定食8 (Closed)

百物騰貴，普通一頓午餐要近百元可謂見慣不怪，更遑論是日本料理。其實早有聽聞以價廉物美為招徠的定食8，以往到台灣旅行亦不時在街上看到其分店。來自台灣的定食8為爭鮮集團旗下餐廳，但分店遠遠不及爭鮮多，而且大都位於人流較少的地區如慈雲山、新蒲崗及屯門，不過租金較旺角、尖沙咀等旺區便宜，大概亦是能夠維持食物廉價的原因之一。 雖然定食8已經取消任食沙律及白飯的一大賣點，但價錢依然相當便宜，定食由$38起更包括沙律及味噌湯，除了數款魚生飯之外，亦有不少新奇吸引之選，例如鍋燒滑蛋芝士豬扒飯、咖哩吉列牛扒飯，連近年新興的天丼——原條星鰻炸蝦天婦羅飯都只需$48；而其他小食和刺身更只需$8起。 特長鰻魚盛 ($68) 原條鰻魚用上急凍貨色實屬意料中事，但長度足足逾二十厘米實在令人喜出望外。鰻魚雖稱不上肉厚，不過肉質尚算肥美軟嫩，細骨亦不算多，燒汁鹹中帶甜以作拌飯則恰到好處，另外更附上一隻溫泉蛋。 綜合刺身 ($45) 綜合刺身包括赤海蝦、三文魚、北寄貝、劍魚及帆立貝刺身，魚類刺身切得太薄、口感稍遜，劍魚肉質更是鬆散，但整體總算沒有雪藏或腥味。 赤海蝦刺身 ($10/隻) 數款刺身當中赤海蝦為最出色之一，

晏晝兩半有$20幾蚊個下午茶，有湯有烏冬仲有壽司，試問係邊個商場會搵到。夜晚再返去試夜市同樣無令人失望，$48牛排定食，雖然硬左少少，但係有牛味，及格。另外叫左$10 3隻壽司（三文魚，鰻魚）都係有水準。再叫左個$18 5件餃子，熱辣辣又夠味。整齊質素完全全價錢之上，值2倍價錢味道。跟餐半價有特飲，叫左飲巨蜂乳酸梳打，唔太甜同時有乳酸味，滿意。同時店內有熱麥茶自己斟，可以消滯。唯一缺點係只怕佢太平唔做得耐。

第一次嚟呢間食，水準就真係非常之一般啊！記住落完單之後，當員工俾番張單俾你，自己記住睇多次，因為佢哋極有機會入漏單，到時自己等咗好耐都未有得食。成餐飯最正常就係個咖喱漢堡飯，整體來講個咖喱都幾好味，小小辣，唔係嗰種帶甜嘅咖喱，個人就幾鍾意呢款啦。魚生飯就一般啦， 40幾蚊，唔可以要求太多，不過啲飯真係超級少，俾佢個碗呃左。所以，要加多其他嘢食先夠飽。加咗$10陪唐揚炸雞，都OK嘅。又叫咗個綜合刺身，質素一般，好似唔係太夠凍。明太子雞翼都係正常啦。但係我就唔會再幫襯啦，因為食咗咁多嘢都百幾蚊一個人，咁我不如俾多少少錢食好少少好過啦。

古代用金玉其外 敗絮其中來形容一個人外表美好而內質破敗。原來用呢個成語來形容現代的食物都非常貼切。為了記錄低我食了一生第一個最難食的天婦羅定食，為了讓讀者可以避免同本人一樣食完以後還留著難忘的體驗，我決心走出人生第一步，食下這個食評。(以下每項滿分為5分）1. 賣相5分：大師父功架，可算無破綻👍2. 調味0分：如白飯般，一丁點味都無！3. 脆度1分：有4分入口即淋的口感減去了！4. 鮮味0分: 蝦：0, 鰻魚：-1, 蔬菜：15. 飯1分：飯有飯味，可惜冇汁，失敗！總分為6/20. 本來本人未食前不是抱太大期望，只是到看到實物時，期望瞬間由10分跳到了90分，可惜一試難忘，失望就因此未食前更大了。

🔑 新menu好抵食又好吸引😚🥰定食8不嬲都平靚正 原來宜家有新嘢食 好似特長鰻魚盛 大大條鰻魚都係$68咋 配埋溫泉蛋送飯一流❤️ 鰻魚肉質都幾肥美 完全冇骨 正😆💦.原條星鰻炸蝦天婦羅丼($48)都好想試😜 星鰻赤蝦海景丼($48) 有齊赤蝦 星鰻 三文魚 帆立貝 北寄貝非常豐富 醋飯酸度岩岩好😋.呢度竟然有海膽壽司($38)😱 份量份量十足 多到滿瀉🤤 都幾鮮甜🤘🏻.另外小食方面有明太子雞翼($28) 綜合刺身都係$45咋 仲有好多優惠

我見唔少人都話呢間日本餐廳又平又幾好食，咁我就諗住黎試下啦，我叫左個天婦羅飯，望到個天婦羅真係幾大件既，點知一咬落去先知原來個D都係粉黎既。而朋友叫左個岩鹽牛扒，個牛都係無咩牛味，口感一般般，但我都明咁既價錢真係差唔多，無所謂啦，但唔會係抵食囉，因為真係唔係平得黎又好食。個個都話好平大大份好抵食，但我個人覺得佢只係多粉炸到好大件，而唔係真係大件，而且真係唔好食，所以幾抵我都唔會再幫襯，如果唔想食唔好食野既食客，建議真係唔好去呢間餐廳食飯，如果唔係只會浪費金錢同QOUTE。

呢排係咁買野，係時候要分享下d抵食推介🤑🥩玫瑰鹽牛排(8/10) 💰$43呢個係必點😍雖然牛就唔係咩高級貨，有少少筋🙈但煎得好好😝外面微焦脆脆地，入面仲係粉紅色，幾juicy🤤呢個價錢黎講超水準💯•🍜鍋燒豚肉烏冬 💰$53偷左幾啖黎試🤪湯底係淡淡既柴魚味🐟豚肉正常，烏冬係高質個種，好彈牙❤️•🍗明太子雞翼(7/10) 💰$28入面有超多明太子😍係一半雞肉一半明太子既比例👏🏻味道咸香帶少少辣🌶好惹味，配飯食一流🍚•🍱加配茶碗蒸·味噌湯·野飲💰$15必點既加配‼️茶碗蒸就還好，但味噌湯好出色👏🏻佢加左好多肉碎同蘿白落去煮💕好足料同鮮甜😋野飲推介蜂蜜蘆薈茶，有少少蘆薈粒好特別❤️•食完仲會送coupon，下次食夠100又減18💸轉左新餐牌，多左好多野食😋有排慢慢試❤️

今日約左朋友係新蒲崗睇戲，咁就去左mikiki食，原本諗住食元氣既lunch，不過朋友推薦話有間野都係食日本野，而且幾平，話可以睇下menu再決定見到menu都幾多款下，幾吸引所以入左去，最後同朋友都揀左個有五件壽司，又有牛肉烏冬，同埋salad，仲有味噌湯既lunch set，咁多野加埋都係$48 會唔會太抵，而且味道相當唔錯，連一向食野嘴刁既朋友都好滿意，絕對有下次

今晚黎和太太退換啲衫，諗住是但食啲嘢。見到又有海鮮丼，而且又唔算貴，就想試下啦。點知食完真係 OMG！這個海膽海鮮丼個樣正正常常，但係內藏殺機。第一口就試了個海膽先，一入口，心裡就大叫：「果然係細個食過令我誤會海膽係難食的東西既個種海膽」即係乜？即係又腥又苦個種我唔識欣賞的海膽。都算啦，咁食北寄貝啦，心諗應該無事既。點知一咬下去，它多水到呢，我要澄清唔係汁係水，仲要係有雪味的水。唉，其他的不用提啦，食過「爭X」的就知其他嘢係咩味！最後要提一提，唔好比張相呃左。個碗底有三份二係實心，即係啲飯少到呢！不過咁樣可能係優點，就係唔洗捱咁耐就捱完碗飯。

今日8:30係新蒲崗放工咁岩係Mikiki 好似有間定食8幾年前食過 現在好似改左餐牌冇人等叫左碗鰻魚丼芝麻醬秋葵大蝦天婦羅加$5有湯有茶碗蒸茶碗蒸幾好味入面有蟹柳同埋魚肉鰻魚丼$68條鰻魚大過我手掌雖然亦都肯定吾會係日本果隻入口即溶但吾差得過香港過百的居酒屋鰻魚汁味道適中吾會太咸同太甜鰻魚肉厚身同埋彈牙性價比極高大蝦天婦羅$28🍤有蝦 冬菇 番薯🍠同埋蟹柳炸漿一般 吾夠鬆化但性價比合理芝麻醬秋葵清甜爽口其實都好難整得難食最難得係可以用$10買細細碟吾洗迫你好肉買個小菜咁

如果日本料理下午茶 定食8認第2抵食 應該無人可以認第1🙈今日同👦🏻去新蒲崗mikiki 見到呢間定食8既下午茶竟然係$23 睇到o哂咀😮 仲要係有天婦羅丼揀 所以就泥左試下啦😂我就揀左炸蝦天婦羅丼飯 本身下本茶已經包左味噌湯同飲品 最誇張係仲可以加$3茶蒸碗😱 天啊 呢個簡直係窮人恩物😂😂 講番天婦羅丼既味道 唔知係咪因為太平 所以覺得味道都唔差 天婦羅熱辣辣 仲有成6大件 包括炸蝦 番薯 南瓜 蟹柳 茄子同埋秋葵 超足料😋 飯既分量唔算多 不過作為一個下午茶都好足夠👍🏻 茶蒸碗$3泥講都無野好彈 唔會係好傳統既味道 食落似玉子豆腐 唔錯既😆👦🏻就無揀到下午茶餐 揀咗一個海景丼 入面已經有8款魚生😍 即使用料唔會好上盛 不過味道都ok 性價比好高🤤

定食8以前的選擇很少，最近再去，多了很多選擇，先來一客厚切鰻魚玉子飯，果然真係是厚切，也十分Juicy，玉子絲很好味，索了鰻魚汁，珍珠米也恰到好處，不會太濕或太乾，鰻魚有2大條，肉厚比例多，飯反而不多。炸天婦羅有秋葵、南瓜、蕃薯、炸得不油膩又脆，唯一有點失望，是蝦只有一隻，其他是蔬菜，沾汁可以沒那麼熱氣，但是職員人手嚴重不足，所以等了很久才有人收拾和給餐單，但是以勝價比來說價錢很不錯，速食很值得推介

今日同朋友喺mikiki行街🙆🏻🙆🏻🙆🏻🙆🏻行行下朋友話不如去定食八食lunch🤓🤓🤓🤓🤓🤓因為有新餐牌而且好平💁🏻💁🏻💁🏻💁🏻💁🏻💁🏻所以我哋就一齊去咗定食8度食lunch啦我叫咗一個炸蝦天婦羅🍛🍛🍛🍛🍛🍛食物方面都幾足料有炸蝦炸蠔炸茄子等等都幾大份😍😍😍😍😍但係炸粉略嫌有啲厚😳😳😳😳😳同埋炸出嚟啲嘢食都好乾唔特別好食😣😣😣成個飯都好Dry冇乜汁有啲失望😞😞😞😞😞雖然係幾平幾抵食但係吉列嘢食都好普通🧐🧐🧐🧐🧐🧐🧐

在附近工作，今天是星期五和出糧日，就決定來這兒吃飯！也亦因有優惠券的關係，所以感覺上係更便宜！雖然此店採取半自助式服務，但也有服務殷勤的服務人員。一坐下便立即遞上餐牌，餐牌設計非常新穎，且圖文並茂，值得一讚。而且也提供點餐紙給客人，既省卻點餐時間，也維持一定服務，唯獨是沒有價錢在旁，客人需要翻閱餐牌。挑選了一段時間，就選擇了1）鍋燒海鮮烏冬：2）鍋燒豚肉烏冬。先來了豚肉烏冬，豚肉有肉感，絕對跟吉野家的不同，配上不同的配料，更添特色，唯獨是湯底有點油，不過還好，吃後 沒有任何口喝的感覺。海鮮烏冬也不錯，有蜆，蝦，冬菇等，加上不同配料，整體感覺很好。此店在mikki中是一間性價比很高的餐廳，絕對值得一去。

上次食完有COUPON, 於是再戰。今次除左叫特價SET外, 亦叫左正價SET。鰻魚飯: 5使60 蚊, 已經有勁大盒鰻魚飯。有2大舊鰻魚, 厚肉, 夠汁, 但又唔會太咸, 好食! 個飯有好多蛋絲, D蛋絲又5會太乾, 連埋D 飯同汁一齊食,好味。BTW, 佢個飯量, 2個細食之人都夠了海膽三文魚腩飯: 再食呢個特價SET, 海膽苦...........5得.....但三文魚腩好似有5,6塊, 薄切但夠肥美。`