鉄板200 (Closed)

想試佢地個藍蟹肉餅好耐, 今日終於搵到個friend黎試燒又燒. 以前排晒長龍, 但係今晚得一半滿, 有d不祥預感...首打就梗係藍蟹肉餅啦! 另外仲要左個凱撒沙律配蝦天婦羅, 日式炸豆腐, 小元貝沙律.先上係沙律-- 天婦羅油淋淋, 而且有隻燶晒, 想必係油唔夠熱. 凱撒醬唔夠多, 沙律無乜味, 失敗!藍蟹肉餅-- 啖啖蟹肉, 好鮮甜, 不過芥末汁太啃, 如果有他他汁會好好多. anyway, 已經係是晚唯一佳作.日式炸豆腐-- 好硬o既豆腐炸脆, 似潮洲炸豆腐多d, 唔好食!小元貝沙律-- 好細份, 小元貝唔鮮甜, 唔得唔夠食, 但係又無野好食, 最終叫多客藍蟹肉餅. 無下次!

新城市自去年重修, 多了不少新餐廳, 擠得七樓很熱鬧. 同行一位auntie說, “秋天的童話”裡, 發哥的餐廳正叫Teppan. 某天逛vcd店, 許冠文一套舊片也叫Teppanyaki.Teppan開張明義, 是造日式鐵板燒的. 吃燒板燒, 手工比材料重要得多. 求香口、求火喉, 嫩滑能保持肉汁者最佳.燒羊扒相當稔嫩, 但少了羊肉應有的羶香. 厚燒豬扒先天問題, 必須十成十熟透, 肉質方面, 自然被比下去. 不過, 若說這麼厚的一件豬扒, 平生吃過的, Teppan燒的也說十分不錯了.此外, 燒板炒飯亦值得推介. 三十八個大洋, 一大碟, 足料足味.飯後走到餐廳外的starry garden散步. 大棵大棵的樹上垂著星星串, 耀目燦爛, 還很浪漫. 雖說有些造作, 但不失為談情/表白新勝地.

今天我與朋友兩人到新城市廣場7樓Teppan (燒一燒).座下後我們便叫"牛肉煲"、"炸豆腐"、"燒三文魚腩"、"吞拿魚手卷"當時18:30 已經沒有"燒三文魚腩"、"吞拿魚手卷"，那我地食住先之後再叫.不到10分鐘先來"牛肉煲" ($5x) "牛肉煲" 有黃牙白、小唐菜、豆腐、粉絲類既野、三四片肥牛見到呢煲野好有期望，點知牛肉已經好老了，好難"趙"隨後上炸豆腐，唔係好差，不過下次唔會叫.因為唔夠食, 所以叫了個"中華黑豚炒拉麵"，呢個可以話全晚最好食既?，只不過都有一兩"住"麵, 是硬掘掘，不知是炒過龍抑或什麼。呢間野做好多鐵板燒，不過野食唔多。

上個禮拜二，我同女友一同去沙田食飯，又唔知食邊度好，見到佢ｄ推介幾ｏ岩我食，唔洗等位就入左去，跟住叫左好多野食，有ＢＢＱ鴨胸，海洋旋風卷，牛柳粒，什錦魚生同埋汁燒牛肉，都幾好食，魚生好新鮮，牛柳好鮮味，卷物有創意，汁燒牛肉熱辣辣，Ｄ侍應服務超水準．又會主動幫我地加茶，見我杯茶凍左，佢好主動幫我換過杯，因為我地好飽，我地食唔曬，佢問我點解食唔曬ＧＡ，係咪Ｄ食物唔ｏ岩口味，跟住我就同佢講我好飽ａｒ，下次來先食過其他，之後果位侍應就笑住ｏ甘行開左，最後我地飽到要抱住個肚走．．總括而言，我覺得呢度係值得一試ｇａ！！！

9:00p.m.後有八五折，咪去試囉，叫左個seafood炒烏冬，金菇牛肉卷，幾串串燒(雞軟骨,雞腎,冬菇同日本番薯)，海膽手卷，一杯唔記得叫乜名O既JUICE。食物賣相OK又夠熱，值得一試係D串燒，有O係日本食O既八成風味，可以話係我食過同類型數一數二正呀，必食推介冬菇串，我都唔識講，總之D味好特別啦。不過成間餐廳得門口兩張食得煙，扣小分啦，埋單八五折後都要$198.....都幾貴。不過都會去多次試多Ｄ其他野食。

早兩日同朋友食晚飯，見未試過，大家當然要試試啦!我地都試唔同類食物如下: 1) 海鮮炒烏冬..........略嫌海鮮份量少d，味道ok2) 雞肉飯............okay3) 鐵板牛肉............都唔錯，果汁好惹味，朋友仲加一碗白飯撈汁添4) 夀司八件............大家都覺得ok5) 燒雞肉串..........好味6) 燒雞軟骨串..........都幾好7) 燒鮮菇..............唔錯環境幾舒服，服務都不俗呀!

早2日有個內地朋友響內地落左黎香港玩，今日佢就約我響沙田新城市廣場度食午飯聚下舊。我唔多熟路，經保安指示去到全層都係餐廳既7樓，我地2個女仔又睇又格下價，最後黎到一間”燒”既日本料理店。佢地主打食燒物，不過侍應話都提供西餐^__^(果然就香港人口味)因為肚餓，要食飯，我叫左個燒牛扒便當(跟麵豉湯﹑魚生﹑前菜﹑沙律﹑飯同飲料)$62朋友叫左香草蕃茄海鮮燴天使麵(跟南瓜湯﹑飲料)$48，亦都係我想試既一款^^;;;兩個餐份量都OK大，前菜係青瓜螺肉，沙律係薯仔沙律，都好食。因為我唔食魚生(朋友都係)，問佢地可唔可以換其他熟食，換唔到都ok冇所謂，最後佢換餃子畀我~~happy。個餃子外型好得意，都好食呀，個涵有d雞軟骨，咬起來咯咯脆^__^反而個主菜~牛扒’UN’到…>.<﹗很難咬開，而且味道超一般，冇咩味…b。我心諗呢度唔係主打’燒’既食物嗎..但….(汗汗)朋友的天使麵反而好好食，而且材料好足，大蝦都有成3,4隻。服務好好﹗環境優雅^3^今次我請朋友食,總數$122~

昨晚同朋友上7/f 搵食..經過門口..見幾多選擇又唔太貴..咁就入去試試啦...入面環境ok...開放式廚房..睇到佢地烹既過程...既衛生又整齊...+小小印象分啦...坐低冇耐...d 侍應就過黎推介我食野,知我第一次黎,仲係咁介紹menu上既食物,又問我地鍾意食d乜...serve 唔錯.起碼會主動加茶,有笑容,上菜時仲叫我地請慢用tim...我地..order左牛柳粒,刺身,串燒,野菜炒飯,海鮮鍋...整體味道唔錯,不過眼濶肚窄,下次先再黎試其他野....唯一扣分...就係個度d音樂太嘈...想同女朋友靜靜地傾計談心都唔得...

食三文魚扒lunch set,南瓜湯超難飲,甜到死左! 餃子一般,三文魚細左d,薯仔未熟,千祈唔好食,上面好似係酸忌廉的東西好怪! 連多條牛油粟米同蕃茄一塊就係一餐,唔多夠...

20051226 8pm跟家住新界的好友A小姐在新城市內shopping, 吃晚飯. 四圍逼滿人, 這家不用等, A 說想吃肉, 更好, 不作他選.坐下, 看menu, 沒有set, 要點單品, 真煩. Teppan 看外表大概是日式西餐廳, 但看menu, 又唔西得晒, 所以都唔知count 佢做咩好. (fusion??? yaccck!)2人share-* 日式香蒜鐵板燒牛柳- 粒上, 要了八成熟. 牛柳粒味道OK. 唔韌唔鞋口. 不過好寡lor. 真係得幾粒肉咁樣, 點gravy 同吃. * 日式鐵板燒雞扒- 切好條狀上碟, 皮脆肉嫩, 不錯, 可惜是雪雞, 無雞味. 點的那個芝麻汁味道有趣, 雞點了後像中式燒鵝! 哈哈哈哈~* 蒜香鐵板雜菜炒飯- 典型日式炒飯. 好油. 味道OK, 除油味外就是無味lor.吃燒肉熱氣, 我要了支Asahi, A要了Stella.店內服務OK, 但上菜頗慢, 另門口receptionist 相當不禮貌.環境較暗, 裝修一般. 位與位之間很逼, 無計, 香港食店通病.埋單total $250, 比我想像中便宜.本來只想grade 平平, 但是計埋

之前男朋友食過lunch 話難食，後來一晚夜左食飯，於是我同佢見無乜人就再幫襯一次。食左三色刺身，$45 三款，好肥美!!!仲有鐵板炒飯，煙韌好味蟹子沙律/牛舌等等都ok但我結論係可能佢既日色料理比西式出色~但總括黎講又唔貴又好味喎!尋日自己走左去食LUNCH SET鐵板牛肉炒飯，$62送湯/飲品同炸生蠔，仲要係好味添!唔係大家講得咁差架~

我覺得都ok..食物方面很多卓頭，真係會好飽，甜品都幾好，價錢合理～！　　至於服務方面，侍應主動細心，介紹的食物和飲品都可靠，水準令人滿意ｏ　　可以推薦比各位老友去try try ~!

　　星期一和我女友食飯，去了一間美日燒，內裹環境整理，侍應服務認真主動，比起以往所去過的有禮貌，　　難得．．．！　　佢地介紹比我們的食物和飲品都有一定0水準，那裡的二人日本餐好底食，drink is very good 值得我下次再去hehe~!

Last night 同個Friend 行開Shatin 搵野食，　見到佢ｄmenu幾特別and 有張似加拿大肉蟹又似美國登建士蟹既相display 係門口，　咪入去try try. menu冇show隻蟹，　so叫左waiter 問　& order左個隻$168既燒蟹．　不久竟然送來１隻紅當當既本地肉蟹，　問個waiter佢話係日本蟹　（嘩然！！！咁都得），　再問部長，佢都死頂，　問佢日本邊度，　佢又唔出聲，我地話同出面張相相差得好緊要，　佢立即好順暢地話cut左張單and then 走左，　重唔係明知衰，免得我地再投訴．　　Anyway 唔試好過，　其他item do 係一般，羊架冇羊味，　日式薯皮only 得薯皮．　總結：眼高手底材料差　　!!!

Very bad taste. I order hambuger steak and Rib eye steak--- (hard and dry like a stone, no juice at all) Wait along time too.A glass house white wine--- I Just can't believe it when the waiter bring it to me. I think only 60ml.I will never never come to this place again.for this price, I should be much more better food.