茶木‧台式休閒餐廳 (T Town South)

Open Now

Now Closed

茶木(天水圍分店）天水圍分店星期六都好多人，不過我最後揀咗坐窗口位，正午會有啲曬，但如果坐呢啲位就唔使排隊。今日食咗假日午市套餐，包咗一杯嘢飲。酥炸雞扒肉燥飯      💰90（已加一）大大塊雞扒同肉燥飯，整體嚟講一個人食會飽😋雞扒啱啱炸起食嘅時候有熱油必出嚟，不過啲肉唔算好滑。糖心蛋好好食，不過得半粒，呢個價錢一隻會好啲（凍）冬瓜茶套餐包埋一杯凍飲，特飲要另外再加錢冬瓜茶甜度啱啱好😆

講真，茶木喺香港非常出名，我終於第一次去食茶木了，非常興奮同開心嘅心情。去到非常多人，我覺得可能要排隊排一個鐘以上，但最後只係排咗半個鐘。最後去上咗個套餐，感覺味道一般，但還算可以。

初初茶木開來天水圍，勁多人排隊，之後一段時間，冇人排，就睇下有咩食，原來有下午茶，試下先！叫左紅燒牛肉麵+免費黑糖冬瓜茶，追加$24紅豆芋圓！芋圓味道正常，但少到呢，4口已食完！牛肉麵，發揮正常，2件牛，肉夠淋，又夠味，麵正常水準，都係10口內KO！有興趣可以一試！

話說我今日中午去呢間茶木食 入座嗰陣都OK正正常常 ， 咁嘢食嚟嗰陣 個店員勁重手放個盤上枱 我心諗使唔使啊而且上到嚟個盤好污糟 呢啲咁基本嘅衛生問題 正常店員見到係咪會換咗先啊 特登俾我咁污糟嘅盤俾我 得罪你咩⋯⋯以後唔會食 花錢買難受

晚上8:00去到茶木基本上都冇乜人食直入一掃QR code就發現中伏全部東西都賣晒終於搵到啲嘢食小食係紅油抄手（完全見唔到啲紅油）雞扒肉燥飯，（肉燥另上）未食都已經見到躁底嗰啲肉燥少過罐貓罐頭問個侍應可唔可以俾多少少，（男職員Long)佢話喺公司規矩得一羹，咁即係所有人哋淨係食白飯啦咁叫咩肉燥飯$250嘅二人套餐再問另外一個職員佢就話幫我跟進：公司規矩係得咁多，如果你要投訴嘅話可以打去熱線電話（太興投訴電話），要自己同公司反映，佢話公司係唔會理職員嘅說話最後都很比多一個湯匙肉燥我哋（真係悲哀）其實喺香港地想食個飯啫，點解仲慘過食快餐店上一個食評語是真的：成個場都無幾台客，啲員工就圍埋傾計唔出餐，睇住個餐喺出餐位但係啲掛住傾計無人拎出嚟啲野食勁咸！

今日同屋企人打算係樓上飲茶等左好耐都未到就轉場食茶木睇食評都唔係好，加上星期日都唔洗等位就諗住試下啦...成個場都無幾台客，啲員工就圍埋傾計唔出餐，睇住個餐喺出餐位但係啲掛住傾計無人拎出嚟啲野食勁咸！牛肉麵：我唔食牛評價唔到，但屋企人第一啖就話好咸豬軟骨麵：豬軟骨冧，湯都係好咸炸豬扒配肉燥飯：0特式，大家樂咁三文魚茶漬飯：小朋友鍾意，因為可以自己加湯，但三文魚好鞋講真，收人地成舊水碗面，但俾啲咁既野人食早知我去大快活啦...成餐飯最可取嘅應該係熱冬瓜茶，一上係好重味，原來最出色係唔洗煮既進貨野。

一向是茶木支持者的我，更少有寫食評，今次真係忍唔到。好，叫左二人餐，點左個鹽酥雞扒肉燥飯，有4-5件，把碟轉一轉先發現，其中有2件入面係空架(得炸皮冇肉)，唔係想投訴要求一件定細件，但如果肉係抽走左，咁就唔好比塊炸粉皮我丫。。後來同我講，轉豬扒啦，雞扒全都係咁細塊，個問題唔係大塊定細塊既問題囉⋯⋯加錢點左抺茶拿鐵，或者我唔識欣賞啦，只有淡奶咪，似係抺茶粉溝水好啦，亦係磚塊支持者既我，飽都要落單啦。但點解？點解d包係靭架？ 我未過有一間係咁，究竟係你地手腳慢，焗完好耐都整唔好，定掛住傾計💬 平時我係清碟架，而家只勉強食左中間既位置⋯⋯全晚擺得上枱既，只有小食同草莓冰沙😓就連紅燒牛肉麵都唔太掂

頌富新開左間茶木🥳於是乎我喺放飯的時候去開個頭就去食咗啦。食台灣嘢，梗係試台灣牛肉麵啦於是乎我就叫咗台灣牛肉麵，果然名不虛傳啲牛肉燉得啱啱好👍🏼另外可以加配小食，於是乎我就加配咗個抄手，都幾好食🤤總的來說，佢啲嘢食係掂嘅當然佢環境服務都係一流啦完全可以五星好評🤗

週末晚上沒有套餐，只有散點。鹽酥雞、台式香腸和花枝丸幾有驚喜。鹽酥雞炸得乾身，炸得又脆又香，外脆內嫩；香腸味道也不錯，味道甜香；而那花枝丸口感Q彈，又有花枝風味，不錯。咕嚕肉雖然炸得不脆，但咕嚕肉無骨，啖啖肉，甜甜酸酸的，炸衣沒有太厚，好味道。肉燥飯是正常水平，肉燥惹味，唔會好乾。煙肉炒花椰菜十分香口，椰菜惹味可口，又帶煙肉香，可口！

週末的茶木沒有set lunch. 而餐牌也只有QR code 下單。除了台式午餐以外，還有西式意粉和日式茶漬飯等。茶香三文魚茶漬飯$98這三文魚煎得香，吃的是三文魚原味，表面有少少芝麻，完全無骨。湯汁有鰹魚風味，清澈有少少鮮味，加上脆米、木魚乾等，配上珍珠米，味道不錯。炸花枝丸－客四粒，花枝丸幾彈牙，炸得唔油膩，加埋茄汁，十分滋味。Teawood 紅燒牛肉麵$88這紅燒牛肉麵保持水準，牛肉大大件，口感軟身，加上溏心蘿白，和惹味的湯汁，而寬身麵條彈牙有口感，味道不錯。木柵鐵觀音奶茶$38這鐵觀音奶茶口感不夠滑溜，以鐵觀音茶味為主，而珍珠口感太軟，整體感覺平平。珍珠奶茶$38這是正常水平的珍珠奶茶，味道唔太甜，冰凍凍的，唯珍珠煮得太軟身。

🍱台式滷味拼盤 配 蕃薯米粉 $86滷水汁很濃，偏甜，撈飯一流。拼盤有雞翼，腩肉，牛𦟌，豬耳仔，豆腐，仲有做得非常好嘅流心蛋。每款都滷得非常入味，雞翼唔鞋，腩肉薄身唔油膩，牛𦟌軟熟富有膠質，豬耳仔爽脆，豆腐外面滷得入味，入面十分滑口，仲有Q彈滑溜嘅流心蛋，正👍。蕃薯米粉原來係兩舊仔蕃薯係米粉面😅，新竹米粉正常發揮，可惜太細碗，完全唔夠喉🙈🍜紅燒牛肉麵 $88湯頭十分好味，香濃不咸，麵十分彈牙，牛肉三大舊厚切，可惜炆得唔夠淋，肉與肉之間嘅膠質好似橡筋，有點可惜。+$32升級晚市套餐，有飲品和甜品🍹四色芋圓豆花芝麻(唔太記得個名) 再另+$10勁好飲，冇少甜少冰，但甜度剛好，冰就太多。芋圓細細粒，Q彈好食，豆花中和左杯邊黑色濃濃嘅芝麻醬，配上底層淡淡嘅芝麻飲，整杯好有層次😋。🍩精選可頌窩夫點解叫可頌窩夫，食落就知道，佢似牛角包果種酥皮窩夫，配棒子醬和杏仁片。杏仁片有焗過，每片都勁脆👍仲要好多😋

忽然發現T Town 有新開嘅茶木餐廳，好想去試吓，終於晚上有時間出去食飯，等位都唔少人，好彩等左一陣就有位。環境好舒服，坐得一啲都唔迫。我哋叫左紅燒牛肉麵、黑醋味冧豬軟骨配珍珠飯、路邊攤小食。份量好足夠，男士都覺得好夠食，上菜速度快。紅燒牛肉麵（$88）- 牛肉煮得好鬆軟嫩滑，輕輕咬落去已可咬開，食到肉汁及牛肉味。黑醋味冧豬軟骨（$82）- 豬軟骨煮得好冧，有啲似牛筋咁冧，仲好細心有個爐煮住，保持熱度。路邊攤小食（$68）- 呢個係小食拼盤，有鹽酥鷄、炸福丸（包心魚丸）及台灣香腸，估唔到咁好食⋯⋯如果可以配飯仲好餐牌上甜品好吸引，特飲都好靚，可惜今晩食得太飽了，期待😚下次可以再試下。

幾年前係元朗食過茶木後，話無第二次，因為d 野食太咸。今次天水圍開分店，咪又試下囉，點知都係失望，唔會再食第二次啦。食晚餐，份量偏少係預期中，叫左個310 溏心蛋燥肉飯， d 肉燥係少到 同圖片相差好遠😑 要問waiter 係咪咁少架？佢先叫廚房比返正常份量。 好伏，千萬唔好叫依個餐， 半粒蛋x2 , 一兜仔肉燥+一兜仔瓜， $80...湯面又係偏咪濃帶咸。茶香三文魚飯， 3文魚無味道的。。價錢貴 + 份量偏少 + 味道咸隔離檯直頭走漏單，佢問左兩個waiter 都無左件事。無下次。898

叫左個雞排肉燥飯，個碗就大大個，啲飯就得少少，$82加一連野飲就係比呢個份量我… 同圖片嚴重不符合，仲同我講份量係固定係得一”鶴”飯，雖然同佢投訴完之後有補返多少少飯比我，但都唔會再黎了！