茶木‧台式休閒餐廳 (荃新天地)

Open Now

Now Closed

今日放工後經過荃灣，想食台灣野，就去左teawood叫左set dinner半筋半肉拌麵 配鴨血和素鴨。拌麵微辣，很惹味，面也有咬口，不會太軟。筋燉得入味，可惜得半肉配的是肥牛而不是牛腩。飲品叫左仙草奶茶，正常發揮 最後仲有一杯芋圓甜品唔記得影，配料都幾多，唔錯既

香港係美食天堂, 台式飲食更大受歡迎, 茶木嘅荃新天地分店環境舒適, 店員有禮貌。台式餃子麵湯底鮮甜美味, 餃子很大隻, 餡料豐富肉鮮, 味道調較得宜, 麵條厚滑而彈牙, 腍度啱啱好, 吃得滋味。這裡嘅炸雞翼也很出色, 外面香脆而雞肉保持幼滑, 吃起來也不覺油膩。加埋冰凍台式珍珠奶茶, 夠曬休閒。

🔖 今次嚟到荃灣荃新天地嘅茶木台式 cafe 品嚐我嘅台灣菜同埋甜品，味道依然好有水準 💬 鹽酥炸雞扒麵成份主食份量都幾大，鹽酥雞扒炸得好香脆，鹽酥味做得好好，調味調得好到位，最重要唔會過鹹，雞肉有肉汁肉質依然keep到幾滑，粗麵好彈牙有咬口，而家吸收到湯嘅精華，好入味！💬 草莓香草蜜糖磚塊茶木特有嘅甜品多士磚磚一定係我首選。首先，呢個絕對係cafe招牌代表甜品，除左賣相吸引震撼之外，上面有一球士多啤梨雪糕係多士面加埋一粒一粒嘅棉花糖，每層toast都有9粒麵包磚，每一粒都可以一口咬一啖，加上雪糕同蜜糖嘅混合，外脆內軟嘅toast就係咁出色！

Got the takeout, no set so had to order A la carte. Reviews as follow(1) chicken wings 🍗with noodles. Wings were flavourful with black sesame oil flavour and quite fresh. Not too dry and well marinated. They only give you 3 wings, i wish they could make it 4. The soup base was nice too and the noodles weren’t too soggy(2) A veggie 🥦with mushroom and garlic. Very garlic-y veggie. I always order this one as the veg was stir-fried and flavourful. A free drink was included in the noodles but you had

少冰既酸梅湯仍然好多冰上菜時候個窩都係微熱既，有蠟燭底座熱住個餸，食到尾聲開始覺得佢全熱，糖醋豬肉質腍，味道酸酸甜甜本應都覺得好開胃，但洋蔥酸到好似食緊檸檬咁😖好特別既可飲用的飲管，不過我點既係沙冰，D沙冰塞住咗個飲管吸唔到上去，係咩玩法😅麵線較少，適合輕食人士雞粒唔脆仲有D 溜氣，九層塔都係腍啤啤三個甜品得鳳梨酥同豆腐花有貨，翻熱左既微熱山丘真係好食，豆腐花食左唔記得影相😅不過有D 仙草同紅豆混埋都幾好食

每次去茶木必定要試牛肉麵同蜜糖磚多士每次必別。牛肉麵正宗台灣風味,連湯都想飲晒.蜜糖磚多士無左芒果味有d可惜但士多啤梨我都ok,佢既珍珠奶茶都唔錯,大家記住入會儲分,夠一定分數可以換珍珠奶茶!

相信大家至少都有食過一次茶木🤣而小妹次次嚟到都會叫雪糕麵包磚～最鍾意就係芒果同埋士多啤梨味！因為酸酸甜甜咁反而唔會覺得好膩^_^主食方面會推介紅燒牛肉麵！肉燥飯就建議... 去其他小店食啦😆黑糖珍珠奶茶都做得唔錯！套餐嘅話都幾抵食㗎不過近排發現加價加得得幾犀利wuwu之前食嗰陣都係$50-60依家已經要$70-80起跳了😕 （明白嘅唔知大家平時又會叫咩食呢？價錢參考：🥭 芒果香草蜜糖磚塊 $78 🐮 紅燒牛肉麵 $83 🐔 鹽酥炸雞扒麵 $76 🍜 松露塔塔醬雞絲拌麵 $69 🍲 酥炸排骨肉燥飯 $81🥚 溏心蛋肉燥飯 $77 🧋 香芋奶茶 $33🍱 台式滷水拼盤 $81 人均消費：$100 其他分店：屯門、樂富、九龍灣、觀塘、將軍澳、太古、沙田、馬鞍山、青衣、深水埗、荃灣、東涌、九龍塘、大埔、上水、杏花邨、紅磡、將軍澳、香港仔

荃新天地茶木長期要排，今日見到冇人排咁又見有少少肚餓，一於入去食，一間食台灣菜，店舖台式CAFE路線，主打台灣美食飲品價錢偏貴，食物價錢就差不多檸檬愛玉味道真係唔太岩我雲頂咖啡咖啡味好香濃草莓櫻姫賣相好靚，但唔記得左影入面好多cream，口感好CREAMY紅燒半筋半腩牛肚麵牛筋肉入味好淋，湯麵好煙韌古早紅燒牛肉伴麵充滿台式風味，紅燒牛肉好大嚿好厚身，一啖咬落真係好滿足拌麵口感岩岩好，半生熟流心蛋，鴨血好軟，好美味TEAWOOD紅燒牛肉麵香煎莎朗肉燥飯肉燥撈飯好正

好耐未有食過台式食物，今日就去左主打台式料理嘅茶木，款式都好多，而且座位舒服，仲有自制手作麵🍜古早紅燒牛肉伴麵傳統台灣風味嘅古早紅燒牛肉伴麵，有紅燒牛肉、半熟蛋及鴨血，慢煮烤燉嘅紅燒牛肉好入味，又有蘿蔔，半熟溏心蛋好好味，鴨血嫩滑爽口，而且好汁有少少辣味，好惹味😋烏賊汁奶油中卷手作麵黑黑墨魚汁嘅自家制的手作麵梗係要試，麵質煙韌彈牙，滋味墨魚汁令整個手作麵更吸引黑糖瀑布珍珠奶茶好好味嘅珍珠奶茶一定要試

襯住今日係公眾假期，同屋企人黎食好耐冇食嘅餐廳😋因為做左會員，所以係生日月會送一個草莓蜜糖磚今年好好，冇限一定要平日先可以享用，呢個係招牌，黎到必點！但預返15-20分鐘製作時間⏰叫左兩款午餐，呢個係紅燒牛面頰麵🍝，個牛肉好軟，唔會痴牙，牛肉湯都香但唔算好濃味，份量都好夠飽而且個麵質好好，煙韌的，另外套餐包杯飲品，我地就加錢要左杯特飲🧋呢杯黑糖珍珠奶茶，上面有3粒芋圓，口感煙韌，好好味，但飲品偏甜左d另外叫左個麻辣半牛半筋拌麵，唔算好辣，但好香麻味，麵質煙韌，甜甜地，另外有塊鴨血同埋素雞單點左個滷水拼盤，有雞腎、雞翼、豬腩肉、牛展、豆腐、同埋半個溏心蛋🥚單點左杯拿鐵咖啡，味道正常☕️P.S. 依家餐廳做緊月老主題，重複播放如果可以，超級洗腦但好好聽

又係困在家想出街食下嘢嘅時候，去到荃灣，冇嘜ideas,見到茶木，就不如這間。入到去見個栗子餐牌，原本想試吓，但QR code 落單見到餐牌有刈包，而且限定，滷肉及炸雞扒也各剩番一份，所以快快落單。食物來到，個刈包軟熟，但個麵缐味道一般，紫菜肉丸湯就幾好。其實個下午茶餐份量好少，由於我未食lunch ，所以唔夠飽，如果只是純粹是下午茶,是ok的。個飲品一定要讚下，果杯黑糖胚芽奶茶，不太甜，胚芽有咬感，感覺好健康，味道好好，建議推介

「如果可以，我想和你回到那天相遇」，最近聽完歌曲「如果可以」，又睇完台灣嘅飲食節目，令我好掛住台灣嘅美食，所以夜晚就去左茶木食台式食物喇。微辣手工伴麵（$99）- 松露塔喜醬雞絲我好鍾意松露塔塔醬架，而且用筷子將青瓜絲、雞絲、松露塔塔醬攪勻嘅時候，已經聞到好香嘅味，忍唔住要即刻品嚐。果然無令我失望，每一啖都有濃渴嘅醬配搭，好幸福～-麻辣鴨血拼素鴨鴨血非常入味，食落去唔會覺得有腥味，只係食到香口嘅麻辣味，絕對會令人想再食多啲。- 自家製椒麻伴麵呢個麵食落去一啲都唔硬，麵質適中，份量又好啱一個小女生去食，椒麻嘅香料令到成個伴麵都好開胃，𣊬間食慾大增。- 甜品芋圓紅豆配豆腐花，味道方面唔會太甜，亦都無俾紅豆芋圓搶左豆腐花嘅清甜，可以係主食之後試一試。

今天中午在茶木吃午市套餐，我一向在茶木只吃紅燒牛肉麵，因為我覺得茶木的紅燒牛肉麵的牛展肉非常淋，湯也很好味，只是現在的午市套餐的麵的份量比以前少了一半， 連裝麵嘅碗也細了很多，裏面也沒有蘿蔔， 今天餐廳可能沒有牛展所以只提供牛頰肉麵，牛頰肉比牛肉更淋，但係我鍾意食牛肉麵多啲囉， 因為牛肉係牛展嘅部份所以有咬口同埋香D好食啲， 牛頰肉麵午市套餐收$80連飲品一杯，飲品則是正常的大小。按照餐牌紅燒牛頰肉麵正價每碗$80， 而紅燒牛肉麵正價$83，所以如果喜歡吃牛肉麵的我建議單點。本來冇諗過寫食評，所以連相都冇影。不過睇到餐牌原來茶木已經10周年，佢嘅招牌甜品蜜糖磚塊(有三款)而家只要$68蚊-$88蚊就可以食到，係可以值得試嘅。

呢間茶木係一間食台灣菜嘅店舖，位於 荃灣荃新天地地下 ，係以木紋色為裝置，環境都好寬鬆😙舒適，坐著感覺都唔錯🤔!.古早紅燒牛肉拌麵呢一款牛肉拌麵賣相都幾好🤔，好有台式風味，佢嘅紅燒牛肉大大嚿夠哂厚身😲，索哂D紅燒汁又夠腍身，整件紅燒牛肉一層層隔住根同肉十分之吸引味道十足😋，而佢嘅拌麵軟硬恰恰好🤔，加埋D配菜有鴨血、腐皮、雞蛋，佢嘅鴨血都好軟滑，腐皮食到入口味道都幾好，而雞蛋半生熟流心蛋夠哂滑口😋，將D紅燒汁加落D麵條到更加美味👍!.阿嬤手作蔥油麵呢一碟蒽油麵望著都幾好🤔，上面放滿金黄鬆脆嘅甘菇，食到入口甘香又夠脆口😋拌住蔥油麵，而蔥油麵食到入口好重蔥油味又夠香口😙，味道都好好味味道十足😋口感軟硬適中又有口感，食埋D粒粒花生夠哂脆口！.蜜糖磚塊(青蘋果) 呢款蜜糖磚塊賣相十分之吸引😍望著都好想食🤔，真係份量十足大大份😲，有雪糕、牛油果、藍莓、士多啤梨、香蕉、忌廉、炮曲、多士，佢嘅焦糖味雪糕食道入口夠哂滑口😋，牛油果熟到恰恰好，配埋藍莓、士多啤梨帶點酸味中和番D甜味恰恰好🤔，香蕉、忌廉又帶軟綿綿又夠滑口😋，加埋D甜甜嘅多士一齊食相當之好好食👍!.脆脆黑糖瀑布珍珠奶茶呢杯瀑布珍珠奶茶賣相相當

Lunch趕時間所以要買外賣返屋企食，買咗個甜蜜糖心蛋肉燥飯，包埋一杯黑糖珍珠奶茶糖心蛋整得好流心，好好味肉燥份量都好多，不過咸咗少少白飯如果軟返少少比較好啲黑糖珍珠奶茶普通，比其他台式飲品店遜色📍茶木‧台式休閒餐廳 (將軍澳)將軍澳唐德街9號POPCORN地下G26-27號舖