Video
Read full review
2006-02-01
27 views
年初三睇完春田花花同學會睇左十幾年麥兜第一次覺得真係有少少詩意仲有少少…浪漫鄭中基壞腦既一段真係好中point日做夜做都係為餐飯同埋為左屋企果個所以大家都要食好d但係就唔好學戲入面果個滔滔咁淨係識得點頭抽同埋講「嘩好有口感呀」喎與各位共勉之為左睇完戲活學活用去到淘大又見到呢間唔駛點等即管一試三文魚奶湯廿蚊好大碗有魚味但無三文魚既魚湯令到我諗左好耐究竟世上係咪有「三文魚奶」既呢?泡菜三文卷三文魚手卷加左一塊泡菜我只能夠講「好有口感呀」…甜蝦刺身三十幾蚊當然唔好期望係靚野唔算好新鮮但係可以接受咁啦天婦羅烏冬唔知係咪我孤陋寡聞定係出前一丁做得好呢?呢個烏冬湯底簡直同出前一丁麻牛麵如出一徹真係未食過咁既拉麵湯底天婦羅除左蝦比較ok之外都唔好提焗蠔唔係芝士而係沙律醬焗架喎好特別好特別…麥兜教好唔好都係一餐今餐真係活學活用喇其實如果大家當佢係一間茶餐廳唔好食咁貴都無話有咩問題既
睇左十幾年麥兜
第一次覺得真係有少少詩意仲有少少…浪漫
鄭中基壞腦既一段真係好中point
日做夜做都係為餐飯同埋為左屋企果個
所以大家都要食好d
但係就唔好學戲入面果個滔滔咁
淨係識得點頭抽同埋講「嘩好有口感呀」喎
與各位共勉之
為左睇完戲活學活用
去到淘大又見到呢間唔駛點等
即管一試
三文魚奶湯
廿蚊好大碗有魚味但無三文魚既魚湯
令到我諗左好耐究竟世上
係咪有「三文魚奶」既呢?
泡菜三文卷
三文魚手卷加左一塊泡菜
我只能夠講「好有口感呀」…
甜蝦刺身三十幾蚊當然唔好期望係靚野
唔算好新鮮但係可以接受咁啦
天婦羅烏冬
唔知係咪我孤陋寡聞定係出前一丁做得好呢?
呢個烏冬湯底
簡直同出前一丁麻牛麵如出一徹
真係未食過咁既拉麵湯底
天婦羅除左蝦比較ok之外都唔好提
焗蠔唔係芝士而係沙律醬焗架喎
好特別好特別…
麥兜教好唔好都係一餐
今餐真係活學活用喇
其實如果大家當佢係一間茶餐廳
唔好食咁貴都無話有咩問題既
Post