Terrace in seaside (MOKO新世紀廣場)

Open Now

Now Closed

前排先同朋友講九龍塘又一城開咗分店，估唔到連旺角都開咗😱😱😱，新店位於旺角東Moko新世紀廣場嘅food court，剛剛開已經人氣旺盛，好彩座位都算多，唔需要等好耐就入座。韓國螄蚶拌飯 $192呢個螄蚶拌飯又係差不多每次必食，一半嘅螄蚶配一半嘅飯，有少少辣更加惹味！炸大魷魚拌炸醬麵 $195食過唔同分店，好似係第一次見炸魷魚配炸醬麵，炸醬汁份量剛剛好。酥脆雞胸軟骨 $62雞胸軟骨同平時食開嘅有啲唔同，炸完嘅雞胸軟骨又爽又脆。濟州柑橘乳酪 $68熱情金菠蘿沙冰 $68呢兩杯飲品係呢間店嘅特色，每次見到原個橙同菠蘿係上面都覺得好得意💕💕，柑橘係乳酪底比較甜，菠蘿係沙冰底有少少酸又帶點清新。柑橘窩夫伴雪糕 $135呢間嘅窩夫係唔會令人失望，窩夫搭配柑橘果肉、雪糕同忌廉令到口感豐富又有層次。