十年

Open Now

Now Closed

之前舊店都去過一次，印象不錯。而家大間咗，每次週末假期午市經過都見到有人排隊，午餐一般意粉都係$60包是日餐湯及飲品，價錢公道，所以又試吓。牛肝菌雜菌忌廉意粉 $60忌廉味算濃同香滑，雜菌數量不算很多，味道OK。封門柳黑椒汁意粉 $60黑椒汁意粉比較少見，仲要配封門柳，所以就叫咗。黑椒汁剛好，唔會太辣，亦唔會蓋過牛肉味道。封門柳火喉也剛好，肉質結實有汁，不難咬開。是日餐湯係紫薯忌廉湯，有紫薯嘅香甜，湯嘅厚度適中，口感都順滑。飲品方面，我哋揀咗汽水可樂及熱柚子蜂蜜，可樂係原罐上，柚子蜂蜜唔會好甜。總體嚟講，呢個質素對得住呢個價錢，想經濟啲食西餐，我會再嚟呢度。

最近同朋友踩單車，由大埔出發去屯門，元朗正好係中途站，梗係要停低歎個晏先啦！🌞無意中發現一間新開嘅餐廳——「十年」，主打高性價比西餐，睇餐牌已經覺得幾吸引，當然要試吓啦！😋 🔻封門柳黑椒汁意粉呢道菜真係超出預期，封門柳嘅肉質鬆軟到位，完全冇過熟變韌，牛味濃郁，真係好滿足！🥩 黑椒汁濃郁得嚟唔會搶味，配埋意粉嘅口感同封門柳嘅肉汁，真係一個字：正！💯 ⭐️評分：4/5 🔻蒲燒鰻魚意大利飯雖然唔係頂級鰻魚，但呢個價位嚟講，已經值得一試。🍚意大利飯做咗改良，偏向香港人口味，整得較為腍身，食起嚟更有親切感。🐟 ⭐️評分：3.5/5 🔻BBQ醬烤豬仔脾配薯條豬仔脾略嫌醃製時間唔夠，味道尚算可以接受，但薯條真係驚喜！波浪薯條係現叫現炸，脆卜卜又熱辣辣，鹽味啱啱好，絕對係加分位！🍖🍟 ⭐️評分：3.5/5 午餐仲包餐湯同飲品，凍飲唔使加錢，仲有特飲「袖子蜜」揀，抵食！雖然特飲選擇唔算多，但以價位嚟講，已經非常滿意。🥤🍵 😋食物：3.5/5🍽️環境：4/5💰性價比：5/5👣回頭率：4/5⁡整體評分：4/5 #元朗美食 #元朗餐廳推介 #foodie #FoodieLife #DiningExp

好美味嘅卡邦尼意粉價錢非常相宜，包有湯有凍飲我加多份薯條非常好味又脆上年舊鋪已經食過……搬左過來地方大啲坐得舒服啲，但價錢仲好似平過過以前今時今日$60個午餐只能食快餐店但呢度有甘高質素真係好抵食喎！

好鍾意試小店，呢間“十年”之前係朗屏橋底，宜家搬左過黎呢邊，梗係要試下嗌左美式豬肋排（$138），超大件，一上檯我地都wow一聲，好抵食美國頂級封門柳肉質軟腍，牛味好香濃，好好食，我地嗌左七成熟，熟度啱啱好，啖啖肉卡邦尼意粉（$70）我fd嘅最愛😋明太子大蝦義大利飯（$73）明太子微辣味同忌廉嘅結合，唔識形容，總之就係好食😆😆黑松露雜菌炒西蘭花🥦（$58）我自己不嬲都鍾意黑松露，黑松露同西蘭花嘅香味都好突出+38 升級左套餐，煙鴨胸沙律+粟米湯粟米湯粟米好濃郁呢次淨係試左呢啲，仲有好多想試下，下次再黎😋😋😋