茶木‧台式休閒餐廳 (MegaBox) (Closed)

唔知幾時開始,megabox 係人頭湧湧, 我既印象中都仲係冷冷清清,無咩人流既商場。黎到見到地下有間茶木,就無再諗走入去食返個lunch先,環境服務灰過不失,但水1都唔比杯,要叫2次先比就慢左小小,但食物水準都係平穩既。叫左個鹽蘇雞湯麵, 個雞其實炸得鬆脆既,可惜既係雞肉薄到紙咁。。啲脆脆同個皮係厚過肉好多倍。。 湯麵味道好食又夠熱。呢個台式牛肉半根半肉伴麵, 個麵係出色既,亦對佢個麻椒味有驚喜! 但對佢個半根半肉覺得離晒譜, 肉係用打邊爐既肥牛剪碎佢。。。叫左個併盤,不過不失整體味道好食,但用料過份差, 有欺騙成份。。。

平日的Mega Box 比較小人，就是喜歡比較寧靜的環境。試了伴麵套餐，額外加$30，就有埋飲品同租品。雞絲麻醬沙律,，開胃慢煮牛肉，有小小辣甜品豆花芋圓，不太甜黑糖薑母茶，夠熱，濃濃的薑味

役情期間冇得去台灣旅行，只好找間台灣餐廳食，剛好經過茶木，見到下午茶套餐有刈包和麵線套餐 ，因為之前在台灣吃過，好好味，好懷念呀！所以就叫左這個雞排刈包餐試下。但食後有些失望，完全不是台灣那種古早風味 ，似是西式漢堡風味多些，只是西式包換了刈包，有生菜，雞排，沙津醬。味道還可以，但不是我要的古早味。致於麵線都系一般般，有名冇實，沒有地道味道。嘢飲就唔錯，薑茶有薑味。價錢都算合理$5X，環境又好舒服，可以慢慢享用!

小朋友考完試輕鬆下先⋯⋯7:00左右嚟到呢間餐廳，不用等位，直接入座$28地瓜條，我選擇用話梅粉，酸味味好正，上枱又夠熱三星蔥油餅$36，呢個真係得，多聰我鍾意，又係熱辣辣上枱招牌紅燒牛肉麵$80，三大嚿牛肉，好正，夠林，麵身彈牙柑桔醬鱸魚柳玉龍果$70，另加$30 ，有白飯、飲品、甜品，鱸魚柳餸珍珠米飯，酸味味，好好味⋯⋯話梅冰一般甜品唔錯，但只有兩粒芋圓套餐：台式麻辣牛肉+椒麻拌麵+麻辣鴨血拼素鵝$68，拌麵最正，其他一般 埋單$343，價錢唔太貴，因為大致上食物質素唔錯

響九龍灣行街，順便入下貨。嚟到Megabox 茶木食個台灣麵，叫咗個微辣手工伴麵嘅套餐: 有金盞花螺片濃雞湯，自家製麻辣拌麵，同埋仲有一個麻辣鴨血同腐皮素雞。我另外加左杯凍奶茶。呢個餐嘅份量對於一個女士來講就啱啱好，但男士就可能未必夠食。想講個雞湯超濃，餐牌果然無呃人😝裏面亦都有幾件雞件、有兩朵金盞花(有少少甘味)、仲有雞脾菇，幾樣野裡面最正就係個湯。而個麻辣鴨血都有煙煙奀奀，但就唔夠麻辣味(真係餐牌寫嘅微辣)，同埋得一件又唔夠喉😅個腐皮素雞就個皮比較硬😪最後個麵都夠彈牙，有少少麻辣醬撈落去都夠惹味。整體來講都可以啦。

疫情之下要返工只好叫外賣啦 不過講真今年食飯平左好多好似今日咁同同事一齊叫 先47蚊仲送埋珍珠奶茶啊食物份量同埋食物既味道咪又係同堂食一樣唉 以前食堂食70蚊左右又要加一又要單點無野飲送我只可以講係苦中作樂疫情之下 唯一可以安慰到自己就只有食!!!!!!!!

九龍灣megabox行宜家傢俬反而今日唔揀宜家傢俬樓上食，想坐得舒服啲 又想有人服侍咁就走咗落去地下嗰層嘅茶木嗰度食下午茶二人餐呀！坐低望下個餐牌點解 加爾行山咁就問下事影啦時應即刻就幫我哋點餐但係飲品係冇得揀嘅一定要飲美祿如果飲其他要每杯加18蚊咁當然就梗係唔會啦咁所以就咁點一個特價後二人餐 上菜很快 有一個 帆立貝有兩隻另外一個 肉丸米粉 分量也不少二人吃得飽飽的美祿亦不會特別甜總括這一餐環境食物衛生各樣嘢都是好評！下次再來的時候 💕應該也會選擇這裏吃下午茶了♥️

我昨天去了九龍灣megabox shopping , 下午茶時間到了， 肚子餓了， 到處找找好吃的餐廳， 見到地下層便是我平時食開的茶木， 一定要吃他們新出下午茶，現在配埋人氣愛文芒加$18 便可以了， 一定要加配啦！ 食物上的元貝飯和貢丸米線真的好味， 但個飯有點細碗，飯有些濕過頭， 其他都維持水準的，因為分店我都去過不同的分店呢！而杯愛文芒便仍是好好味， 好想飛去台灣飲啊！掛念旅遊時光的朋友可以先去茶木品嚐美食先了！

我去親Mega box，差不多次次都係呢度食，今次再幫襯有啲唔同左，啲人好似換左，有禮貌左，而且主動提我有泊車優惠，呢排佢哋成日都有優惠推出，又啱我個女食，呢間環境又真係幾舒服，所以我都嘉許下😂😂，不過如果再多啲優惠當然更加👍👍

肚子餓一家三口入茶木食個飯先，肉操台灣腸一直都係穩定好味😋今日試咗個滷水原來都唔錯喎😋如果個蛋再流心啲就更好😆囝仔一直扭計好嘈食藥又嘔勁唔好意思😞有個女職員靜靜送上一杯溫水仲比左粒糖小朋友🥰

呢日 #小秘書 同 #屋企人 出去揀 #sofa 🛋 行咗成個下晝，腳仔都軟埋😅 好在有人嗌肚餓... 我終於可以抖一抖😴 Mammy 提議近近地去樓下間 TeaWood 茶木，不過我印象中，#茶木 一直以嚟都無做 #下午茶餐☕️ 不過今時不同往日，大家都要慳啲使... 可能因為咁，商家都開始順應市場需要，優惠都多咗🤩 嚟到 #茶木，例牌動作先要探熱，匆匆忙忙諗住趕喺5:30前落單，試吓新出嘅 #迷你肉燥飯 配 #鹽酥雞翼... 點知一等再等，#服務員 埋到嚟又話我哋過咗鐘😅 搞錯呀... 不過最終都比Mammy講掂數🤣 勁👍🏻 #肉燥飯 配咗半隻 #溏心蛋，#肉燥 同正統嘅口味有啲唔同，不過都好啱我口味呀，配 #白飯 就最合拍😋 #鹽酥雞翼 好香口，口感唔會太油膩😉#餐飲 我揀咗 #紅豆薏米水，飲落有啲薑嘅味道，感覺有啲怪☺️ 不過連埋加一都係$42，就當交租搵個地方舒舒服服坐一陣都抵啦😉

今日去左食lunch set叫左兩個$83 既set 一個係豬扒飯 一個係松露意粉，飲薑母茶同薏仁紅豆水。首先，坐底叫完食物，隔離唔知噴殺蟲定點，成陣味飄過黎，其實有食客係度，你一係安排客人調走，一係你就無人時先做！隔離枱首先舉手要調位！我跟之後飲品先到，黑糖薑母茶好夠薑，正！薏仁紅豆水就有問題啦，同我印象中既味道唔同，有少少酸味，怕變壞無再飲，但見到隔離左右既人都照飲，咁可能我問題！之後豬扒飯，豬扒夠軟身，不錯👍🏼手工意粉都不錯，個汁好惹味！ 但食食下有隻大烏蠅係度飛下飛下！影響曬胃口，佢仲有幾次低飛想食嘢！食飯時間，為免要搭枱，食完快快手啦！張相影唔到但拍左短片，歡迎餐廳同我對質

入到門口個侍應黑晒口面又呼呼喝喝叫我地等等。坐低左見到個餐牌同其他茶木既分店唔同都唔在講，個女侍應講嘢好似稟神咁好難先聽到佢講嘢同埋態度好差。餐飲加$30我唔知係咪叫正常，但係其他茶木例如淘大同德福都冇聽過話要加錢。叫個奶油蜆肉拌麵，啲蜆殼用鑊鏟炒抄定係用錘仔抄呢？抄到碎晒咬到我牙都崩，經理叫我換過其他嘢食我話唔使啦喇，埋單俾錢同我經理講個女侍應態度問題，個經理答覆係話個女侍應係攞白卡，我唔歧視揸白卡嘅人，重點係講員工同經理嘅態度問題同經理既處理方法非常冇水準。以後唔去食

去完megabox玩，去到低層唔想上返去揾食，就入茶木。其實年呢1年食茶木覺得無以前咁好食，不過懶就照入去食啦。因為帶住個仔，所以我地叫左一個晚餐share食。叫左黑醋豬軟骨飯+$30就有甜品同飲品豬軟骨夠林，易咬開，唔會乾身個汁算係咁，入面仲有3舊蘿蔔蘿蔔就唔入味甜甜係草莓檸檬蛋糕感覺雪感有2，3日d色粉已經睇得出再cut個蛋糕個硬度就更加知蛋糕唔太甜，但無乜草莓味檸檬係入面，都食到有檸檬味唔難食，但唔可以話好味飲品係黑糖冬瓜茶，唔夠味，好淡餐飯$10x，有點不值可能出於個蛋糕，我對佢太有期望但個豬軟骨都算好食既

下午茶剛開始入去，想食最新的麵線和炸雞比套餐，點知話冇麵線用新竹米粉代替，我改叫牛肉麵，又話冇牛肉，咁我又改叫炸雞比，又話冇雞髀，如果要，要等一個鐘頭，我當然再叫第二樣啦，叫芝心雞翼滷肉飯，點知佢話介唔介意冇隻蛋，我當然介意啦！價錢又唔會改，我問佢咁有邊啲野係有㗎？喂跟住佢就再問清楚有冇蛋，跟住佢話而家有蛋，咁我就叫咗芝心雞翼滷肉飯+鹽酥雞麵（不願意嘅情況下叫咗這個餐）（下午茶餐牌內），因為坐低左和肚子餓，費事走去搵其他地方食嘢。點知我Order到了不到10分鐘，就見到隔離枱到左隻超大雞髀，但係隔離枱係同我差唔多時間落order，我就問個侍應(男侍應）又話冇炸雞比，佢話啱啱返喎，要我俾多20幾蚊叫另一個餐，唔知你哋想做乜嘢，好離譜囉！乜嘢都話冇，但係唔知點解我叫就冇人哋叫就有，服務態度唔多好都算（有個女侍應黑面神），你哋啲侍應做嘢唔清唔楚，成個餐牌一半野都話冇，唔好俾個餐牌人哋睇啦！擺個下午茶套餐牌喺門口但就乜都冇，就唔好成日放喺門口呃人哋入去！