天仁茗茶 (Closed)

✨阿薩姆雪糕🍦 $20好味，又抵食，天仁，雪糕💓每啖都好有阿薩姆紅茶味~ 🙆🏻 口感幼滑!😋 奶味香濃可惜個筒吾係威化餅果種 好難食！不過呢度好方便 睇完書可以食番杯軟雪糕📘

次次行過誠品呢個位都覺得勁香！諗住已經9點幾無咩人排啦掛，結果都仲係勁多人。叫左杯珠奶，係朋友推介既，半甜剛剛好，再少d就應該會有d苦。 唔知係咪因為用鮮奶感覺個茶特別滑，不過亦都因為用鮮奶覺得個茶唔夠濃。 珍珠算係幾甜，煙煙韌韌幾好食，而且細細粒好容易吸上嚟 整體感覺唔錯，下次會試下用奶粉溝嗰種。

「我地不如去誠品？」　　還以為突然文青，忽然好學，但其實目標不是誠品的眾多藏書。跟這條U形長龍的廿幾三十個客人一樣，我們到此的一目的為天仁茗茶。　　夏日炎炎，為了消一消暑，我倆才會特地走上多重電梯。別了冬日暖身的薑茶，盛夏之中，我們有的是冰沙。等待期間有職員送上小杯茶給客人，我們與此無緣，但還得說是貼心之舉。　　綠抹茶拿鐵冰沙　$30一喝之下就是抹茶白朱古力的味道。茶味淡淡，甜度甚高，同時略帶奶感。若非製成冰沙夠凍又有少許輕綿漸化的質感，這也許會是甜膩之作了。　　檸檬綠茶冰沙　$28頗甜，可是這款就清很多。檸檬酸味自然，開胃，茶味不算很突出，不過同樣地幸好是冰沙……以後要喝的話我還是選無糖的款式好了，順帶一提，天仁的香芋飲品及薑茶不錯。

來誠品買書，睇書都必然心思思想飲茶！由以前飲珍珠奶茶到宜家揀菊花普洱茶，913茶王，鮮榨水果茶！務求健康第一！無糖的中國茶係我的摯愛，每次都回味無窮，必定記住！比飲咖啡仲易上癮！價錢貴得有道理！值得！

估唔到咁多人排隊是有其原因的！這鐵觀音雪糕既香且滑又有茶香。味道甘香唔會過甜，奶味唔會太重，質地不會太冰但太水，茶香同奶滑的比例相當好！這只消二十元的雪糕，味道同中村藤吉有得fight, 真是cp 值爆燈！強烈推介。

今晚放工來誠品睇書 咁岩口渴 就黎買杯天仁飲下嘩！條隊真係好長 大約二十人在排隊 但十分鐘就排到！好有效率咁落完單 等多兩分鐘就有得飲喇呢杯珍珠鮮奶綠 我叫左少甜少冰 甜度岩岩好 個人比較鍾意咁樣 偏淡的鮮奶一啲油膩感都無 感覺好清新 淡淡既鮮奶香 在夏天飲非常之解渴珍珠甜度適中 口感一流 煙韌彈牙 天仁果然係令人有「幾多人排隊都要買」的理由！

係誠品書店打完書釘見到又有天仁，不禁心痕痕又買左杯野飲!!愛上天仁係因為佢既珍珠奶茶品質同水準都比一般既台式飲品店高!今次朋友就推介我飲香橙綠茶，話好多人試過之後覺得一D都唔伏!~大大啖飲一啖落口，橙味十分突出，仲飲到有橙核添!好驚喜香橙綠茶真係用新鮮既既橙柞汁而成，真材實料無添加，係我最BUY!而且因為用新鮮既橙柞汁而成，仲食到有dd既橙粒，增加左口感!!但最大既敗筆係既宜杯係叫香橙綠茶，唔係叫香橙汁，整杯既香橙綠茶欠缺左綠茶既茶香味，似飲橙汁多D!

9月3日, 喺銅鑼灣誠品入面, 最多人流嘅唔係賣書嘅地方, 而係成日都排長龍嘅天仁, 今日我地都第一次排下睇下佢嘅奶茶係咪咁吸引~::: 913鮮奶茶 ::: $22這隻奶茶用上天仁出名自家的913茶, 再加上鮮奶而不是用奶精~ 913茶味濃郁, 飲一啖先係濃賣郁嘅鮮奶味, 跟住茶味就淡淡流出, 又甘又香~ 平時飲嘅奶茶只係有甜味同濃濃奶精味, 呢杯就完全冇呢d味~ 應該係我地飲過嘅最好台式奶茶~雖然價錢比起其他台式奶茶貴少少, 但係以質素來說贏幾條街, 唔怪得有咁多人排隊都要飲~ 

人地一日要飲一杯咖啡，我就慣左一日幾杯濃茶，我係正宗既茶痴。剛買完書，見到呢間店有個「茶」字、所以就叫左杯菊花普洱飲下，點知就上曬檔………第一價錢唔平；第二，我唔suppose佢叫菊洱會問都唔問就幫我加甜!你話珍珠奶茶呀、其他特色似品加糖就正常姐，菊洱加甜我真係未聽過…杯茶冇茶味，冇菊味，得甜甜地同苦苦地…似涼茶多啲，好失望

係food court食完飯，再去天仁茗茶到買珍珠奶茶飲係指定動作。今晚食完飯9點幾，落去排隊時佢竟然話珍！珠！買！哂！晴天霹靂，但真係好口渴，所以買左個奶綠飲，味道係好既，不過無左珍珠硬係爭梗ｄ野。而且今次唔記得少冰，基本上有半杯都係冰，飲完都仲唔夠喉。。。

上次食左鐵觀音味又幾正，今次就試下個抹茶啦！不過今次就有啲失望😵個雪糕溶得好快🌚好彩有個👧好好心咁遞左tissue比我👏抹茶味較為清淡，冇任何苦甘。但係整體都ok又好大杯，不過真係溶得太快la😵我係香港最愛的抹茶雪糕依然係Icremeria😁

鐵觀音雪糕🍧 $20聽說是台灣的過江龍，吃下去有一股powder的口感留在口中，苦澀，由於奶味偏重，鐵觀音的味道相對的淡了許多, 少了鐵觀音原有的鮮爽甘醇😕而且溶得都幾快。 我建議直接喝茶才能喝出它的清涼醇厚味道

今晚心情很好，特意和小敏來希鎮廣場，來喝一喝這杯竽香奶綠，其實天仁已在誠品有差不多近三年，直來說生意有升沒減!我和小敏特別愛竽香奶綠，喝了一口，竽香和鮮奶的味道很夾，品道一絕，口中仍滿滿的竽頭粒粒，口感不俗!難怪長期以來也一直要排長龍!

每次过去都是排了一条长龙，去了几次都没喝，印象最深的是第一次经过被味道吸引住，但刚吃饱饭实在喝不下，这次决定试试，味道是比较天然，不会像其他奶茶那么甜，不会太腻，所以衬得珍珠是甜的，还行吧，如果是想喝个清甜的饮料还是可以选择的

之前試網見過有文章講香港十大必食雪糕 天仁有份 點可以唔試呢 佢雪糕有兩隻味：綠茶同鐵觀音 綠茶控既我梗係要前者佢仲要做緊特價 $20 原價$22等左一陣就有份量絕對好足！大大坨雪糕！食到底都仲有！佢仲有一條餅仔喺隔離 咸咸地又香脆 配雪糕一絕！雪糕方面 好香綠茶味 食落好滑！