茶木‧台式休閒餐廳 (MegaBox) (Closed)

與三位朋友共四人溜冰前決定在茶木進晚餐，雖然已經吃過紅燒牛肉麵多次，但依然保持水準。今晚另點了流心起司竹炭吐司和新菜式香芒百香果大蝦起司手作麵。先來香芒百香果起司🧀️手作麵，無論是名字或是味道都充滿夏日氣息，但我們在秋天時用餐🤣🤣！我認為香芒和百香果一直都很搭，此碟麵亦做到這個效果，醬汁小酸甜，配搭煙韌手作麵正好，因為手作麵有粗度，咀嚼麵時可品味醬汁化在唇齒的感覺。芝士味不太濃，正合我意，碟內有五隻蝦，菇分佈平均，是頗為清新的一碟菜。再來紅燒牛肉麵，因為大家都愛好，所以點了兩碗😋。這裏的牛肉甚得我心：大塊、肉帶筋、軟、入味！麵則有時會煮得較硬，有時較軟，我偏好軟些。最後以流心起司🧀️竹炭吐司🍞作結。嚐過這碟甜品的朋友說這次吐司尺寸「縮水」了，我第一次吃，今次的竹炭吐司確實比蜜糖吐司等小。吐司上有曲奇雪糕，雪糕下有一小塊脆吐司。切吐司時芝士湧出來。芝士味完全不濃，竹炭吐司點過芝士後吃起來味道偏淡，或可說有點鹹。不知是否吐司「吸水」快，所以芝士感覺不多，曲奇雪糕幫助提味，可是整體味道及口感都不及蜜糖吐司。

今次叫了一個意式鱸魚青醬麵 ， 鱸魚方面是煎的 , 保持了魚肉的鮮味 ， 而青汁就比較爽口 特別 ， 其他地方是沒有試過的 ， 上菜的時候見佢細細碟 ， 但食落都係幾飽 。此外還叫你一個英式yoga 保濕豬扒燕麥飯 聽落個名非常之特別 ， 食落就甜甜地 ， 真係好有意大利飯的感覺。

每逢週末，都唔想煮飯，但出外唸去邊度食亦都係另一個難題⁉️今日好早就出咗嚟，要唸埋餐午餐食咩🤔唸住去九龍灣MegaBox，因為除左為咗食之外，仲有不同類型的商舖及玩樂設施，啱晒一家大細！一去到老公就話要去食茶木（屋企附近都有間😌），究竟有咩吸引佢？我都唔知😅叫咗兩樣嘢：🥢黑麻油雞翼麵：無乜麻油味，應該係滷水雞翼似啲，麵條可能未係煮得透，有點硬😒🥢蚵嗲肉碎泡飯：熱騰騰，蚵仔肉脹卜卜，幾大粒，味道不錯👍

人在九龍灣上班，雖然餐廳選擇的數量都算過得去，但有一樣野係岩岩缺少左的，就係粥。所以自從得知茶木係有供應蠔仔肉碎泡飯之後，每逢個人想食Ｄ熱野或者湯湯水水嘅野，雙腳就會自動帶人走到來。這裡的蠔仔肉碎泡飯不便宜，要差不多$80一人份，但溫度夠，湯多，料足。先飲一啖湯，是濃鮮再有胡椒的味道。蠔仔俾嘅份量多，處理得乾淨唔腥，份量多到幾乎都食唔哂，加再上炒香的蝦米，魷魚乾，肉碎，算係好唔錯的。另外有時都會再加小食，有一次意外叫左一客豆豉炒白苦瓜。一向都唔食苦瓜嘅我，都食左半碟。可能佢用左白苦瓜（貴價野），炒出黎嘅效果係同台灣食到嘅好接近，有驚喜！！

餐廳寬敞, 環境清靜, 可能與餐廳所在的商場位置有關。假日餐牌平日餐牌平日與假日的早餐, 大致相同, 價格相差約$3, 大部份圍繞$40-$50, 偏貴。1) 台式早餐 $43- 板煎雞排泡麵拼雞肉直布羅陀腸- 玫瑰茶 (熱)2) 肉鬆多士 (加配優惠) $63) all + 10%泡麵用的是福字麵, 感覺有點普通, 可轉新竹米粉或通粉。欲轉通粉, 可惜無供應, 又不想吃米粉, 唯有叫福字麵。腸只有一小條, 味道尚可。雞排厚身, 煎得香口, 是整個早餐最滿意的部份。吃畢泡麵還是餓, 於是加配了一件多士。肉鬆多士烤得邊脆, 面頭鋪上滿滿的肉鬆, 口感味道均不錯, 唯整體略乾, 若中間塗上一層果醬, 感覺會更好。

同朋友去mega box等睇戲，見mega box既茶木好大間，坐得舒服。我就入左去，以往都係叫好傳統既台式麵，今次想試新野，fusion，就叫左“香芒百香果大蝦起司手作麵“ 掂知一等等左近40分鐘 食物最後都到左，不得不說，味道幾好，水果既清新，麵條又有咬感。其實味道，賣相汁有d稀，整體都ok既。可以再吃。不過，九龍灣店Mega box既店就真係冇其他分店咁好，可能因為人手不足......希望下次再去唔駛等咁耐la.......

今日新試megabox tea wood既珍珠奶蓋戚風蛋糕味道做得好好 甜度適中 上面加上杏仁脆片 食落好有口感 我係細食既女仔一個自己都食得曬 戚風蛋糕係外面食一個都好貴如果大家想試可以係6:00前order 因為6:00前係$68 但6:00後就收$88 另設加一服務費 但佢只係兩款味道選擇 一係珍珠奶蓋戚風蛋糕 一係抹茶紅豆戚風蛋糕

茶木就大家都食過啊，今次去到MegaBox間茶木。間鋪頭好大，佢分開咗兩邊，一邊外賣部做外帶飲品同埋麵包，另一邊就做餐廳。講咗餐廳先啦，今次叫咗三樣野，第一樣係沙朗牛肉燥飯，d牛落左鬆粉不過都ok,啲飯都幾香，加埋啲肉燥都唔錯。另外叫左第二樣係鱸魚青醬手工面，塊魚好鞋又冇味，不過青醬幾好食，而且手工面好有咬口。第三樣叫左豆豉雜菇炒a菜，好咸不過好多菇，食完不停飲水。另一邊做台式飲品外賣，今次冇試，不過買左個包做早餐，同奈雪之茶差得遠啦！

今日是最後一天上班之後就放假去旅行啦！所以下午跟同事們去了 MegaBox 的茶木吃午飯。今次第一次見到有午市飯麵套餐，之前都是要單點的，終於都可以配飲品！由於我要完成手上工作才可放假，所以就晚了一點到餐廳，一坐下同事們已經在吃啦，我就快快點了：糖心蛋肉燥飯：一向都很喜歡吃糖心蛋，這個糖心蛋蛋黃部份半熟，肉燥超多，所以大大碗飯都可以吃完黑糖薑母茶：因為還在咳，所以想一看到薑茶就立刻點了。這個黑糖薑母茶真的很不錯，很有薑味又不會太甜！雖然午餐來講都算有少許貴，但是好吃，都叫物有所值。吃得飽飽後就回家準備打包行李出發去旅行！

偷得浮生半日閒，今日嚟呢一度食個下午茶。平日嘅下午時間， MegaBox都唔算多人，其實好多餐廳都唔爆場。揀茶木嘅原因，就係因為佢樓底高，裝修環境優雅，坐得好舒服。下午茶餐，都有主食同埋甜品選擇，今日有點肚餓，決定食個米粉。貢丸米粉，新竹米粉因為幼身，所以好入味。貢丸彈牙爽口，都算唔錯。黑糖珍珠奶茶，我走珍珠，始終可能都係台式飲品，同港式奶茶「浸」味爭好遠，仲有一種我唔鍾意嘅味，講唔出係咩味，可能係黑糖？下次我都係飲柚子蜜就算啦。雖然冇乜特別驚喜，但係如果以「食」環境來說，呢度坐得真係幾舒服😌。

星期五老公接放工，因為要去ikea買野，所以再去茶木食，上次食完覺得唔錯，又唔駛點等位，但唔明點解入面都算大，就硬係要坐咁迫，枱枱都貼住坐今次又係叫set dinner一個叫酥炸蚵嗲， 另一個叫古早味三杯鮮雞share黎食酥炸蚵嗲超誇張，平時散叫真係大份，估唔到叫餐都一樣分量，絕無呃人，都算足料，略嫌偏油，好滯古早味三杯雞用小火爐上，食到尾都仲熱辣辣，重口味，雞件都算多，普普通通揀左麻醬水耕沙律，普通無特別另一個揀左千層什果蛋糕，真心幾好食，連老公唔好食甜既都話呢個好食，所以encore咁話，好足什果，唔算好死甜，幾清新要左一杯珍珠奶茶，一杯紅豆薏米水，好足料，唔算好甜唔錯

之前中午到茶木食飯，只有單點，飲品也是。但依家出了午市套餐，價錢跟單點飯麵是一樣，但多了飲品，感覺抵了！點了鹽酥雞排肉操飯+薏米紅豆水。雞排一如以往好味，蒜香味又濃，不過這次炸粉多了點喔。飲品薏米比例比紅豆多，薏米味道不算淡，清清地的感覺。

星期四嘅平日嘅megabox超級安靜你都依度梗係食茶木啦呢度係入少少傾到計好嘅地方一坐低我朋友就立即叫佢最鍾意食嘅台灣香腸 果然係好食，台灣腸有煎得外皮脆脆食落口有口感，正😅跟住主菜我哋就叫咗個牛肉麵同埋津白青菜牛肉麵我覺得還好，湯底加咗少少味精牛肉比較硬津白我覺得超伏😝一個字講晒，差重點當然係試佢個黑炭流心芝士吐司味道10分好👍🏻黑炭麵包好味配曲奇雪糕係無敵總結依度係食環境同埋食甜品，其他唔使諗啦

我地平日晚上去到位於Megabox 嘅茶木食晚餐，人流唔多，仲好快有位添。我地主要嚟到係想食佢個甜品嘅。而喜歡甜品嘅我都一定會食茶木嘅草莓香草蜜糖磚塊，每次食都覺得好好食（甜品控）。今次我地一行十人叫咗三個草莓香草蜜糖磚塊，大人小朋友都食到 lum lum 脷~~

中午飯去左食茶木。食左佢呢個炸雞扒嘅牛肉湯麵。怕熱氣嘅女士們，就要小心啲唔好捱呢一個餐啦，因為佢完全係剛剛炸好，雖然呢就好識落非常過癮，脆卜卜咁，但係返到屋企係即刻會生暗瘡。不過整體來講呢我覺得佢嘅調味都好好，份量亦都好多食得好飽。但係我就覺得因為人太多，清潔方面就做得有啲唔係咁好，啲枱同埋坐墊都有啲污糟，特別係我個位有個攬枕，相當污糟。另外呢人太多亦都令到等嘅時間好長，好耐佢先至上到菜。