天丼てんや

Open Now

Now Closed

這間青衣長龍店一直都好好好想試！ 但礙於無得訂座而每次去到門口都要排隊既情況下，一直都無機會直至星期四攞假去迪迪尼聽concert就順道去食個late lunch三點鐘邊個同我爭點知都係要排幾個字..算係咁啦終於有機會去踩場啦整間小店雖然簡約，但睇見咁多小木牌介紹用料都係日本黎又要秘製既，單睇相就已經好有期待Menu張張相都超吸引第一次食好鬼貪心既我就必點「天丼」重點主菜都有咁橋又有春日限定「櫻花蝦赤魚天丼」無理由唔點姐嘩！好有櫻花蝦味呀炸粉絕不油膩虎蝦蝦柳都好肥呀雖然赤魚相對係薄了點另一重頭戲黎啦！ 醬油好想要多碗飯我知係點炒物既但係撈飯食也很不錯呀！ 可叫店員俾整瓶你自由添加「天丼」黎啦！魷魚🦑帆立貝好食炸完都有鮮味有口感加埋本菇、四季豆感覺多左份健康怕熱氣就加$6要左杯菊蜜，好配呀，微甜下火難得請假黎食就追加多個「穴子」天婦羅，食完先覺得...我都係鐘意炸蝦炸蟹柳炸帆立貝炸魷魚炸櫻花蝦餅多D呀今餐埋單先二百幾人簡直賺晒呀

首先，可能太多人排隊，帶位的比較混亂，只有1位光顧的我遲遲未能入座，後邊的兩位四位則不斷被優先安排，雖然人多要優先安排係無可厚非，但印象分已經扣了不少。海老穴子天丼$82 +10% service charge 包括虎蝦穴子大蟹棒及其他野菜，整體炸得不錯，穴子炸過亦能保持鬆軟，虎蝦大隻也夠彈牙，炸漿亦不算太厚，米飯是用上珍珠米粒粒飽滿，份量亦足夠，另外加咗隻溫泉蛋撈飯一流，總結就係食物質素唔錯但服務就差啲，下次應該不會花45分鐘排隊了🤔🤔

青衣城經過大翻新後，商場分別為一期及二期，食肆明顯比以前更多。看見有間日式以炸物為主題的餐廳大排長龍，滿心期待地 等候進食。餐廳以木系為主題，暖白的燈光顯得格外舒適。 餐廳有午餐定食，可配飯、蕎麥麵、烏冬發及素面。 我們當然主打炸物天丼。天丼 $49炸物包括黑虎蝦、魷魚、魚、南瓜及四季豆。 一次過滿足多個願望，可是外面的炸粉不夠鬆脆，但材料仍很新鮮。 簡單地配上豉油汁。有點乾身。華味鳥天丼 $68炸物有華味鳥、華味鳥肉丸、半熟日本蛋、蓮藕及四季豆。華味鳥是九州來自養殖場的雞，以美味、自然、健康而聞名，故肉質格外嫩滑美味。每款天丼都配有麵豉湯，客人可以額外追加飲品、前菜或甜品。

每次經過新開呢間日式餐廳，都見到好多人排隊，心諗係唔係真係咁好吃吖？？帶住呢個疑問，呢日響6點前来到，見冇人排隊，咁就一於試吓喇，5分鐘未够就入得去，覺得啲冷氣唔够，左右两邊亦都有人，感覺有啲擠迫。两人叫咗天婦羅蕎麥麵(冷)同埋巨星天丼。蕎麥麵普普通通，點埋D冷麵汁都ok，份量偏小，可以好肯定話男人吃一份係不够飽，天婦羅蝦2隻，四季豆，蟹柳分開上，都keep 到脆嘅口感，但巨星天丼嘅一隻蝦就淋咗D醬油汁係面，口感差咗，又係普普通通嘅一餐，唯一感覺反而係蟹柳幾好吃

呢間天丼好似好多人喺日本都好鍾意食宜家喺香港都食到喇🇯🇵🇭🇰開左都有一段日子喇 一開始排隊真係排到好長/我叫左嘅好似係 天丼加日本半熟雞蛋💲49＋12天婦羅真係炸得幾好食 熱辣辣炸粉又好薄😋不過放喺飯上面所以好快淋左 覺得好浪費😢同老闆娘反映 佢話無辦法因為呢個就係日本人食呢種丼嘅食法 要保持番😳我覺得都有道理嘅 跟番日本嘅原汁原味～老闆娘好有heart 係咁問大家意見臨走仲送左少少其他天婦羅比我食 證明佢地係真係炸得好靚🤣(我無講過自己係foodie架) 其實我都知只係放喺飯上面先會淋得咁快🙈推薦想食日本炸野嘅人去食 性價比都幾高架/青衣城 - 天丼#Hanako_青衣🌻#hanako_日本菜🌸

嗰日咁啱有啲事要去青衣辦 諗住都八點幾食飯唔洗點排隊掛 點知到最後要排40分鐘先入到去 反而另外一間日本過江龍店就冇乜人排隊喎⠀⠀⠀⠀⠀⠀⠀⠀⠀餐牌上有大約10款丼 最平嘅HKD49 就有交易 又有天婦羅定食俾你揀 真係花多眼亂🙈⠀⠀⠀⠀⠀⠀⠀⠀⠀我叫呢碗「海老穴子天丼」(HKD82)有黑虎蝦 穴子 本菇 蟹柳 南瓜 四季豆 紫菜 以咁嘅價錢算係高質素 起碼啲天婦羅係新鮮炸 唔係俾啲攤到凍晒而個皮係軟淋淋 天婦羅夠晒大件 食落口一點都唔油膩👍🏼 飯嘅份量好似俾日本嘅少 (呢樣其實我ok嘅 太多飯我怕食唔晒😝) ⠀⠀⠀⠀⠀⠀⠀⠀⠀唯一美中不足嘅係麵豉湯～ 超鹹 我飲咗一啖就冇再飲喇

呢間舖頭由開左到而家 夜晚都仲係大排長龍 所以我地就搵一日早收去食lunch 個set除左天婦羅好食之外 個冷面都好好食 令到人好想不停食 難怪咁多人排隊 性價比又高 下次再搵啲平日黎食過

天婦羅吸引之處就係將食材炸得脆而不油膩嚟到青衣，可以一嘗 #天丼 嘅天婦羅 🍤晚飯時間，排咗40分鐘左右～食店喺商場內，輪椅方便去。可惜，可以比輪椅用餐嘅枱就只有近門口嘅果一張。店員態度好好嘅，又解釋因食店空間設計問題，早前發生咗一d意外。而家有輪椅朋友嚟到，只可以安排坐近門口位。明白歸明白，但始終感覺唔好囉⋯假如跟一般人排隊，輪到自己但門口位又有人坐ing，變相又要再等長d。另外，想約輪椅朋友一齊食又唔得，因為空間唔太多…唔知將來會唔會有改善？！先講返食物～要咗 #淺草海老天丼 有蝦、南瓜、四季豆、紫菜而 #海老穴子天丼 就多咗鰻魚其他嘢基本上一樣～睇相係睇唔出有乜分別...原食材本身無乜問題，感覺用料幾靚。蝦有鮮味而且算彈牙...但錯就錯在炸粉漿做得唔好...其實d炸物夠熱嘅但食落去唔脆又帶少少淋身...感覺d天婦羅好似有濕氣咁...情況好似受潮一樣...如果以天婦羅作為食店賣點嘅話呢度會令人有d失望

這間小店每次經過都排很多人，主打炸物。他有兩大款定食，丼同埋麵/烏冬。根據它牌子上所寫，所有炸物都是即叫即炸，而且每一件都是大大件，很有口感。尤其是它的炸蝦，配上它的醬汁，很脆很好吃😋炸魷魚就一般，沒什麼味道。他的定食是配有麵豉湯，但是味道真的比較鹹，每次也是喝一口便不能再喝。之前試過他的冷蕎麥面，加上湯料，很美味。炸物分開上碟，一看之下大飽眼福。雖然即炸食物好味，但少不免要耐一點。Lunch如果有限時間，去食真的會趕一點。地點上也很方便，青衣站一出幾分鐘便到。

宵夜9點後吃飯，青衣城都開始少宵夜選，想起很多一期地下的新店，更想起排隊天丼。去到門口果然沒有了長長的人龍，等幾個入得。店員話原本想食,九點半到一定有位, 好快有得食，同上次食一樣咁好，熱呼呼，足料又唔太貴。以前係取票排隊，而家企定定排，都有秩序，想食就要等。但外賣又可以唔駛等喎，想試下買去旁邊青衣海濱長廊食。區區食玩遊-青衣

一直很想去這間新開的日本人氣天婦羅餐廳，今晚終於可以一試了！今天叫了巨星天丼$78和天婦羅喬麥麵（冷）$78，再加前菜三小碟$9和凍菊花蜜$9。如果想吃多款的天婦羅，一定要選巨星天丼。天婦羅炸得脆口，外脆內軟，口感恰當，也不會太油膩和太熱氣的感覺。前菜三小碟是我最喜歡的，有牛蒡、醃羅蔔和本菇沙律，前兩款爽口又惹味，沙律就酸酸甜甜，價錢只是$9。最後，來一杯冰涼菊花蜜，簡直無得輸，吃得飽飽，大滿足😋。

青衣城裝修完之後，引入多左唔同類型嘅餐廳。其中一間主打日式天婦羅，價錢相對親民，所以每次經過呢間舖頭都見到排哂人龍。今日見到條龍終於少人啲就去試下，但都排左差唔多十五分鐘先有得入座。舖頭嘅面積唔係好大，卻放了好多枱櫈，令到環境比較擠迫。見食客都係快快手食完就走，未必會係適合一班朋友傾計詳談嘅地方。點了一個天婦羅跟飯的定食，每份定食配有六件天婦羅，有兩隻虎蝦、蓮藕、南瓜、蟹柳同四季豆，款式多元化。另外跟餐仲有凍甜蛋同埋中華沙律做前菜，再加埋一碗麵豉湯，非常豐富。上枱嘅天婦羅仲係熱辣辣會燙口，相信係即叫即炸出嚟。面頭嘅粉漿好薄，食落唔會成口粉，亦都唔會油膩。青衣人又多左一間日式食堂啦！

排左一個鐘頭隊，諗住見日日咁多人排隊應該唔錯，點知一食係冇驚喜之餘而且仲有啲失望。我地二人叫左一個巨星，一個海老穴子，2個都係推介，上菜算快，等左幾分鐘就有，但天婦羅就唔係佢所講即叫即製，一食就知係一早已經炸好左就咁放上碗飯，唔熱又唔脆，淡而無味，連點個sauce 都冇。個飯底仲要係白飯，成餐飯都係冇味冇道乾爭爭，乾哽左成碗飯，真係好難食。我唔相信日本既舖頭會整到咁樣，冇啲誠意，收咁既價錢不如過對面食壽司好過，仲衰過出邊任食放題。今次俾你呃得一次入黎，就係一次咁大把。

同蕎麥麵怪出動🍜再戰天丼·🍤天婦羅素麵（湯麵）$78⋯麵好多😰湯頭不錯但麵質唔喜歡🥴好淋.天婦羅還好吧～結論係丼飯較推薦-🍤天婦羅蕎麥麵（$78）大食仔表示岩哂佢口味～蕎麥麵粉絲-🍳半熟蛋（$12）去到邊都要食蛋🤤

晚上經過“天丼”總是人龍長長的排在店外，每次見到人山人海總令我卻步，但其實個心好想飛快入店內品嚐聞名已久的美食天婦羅。星期六早上的起心肝早D起身，希望早些一開門營業沒太多人潮等候，果然11點半到店外沒太多人等了3分鐘就可進店內就坐，店內雖然地方細細，但也乾淨企理，店員落單時也禮貌笑容可恭 我和友人分別點了“蕎麥麵天婦羅”、“海老穴子天丼”， 蕎麥麵麵質爽滑配上醬油湯味道甚匹配，加上天婦羅大虎蝦、蟹柳、四季豆、蓮藕冷熱交感令人回味無窮，鮮甜的蝦配上四季豆、蓮藕的爽脆又是提升味蕾的感覺海老穴子天丼，天婦羅上淋上了味醬，淋上了汁的天婦羅有點淋了，影響了香脆度，但不失鮮味，大虎蝦鮮味大隻蟹柳嫩滑有彈性，香菇內軟外脆好味持別四季豆、蓮藕、南瓜也炸得香脆可口，反而穴子有點淡而無味味道一般，另飯量比較少，但天婦羅大大件加上少許飯已很飽肚 店員服務很好，雖然店外多人排隊，但沒催促顧客離開，反而經常幫客人加茶，值得一讚