Terrace in seaside (MOKO新世紀廣場)

Open Now

Now Closed

第一次忍唔住要打食評，佢地會係你食緊野果陣，問你駛唔駛收碟，駛唔駛執枱，但明明仲食緊碟上既野食，之後會問你兩次叫唔叫甜品，唔叫轉個頭又再執野，前前後後大約俾人問左7-8次，望下個時間，原來都只係食左一小時左右，終於明白點解愈黎愈少人出黎食野…食物就正正常常，未去到好驚艷，炸雞正常，意粉普通，其餘食物都係普普通通，再加上可能晚市無哂兩、三樣特色飲品環境黎講都算唔錯，但對住果堆趕你走既服務，有幾靚都無心情欣賞了

木系舒適設計，處處都會見到柑橘橙色，亦有綠色植物作裝飾佈置！👉🏻前菜分別有醃蘿蔔同魚片，非常開胃！👉🏻柑橘窩夫伴雪糕 $135賣相好靚，窩夫鬆軟香甜，配柑橘嘅酸甜風味，好清新，不會太甜膩！👉🏻炸大魷魚拌炸醬麵 $195勁大個炸魷魚，外型好似個大蘑菇，魷魚酥脆，入口就好彈牙，炸醬麵醬汁濃郁，口感煙韌，讚！👉🏻濟州柑橘乳酪 $68大大個柑橘果殼做裝飾，新鮮果肉同乳酪打融，清新又酸甜，絕對係呢度嘅signature！👉🏻韓國螄蚶拌飯 $192新鮮嘅螄蚶，夠鮮嫩，仲有大蝦，好有海鮮風味，後勁個辣非常惹味，仲可以加埋紫菜一齊食！👉🏻熱情金菠藣沙冰 $62大大個菠蘿好吸睛，用新鮮菠蘿果肉同冰塊打融，軟綿綿嘅沙冰，好解渴！👉🏻酥脆雞胸軟骨 $62脆脆嘅外層，配有蛋黃沙律醬，炸得香脆！

全新MOKO新分店!! 無論環境和食物打咭都一流，燈光好光猛，坐得舒服特飲和甜品一定不可以錯過，見到已經心心眼! 😍😍🍴韓國螄蚶拌飯米飯炒熟之後，再加入新鮮嘅螄蚶同其他調味料拌勻。每一口都可以感受到米飯的鬆軟口感同螄蚶的鮮甜🍴炸大魷魚拌炸醬麵大魷魚經過炸至金黃酥脆，口感酥脆多汁。配上拌炸醬麵，麵條口感彈牙，醬汁濃郁，味道偏甜，帶有粒粒肉燥，口感層次豐富🍴酥脆雞胸軟骨雞胸肉經過炸至外酥內嫩，口感酥脆多汁。軟骨部分則帶有嚼勁和鮮美的雞肉香，配上特別的青瓜沙律醬，既能提鮮又能增添風味🍊濟州柑橘乳酪濟州柑橘較本地橙較香濃，乳酪口感滑順，帶有柑橘的清新香氣，飲落爽口清涼🍍熱情金菠蘿沙冰用上整個菠蘿，打咭拍照一流!!!!清甜多汁，沒有酸澀味，金菠蘿和乳酪的味道好融和，甜度合適和冰沙細膩，果香滿溢又解渴🍴柑橘窩夫伴雪糕窩夫外酥內軟，帶有香氣和柔軟的口感。搭配冰涼的雪糕和柑橘的風味，帶來一種甜蜜又清新的口感。每一口都可以感受到窩夫的酥脆和雪糕的滑順

琴日去咗旺角moko商場食terrace in seaside 見個餐廳最近出care bears🧸主題 於是就同friend食呢間點知服務態度超差!!!😠😡🤬入座之前有個侍應話「今日有特別優惠活動 滿$400可以有care bears 🧸禮品換購」 之後我同friend就食埋甜品🍮湊夠$400 點知埋單嘅時候 我問侍應係咪滿$400可以有care bear禮品 個侍應答「冇晒」 😠問佢點解派晒唔同客講 個侍應冇答我!!! 🤬🤬不可理喻🤷🏻‍♀️然後100%飽100%怒氣走!!!

全港第八間分店新開張🥳人氣打卡韓式Cafe📸❤️大熱度假風主題🏖️#sdm旺角 #sdm九龍塘 #sdm九龍灣 #sdm屯門 #sdm啟德 #sdm元朗 #sdm沙田 #sdm尖沙咀 #sdm韓國菜 💎 韓國螄蚶拌飯 $192值得一試‼️（😋：8.2/10）👍🏻：其實每次食完都唔係好知螄蚶係乜嘢🤣🤣不過佢調味調得好好食🤤少少鹹鹹哋辣辣哋咁，好開胃😗反而幾隻大蝦就冇乜點調味嘅🦐食落會淡啲，但係食到蝦嘅鮮味🌊👎🏿：。💎 炸大魷魚拌炸醬麵 $195必食💯💯 （😋：9/10）👍🏻：可能係我喺香港食過最高質嘅炸醬麵🤭😍真係同韓國食過嘅好似🇰🇷好正宗，好好食🤤鹹度，杰度都啱啱好🍝炸大魷魚🦑就真係好大嚿😂我鐘意啲user friendly啲切細細舊嘅會好啲🙈👎🏿：。💎 酥脆雞胸軟骨 $62可以一試✅（😋：7.9/10）👍🏻：呢個口感好特別，就係似雞柳同埋雞軟骨嘅合體版🍗有肉食又可以有軟骨咬下咁🍖🦴👎🏿：。💎 柑橘窩夫伴雪糕 $135值得一試‼️ （😋：8.9/10）👍🏻：好靚📸ig打卡able💯仲要係好食的😍個柑橘醬係重點🍊超出色😂😂其實已經勁飽🤭但我依然堅持食晒成碟🤤講個笑話俾大家聽：😂我哋自拍🤳拍到成個

因為朋友好鍾意𝓒𝓪𝓻𝓮 𝓫𝓮𝓪𝓻𝓼 🐻，所以係特登為咗佢哋先嚟，餐廳環境以木系舒適為主，啤啤打卡位唔多，但係本Menu真係超級靚，整得好有心思，今次當然要點一下好靚嘅啤啤飲品同窩夫打卡！「每一隻Care Bear都有不同的顏色，肚子上並有獨特的圖案來表達它的個性。如有兩朵花在肚子上的Friend Bear，他相信，沒有基麼比一個能陪你度過順境和逆境的好夥伴更重要的了。」彩雲窩夫🧇 $118窩夫入面有啲似雞蛋仔質地，cream 好甜要夾窩夫一齊食先得，但係味道都OK。彩虹樂園蛋糕 🍰$68「Care Bears 的家是由軟綿綿的白雲、彩虹、星星和心形的角色組成」外面嗰層cream都幾厚，忌廉就係牛油蛋糕味，我自己麻麻哋鍾意，入面嘅餡料就酸酸甜甜。💜紫薯南瓜冰 $52完全無紫薯味，反而似藍莓益力多沙冰，但係嗰隻藍莓味有少少藥水。🍊半半炸雞🍗全晚最好食，炸雞🍗味道唔錯，算香脆，柑橘醬酸酸甜甜好開胃，牛肋骨醬味一般。X'mas Gift 🎁 Box $288CareBears in Terraceland水杯 Xl曲奇餅 X3 優惠券X5呢個box真係好靚，有一張半價優惠卷，所以都抵，Fans

門口一直冇人，都唔知係咪要自己入去搵枱，等到有人過黎又一直係個櫃執野又唔招呼人，喊佢又表現得好唔耐煩。上菜啲人明顯枱號都冇記住，睇佢攞住啲野食成間舖轉左個大圈。想搵人加水又見唔到人，分工好混亂。上菜同埋單時又咩都唔識講，眼睛仲一直望住其他地方，上菜時手一伸丟低食物係枱邊就走，同客人完全冇眼神接觸，埋單時放低張信用卡，仲要遞到佢面前舉到手都攰先慢慢伸手收卡，一直又唔知望緊乜就係唔望人，食物都唔算平但服務態度非常不合格

再一次試Terrace in seaside，上次試完啟德店，將佢放咗落 “no next time” 系列。有一日同事試咗moko分店，食物好食好多，又有care bears 主題，服務又好好多。今日決定俾多次機會佢 😝餐廳喺3樓，前排商場裝修，唔再做food court ，將food court間開做唔同嘅餐廳。幾間餐廳連住，大家嘅裝修都係半開放式，餐廳同餐廳中間無間隔牆，都可以互相望到。可以令餐廳睇落大啲，開揚啲。雖然無間隔牆，但係又唔會好嘈，坐得幾舒服。之前食過同層另一間餐廳，同樣唔錯，之後會補返食評 🤪韓式豬手 (半份) ($122)Jokbal족발個餐牌同airside分店有啲唔同，可能airside分店唔係好大，廚房整唔到太多款式，moko分店食物選擇多好多。起初怕豬份份量太多，後來見到可以叫半份，兩個人食份量夠哂。豬手已經切好，另外會俾埋紫蘇葉、生菜、辣椒碎、生蒜片、麵豉醬一齊食。豬手厚薄切得岩岩好，包埋生菜一齊食，都唔會好狼狽，可以保持儀態😌而且肉質好軟，好容易就咬得開，食嘅時候好方便，好容易食。香濃肉醬千層麵 ($95)Lasagna라자냐本來係想叫蜆肉燉飯，準備落

#旺角地膽 今次去柑橘主題嘅韓式Café – Terrace in Seaside . 啱啱喺旺角MOKO開業！韓食忠粉梗係要立即去試！餐牌主打韓式輕食、小食、飯，意粉等、而甜品同特式飲品更加入柑橘原素添！木系小清新裝潢，坐位濶落舒適！🍊韓國螄蚶拌飯有爽口彈牙嘅大蝦同味道鮮甜嘅螄蚶，配搭辛香爽辣嘅泡菜炒飯飯粒香口帶點麻油香，跟韓國人放在紫蘇葉及紫菜上食，口感豐富具層次感！🍊炸大魷魚伴炸醬麵頂層有一隻巨型嘅炸大魷魚！炸至金黃色！一口咬下香酥鬆脆，炸完嘅魷魚不失彈牙口感！相當出色！傳統炸醬麵超入味又掛汁！十分美味！🍊酥脆雞胸軟骨雞胸軟骨炸得外層酥脆，帶著軟嫩嘅雞肉，配埋蛋黃醬食更滋味！ 🍊柑橘窩夫伴雪糕超igable 嘅柑橘窩夫～一上枱已香散發柑橘香氣，柑橘味道清甜果汁滿滿，窩夫外酥內軟，配搭鮮忌廉同雪糕一齊食大滿足！🍊濟州柑橘乳酪全個柑橘裝飾好吸睛，香甜嘅濟州柑橘加上新鮮的乳酪，味道酸酸甜甜，清新又開胃！🍊熱情金菠蘿沙冰同樣係原個菠蘿超可愛！菠蘿味嘅沙冰，味道清甜帶有小小果肉！清爽又解膩！ Terrace in Seaside📍旺角太子道西193號MOKO新世紀廣場3樓346&347號舖

旺角新世紀又開左幾間新餐廳，今日食左呢間超吸引👍🏼 。🥢酥脆雞胸軟骨 ($62):呢個酥脆雞胸軟骨真係好好味！雞胸肉炸得酥脆，外層酥皮金黃色，肉質鮮嫩多汁。軟骨部份脆口有嚼勁。。🥢韓國螄蚶拌飯 ($192):呢份韓國螄蚶拌飯真係帶有韓國傳統嘅風味同鮮美！拌飯裡面有豐富嘅螄蚶同埋蔬菜，配搭埋特製嘅醬汁，味道鮮美又開胃，飯粒軟糯。。🥢炸大魷魚伴炸醬麵 ($195):大魷魚炸得香脆，外層金黃色，內裡魷魚肉鮮嫩。配搭埋特製嘅炸醬麵，麵條香口，醬汁濃郁。。🥢柑橘窩夫 ($135):呢個柑橘窩夫烘烤得香脆，外層酥皮，內裡鬆軟。伴上香滑嘅柑橘果醬，帶有一啲酸甜嘅味道。。🥢濟州柑橘乳酪 ($68):呢個濟州柑橘乳酪真係清新又滋味獨特！乳酪濃郁滑溜，加入濟州柑橘嘅果肉同皮層，帶有柑橘嘅香氣同酸甜味。。🥢熱情金菠蘿沙冰 ($68):呢個熱情金菠蘿沙冰真係清涼又開胃！沙冰上面擺滿金菠蘿粒同埋金菠蘿醬，帶有濃郁金菠蘿嘅香甜味道。

【韓國🇰🇷過江龍進駐MOKO新世紀廣場Terrace In Seaside 】韓國仁川過江龍海邊🏖️餐廳Terrace In Seaside最近進駐旺角MOKO新世紀廣場，餐廳同韓國一樣主打休閒同開放式風格為主，好有清新嘅氣息，環境同以淺木色同植物🌱元素為主調，好舒適。室外兒童樂園🎠就喺外邊，食完嘢帶香噴噴 👶🏻去玩啱晒。🍛韓國螄蚶拌飯 螄蚶份量十足，螄蚶嘅鮮味同韓式辣醬嘅香辣味完美結合，飯🍚沾上韓式辣油，色澤均勻，飯粒粒分明，味道微辣，好惹味，另外配有紫蘇葉、紫菜同埋大蝦🍤，大蝦爽口彈牙，紫蘇葉味道清爽同薄荷有啲相似，紫菜同紫蘇葉可以包住螄蚶同埋大蝦一齊食，口感豐富。🦑炸大魷魚伴炸醬麵 原隻炸大魷魚賣相非常吸引🤩，魷魚份量夠大，魷魚炸得酥脆可口，另外炸醬麵好入味掛汁，好有韓國風味，味道偏甜，食完好滿足。🧇柑橘窩夫伴雪糕 餐廳同韓國總店一樣，主打窩夫甜品同埋韓國濟州柑橘。窩夫賣相吸引，口感鬆脆，牛油味香濃，窩夫上面有層厚厚鮮忌廉，鮮忌廉口感香滑，韓國柑橘果肉肥美，味道甘甜出色，果汁🧃豐富。🐥酥脆雞胸軟骨 長條形雞胸軟骨好特別，雞軟骨炸至酥脆可口，外脆內軟，配埋蛋黃醬同埋沙律🥗，清新去膩。

昨天24年1 月1號傍晚6点仍有大量吉位時入座Moko Deli 分店，點了牛油果大蝦 waffle 及大蜆燉飯，到菜時發現大半個牛油果已由面至底熟至霉爛，並已呈深啡色，起初店員解釋可能焗過，第一、熟到爛同焗過冇可能分辨唔到，第二、係凍嘅，之後經理同意更換 ….. 半個中頭過去，大蜆飯食完…. 没有催促，起初高興地迎接終於返來賣相更好嘅 waffle, 但跟牛油果搏鬥一輪仍切唔開，係好生果種，之後發現下面淋曬嘅waffle 仍殘留爛牛油果；冇成碟整過唔緊要，唔即時處理更換有投訴食物都唔緊要，但廚房冇可能連分辨一個過份生嘅牛油果嘅能力都冇，我合理懷疑廚房不滿更換，刻意放涼再换一個咬唔開嘅牛油果比客，我哋極少投訴，好怕麻煩別人，所以相都唔記得影，但一個鍾意同客鬥氣嘅廚房，一定唔會有好出品，管理層應引以為戒！

前排先同朋友講九龍塘又一城開咗分店，估唔到連旺角都開咗😱😱😱，新店位於旺角東Moko新世紀廣場嘅food court，剛剛開已經人氣旺盛，好彩座位都算多，唔需要等好耐就入座。韓國螄蚶拌飯 $192呢個螄蚶拌飯又係差不多每次必食，一半嘅螄蚶配一半嘅飯，有少少辣更加惹味！炸大魷魚拌炸醬麵 $195食過唔同分店，好似係第一次見炸魷魚配炸醬麵，炸醬汁份量剛剛好。酥脆雞胸軟骨 $62雞胸軟骨同平時食開嘅有啲唔同，炸完嘅雞胸軟骨又爽又脆。濟州柑橘乳酪 $68熱情金菠蘿沙冰 $68呢兩杯飲品係呢間店嘅特色，每次見到原個橙同菠蘿係上面都覺得好得意💕💕，柑橘係乳酪底比較甜，菠蘿係沙冰底有少少酸又帶點清新。柑橘窩夫伴雪糕 $135呢間嘅窩夫係唔會令人失望，窩夫搭配柑橘果肉、雪糕同忌廉令到口感豐富又有層次。

Moko近期進駐唔少新餐廳，當中包括依間人氣韓式餐廳✨ 餐廳裝修充滿田園風格，以柑橘為主題，菜式創新又有特色😍❀ 炸大魷魚拌炸醬麵 🦑賣相好吸引😍 有大大隻炸魷魚，外層酥脆，口感好彈牙🥰 炸醬麵食落好煙韌，蘸滿香濃既醬汁食好正❀ 韓國螄蚶拌飯 🍚螄蚶份量十足，口感似食緊蜆肉🙈 拌飯以韓式辣醬調味，加埋蝦肉及螄蚶夠晒鮮味✨ 味道辣辣地好惹味，另可以搭配紫菜或紫蘇葉食～❀ 酥脆雞胸軟骨 🦴雞胸軟骨炸至金黃酥脆，食落脆卜卜好香口👍🏻 配以特製沙律醬食更滋味😍❀ 柑橘窩夫伴雪糕 🧇窩夫質感好鬆軟，蛋香味重～表面鋪滿酸酸甜甜既柑橘及忌廉，淋上柑橘醬汁果香味更濃郁❤️❀ 濟州柑橘乳酪 🍊招牌飲品✨ 以柑橘作裝飾，乳酪味香濃，亦帶陣陣柑橘香氣❀ 熱情金菠蘿沙冰 🍍菠蘿沙冰同樣好啱打卡❤️ 口感順滑細膩，菠蘿味道香甜又濃郁

因為care bears先去食，個飯隻bear既樣剪到三尖八角，冇d誠意，然後d肉又勁咸，送飯食都食唔落。個蛋糕係我食過最難食既蛋糕，d cream硬到死，完全冇蛋糕口感。