鉄板200 (Closed)

上個禮拜我同屋企人四個人去食，之前我都上過黎睇過，所以我已經選擇有人話個好食果啲先食，點知都係唔得，雖然未至於好難食，但唔新鮮已經令人好難接受，佢地啲燒我覺得唔係即刻整，因為黎到我食到覺得唔多熱，本來我係到見到話啲壽司唔得，但我因為見特價都諗住試下啦！因為都唔係好夠飽，啲野太細碟，點知係好唔得，話特價但都唔平，要十多元一件，唔低！

試過食佢地d鐵板燒, 認真麻麻(但係就搵呢樣野黎做生招牌??)反而佢地o個隻美式燒肉眼扒好鬼正夠juicy, 又原汁原味, 加埋紫蘇同牛油真係好香口。我同老公次次去teppan都點呢味菜另外蟹餅係真係用好多蟹肉整, 之不過佢個d wasabi醬真係超難頂.... 下次叫一定要走醬service方面, 我最唔滿意點解訂左位, 就算早到左5分鐘都唔俾人入座, 反而遲黎但即時拎飛o個d可以早過我地入去坐..... 其實佢地一早reserve左張檯俾我地, 但係又唔俾我地早入去, 係要咁rigid一定係book8點就8點先俾入去坐..... 我真係好唔明啊!?!?!?!?!

上個happy friday同3個friend去左沙田tappen度食野，d waitress都幾pro，識得問下邊款野食要唔要芥辛辣(好似烤大茄子，蟹肉餅)，又會成日自動加茶，好有禮貌。最正都係佢地推介既特飲草莓乳牛，酸酸地又好香提子味。個美式炸蠔同埋燒羊扒都唔錯，重有個漢堡牛肉，雖然個樣成個包咁，但又真係幾juice 幾好食。

噚日lunch去鐵板試下, 我地7個同事一齊去, 叫左以下o既野食:1) 12件壽司: 一般, 唔夠新鮮2) 炸洋蔥圈: 一般, 唔夠味3) 牛肉腸: 唔錯4) 軟殼蟹卷: 一般, d軟殼蟹少到食左都唔覺哈5) 蟹籽沙律手卷: 唔錯6) 咖哩豬扒飯(set lunch): 幾好味, 好香7) 茄汁海鮮炒意粉: 一般8) 老天婦羅: 3件蝦天婦羅, 一件係矮瓜, 一般, 豉油叫左2次先拎黎9) cheese cake: 上新城市個web site print出黎, 送的, 幾好味, 幾有口感總括黎講野食只屬一般, 服務方面, 當我地畀張coupon 個waitress個陣,佢一望見已經話唔得, 因為係copy, 我地話上網print的, 咁佢話有d客拎張黑白黎多數都唔得,而我地果張係彩色的, 佢解釋左一輪, 我地叫佢問左經理先,其實唔係個個客都有color printer啦,人地拎左黑白黎都好正常o者.最後我地見到整魚生同壽司果2位師傅,有一位無戴手套喎哈哈!!!

6月30日夜晚去, 沙田新城市有餐廳唔駛等位都覺得奇怪, 叫左個波士頓卷OK, 之後個野菌雞窩飯, 野菌得幾條, 雞同飯一D唔熱, 個飯好似豉油撈飯咁, 都算, 等極個百幾蚊, 餐廳主打燒牛柳都唔黎, 催下佢, 點知即到, 但係凍o既, 即係一早煮左無人應領, 有人叫就拎出黎. 於是即叫佢換, 點知又等左幾個字, 連放入微波爐都唔識去整, 明知個客嘈都唔優先處理, 於是決定取消. 仲有, 原來又係Suzuki 集團, 同金鐘一樣, D 侍應發夢, 又唔理顧感受, 差差差.

本來想寫官塘apm 的分店, 但我在同一個禮拜去埋沙田間分店試菜, 簡直有天淵之別!apm 分店8月9日正式開張, 我在8月10日晚上七點多到達, 不用等位, 只係好多人在門口睇餐牌, 我食左個半鐘, 叫左厚燒牛舌, 牛肉xx卷, 燒雞翼, 豚肉露旬卷, 燒雞軟骨, 鐵板牛油炒雜菇, 鐵板鵝肝, 甜蝦壽司, 北寄貝壽司. 基本上都頗滿意, 而且服務態度不錯.於是叫朋友一起星期六去了沙田的分店再食, 同樣叫了厚燒牛舌及豚肉露旬卷, 但厚燒牛舌來到, 令我非常失望, 因為尺寸小了, 而且薄了, 我在apm吃的牛舌有2.5"-3"的直徑, 厚度有半寸, 四塊大大塊, 有點像在吃牛扒, 但沙田的牛舌只有2"直徑, 1/4"寸厚. 而豚肉露旬卷就更離譜, apm的每串有四件, 起碼有手指尾的長度, 但沙田的每串只有兩件, 長度只得2/3的尾指長度, 查問下職員竟然說是可能是官塘分店"豪"給我們, 而牛舌則要看來貨而定,所以尺寸有所不同. 聽完解釋後覺得更不合理, 難道它們品質無保證的? 居然間間分店都可以不同? 如果要看來貨而定, 那他們負責採購的同事是否要辭職? 我不想再那職員不合理的解釋,

好多地方都有得食，其實去ｔｅｐｐａｎ應該食下佢地既燒野，不過果既唔想食啖啖肉，所以叫左哩個意粉，意炒唔爽口，　茄汁濃ｄ會好ｄ，海解都少左ｄ，　其實都巳算唔錯的了

知道新城市開左好多間新野,諗住試晒佢.點知第一間就出事喇.一坐底,叫完野食就聽到有個中年男人捉住個侍應仔係咁插."半個鐘先來,一個鐘先出牛扒,仲有個兩個都未來,叫你地又唔應走左去台.同我取消佢,我要埋單."叫左彩虹卷,無特別. 鍋雞飯, 都ok因為我鍾意食多汁. 鐵板燒銀雪魚$60, 燒得太乾. 燒茄子$40,一隻分兩邊燒, 再切開八o舊, 但有一半係燶o既. 分量真係少得可憐. 仲有食晒野後, 突然有一陣強烈燶飯味.d侍應好多都係新手. 上菜個時問佢d係乜, 佢都唔知. 希望第二間會好d掛...呢個價錢應該食得好d.

昨晚1行4人等左45分鐘總於有位，叫左1)刺身6種拼–其他嘢食差唔多到齊先到，每種得2片，份量小得可憐，一d都唔值$1602)清酒蕃茄煮蜆–味道ok，但d蜆有沙3)牛油炒棷菜–蒜片又硬又唔脆，份量一樣小得可憐4)燒牛舌–味道一般5)海膽炒飯–海膽”舖飯至真，海膽不是與飯同炒，以係將一湯匙大小的海膽舖在炒飯上，炒飯有d硬，份量一樣小得可憐(約半個大湯碗)，$70唔值6)美國什排–$158一份什排，原以為份量都唔會細，但係只得半條腸(味道食唔出係咩肉，友人好似見到menu寫係牛仔腸，但係冇牛肉味)、一塊雞排(味道一般，有一大塊牛油放面，唔算太乾)、一隻手指公大小的羊排(我地要5成熟，但係變全熟之餘，還要燶了大半)及牛排(我地都係要5成熟，一樣地變成全熟，又乾又硬)，拌菜有1條”bb”蘆筍、半個蕃茄同1/4個檸檬一間賣燒物及鐡板食物的餐廳，可以將5成熟變”well done”，都算係頂級技術lor。服務麻麻，食完的碟冇人理，茶冇人refill，份量又細，絶對唔值，我一定唔會再去

蟹餅：有蟹味，唔錯唔記得乜乜炒飯：幾大兜牛柳粒：好鬆軟，味道都唔錯蕃茄煮蜆：都幾好味見到隔離枱食牛扒漢堡，原來真係巨型牛扒漢堡包，唔係漢堡扒

先講服務不滿一朋友生日一行7人,電話訂座8:00pm.仲問了圓檯定方檯,到最後一句sorry 沒有記錄,仲話佢地公司不接受8:00過後訂座!!!起不是有鬼??最後後補都等了45分鐘不滿二服務員成杯茶倒潟落我朋友身上都好似無講sorry,,淨係用成疊成疊餐紙"對"比我朋友!!!再講食物又少又貴!!!!!都唔知點可以容許一班朋友一齊慶祝..食到慶就得少~~~~~叫左個矮瓜...薄過一塊火腿...煎讓三寶5蚊四件相比呢到四五十蚊先等於一件份量!!!!仲有煙肉炒飯,同之前d食評一樣..好細碗..仲有串燒..10蚊串最少2串起我們叫左8串,,,佢用隻大碟.一串一碟...賣相真轉寒酸~~貴~~~~$165.什扒...一件羊,一件牛,一條珍寶腸,仲有咩我都唔知lu,,,都唔夠分,,,佢menu 寫有sidedish...問佢sidedish有咩揀...答案係..薯仔..或蕃茄.或者((檸檬)))))what'sthat...!!點食呀...問幾成熟...8成最後變2成!!!血流成河!!..唉唔講la最後係..成晚叫左好多鐵板野.但未有一樣鐵板上....好差..價錢看似和一般魚一丁..和民.但份量就少

去過依間鐵板吃晚飯。食物水準一般。牛扒叫7成熟,結果右邊5成,中間7成,左邊全熟,好有層次感....叫個鐵板炒飯,就咁用個湯碗上,但只有半碗, 即是普通SIZE的2碗飯最唔得既係,我們再叫一個鐡 鍋滑蛋鰻魚飯。佢又整個湯碗來,即係普通既滑蛋鰻魚飯。但是我們明明見到隔離檯係用鐡 鍋上。問個侍應佢說係咁既。我們指向隔離檯,佢就說唔清楚,要問經理。之後,個經理過來.收了碗野。同我地講,依碗野唔係俾我們既,係其他客既。個餐牌明明沒有普通既滑蛋鰻魚飯等了一陣.個經理攞個鐡 鍋來,不過明顯佢係將頭先個滑蛋鰻魚飯倒落去。我們見到D滑蛋鰻魚東倒西歪,滑蛋已經係老蛋,飯已經係燒焦得很嚴重。個經理仲抵死到講,佢已經重新整個俾我們。佢自己係白痴,唔好當人地都係白黐先得架!

同上兩位食友一樣，我都係響佢開張第二日去幫趁，不過係晚市。預先沒訂位。晚六時多到達，有很多空檯但侍女竟然說要等，大概係因為訂位者眾? 等了十分鐘後入座加坐了超過半小時後才開始多滿座。點了以下食物:蟹鍋飯- 熱辣辣幾好吃，揭開鍋蓋香氣四溢；串燒牛舌- 普通，EXP^2 的出品好吃點；軟殼蟹卷- ok, 但元氣出品的軟殼蟹手卷香點好吃點；荵燒牛肉卷- 牛肉欠缺了應有的肉味和口感；因為係新開的關係，侍女們非常忙而又手忙腳亂。在鄰桌收拾時更有把餐刀在我的頭傍滑出跌落地! 雖然只係餐刀，亦係刀柄先落，但係侍女連道歉的意思都欠奉，實在有點過份!

今天我老公放左公司兩個鐘頭飛機,陪左我去沙田新城市食lunch,我地上左去七樓,發現開左好多新o既店鋪,便入去試下,我們叫了一個煙肉炒飯,雞腎串燒,凱撒沙律又名(垃圾沙律)鐵板香蔥牛肉卷.個凱撒沙律一d都唔好食,請我都唔食呀.其他都ok,希望下一次去食個沙律會有改善la.

開張第二天既lunchtime 走去試試, 由於receptionist 一早聲明只得set menu, 所以冇問題丫...同事點了銀鱈魚set, 我點了牛肉炒烏冬, portion 比較細, 女仔份量, 不過用料都唔差, 銀鱈魚燒得好香, 牛肉炒烏冬見佢在鐵板度即炒, 好香, 不過牛肉唔夠嫩．．．抽煙系統幾好, 聞唔到有油煙味, open kitchen 幾靚, 有點似cafe too 格局...服務都幾好, 跟單跟得幾足, 我諗係冇乜人既關係呢~ 不過都見到有人笨手笨腳, 跌到一地都係刀刀义义...日式咖啡唔錯, 比pokka 好好多: )set lunch 價錢$32 - $68不等