定食8 (Closed)

以前返工時食Lunch總會去Mikiki食，貪Mikiki選擇夠多嘛。我地全家都喜歡日式料理，而且遇啱定食8有新MENU多咗嘢食選擇，所以我地就決定會一會佢！出發前小妮子話要食鰻魚飯，到達後秒變心要食兒童CHAN。💗小JM’s Choice: 天婦羅蝦兒童餐份量不多，剛剛好，而且配搭適合小JM口味。當中最吸引小JM嘅莫過於係茶碗蒸，味道清香幼滑，比坊間嘅更少了一點鹽份，所以更能迎合小JM口味。小JM連爸爸嘅茶碗蒸都食埋💗Mama’s Choice: 海景丼我嘅海景丼有八種不同嘅材料，包括三文魚、希靈魚、熟蝦、北奇貝、蟹籽、蟹柳等… 一個價錢就食到八款食材，性價比唔錯喔~^^~呢個丼飯有我最愛嘅希靈魚喔！但稍微有點不足嘅係飯有點太硬。💗Dad’s Choice: 海膽海鮮丼爸爸嘅海膽海鮮丼就有五款食材，包括主打嘅 海膽、三文魚、希靈魚、北奇貝 及 凡立貝。海膽味道夠鮮味，入口順滑。另外，我地個丼可以加錢變SET，加10蚊有埋味噌湯及茶碗蒸加15蚊有齊味噌湯茶碗蒸同嘢飲

同幾個朋友想食日本野，但大家已經厭倦左食放題「趕住食，頂住走」既感受，但又唔想去d「高級日本餐廳」。行過Mikiki見到哩間價錢唔似，貌似高質，就入左去試。我地4個人總共叫左5個定食再加幾款小食，嗯，有個定食係唔小心叫多左。佢每款定食都係可以加$10配味噌湯+茶碗蒸或者加$15配味噌湯+茶碗蒸+飲品（包捨特飲）。咁我地就想4個定食都轉曬$15 set啦。我自己食既哩個係海膽海鮮丼$78其實黎到我都o曬咀，我係無諗過有咁多刺身架😂 先講個湯，不過不失，不過入面係有海鮮架，都幾surprise!而我對茶碗蒸其實係有少少失望架，首先佢只係一個膠兜裝住蒸蛋，而入面既蛋味亦唔重，上枱後可能係因為膠兜緣固極快散熱，要趁熱食😂再黎就係重頭戲，個海膽無乜腥味，但唔知係咪因為無紫菜包住既緣固，總係覺得無咁好食。其他刺身其實都唔腥，三文魚亦無骨，但相比起元x，佢地刺身既鮮味其實唔出。不過碗飯既飯量的確好足夠，我食完哩個定食之後已經無乜位食其他小食至於杯青蘋果特飲，就係一杯普通青蘋果特飲啦。另外我地仲點左壽司烏冬：厚切饅魚丼：仲有N咁多樣小食：不得不讚一定係個日式醬油雞排，淋得後有咬口，醬油都十分惹味個人認

今日去新蒲崗玩，順便喺譽・港灣行街，肚餓就喺嗰度搵咗間日本餐廳食lunch，揀咗食定食8，見佢價錢都幾平民化，我地叫咗兩個定食🍱🍱海膽海鮮丼（$78）有我最愛嘅海膽呀😍仲有三文魚🍣、希靈魚同埋北寄貝。其實有咁多款刺身係幾抵食嘅，如果啲刺身可以再厚身啲更加滿足💕玫瑰鹽牛扒（$43）牛扒整得幾腍，呢個價錢算係咁，抵食又幾好味👍另外：➡️加10蚊就可以揀味噌湯同茶碗蒸➡️ 加味噌湯茶碗蒸同嘢飲都只係15蚊咁多嘢食埋單都係百零蚊，抵

琴晚去咗Mikiki一田辦年貨，買完就去咗隔離間 #定食8 食晚飯，一入到去，店員就話我知佢哋轉咗 #新餐牌 ，好似比以前多咗嘢食揀，所以我都試咗啲新嘢～我叫咗 #海景丼 ($48)，咩魚生都有啲，有北寄貝、三文魚、希靈魚、飛魚子、蟹棒、蝦、帶子等等，數都數唔哂，啱哂我呢啲唔想煩食咩嘅人，因為咩都有得試🤤，加10蚊有埋味增湯同茶碗蒸，如果加15蚊再會多杯飲品𠻹！咁抵，我就加咗15蚊，試多幾款食物😛同行友人叫咗 #薑汁豚肉丼 ($38)，而家做緊特價，原本要$48，而家$38，都咪話唔抵，啲豚肉好嫩滑，再有淡淡嘅薑汁，爽啊～我哋仲叫多咗2款炸物，分別係 #吉列炸蠔 ($25) 同 #花枝風味丸 ($12)，兩款都唔會炸到過咗火，一上枱又熱又脆口，都幾抵食！

難得放飯時間有位、快食之選一向喜歡這裡的麵豉湯、味道濃濃、很好渴而且、白飯與湯也是任添呢今次試了厚切豬烏冬、真係啖啖肉、又夠脆口只是吃了幾口、已經好飽肚還點了一個餃子烏冬、餃子也很脆、也是不錯呢午餐吃得飽飽之選

有日同同事經過新蒲崗，諗住搵啲坐得舒服啲嘅餐廳，不過發覺周圍社區都好似好舊，唯一得新鴻基起既Mikiki係最新，坐得最舒服就即刻入咗去，不過咁岩撞正lunch Time，周圍排隊都排到容媽媽都唔認得，唯一見到定食8比較少人，咁就衝左入去。我叫咗份雞扒飯，燒得都算唔錯，仲要有泡芙同其他小食，不過都好似唔係好夠飽，所以另外叫多咗份鯖魚，同之前食開嘅一樣，都係中規中矩，不過雞扒又真係幾好食嘅，如果大家都唔想係Lunch Time排隊就可以過嚟試吓，唔好有太大期望😛😛😛😛

星期日要上堂，上堂前就去醫下個肚先。行匀附近，要符合budget和菜式，都只有定食8 想試。 我要左個天婦羅烏冬。每個餐都有一小碟中華沙律，小泡夫。個烏冬嘅質地煙煙韌韌，我鐘意。炸天婦羅 有茄子，秋葵，蟹柳，同兩隻大蝦，料都好足，但炸粉略嫌太多同太厚，索左好多油因個日炸豆腐做緊promotion,五蚊，原以為只得一件，點知一份有三件，我地仲叫左一人一份 呢度唔怕食唔飽，因為白飯仼食，味噌湯，麥茶仼飲。是次午餐兩人170 左右，食到好飽

環境舒適，加上暗調燈光，幾適合同朋友傾計。服務優良，職員都有禮貌，假日午市（12:00）食物等候時間約十分鐘。食物質素唔錯！定食有飯、麵豉湯、小碟漬物同小泡芙。個芝士吉列豬扒拉到絲添😄 茶水自助

本人早前在網上看到一間叫(定食8），覺得定價合理，款式又吸引，所以就想去試一試。咁我叫了一個海鮮火鍋定食，，當定食送上時，覺得食物也算多，D海產也算新鮮，湯底味道也不錯，感覺上物超值。

今日放假去左新蒲崗，食定食8之前都食過，覺得幾好食，所以今日再黎。海景丼 $58 刺身有玉子，北寄貝，吞拿魚，三文魚🍣，玻璃蝦。有味噌湯，唔會太咸又唔會太淡，有豆腐同蘿蔔，但係蘿蔔有少少苦苦地。仲有個甜品🍮，小泡芙。炸蝦烏冬 $58個湯底Ok, 有少少辣，加埋好多配料，仲有溫泉♨️蛋，連埋個烏冬食，好惹味。炸蝦🍤好脆，勁有蝦味，新鮮👍🏻👍🏻👍🏻吉列炸蠔$25 有4隻，好抵食，外面好脆，唔會好腥。👍🏻👍🏻👍🏻👍🏻食唔夠仲可以去自助區到拎飯，味噌湯，同埋麥茶。

今天下午到這裏來，看看有沒有實惠下午茶餐，印像中以前是沒有的，甚麼是實惠，晚餐點套餐便可以享用自助任飲任食的三文魚味噌湯、白飯、椰菜絲沙律，即是叫一個套餐，然後可以食到飽飽，但有限時間的，我以前食過數次，不過忘記可以食多久，估不到下午茶也有這個優惠！天婦羅飯 $23.-炸蝦一隻, 茄子，南瓜2片，蟹柳，加埋秋葵，23元加一，任添飯，任飲湯，任食沙律菜，簡直是超值。椰菜絲沙律，起初不覺好食，之後把沙拉醬伴入菜中，等候5-10分鐘讓菜軟化才進食，會入味及好吃一點的。三文魚味噌湯，有白蘿蔔及三文魚碎，還可加入海帶芽同食，更加好味。

之前都有嚟過食晚飯，下午茶就冇食過，今日路過就食吓先。講真呀，以前啲質數價錢都平過而家，份量又多D，無辦法，咩都貴晒!呢處係排隊等位，以前除咗送餐，其他差不多自助，而家改咗同侍應落單，侍應送餐，食完之後行出去畀錢。嘩…個糖掦豆腐餅做緊特價，試吓先，炸豆腐裏邊有少少雜菜粒，外邊少少脆口，裏面是腍嘅，味道還可以，因為五蚊雞一份，超值呀！一口牛肉粒飯 33蚊，牛肉粒都幾多，細粒嘅比較韌，大D嘅都算OK!出餐嘅時候順便比碗三文魚味噌湯你, 飲完唔夠就自己再裝，呀…呢到係白飯任裝，湯同沙律任食, 都叫做抵啦掛!

佢開左咁耐 愈來愈多分店啦 終於以前得新蒲崗 好格涉雖然今次都係呢度食呢個定食餐真心抵食抵讚I love it so much份量夠 一個定食有哂前菜 主食 湯 同小甜品仲要飯 湯 業 任斟可以食到飽飽叫左兩個定食 天氣咁熱 食刺身燒下暑叫左個刺身定食 同特盛海膽刺身定食兩款各有特色岩哂鍾意share eat 嘅朋友可以款款都試到海膽鮮甜 各款刺身其實都好正係熟蝦嘛嘛地 見格離枱都有牛扒呀拉麵仲有兒童餐由於keep緊fit 我都冇添飯 淨係添左湯 湯係有蘿蔔三文魚及魚肉拗嘅湯 好有味 係我鍾意嘅味

第一次試呢間日式餐廳， 一入到去侍應就問我哋係咪第一次黎？之後佢就會用心講解畀我哋知點樣落單 ，佢仲同我哋講飯同湯可以無限添加， 同埋自己響出面拎茶！餐廳環境唔算好大， 但係都乾淨整潔！餐廳上嘅食物價錢大眾化， 就算加埋一都算係抵食之選!1 set入面包括咗一碗三文魚豆腐湯，甜品泡芙，蜆肉小食同埋鰻魚飯，有兩件厚厚嘅鰻魚加埋蛋花！如果可以多少少鰻魚汁就更加好啦！牛肉丼， 分量好多基本上食曬之後都唔使再出去添加！ 以呢個價錢算係唔錯

今次第一次黎食,我見有人排隊，諗住應該唔會太差。我見到menu 唔太貴，點左一個鰻魚飯再加上一條秋刀魚。鰻魚飯個賣相唔錯，有兩件厚厚的鰻魚，整個飯充滿黃色的蛋花。因為第一次食，佢同我講飯同湯可以無限加😆。我見到個湯充滿配料，勁開心，但之後加的湯就無咁多配料😭。有一份小食，一粒泡芺。其實一份set都一定夠飽（因為飯可以添食）,但我見秋刀魚又唔係太貴，所以都點左一條，幾香口，而且都幾多肉，好味。最重要係成餐加埋加一都係$89抵食！