地茂館甜品

Open Now

Now Closed

飯後甜品🤗🔹芝麻杏仁茶招牌糖水 芝麻糊+杏仁茶嘅結合 杏仁味很濃 係現磨嘅 順滑細膩 入口暖暖的 食落去特別舒服 又養生😌🔹芒西小丸子椰奶底很濃 芒果西米小丸子都好足料 小丸子煙煙韌韌 適合芒果愛好者

晚上8:30經過，見到店舖門口開始有人龍排隊，所以都想試吓。店舖面積細小，座位比較迫夾，所以都唔會預坐得舒服同埋坐得耐。大約等咗15分鐘後可以入座。餐牌都係提供一啲中式糖水及甜品，價錢中等，大約20幾蚊一碗。最後決定凍嘅椰汁紫米露、椰青凍西米露及雷沙湯圓。大約等咗5分鐘便上枱，由於紫米露唔算太凍，但又出奇地比較黏，好似糊仔，口感奇怪，味道正常，唔太甜，應該熱食比較好食。椰青凍西米露相對上比較好食啲，果凍有椰青水味，比較真材實料。雷沙湯丸正常，黑芝麻餡，四粒$20價錢比較貴總結而言，唔使排隊可以一試，但唔會再去食多次，排隊更加唔使講

今次試呢道榴槤雪糕小丸子配涼粉的甜品， 值得推介畀榴槤愛好者！榴槤雪糕滑順香濃，入口即化，帶來濃厚的果香令人陶醉，小丸子粒粒彈牙，同雪糕都形成咗好好嘅配搭！！！再搭配左涼粉則為整體增添了一層清新的口感，冰涼的涼粉在舌尖輕輕滑過，讓人感受到一絲清爽，再平衡了榴槤濃郁口感。這道甜品不僅色彩鮮豔，還有豐富的層次感！！！無論是作為下午茶還是宵夜，都能帶來愉悅的享受。每一口都令我都分驚喜，真係不可錯過的美味！！

夜晚食完飯之後食糖水經過見到一間糖水舖有一條小人龍咁就決定過去望吓啦咁呢間地茂館呢就唔止一間分店嘅同埋佢中式西式嘅甜品都有但係裝修風都係以中式為主咁同朋友一個試咗芒果西米露另外亦都嗌咗蛋白燉蛋同杏仁茶芒果西米露就普普通通不過不失但係佢蛋白燉蛋超級滑而且桃膠杏仁茶桃膠煙靭杏仁味10分濃郁

榴槤仙草小丸子 $38榴槤蓉好大舊，有一絲絲榴槤肉，唔係好聞到榴槤味，不過食落係好香金枕頭榴槤味。仙草口感比較爽口，小丸子就軟糯，西米都食到一粒粒唔係煮淋曬。夾埋一齊幾好味😋。見到仲有得加榴槤雪糕，應該會更加濃味。不過我今次就冇加到。原本係想食楊枝甘露，見到有榴槤系列就揀咗榴槤。店內裝修好整潔，座位都多。同埋見到好運中心都翻新過，靚左同埋多左好多新餐廳。#地茂館 #沙田 #沙田美食 #好運中心 #榴槤 #榴槤控 #榴槤甜品 #仙草 #小丸子

椰汁西米露,料多汁足,椰香撲鼻,清涼解膩。雪糕亦非常順口,口感細緻,不膩不甜,令人難忘。整體而言,餅店糕點精緻美味,定能滿足不同客人的口味。我誠意推薦大家前去一嘗。

想食糖水，因為食完午餐太細份唔飽同埋想拍下拖食吓嘢，哈哈記得呢間糖水貴又好食今次同男朋友嚟完又encore燉蛋白唔知點解呢間嘅質素咁好 $28一碗燉奶好大碗食落去好足料又唔會太甜超抵食好蕩漾，淡淡嘅奶香滑滑嘅口感 亦都好厚實呢間舖都有供應有紙杯糖不甩$21有八粒 雖然知道佢成本好低唔抵 但係好好味軟腍腍芒果仙草小丸子都唔錯，但係就好似不是太大碗，因為佢就唔係好多材料，仙草好似唔多，呢度小丸子係另一種口感同糖不甩比 各有千秋！呢個厚實啲

週末晚上10點來到，即日唔使等。閒日夜晚排晒長龍，今日真係好好彩🤗店舖座位唔算多，不過勝在上菜速度好快，落單後幾分鐘就有得食啦，所以翻枱速度都算快。💯🥣芒果杏仁茶小丸子芒果和小丸子嘅份量好多！喺地茂館，從來未食過酸嘅芒果，所以擔心係咪時令水果 哈🥭 小丸子細細粒，好有咬口又煙靭。杏仁露本身幾清淡甜而不膩，配上甜甜嘅芒果，兩者混合起來剛剛好。🆗🥣楊枝甘露個人覺得比較偏甜，唔係芒果汁做底（應該椰汁），西米同柚子份量較少，雖然湯水多，但唔夠「杰」，令人有錯覺搞到好大碗咁。

和久未見面的舊同事相約在沙田吃晚飯聊天卻意猶未盡，打算吃糖水續攤，可是沙田市中心要找一間甜品店真心困難啊！幸好這兩年因商場變革多了食肆包括糖水鋪進駐，當中包括以中式糖水起家的甜品店香草綠豆沙 $23（冷熱同價）桑寄生蛋茶 $25沒有點店家最著名的生磨系列中式糖水，反而一人一碗綠豆沙跟桑寄生蛋茶～ 前者清甜爽口多餡料，加入臭草後味道更好更豐富，不過太甜卻有一種清香感覺！如果將店家的綠豆沙雪成冰保應該消暑又好吃！自己偏好桑寄生蛋茶，熱呼呼的桑寄生茶味道非常濃郁，還帶有甘澀的味道，證明這個茶用料十足：吃這個不能少的雞蛋甜甜的早已浸得非常入味，這個組合是我最愛呀～ 店家是九龍城老字號中式糖水舖，開業30多年早已在糖水界鼎鼎有名，近年開始擴張業務這年終於來到沙田開店咯！鋪面面積不大，幸好裝潢平實，餐桌圓櫈也只是最簡單用上木造的款式，坐下來感覺也不算逼狹～ 雖然這店廣為人知，以以中式糖水為主，當中尤以生磨系列糖水最受歡迎；可這次還是我初次光顧啊！沙田店的糖水品質蠻有水準的，感覺是真材實料，味道也很好～ 加上價錢又不昂貴，可以再訪吃其他款式啦

九龍城間地茂館我食到熟曬成個menu，每次去嗰頭都必食。以前我媽媽帶我食，後期我帶啲朋友去，佢啲甜品一年四季都啱我食！作為沙田人，知道佢係沙田區有分店係興奮嘅但同時懷疑佢地keep唔keep到水準呢～ 如果好食嘅話唔洗下下都去九龍城先有得食啊嘛～一入到去全場得一個員工，收銀、帶位、整甜品都係佢…已經有啲心知不妙嘅感覺。講下甜品，個糖不甩花生碎唔夠香，唔夠甜 ，湯圓唔夠滑。蛋白杏仁茶用即棄紙碗裝睇見唔開胃。冇得食都可以揀呢間嘅，但我食一次算啦！

在商場買完野，經過見開了呢間糖水店，就諗住入去食碗糖水。場內每張枱與枱之間沒有足夠的行走空間，和座位之間都實在太擠逼，更是背貼背的坐😧真係肥少少都入唔到去坐，而我們被派至要坐最入個位，😰更要走入條非一般勁窄的空隙才可到座位。在未叫食物之前，見有另一枱吉咗的二人位，故詢問店員想作調位，但店員不作回應，😤店員無禮貌的語氣叫我們坐回原位服務態度有待改善然後點了咋喳 同埋 合桃杏仁茶。咋喳 夠熱，但味道普通，中規中矩。合桃杏仁茶 聞落好似好香，但食落好甜，甜到飲完勁口渴😵‍💫另外一提，如果有小朋友或老人家一同去食，要小心店員在兩張枱好窄的空隙之間遞上熱糖水。相比九龍城果間，總結唔會再食呢間😵

地茂館甜品早前都聽好多人介紹，一直bookmark左睇返價錢都算抵食😋💛 芒果西米小丸子 $32皇牌甜品所以叫左，椰汁底，芒果較少，小丸子煙煙韌韌，好好咬口不過覺得整個味道略淡💛楊枝甘露 $31有驚喜！好多舊大大舊芒果（見圖5）汁底都濃郁啲，裡面西米同芒果都好多建議食楊枝甘露多啲！價錢：$63 （二人）⭐️⭐️⭐️評分：8.5/10⭐️⭐️⭐️（出面糖水都閒閒地四五十蚊，呢個價錢仲要咁足料，我諗我有經過都會再食）#即日食即日打系列📍地茂館甜品 (沙田)沙田橫壆街1-15號好運中心3樓3106號舖

第一次試地茂館，今次試咗佢哋既芒果豆腐花小丸子。份量都唔細，食完一碗夠晒飽😆每樣配料份量都差唔多，而且味道都唔錯😋豆腐花夠滑，唔會散晒。芒果雖然唔係當造但都夠甜，小丸子夠煙靭，唔會煮得太耐淋晒🤣芒果汁夠多😆 下次可以再叫

同朋友食完晚飯見到原來好運中心都有地茂館，在新城市行完街再折返。雖然舖頭長期有人排隊，但等待時間短，很快就可以入座。椰汁紫米露小丸子 $28朋友鍾愛熱的港式糖水，所以選擇了紫米露。紫米露份量不少，不會太甜，加上椰汁，更添美味。紫米軟糯，加上煙韌的小丸子，是簡單飽肚的糖水選擇。而且糖水夠熱，對注重養生的朋友而言十分滿意。芒西小丸子 $32芒西小丸子是開心的組合，芒果香甜，小丸子煙靭有咬口，西米不會太軟，煮得啱啱好。加上 芒果汁濃郁，令人十分滿足，味道香甜又有不同的口感。味道同九龍城分店一樣，唯一不一樣的是，以紙碗盛著，加上用托盤送上，少了種道地糖水的風味。但是多了沙田分店，位置方便，飯後甜品多了一個抵食又好味的選擇。

依間甜品店價錢係沙田區算係平，性價比算係咁。【芒果西米露】💰$29芒果係甜嘅唔酸，不過西米露同芒果份量唔算多，整碗糖水唔算太甜，如果有時想食吓糖水都可以一試，因為如果同石門相比，石門已經賣到$35或$42，其實真係貴，所以如果我有時口痕想食糖水都會買嚟食。我每次去都見到唔同嘅職員喺度，唔知係咪好多兼職員工，我食一碗芒果西米露大概食咗三次，每次去到嘅職員態度都好好，可能因為我每次去都係夜晚六點左右，唔算太多人食糖水嘅時候，而且我係外賣，所以每次由落單到拎到糖水都係3分鐘內已經處理到。沙田都冇乜糖水可以選擇，之前好運中心樓下嘅糖水都執埋，口痕想食下都可以試吓