天仁茗茶 (Closed)

最近差唔多每日一杯天仁茗茶想戒凍飲 但天氣咁熱真係好難又係一杯913鮮奶茶 加珍珠 三分甜少冰珍珠奶茶黎講 $27 真係唔算平但係係鮮奶 而913茶王真係好香珍珠較甜 所以叫三分甜 岩岩好

食完豐富的晚餐，去了hysan 行下街當消化一下，在DFS選購了少少化妝品，打算去誠品打下書釘，被朋友拉去天仁茗茶食雪糕！女人口裏說飽，但仍有個胃容納到大小甜品😂今次沒有叫913茶王，反而和朋友order了雪糕作飯後甜品～～以茶葉作雪糕，感覺較健康點（自欺欺人）我的紅茶雪糕，剛接過手忍不住咬了口，才醒起要拍照😂紅茶味清甜，茶味亦出，雪糕軟滑，食完口裏回甘，美味！朋友的鐵觀音雪糕也不錯，不會太甜太漏，茶味比紅茶更回甘，喜歡品茶的朋友必定喜愛這款！食完雪糕心情也馬上愉快起來～～～

想試天仁茗茶 嘅雪糕好耐，成日聽日講唔錯值得一試，但無奈好西實在太多，成日經過都太飽，今次終於係佢臨收工之前試到😆✌🏻綠茶雪糕（$23）原本想食鐵觀音味，點知去到話賣晒，差咁就轉綠茶啦～反正草根姐妹都幾好綠茶💚$23又真係平過坊間其他雪糕，一拎到都覺得幾重手，份量真係多👍雪糕屬於冰感❄️，加上真係有茶味🍃，食晒成枝都唔會覺得漏😋脆筒又係好唔錯，脆身之餘仲幾香，唔怪得咁多人推介！！下次一定要再嚟試下個鐵觀音味☝🏻👅不過唔知係咪趕收工，真係唧得幾差，好似冇左一截咁，另一枝就仲差，2枝未食已經咁嘅樣🙄直頭想叫佢退貨，再唧過！

天仁喫茶趣 來自台灣的霜淇淋每次去開銅鑼灣誠品書店，買天仁喫茶是指定動作，茶味香濃大大杯價錢又抵飲，雖然排很長隊但等候嘅時間唔屬於太耐，今次我就排另一條隊，只售霜淇淋的，有兩隻味可選擇，鐵觀音味及抹茶味，入口即溶仲要溶得很快，似幼滑的沙冰口感，唔似雪糕，但茶味香濃清新，甜筒也很香脆，未試過嘅朋友記得要幫襯下。

自從天仁茗茶黎左香港經常大排長龍是常識吧唯獨賣雪糕呀⋯⋯唔系！系霜淇淋唔洗大排長龍😏今次同朋友分別點左鐵觀音味同抹茶味第一次食左邊系抹茶、右邊系鐵觀音以哩個價錢佢都好大一枝入面系實心架🤣抹茶味茶味唔算太出，不過佢加奶嘅味道，比較似一般我地出面食開嘅雪糕👌🏻以CP值黎講佢做得算唔錯兩者比較下我就中意鐵觀音味多D或者我無咁中意食甜味鐵觀音味茶味比較出，就好似食緊茶味雪葩咁不過要留意番佢系"霜淇淋"而唔系我地平時食開嘅Ice Cream 🍦相比底下溶得比較，加上佢好大一杯，食到最尾嘅時候可能會變的比較狠狽🤦🏻‍♀️所以食到快真系好世界架總括黎講系好食嘅

同K先生喺CWB行完街之後，大家都吾餓，我提議不如今晚只食雪糕，K先生話無所謂平時去，通常都係飲佢嘅珍珠奶茶，今次第一次試佢個鐵觀音雪糕，可以選擇杯或筒，我地兩個都鐘意配筒食，d雪榚有好香的茶味,個筒都幾脆，有驚喜。

夜晚食完飯同朋友吹水吹到口乾，總會想飲野！天仁喫茶趣（即係天仁茗茶）係的確第一時間唸起！點解鐘意飲依間嘅嘢飲呢？因為佢嘅台式飲品，總係與別不同！因為佢嘅茶類好多，而且佢嘅茶出面好難搵到！呢間希慎店嘅天仁茗茶係我遇過嘅分店黎講，最多人手嘅，當然人龍都好多啦！當初知所以知有呢一間天仁茗茶，係因為去誠品先知有呢間，所以都有少少難搵咖！排隊嘅時候，除咗傾計，都可以睇下佢賣嘅商品！佢嘅茶類都幾多咖，價錢可以接受，鐘意飲茶嘅都可以去睇下！排到去收錢位，就可以睇到有咩飲，平時我中意飲913茶王、菊花普洱茶同山茶花紅茶，始終食飽飯先飲會解滯d，但凍飲總係冒會太濃嘅風險，熱飲最搵穩！但大熱天時，熱飲又解唔到暑、所以今次我簡左飲果茶系列嘅飲品！今次，我同友人簡咗珍珠奶茶同埋香橙綠茶。友人說天仁茗茶嘅珍珠奶茶突別好飲，我飲咗一啖，都覺得好香！而我嘅香橙綠茶，橙味比較出，食到粒粒果肉，又有小小綠茶嘅回味，整體黎講甜甜地，冇純橙汁甘寡！以我另外飲過嘅茶類飲品：913茶王：味道甘醇。菊花普洱茶：菊味較少，茶味香濃。山茶花紅茶：味道香而濃郁。整體黎講，我都推薦大家試下天仁茗茶咖

鐵觀音霜淇淋 $20好感動～蘋果乾暫，時忙完公事，可以有時間搵食😖約咗朋友，但未齊人，當然要把握時間去食野🙈朋友提議去天仁茗茶買野飲，我就無所謂！無惡意：我對天仁茗茶無較深刻印象，並唔係佢差，而係蘋果乾第一次飲就係台北嘅西門町，試問台北啲飲品大多數都出類拔萃，真係太多好野食好野飲，所以天仁並無令我深刻記得佢·朋友話：天仁嘅唔一樣嫁，用茶葉新鮮沖嫁！好，我真係決心試嫁，但劣根性又黎，一見到咁多人排隊我即刻想走人（無計，多人吹捧嘅我麻麻）但比我見到有雪糕食🍦，即刻決心我要食雪糕！（唔係間間天仁都有雪糕買嫁）既然試過抹茶，今次首選鐵觀音～果然無令我失望！天仁嘅雪糕一直茶味濃郁，唔會因為遷就市場需要而把雪糕調整得較奶或較甜，貫徹茶味作風，啖啖雪糕，啖啖茶味。口中充斥著鐵觀音嘅微苦與微澀，而味道亦較抹茶嘅濃郁，簡單一句：食緊雪糕就好似飲緊鐵觀音咁！

同肥髀食完飯後，在商場逛過時見到呢間書店內嘅台式飲料店，只係一個大櫃檯，飲品選擇多，不過我想試嘅係茶味雪榚，櫃檯一邊好多人排隊，又見唔到雪榚機，另一邊有個電視影住雪榚餐牌，嗰個位就係賣雪榚（同飲品唔同位置）店員落單後好快唧好比我哋鐵觀音雪糕（$23）可以揀紙杯或脆筒，我哋揀紙杯，雪榚顏色同參考圖片有出入， 軟雪榚幾滑，茶味微甘微甜，好香濃茶味！肥髀喜歡到食晒！店員有禮，雪榚味道有驚喜估唔到中式茶做雪榚都可以好好味道

同朋友行書店嘅時候佢忽然想飲嘢，咁我就提議一人飲一半啊。之後諗住叫一個高纖水果茶但係店舖話賣晒，咁就唯有揀其他飲品橙汁綠茶$22裏面的確有橙肉都有綠茶，不過啲橙唔係好甜有少少酸，另外綠茶質素都一般唔算太滑，整體來講味道都OK但係還有少少違和感，而且裏面冰多飲品少，飲到尾仲有好多冰添！

銅鑼灣希慎廣場意間誠品內的天仁茗茶長期多人排隊。飲品種類晤算太多但我今次晤係飲飲品 ，而係對意個來自台灣的鐵觀音軟雪糕有興趣，所以叫左啦軟雪糕味道不太甜，入口有回甘既茶香味，甜而不膩，奶味與茶味混合比例剛好，香滑柔軟，不錯的選擇。

每次行開銅鑼灣都會來誠品睇下書經過呢間天仁茗茶幾次一直都未有機會試一直都有聽朋友講話呢間好好飲離遠已經聞到好大陣茶香味雖然入邊有成五六個人做野不過都幾多人排隊等嘅時間都唔算短我點左一杯冰珍珠鮮奶綠佢呢度有得揀唔同嘅甜度同埋冰多與小呢杯盛惠21蚊奶綠奶味夠香濃但又不失茶香啲珍珠細細粒粒質地煙煙韌韌唔會好林

.天仁茗茶 茶味霜淇淋系列.阿薩姆霜淇淋(前)奶味較重嘅black tea雪糕，茶味唔係太濃，似珍珠奶茶味。.鐵觀音霜淇淋(後) 茶味重奶味比前者輕好多，亦無前者咁滑。

港人一向熱愛珍珠奶茶小妹亦都唔例外炎炎夏日最中意就係飲番杯既消暑更重要係又飽肚，一舉兩得係芸芸既珍珠奶茶店中小妹最鐘愛便是天仁茗茶雖然選擇不比其他台式飲品連鎖店多但勝在真材實料小妹最愛便是它的珍珠鮮奶茶其實早在天仁茗茶還沒係香港開分店既時候小妹便係台灣見識過記得茶味香濃但又能喝到濃濃既鮮奶味有別於其他開粉用奶精既奶茶店所以小妹一直盼佢地香港開店自從開店後小妹久不久便會幫襯開業四年來已經賣出超過218萬杯認真犀利今次到希慎食飯當然少不了整番杯啦仍然是珍珠鮮奶茶少甜少冰茶味一如既往的香濃然而又能喝到濃濃鮮奶味加上煙煙韌韌甜甜的珍珠無得輸

今次小妹介紹嘅係天仁茗茶嘅新產品軟雪糕今次我去咗銅鑼灣𠴱一間，知道佢哋推出左兩款口味嘅軟雪糕.一款係茉茶另一款係鐵觀音。本人對綠茶興趣不大於是我就買咗一杯鐵觀音味道嘅軟雪糕。先講雪糕本身嘅質地入口即溶同一般軟雪糕冇乜分別，再講鐵觀音嘅味道我諗呢隻味一般人都接受到佢唔會太甜好有茶味。最後講到脆皮雪糕筒我就覺得佢唔夠鬆化不過呢個份量食晒成杯真係有啲飽肚.講到價錢方面$20我本人覺得可以接受。整體評分我俾佢4分