朋友代表甚麼。那麼，由小學開始到現在的朋友，超過十年了，依舊還在，應該請進生命裡。雖然還沒有到20年，但也是得來不易的十多年。有的長很高了，有的變成熟了…大家都在一直改變，變得更好。難得的一次聚會，當然要選一間喜歡的餐廳，由朋友 C小姐決定，要到這間「茶木」聚一聚。雖然我一年多前等位也是等了一個小時有多，但想不到一年多過後，還是那麼多人！熱潮還沒過嗎？我們拿了號碼票，也等了一個小時有多，才有位置可坐！真誇張！等了那麼久，當然要快快點餐了，肚子都快要餓扁了。肉鬆豆腐把豆腐切成薄片，再淋上牆油，之後舖上大量肉鬆。其實我個人麻麻地肉鬆，是不會抗拒，但也不愛吃。一開始夾著肉鬆豆腐一起吃，肉鬆太鹹，又加上醬油，有點令人招架不住。所以，我有點挑，挑走了肉鬆的部份，然後只吃豆腐，覺得好很多了。豆腐很嫩滑好吃 ，皮蛋也好吃，醬油味道也不錯（不加肉鬆一起吃的話。）紅油抄手抄手是四川人叫雲吞的名稱，但記得第一次吃紅油抄手卻是因為台灣菜而認識。因為台菜比較大眾化而且台灣的紅油抄手也做得不錯。不過「茶木」的抄手，紅油不是很辣，屬於微辣形抄

天時暑熱，好想食下雪糕甜品，突然想起很久前在茶木食過既雪糕磚塊，幸好茶木係有好多間分店，與友人好即興走到去銅鑼灣既茶木，週末食飯人多不在話下，等位都是必然，但今次很幸運等了都不超過十分鐘已有位，當然少不了最愛食既牛肉麵和至愛既金磚芒果香草蜜糖磚塊，呢個甜品即使兩個人食都會感到漏，多人分享才更美味，曾經食過朱古力和草莓味，今次嘗試芒果，同樣咁好味好鍾意食台灣式既牛肉麵，牛肉好夠腍，連白蘿蔔紅蘿蔔都煮得好腍，好入味，每次去茶木都必食既牛肉麵牛肉麵係我既首選，咁豬軟骨就係我既次選，豬軟骨同樣好夠腍，好入味香煎莎朗肉躁飯~酥炸呵嗲，呵仔唔多，麵粉居多，但炸得十分香口，酥脆搭夠紅油炒手~

茶木分店巳經遍滿全港九 除咗深得年輕人愛戴我想唔少女仕們曾經為咗食有如成坐山嘅磚塊而心動明知食完卡路里爆燈都唔理咁多不息大排長龍 為着一嘗磚塊嘅味道我同老友記正正就喺一個好例子其實茶木出名必食又點止磚塊呢！時間尚早 六點半上去完全唔需要等位嘅情況下入坐先叫個小食雞翼  以前嚟多數會叫台灣牛肉麵 今次想有飯落肚 叫咗古早烤香腸肉燥飯鹵肉份量多 味道岩岩好唔會太鹹 照燒醬大雞排雞塊  外層炸得香脆但好熱氣招牌甜品水準依然保持得住 蜜糖磚塊與雪糕融合在一起一冷一熱  Woo~令人大啖大啖哋吃 真喺好滿足呢！

次次午餐去食都食自選套餐，但係今次我就簡簡單單點咗鹽酥雞扒麵。個刀削面送來熱辣辣湯底好味值得一讚，但個鹽酥雞扒就薄咗d，又炸得乾咗d。我鍾意茶木跟嘅餐飲有冬瓜茶同紅豆薏米水，比起平時檸茶檸水咖啡奶茶沉悶嘅選擇多一點新意。有樣嘢提提大家，下次叫餐飲嘅時候就得叫走飲筒啦。因為每枝飲筒都有獨立包裝，實在太唔環保。希望茶木都可以諗諗點樣可以走塑，為環境保護出一分力。平時同女女去食茶木一定留返個肚食埋麵包磚甜品，脆脆厚多士加雪糕係小朋友最愛，其實何只小朋友，亦都係媽咪嘅最愛。

之前食過中環茶木，今日就去銅鑼灣廣場1期6樓試下，下午茶時段， 叫咗一個鹽酥雞麵， 麵好好食。個湯底都唔錯好濃味又加埋入面仲有啲雪菜， 呢一間的鹽酥雞粒的味道， 沒有中環分店鹹味咁重， 飲品相比較中環分店多選擇，叫咗個熱~黑糖珍珠奶茶。 另外再叫咗個台式雞蛋肉鬆起司捲餅👍👍👍好味道。 店內人流多座位都坐足九成 ， 侍應各人出出入入忙碌著，一舉手待應馬上來。

平時食茶木，都係點個牛肉麵或肉躁飯，今次見到有新出麵食，就點咗黎試試。佢張圖片就好吸引，不過現實總係與理想有距離。雖然佢有四種唔同既麵條，但其實只係顏色有分別，味道就無乜大分別。佢麵量都唔少，除咗蚵仔之外，仲有椰菜、蝦米等，用料都幾豐富。湯底就淡味啲，我就覺得唔錯，不過如果口味偏濃味既話，就可能覺得太淡。

又到同事們相聚時候，吹一吹水，講下苦水，因為好大雨，就在附近食啦好耐無食茶木，我們就食這間啦茶木午餐：前菜+主菜+飯/麵前菜：豬耳～好爽口，好特別 玉子蛋～軟淋淋，好有蛋味 大豆芽～爽甜多汁主菜：巴蜀松子雞～偏辣，太油，雞只有雞味而且偏淡飯/麵：肉燥飯，飯好軟適合老人家食前菜：好味主菜：鳳梨甜酸鱸魚柳～兩大块，炸得脆口，好有魚香味，超新鮮飯麵：牛肉麵～寬麵彈牙，牛肉嫩香豬軟骨麵～好香醬燒豬軟骨，麵條彈牙

今日同朋友上黎食野 冇諗過食餐飯會食得咁開心 職員好風趣幽默 成日搞gag tum得我地開心 食物質素本來已經唔錯 有埋服務質素既加持好加分 不得不讚揚員工sammy既工作態度😊