鐵匠 (Closed)

之前同事們都有試過這食店-鐵匠,唯獨是小妹從未試過, 這天終於可以試一試.一進去就看看餐牌, 看看有什麼set lunch. set lunch有多款:有拉麵和飯的套餐,小妹選了個滑蛋吉列蝦飯套餐套餐包括一個主菜, 三文魚剌身三片, 前菜-螺肉, 橙汁, 再加雪糕甜品.以份量來看, 套餐價錢其實很合理... 但....[$35/$38再加一]先說,滑蛋吉列蝦飯, 飯多但滑蛋太少, 三隻吉列蝦則太多胡椒粉, 有點失望.雖然套餐內有很多不同種類的食物,但是否合適則因人而異呢?同事甲不吃魚生, 同事乙不吃螺肉...若要附加那麼多前菜, 何不專注做好主菜?不過在炎炎夏日, 冰凍的綠茶雪糕, 卻帶來再光顧的動力不竟, 吃午飯但求快捷和合理價錢.下次試試拉麵吧!

食過這間兩次，這次再來，人依然很多。好在等的時間不長，十分鐘左右就能入座。我倆都點了午餐，分別是A 豬軟骨拉麵和B 天婦羅拉麵。兩個餐都有螺肉、三文魚、橙汁和雪糕送，看似大堆頭，其實每樣size都很小。三文魚很不新鮮的感覺，而且賣相也差，不大想試。反而橙汁是有果肉的，不錯。豬軟骨拉麵的豬軟骨很入味，又夠腍，比很多地方都好食。可是拉麵卻煮得過腍，一點咬口也沒有。天婦羅拉麵的天婦羅都蠻多的，有蝦、番薯、南瓜、青椒等，炸得不算油，怕熱氣的我都嚐了一片南瓜。雪糕是綠茶味，不好食。服務真的沒有啦，可能人太多了吧。另外我們想要蘸天婦羅的醬汁，可他們說醬汁就是拉麵的湯，很奇怪呢。我想這裡整天都很多人，應該是比附近的餐廳便宜吧。

新開到而家已經好多年食咁多次覺得呢間ge照燒雞扒與別不同好有風味究竟會唔會係切開左先燒呢?e+ lunch套餐四十蚊左右有麵有刺身有野飲仲送埋雪糕真係抵食~不過d伙記真係唔多識變通叫套餐就算想貴野轉平野都話唔比...= =

今日同個fd去左食呢間~~~一入到去~ 見到好多人都叫鰻魚飯~~我地就叫左一個鰻魚飯, 同豬頸肉拉麵一個set有3隻三文魚剌身,螺肉,芝麻雪糕同一杯橙汁個鰻魚飯唔駛講啦~ 個個都食,都知正~ 原條燒鰻魚, 見到都流晒口水至於個豬頸肉拉麵, 一樣咁正~本來對呢個唔係好大期望, 只係知道一定要食鰻魚但係個豬頸肉拉麵真係不可不提豬頸肉同拉麵分開上, d汁同d豬頸肉配搭得好好! 所以~ 一定要試呢樣^^鰻魚飯$38豬頸肉拉麵$35加埋一~ 岩岩好$80~ 抵食

尋晚兩口子去到淘大行街, 行到夜夜地係時間要食晚飯, 但係大家又唔係好肚餓, 咪求其搵d野食囉, 行到呢間門口見到佢地有拉麵食, 兩個人忽然好有興趣咪入去試下囉!記得呢間我一直都好想去試下, 但係次次都見好多人等位, 所以冇試過, 但唔知點解尋晚冇人等位, 可能係夜啦, 咪一於試下囉! 入到去坐底, 就睇下有咩食! 咁我地叫左叉燒拉麵, 餃子拉麵同埋一杯凍檸茶! 兩個拉麵都幾好, 有海帶, 粟米同埋日式魚旦, 係d粟米硬硬地咁啦, 其他都可以; 至於個叉燒就好鬆, 好味; 餃子就有五隻, 都好香好脆下, 幾好味; 唯獨個湯底味精比較重啦! 至於杯凍檸茶都幾好, 係自己落糖水, 所以唔會太甜! 其他野就冇試喇, 不是如果有機會都會再試下架!總括黎講可以一試, 拉麵係$35一碗, 凍檸茶都係$9, 算做好抵食, 埋單加埋一比埋貼士都係$90, 抵食!

其實D刺身係幾新鮮既﹐但係服務真係好唔惦﹐又唔斟茶又唔掃乾淨﹐menu污糟到死﹐兼且嗌個樣無個樣﹐連三文魚刺身都無﹐埋單仲要埋4次﹐叫極都無人理果隻﹐Dwaiter係度傾計都唔添茶!問佢埋數幾錢仲要話"我唔知wo你自己數啦!"掉低D錢就走咗去...好唔惦﹐D野ok都唔想留低!

基於有免費泊車及想食日本野但又唔想幫襯大型連鎖店的關係，我地一行三人便走入去試下，這裡環境ok但我地被編排坐在冷氣抽風位旁的四人檯，感覺有點不衛生。唔理咁多醫肚要緊，一口氣叫了以下食品：豚肉泡菜炒飯、鐵板芝士三文魚、鐵板海鮮炒烏冬、黃金芝士焗生蠔、酥炸軟殼蟿及日式炸餃子。本人最欣賞係酥炸軟殼蟿,炸得非常鬆脆但又不失蟿的鮮味，點少少甜酸汁份外野味；其次是鐵板芝士三文魚，三文魚烤得剛剛好，加上芝士溶在三文魚上，好香及好好味，其他就普通冇特別感覺。有一個侍應服務態度好好，每次上菜都講出係邊度菜及經常斟水，其他就冇咁熱心。

打完保齡近近地行入去試吓,本來叫油甘魚頭,但waitree話賣清,咁佢介紹我們食是日精選,係安康魚魚干,$88,我問佢係咪好似燒雞泡魚魚干o果類呀?佢話唔係,咁我咪order了,點知上枱先知係魚的肝臟,真係唔該你發音清晰D啦.另外叫了葵花蝦及臉魚腩壽司,都OK啦.北海道拉麵就唔得了,因為义燒唔好食.

年初三睇完春田花花同學會睇左十幾年麥兜第一次覺得真係有少少詩意仲有少少…浪漫鄭中基壞腦既一段真係好中point日做夜做都係為餐飯同埋為左屋企果個所以大家都要食好d但係就唔好學戲入面果個滔滔咁淨係識得點頭抽同埋講「嘩好有口感呀」喎與各位共勉之為左睇完戲活學活用去到淘大又見到呢間唔駛點等即管一試三文魚奶湯廿蚊好大碗有魚味但無三文魚既魚湯令到我諗左好耐究竟世上係咪有「三文魚奶」既呢?泡菜三文卷三文魚手卷加左一塊泡菜我只能夠講「好有口感呀」…甜蝦刺身三十幾蚊當然唔好期望係靚野唔算好新鮮但係可以接受咁啦天婦羅烏冬唔知係咪我孤陋寡聞定係出前一丁做得好呢?呢個烏冬湯底簡直同出前一丁麻牛麵如出一徹真係未食過咁既拉麵湯底天婦羅除左蝦比較ok之外都唔好提焗蠔唔係芝士而係沙律醬焗架喎好特別好特別…麥兜教好唔好都係一餐今餐真係活學活用喇其實如果大家當佢係一間茶餐廳唔好食咁貴都無話有咩問題既

呢間d 款式唔係太多,剌身就一般喇.最差就係d壽司飯!環境ok,都幾舒服!價錢大眾化,不過可以話一分$一分貨啦!

餐牌中的款式很普通。滑蛋雞肉飯很滑，很多汁；豬骨拉麵的豬骨份量很少，都叫不錯；酥炸軟殼蟹份量很多，有２隻半，美中不足是很油膩。勝在價錢平宜！

食物是有水準的，咖哩豬排飯的豬排很脆，加上咖哩汁是分開上，可是午巿set lunch 天天一樣，令人興趣大減。

今日餐飯好好食,好抵食!!!$35 有拉麵,鮮橙汁,三文魚剌身,有辣味螺肉,薄荷朱古力雪糕一個價錢,5種食物,超值呀~而且都幾好味~~兩年前o黎依度食過,感覺幾好估唔到兩年後都係咁好^_^依度o既天婦羅依然保持水準~

今日去到牛頭角,見到大家樂滿座,咁就隨便去左間餐廳吃野.真可憐,超級難食我朋友叫左北海道味0曾拉麵($35), 我就叫左豬頸肉湯飯定食($38).先講拉麵, 很鹹, 完全沒有濃湯的味道,只有鹹味. 麵條一點也不爽口. 叉燒和蛋也不新鮮...差!!!再講定食, 湯飯湯底很差, 豬頸肉超肥. 中華沙律好像有染色的樣子,我都不敢吃..差!!total cost $80 (連加一)

如果比蝦頭妹見到呢個，實鬧鬼我。係啊，我自已去左鐵匠啊。果日我去買鋼珠，順便食小小野。1個無味牛鍋加怪味蠔同暖8爪魚，你唔食都唔算損失。仲有…招呼唔掂。