茶木‧台式休閒餐廳 (Closed)

我同男友放假多數食下午茶，但呢排因堂食只到下午六點，所以放假就早啲去搵食。今日就去銅鑼灣廣場茶木，呢間茶木我去得吾多次，隔咗幾年後才再嚟，環境變化不大，都幾寬躺，我們兩個人安排了最後的卡位，吾錯可以同人保持距離。我哋叫了兩容SetA，呢款午餐有前菜加主食。我們叫了地瓜燉牛腹腩配中卷麵線同酥炸排骨配肉燥飯，再加三款小食，分別是金黃鹽酥雞、起司蘑菇釀雞翅、紅油抄手，仲配兩抔飲品，是台式酸梅杯同紅豆薏仁水，還可以追加一杯芋圓仙草豆花$23。三小碟$（50）有三款紅油抄手吾夠🌶，但伴碟青瓜入晒味，一般啦起司蘑菇雞翅，好味，無骨，啖啖肉正呀鹽酥雞當然有水準，而且吾會過咸，肉質鮮嫩，吾錯。主菜份量足，都幾抵食，前菜三小碟，本人較愛溏心蛋，茄瓜也不錯，吾太濃味，芝麻醬時菜一般，肉燥飯味道好好，但肉燥較少，至於主食酥炸排骨就偏咸，味道吾討好同鹽酥雞相俾失色不少。另一份地瓜燉牛腹腩份量超抵，因牛腩都較多，而且唔會太硬，好軟，吾會似某D店鋪咁咬都咬吾，開，值得一讚，不過越食越覺得咸，所以牛腩要配飯，如果配麺線就過濃味了。好在飲品選了酸梅冰，中和了咸味，喝了感覺好㚒，而紅豆薏仁水就太甜，個人覺得吾太好飲。最

同大少都已經食過好幾間台灣餐廳，反而來茶木係第一次。平時食過其他地區嘅茶木，水準都比較穩定。但係今次呢一間有少少跌眼鏡。首先台灣主打都係紅燒牛肉麵，我哋一坐低，侍應已經話冇紅燒牛肉麵買。我哋左諗右諗終於揀咗香腸滷肉飯同埋新囗味嘅麻辣半筋半牛肉麵。個滷肉香腸飯嘅水準同平時差不多，但係個半筋半牛肉麵就有少少嚇親我。個麵都OK，有少少煙韌，但係啲牛肉就好似火鍋肥牛肉咁碌咗落去個麻辣湯底度。我同大少都冇叫套餐，無嘢飲，求其食完就走咗啦。下次去茶木，唔會夠膽試佢嘅新口味。

琴日17/7，諗住自己一個落銅鑼灣行陣街見有啲肚餓就上左茶木食嘢。上到去見到都有幾多客，但係我一個人都坐左一張四人枱，幾舒服，安排客人入坐做得幾好。之後落單落左一個雞湯拌麵，麵有啲乾，螺片雞湯幾好飲，但係味精味有啲重，跟餐叫左一杯綜合水果茶，橙汁味比較重，酸酸甜甜都唔錯。落單嘅戴眼镜女侍應態度好好，熟悉嘢食嘅成份，問佢邊杯野飲有啲咩都答得出，講嘢好舒服，亦都好有禮貌，應該做得比較耐，之後都有見到佢教緊其他人落單。係銅鑼灣九十幾蚊就可以有呢個質素嘅食物同服務，我覺得絕對值，仲可以上多幾次。👍👍

個侍應服務差到一個點 落單既時候 佢無啦啦 除左個口罩 同我地落單 態度又差 佢又發脾氣又落錯單 食物又細碟 同另一間相比 份量係細d ；下次去世貿果間好好多 銅鑼灣廣場呢間要受佢氣 唔好去啦

之前經過一次，見到午餐的餐牌，頗為吸引。今日想起了它，不用多想便決定去茶木午餐。午市精選套餐前菜、主菜 、滷肉飯或面、 飲品 前菜三小碟前菜有三小碟， 有泡菜、炸豆腐和滷蛋半隻。蛋很入味，好吃。主菜係檸檬汁魚塊 。分量很足夠，魚塊炸得好香脆，而檬汁的調味剛剛好，有點酸酸甜甜，很開胃。另外配有麵條。紅豆薏米冰飲品我選了紅豆薏米冰。 帶著絲絲的薑味，女仔飲清熱得來唔會太寒涼。整體上味道較濃。 到算不錯的 ，值得試試。

平時去茶木都係食開「紅燒牛肉麵」同埋toast甜品，2樣都好味不過今次發現到更好味嘅set!「微辣手工拌麵」有自家製嘅椒麻拌麵、台灣直送嘅麻辣鴨血、熬煮12小時嘅麻辣半根半牛肉麵條吸晒秘製醬汁，每口感覺都椒椒麻麻。牛肉燜燉得香軟鬆化，配上剛好微辣嘅湯汁。鴨血滑溜，麻辣入味。配埋杯黑糖珍珠奶茶，甜甜地，珍珠煙韌，十分滿足😊仲試埋茶木嘅茶包「黃金蜜香紅茶」1盒有10包不含農藥、化學肥料、除草劑茶香濃郁，有回甘味

記得茶木啱啱嚟香港嗰陣 個個少女都衝着佢個多層吐司 喺銅鑼灣行到攰攰地就想去食下佢啦吐司都炸得幾好嘅 卜卜脆 水果茶熱飲都幾好飲嘅但係佢啲咖啡呢就真係麻麻啦今次上到去發現仲多咗啲西餐 有機會嘅下次都想試試

今之同同事一齊食lunch佢地話想食茶木 對於我黎講 食茶木係前兩三年既事 果陣係食佢既招牌炸多士 今次就黎試下佢d lunch set 唔知值唔值得黎推薦比大家呢咁我就點左 lunch set咁佢入面就包括有麻辣牛肉 鴨血豆腐同椒麻撈麵麻辣牛肉 我個人覺得一般 唔麻唔辣 普通左少少鴨血 豆腐 我都覺得麻麻地 唔夠入味 始終台灣當地既會好食d 至於主食 椒麻撈麵 我略嫌佢太乾身 味道中規中矩 唔太特別 不過可能正正佢咁鬼乾身 令到我覺得勁飽😂

其實都少左食茶木好多，亦都好少寫差評，今次食左一個套餐，呢個餐本身$68+30蚊飯品沙律，又冇圖睇是但簡左個酸菜雞之類，黎到簡直o左嘴，賣相唔好之餘得個酸字，仲要好辣（平時都鐘意食辣野），啲雞又超勁鞋....同朋友一齊食嘅士多啤梨厚多士，同枱都話比以前係茶木食過嘅細左....味道都是不過不失，烤得唔夠，得層雪糕面搭夠...最嬲係服務差，我地9點半到，餐員同我地講10:45要離開，咁ok，last order時間過埋，我地發現有一杯水果茶落左單但未黎，個職員仲要質疑番我地係咪last order後先加單，我地指到明唔係以及係邊個職員幫我地落單。10:20分左右開始，職員就不停係我地身後行黎行去，10:30仲要企係到叉住條腰咁望實我地幾時走！10:45一到即刻叫我地走。講明先我地絕對冇打算阻人收工或者玩野，如果你地真係唔想人地10:45先走，點解仲要放人入黎？

紅燒牛肉麵牛肉好大舊，個湯底好濃，好味。啲面係粗面，厚厚地，好有口感。豬軟骨面同牛肉面差唔多，豬軟骨好淋好味，好入味。鹽酥雞份量好多，好大粒，肉都多，熱辣辣仲好脆。豆腐份量亦好多，外脆內淋，入口即溶，超好味。豬扒肉躁飯好大份，豬扒好大塊，啲肉好滑，啲皮好脆。珍珠奶茶要搞混啲先飲，因為啲珍珠好甜。芒果磚塊啲包比以前食無甘脆，啲醬可以多啲，有啲少，不過都好食嘅。

早前同朋友係銅鑼灣一帶食完飯慶祝生日，想揾間甜品店食個甜品傾下計。捻起以前成日都會食茶木個toast，所以就黎再食一下！除左我地必叫嘅toast之外，我地另外都叫左幾款cake。另個cake嘅名好得意，叫小茶木劇院。面層有一層朱古力，別外下面會有一層層酥皮，好似食拿破崙嘅感覺，味道上有啲似提拉米蘇，唔會叫特別甜，都幾好味。另外我地再叫左件最傳統嘅藍莓芝士蛋糕。餅底佢都係用平時蛋糕多用類似消化餅嘅餅底，食得出佢有足夠嘅cream cheese，唔會有假cheese cake嘅感覺。另外一個我地見佢外型幾得意就叫黎試下。佢其實係有菠蘿cream用面嘅tart，味道偏甜少少。最後，都係最期待嘅當然係佢個芒果雲呢拿蜜糖磚塊！佢會有3塊焗到脆卜卜嘅面包做底，再加上芒果粒同芒果雪糕擺頂。一冷一熱食落十分正！果然水準依然無令我失望！

第一次寫食評，原因係冇諗過一間咁大飮食集團旗下嘅餐廳服務會咁差，一入去啲waitress 已經冇咩笑容。ok拉，冇笑容姐！落單時，勁趕時間， 問多句都吾想答。落五樣嘢，少左兩樣🤦‍♀️ 啲waitress掛住自己傾計。廚房出野出得慢，食三點三，食客一啲都吾多。出左一碟野食，食完第二碟都沒上。嘢食質素麻麻，嘢飲ok, menu 選擇好多，但有些係冇嘅. 為一覺得可以就係環境，同朋友飲杯野傾下計，可以選擇。不過整體感覺失望，不會推介.

參加616反送中遊行，行到6點半，於是去好就腳嘅銅鑼灣中心搵食。落單阿哥態度好差，黑口黑面，我地叫左幾杯飲品，送黎嘅時候完全唔出聲講邊杯打邊杯，問佢先敷衍地答鹽酥雞扒肉燥飯，炸得好鬆脆，不過皮太厚，肉好少，配菜唔錯，肉燥飯都足料好食。芝士奶蓋紅茶，芝士味濃，唔多解渴，早知揀果茶啦！

以前好鐘意食茶木嘅牛肉麵，因為方便，又唔洗點排隊，又幾好食。已經有一段時間無去，今次想再食返個個味，但係。。。佢已經變左終極難食。雖然個湯底好似，但好明顯無以前咁濃，個紅蘿蔔未煮腍仲有渣，牛肉勁硬，好難咬開，仲要衰在湯上面一食已經見到有住昆蟲係入面，但我太餓，佢又細細隻，求其拿返佢岀黎費事嘈，如果一開始發現咁難食，早知換左佢好過。之前叫過個水蜜桃花茶，真係好好飲，但係，今次，我頂，都唔知係咪俾錯咗人地飲淨嘅我，啲料浸到碎哂，飲落得蜜糖味，果茶=0, 倒第二杯直頭無哂味添，救命，好難飲。

星期日在銅鑼灣下午五點幾，自己行街hea 到world trade center有D攰又有D肚餓，本來想tea, 但見吾湯吾水，唯有揀間light food 醫下肚。見到茶木又在門口貼晒D電影poster 幾吸睛，入去被安排坐門口兩人sofa 位。睇下餐牌小小貴，雖然一心想tea，見個多士雪羔都$86， 最後揀左個香腸飯當提早晚餐算了、盛惠$76。諗住食到一半再叫drink, 因為個賣相實在吸引，何況我本人like 珍珠。一坐低，男侍應好nice, 話轉頭比杯水，好warm, but 飲落似水喉過濾水。overall 食物由上檯賣相、食落都幾好，只系返屋企後勁飲水，又覺口好干。最後，令我冇叫野飲走左原因😌系因為有個阿伯行動不太便，七個人等位未有枱，竟然要求坐在我對面「坐住等位」，冇所謂啦。但佢個朋友阿婆居然話都攰，坐我隔離位坐一陣😒，但我隔離是有家三口坐緊，只系媽咪開左似冇人坐。天阿！呢兩個人居然記得自己搭坐，大大聲傾計，中途又有個孫女約六歲，走來坐上對面阿伯大肶磨來磨去，呢班人極度滋擾，D侍應經理居然「睇吾到」又冇阻止。😣😣我好快咁呢食完。隔離枱男人見佢地咁嘈，終於忍到食物送上來就