天丼てんや

Open Now

Now Closed

平日放工經過都好多人排隊，諗著過一排冇咁多人排先去試下，不過趁呀媽生日，帶左佢出去試下唔同的野。特登入黎青衣城等我收工，當時下午6:30已經要排隊，等左30分鐘終於入得去。因為天氣太熱，唔想食飯，我地就叫左天婦羅蕎麥麵 ，個蕎麥麵 超冰涼！仲有我平時好怕食炸野，好怕油臆味，但呢個天婦羅完全沒有油臆味！而且3個餐都只係$200，超抵食！

當知道連鎖天婦羅店天丼てんや要登陸香港嘅時候，其實都幾開心，不過真係估唔到佢第一間舖係會揀喺青衣城開，呢間餐廳喺日本有超過200間分店，目前為止喺印尼、泰國同菲律賓已開設分店。睇落佢份menu，同日本舖有八成相似。如果唔鍾意食飯，仲可以揀素麵、蕎麥麵或者烏冬。點咗個巨星天丼，因為貪佢夠多款天婦羅。由於係即叫即炸，所以都需要等大嘅15至20分鐘到。虎蝦雖然唔算太粗身，但炸漿撲嘅厚度適中，香脆熱辣。有埋帶子同蟹柳，依個價抵食。整體嚟講性價比唔錯，可以翻兜。

之前去日本已經周不時見到依間出名又多分店嘅天婦羅專門店，知道佢係香港開左分店一直都想試，今次咁啱經過青衣終於可以一試😭仲俾我撞正佢新推左天丼🤘🏻========================青森天丼 配麵豉湯 $88（+＄30 升級套餐：淮山蕎麥麵1碗 +前菜2碟）主打天婦羅嘅專門店果然唔同啲🤩依個新推出嘅丼飯內用上青森縣內嘅名產，除左平日天婦羅必食嘅黑虎蝦🦐更要提及係佢口味鮮甜嘅帆立貝，形狀比平時食開大兩倍有多，鍾意爽口彈牙嘅口感嘅朋友仔魷魚鬚就啱你🦑特大竹輪燒真係有成隻手掌咁長，而且入面炙燒後帶少少焦味令口感多層🤩紫菜同牛蒡炸餅一樣高質，即使比平日食更多炸物都想食完又食🌸唔好睇少佢嘅前菜同小食，青森縣嘅粟米同餐內嘅心型車厘子都一樣係咁鮮甜，食膩左炸物食番啖啱曬🤤升級左做套餐大份都兩個女仔食都得👀========================巧味道指數👅：👧🏻👧🏻👧🏻👧🏻再食過指數🏃🏻‍♀️：👧🏻👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 天丼 (青衣)青衣青敬路33號青衣城地下

話說都有一排冇係青衣覓食，宜家先發現開左間天丼TENYA~係日本已有差唔多30年歷史，最出名嘅就係天婦羅，咁我當然要試下啦~青森天丼 ($88)呢款天丼係為左配合 #天丼青森祭 而限定發售，一上枱見到大大份嘅天婦羅，已經勁吸睛，裡面包含左帆立貝、魷魚鬚、特大竹輪燒、蝦、牛蒡、紫菜...真心讚！最鍾意食佢嘅魷魚鬚，咬落去啖啖肉，炸得脆，但仍然超juicy~特大竹輪燒長過我隻手，帆立貝鮮甜，弱弱的我又真係未試過以天婦羅方式食帆立貝，原來都幾夾wor~最讚嘅係，加$30就可以升級套餐，包括淮山蕎麥麵同兩小碟，加埋都係$120！抵到爛！大胃王都一定食得飽

同朋友係青衣附近做完義工，就諗住喺附近嘅青衣城搵嘢食醫下肚仔。見到呢間餐廳出面排長龍，覺得食物一定幾好食，所以就諗住去試下。雖然餐廳外面排長龍，但人流很快。我同朋友等咗大概10至15分鐘就可以入去坐低。朋友叫咗個天婦羅蕎麥面冷麵set，餐廳提供嘅一個set會有一碗麵豉湯，蕎麥冷麵，冷麵汁，蘿蔔蓉同埋姜蓉。當然唔少得有最重要嘅天婦羅啦，天婦羅拼盤上面會有天婦羅炸蝦，炸蟹肉，炸蓮藕，炸南瓜同埋炸蘆筍。我哋建議大家可以根據自己嘅喜好，係冷麵汁加入蘿蔔蓉同埋姜蓉，再加上少許蔥同埋Wasabi，然後將冷麵食之前點一點冷麵汁。天婦羅方面，所有嘅炸物炸漿唔會太厚，咬落鬆脆。唯一美中不足，係炸蝦有少少唔新鮮，所以可能會有少少腥味。另外我叫咗個天婦羅烏冬冷麵，配料上同蕎麥面一樣，天婦羅拼盤食物亦都一樣。由於天婦羅始終係油炸食品，所以必定會有啲油膩嘅感覺。即使係兩個set，都食到我地非常飽！

等7月1日紅日放假同屋企人去試下青衣開的新日本野其實開左有一段時間但長期都好多人排隊食所以一直無試個日去到岩岩開鋪所以排左一陣就入去啦裝修同日本感覺好似但係啲台就比較逼一係需要同人地搭台又或者台同台的距離好近所以人地傾更咩 都完全聽到坐左一陣店員就比左3杯茶我地之後就落單 店員服務都幾好大約等左10分中就有得食炸物係岩岩炸好的 好好食叫左2個冷面 一個湯烏冬食完之後店員好快就收走我地台上既野大概食左半個中就比錢走了野食 環境既話 如果想同朋友傾計 可能搵其他店食飯會比較好

成日經過見到排長龍，放工唔知食乜好就去試下佢啦！因為佢要齊人先入得，前面十幾個排隊既都未齊人，所以等左5分鐘就入左去食，好好彩Menu櫻花蝦赤魚天丼 $98 ⭐️⭐️⭐️⭐️⭐️呢個期間限定，個人勁鐘意食櫻花蝦，所以唔洗諗就簡左呢個！！入面其實有2隻天婦羅蝦，魚，櫻花蝦餅，蟹柳樣樣都好食，即炸即食，最好味係櫻花蝦餅，入面仲有d甜甜地既洋蔥，送飯一流！如果第日無得食番點算呀呀呀呀呀！其中一樣可點既野係佢送到黎已經落左汁，個蝦有小小淋左！但味道一樣好天婦羅蕎麥麵 $78⭐️⭐️⭐️⭐️⭐️好多人都叫呢個，就試下佢！冷麵夠凍，好味，但係麵好多度都差唔多。因為係跟麵，天婦羅無落汁，好脆好香口，好正好正！蓮藕，豆都好好食華味鳥雞肉$18 ⭐️⭐️⭐️⭐️⭐️呢個追加雞肉好正，雖然好細舊，但一咬落去，唔會後悔叫左，d汁係必出黎，好juicy好滑🤤🤤🤤值得一試呀！日本品質！我地食完仲多左一倍人排隊！！！

天丼位於青衣城的最底層， 一落扶手電梯就能見到，平日的晚上以為會沒什麼人， 怎料排隊也排了一個多小時， 腿也軟了。 餐廳內座位不多，特地來到就一定要試試招牌炸天婦羅丼飯，我們點了餐廳推薦的巨星天丼新鮮即炸熱辣送上，炸物豐富而且碗仔小小， 顯得更吸引人了。 帆立貝放入口中感淡淡的海水味，很鮮美。 長長的炸魷魚軟軟的不會很韌，容易入口。 而四季豆，本菇都是新鮮的蔬菜，又甜又脆，十分清新。海老穴子天丼這個我更喜歡，因為除了有2 只彈牙的虎蝦外，還有一條長長的穴子。店員介紹說穴子是鰻魚的其中一個品種，更是由日本空運來港的珍貴食材。 雖然是冰鮮的，但肉質實在，保留了魚的形態， 值得一贊。聽說餐廳的廚師們都要到日本受訓， 而且開業早期日本師傅還特地來港指導，認真度可見一斑。雖然味道不及日本的水準，而且價錢比日本貴些少，但經過也可一試。

去日本玩，我通常也會光顧這間天婦羅連鎖店，屬平靚正之選。估不到也來香港開分店，實在太吸引了！星期日一行七人去青衣城搵食，小朋友們很想吃炸物，於是決定試試這間。沒有訂位服務，排隊人齊入座，我比較喜歡這個模式找吃，我們等了45分鐘入座。 食肆環境光猛，坐得也舒服，服務也不錯。天婦羅上枱也鬆脆多汁，熱度也保持到；冷烏冬也有水準，雖則價錢比日本吃貴，但在香港吃到此質素食店來說已經不算貴。 地點雖然偏遠，但一定會再幫襯。

天丼在青衣城的最底層， 一下扶手電梯就能見到，非常顯眼，門外排著長長的人龍。平日的晚上和先生一同到來，以為會沒什麼人， 怎料排隊也排了一個多小時， 腿也軟了， 等我試下係咪真係咁好味先 餐廳內座位不多，特地來到就一定要試試這裏的招牌菜 --- 炸天婦羅丼飯，我們點了餐廳推薦的「巨星天丼」包括有黑虎蝦，本菇，魷魚，紫菜，蟹柳，四季豆和青森縣的帆立貝。新鮮即炸熱辣辣送上，食材豐富而且碗仔小小的， 顯得更吸引人了。帆立貝放入口中即溶，感覺到淡淡的海水味，很鮮美。 長長的炸魷魚軟軟的不會很韌，很容易入口。而四季豆，本菇都是新鮮的蔬菜， 爽甜香脆，十分清新。「海老穴子天丼」包括黑虎蝦，穴子，本菇，蟹柳，四季豆和紫菜。 主菜除有兩隻健壯的虎蝦令人胃口大開外，還有一條誘人的長穴子。店員介紹說穴子是鰻魚的其中一個品種，更是由日本空運來港的珍貴食材。 雖然是冰鮮的，但肉質實在，保留了魚的形態， 值得一讚。聽說餐廳的廚師們都要到日本受訓， 而且開業早期日本師傅還特地來港指導，認真度可見一斑雖然論味道及炸物的硬度， 不及日本的水準，而且價錢比日本貴少許，但也不失為一個食日本菜的好地方。

放假行下青衣城，見到依間天丼，我老公話行到攰，不如入去食個下午茶，順便抖下，我叫咗個淺草海老丼，因為我好鐘意食蝦，仲要依碗丼飯好足料，有3大隻海老，足足有8cm長左右，啖啖肉，炸得好鬆脆，唔會食到成口油，而且我第一次食炸紫菜，出奇地，好香好好味，令我一試難忘，碗入面仲有炸四季豆，可以中和下食天婦羅嘅肥膩，好清新嘅感覺，價錢又唔算貴，中規中矩，值得推介，而且，依到d服務員好熱心，見茶杯我茶，會主動加茶，加分！

同朋友行青衣城準備搵餐廳坐低食晚飯，見到呢間天丼排晒長龍都知實冇死，不過條隊都等左20-25分鐘左右，平時嘅我就唔會等㗎啦，不過今日有時間就等下啦。終於入到鋪頭坐低，有飯有烏冬有冷麵，仲有得揀湯烏冬或者係配冷麵汁嘅沾烏冬or冷麵。仲有店員推介期間限定，不過我冇叫到我就揀咗個天婦羅烏冬配豚骨白湯暖下個胃天婦羅有兩條四季豆，一塊蓮藕，一條蟹柳，同埋兩條牡丹蝦，講真天婦羅冇乜食評可言但係佢勝在少油，有張吸油紙係底，要評價嘅就係個湯烏冬，食第一啖已經覺得係出前一丁嘅味粉，冇新鮮熬製既豬骨湯味道，食到好口渴呢個係海老穴子天丼，有塊炸紫菜，兩條四季豆，茄子，蟹柳，都唔錯嘅，係啲飯少咗啲，配一個麵豉湯，勉強夠飽啦。不過埋單$200有找，算係抵食嘅！

父親節去左青衣城天丼，5点9去到去到已好多人排隊，大约都等左3o分鐘。排隊期間就已睇定門囗個廣告牌(会不停轉顯示所有餐牌)，真係心大心细款款都好吸引。最後老公叫左天婦羅喬麥麵定食加左隻温泉蛋；我就叫左個巨星天丼，附送埋麵豉湯，儍豬豬🐷的我吾知原來有钣仲追加個冷烏冬。好在老公帮手食啲，而我本身都好肚餓，最终吾駛3O分鐘食晒。其實啲食物上得好快，而且大多数人客食完都好快走。仲有好多款式都想試，所以一定要去幫襯。

經常去日本一定會知道這間有30年歷史天婦羅連鎖店在日本都是價廉物美，現在終於登陸香港首間分店在青衣城開幕，由開幕到現在都是長期排隊店當日小妹自己一個所以就好快可以入座啦天婦羅丼嘅選擇比較多配搭， 今次就試了巨星天丼-貪心一族可以試下因為有不同天婦羅！ 包括黑虎蝦，帆立貝，魷魚 本菇，四季豆，紫菜，蟹柳！ 一次過滿足你唔同的願望味道的確同日本很接近，以價錢來説香港已經算唔錯 ~ 當然日本再平啦haha 下次再試一試其他麵食類

喺青衣城食lunch，第一次去食呢間新開一排嘅天婦羅店，平時 lunch time 都要排隊，比較多人。海老穴子丼：賣想好吸引，碗上滿滿不同嘅天婦羅，有豆豆， 矮瓜，雜菌，配上唔厚（都唔薄架）嘅天婦羅脆漿。但，海老同穴子呢兩個主角就失色咗啲，可能炸起一段時間，已經濕濕淋淋，穴子太淡，冇乜味。飯嘅分量亦不足夠，我好快就肚餓🤦🏻‍♀️ 如果可以跟飯有蘿蔔蓉就好啦👉🏻👈🏻以85蚊（未加一）黎講，性價比普通啦。同事話蕎麥麵好食，我下次試完再同大家分享。