手作之店 (Closed)

呢間雪糕店越開越多，其實本身好少食，但原來好多朋友都係fans ! 佢哋好推介冧酒提子味，今次我同個朋友嚟食，終於試咗，又真係幾香冧酒味！我自己就揀咗薄荷朱古力同芒果，薄荷朱古力正常水準，但芒果味真係好正，好濃，完全唔會剩係得隻色！同埋價錢都唔錯，十零蚊兩球，佢有得揀筒同埋杯，其實因為次次都食到好飽先去食，所以都無食嗰個筒，希望下次有機會試吓！雖然好多人幫襯但因為佢員工都多，所以都唔使點排隊！都抵佢越開越多嘅！

食飽飽飯落街行下就見到有雪糕食，其實隻隻味都想食，只可惜胃既容量有限，所以就揀左摯愛既榴連同白桃味！先講下白桃味先，係勁香勁香勁香味道係清香，唔會太濃，如果揀兩球雪糕既話，食呢個先係very good😊至於另一摯愛既榴連都好正😎 又滑又濃榴連味，食完又想再食😂

食完午飯, 係商場行左一圈, 個肚消化左一陣又想搵野食! 好快變肥妹經過見到平平地就忍唔住食$10小球 / $13大球叫左大球$13 芒果味雪糕甜筒又夠脆, 食埋個筒飽晒作為飯後甜品都幾好

夏天準備來了，已經覺得熱辣辣，口痕痕成身汗最好就梗係食杯軟雪糕消暑啦！手作之店一向都係平民化既雪糕店，一般十幾蚊就有交易！成日都見到排長龍好多學生哥買！今日食左3.4 oz大單球，曲奇味。所謂曲奇味其實係Oreo，雪糕夠凍又夠滑，係夏天佳品！Oreo唔太甜，食落仲可以咀嚼到曲奇餅碎tim！兩種口感享受！食落成個雪糕都有碎碎既感覺! 仲要呢個大單球只係$13.5，無論點計都已經值回票價！

夏天一定要食雪糕! 尼間手作之店尼幾年都冇加價，非常好。我永遠都係食提子冧酒，尼啲味先要係雪糕店食架麻!! 啲酒味好香，甜甜地，仲有啲提子乾(好甜)咬下，口感即刻豐富晒! 十幾蚊有2大球抵啦！雪糕又滑~下次睇下會唔會試下其他味啦～

好耐無食過咁平既雪糕球啦！行過見親都有好多人排隊，大球$12.5，加1蚊仲可以加大，真係唔加就蝕啦😉😉，加多5蚊又多一球，有無咁平呀😄😄。不過如果食两球，一定要有速度，快快食哂佢，如果唔係溶左流到一手係😜。今次試左曲奇同芒果，雪糕唔會太奶，好香好滑，個餅筒仲要好脆好新鮮!!正正!

冬天凍凍地，最好就係買雪糕外賣邊行邊食手作雪糕既味道一向唔係以濃奶味作招徠但我反而覺得咁樣先至唔會太膩一球加大杯裝雪糕都係$10左右，真係好抵食白色果個係豆腐味，放心絕對唔係藥水味貨式淡淡既豆腐清香，唔會過甜，食落好清新有機會要試下其他味，下次我會想食燒番薯味

行街時，朋友見到這雪糕店新出左“黑”色系列，係比平時的貴啲啲，就有榴櫣味同椰皇的新口味。Monkey朋友就揀左椰皇味，佢話食落清甜，唔膩，有種清新感，椰皇味出奇地出！我就買左我食開既石板街，Monkey就立即轉移視線了！石板街朱古力味香濃，唔會過甜，內含杏仁碎和棉花糖，食完有一種幸福感。呢度可以加1元將雪糕球加大，咁抵，當然加大啦！！食到大家好happy~

天氣熱，最好既消暑方法就係食雪糕，行街後想食雪糕，見到平時成日排長龍既手作竟然唔多人，趁無咩人就買杯雪糕解解暑先，試下最鐘意既冧汁提子味，價錢$11，好抵食，款式好多，可以試食，岩食先買冧汁提子，3oz,$11冧酒味唔算重，唔夠creamy，無咩奶味，不過似咁既價錢都算係咁

推薦酒冧提子！！ 紅酒都係提子釀造既啦！咁酒冧提子就緊係好味道啦！拿，呢款呢，就唔系太甜，食到提子既時候，依然會品味到提子既甜味，所以可以肯定雪糕都唔系太甜。可以keep住食到酒味。草莓雪糕！！！ 入面有真實草莓肉，酸酸甜甜，一級棒！ 但係草莓雪糕預左系比較甜，食左呢個先食其他就會無味。薄荷朱古力！！好fresh既薄荷！食左之後會涼涼地既感覺。薄荷其實都甜甜地既，所以食朱古力既時候就唔系好覺，朱古力只系比薄荷甜多少少既姐。

同男朋友系馬鞍山食完飯佢話想食甜品系新港城廣場行下行下見到呢間雪糕鋪好似幾抵幾好食咁一於幫襯你啦!點知真系行到埋去先見到原來有超多口味可以揀咁作為一個選擇困難症系面對甜品特別嚴重嘅患者梗系諗左一段時間同埋系男朋友嘅幫助底下先決定到要咩口味啦xd就系芒果同埋芝麻啦!10蚊1球 加5蚊多1球球雪糕夠曬大加埋系大大個脆脆雪糕筒絕對系大件夾抵食啦lol味道更加吾使講啦絕對系超好食味道超濃再加上少少牛奶嘅甜味真系超正呀!!!

I had my eye on this place for a while now, but never actually had the occasion to buy from this place. However, I was craving ice-cream, so my family and I  decided to give this place a shot.As we weren't really hungry, we decided to get the small cones for $11 (quite a bargain if you consider the variety of flavors available).There were flavors like Sweet Potato, Black sesame and Tofu! Instead of trying the new, interesting flavors, we decided to play it safe, just to see if this place was any

中秋晚上，為了避開人潮而早點食個晚下午茶當晚餐。飯後在商場逛了一會後，想食個甜品，便選了手作之店。用學生優惠價7元買了球曲奇雪糕，店員表示會比正常小球再小一點。我覺得還好，一個女生吃絕對足夠。曲奇雪糕奶味挺重，但不夠滑，而且中間的曲奇碎不多又太碎，没甚麼咬口。甜筒亦脆口對口味。

商場內的手作之店，大部份時間都人山人海*********************店內擺放的"手作層層杯系列"宣傳牌十分吸引家住馬鞍山，路經無數次手作之店經常顧客如鯽，縱使到過海濱長廊緩步後汗流浹背，想吃杯冰凍雪糕倒也讓我卻步，今天依舊步過這裡，眼睛竟被新鮮感十足的「手作層層杯系列」吸引過去，慶幸剛巧有兩位女生拿著實物拍照，樣子可愛，確為筆者打下強心針呀，就算人龍多長亦願意耐心等候。這是實物並非模型，不得不讚賞甜姐兒用心製作高水準甜品單看層層系列杯的解構圖已覺得精彩!這系列只有6款，依解構圖標示由配飾、主題雪糕球、雪糕球、配料層、脆脆層、果漿層、雪糕層組成，單看內容已十分精彩啦! 我選了當中的宇治金時杯與碎碎曲奇杯，望著店員呈上的成品，心中興奮不已，皆因實物比圖片還要精緻。另外不得不讚賞年輕女店員在繁忙工作時間仍保持甜美笑容兼積極態度，製作出高水準甜品啊!大受女生歡迎的宇治金時杯先介紹宇治金時杯 HK$18，估計是女生大愛，一層層說起，綠茶百力滋、主題雪糕球是綠茶味道、豆腐雪糕球、白玉丸子、朱古力脆米波、紅豆蓉、waffle碎、再來豆腐雪和waffle碎。基本上以這個價錢得到這杯甜品實在

次次見到都覺得係童年回憶，果時有個抹茶味，好正拍得住哈根大斯，次次行過都要食，仲有提子冧酒。不過宜家食已經唔同哂，好軟好水，好似食緊軟雪糕咁，無呢口感，抹茶亦變左牛乳抹茶，sorry我真係食唔到有綠茶味，得陣練奶味。宜家可以推薦既只有芝麻味，好raw好芝麻，你會唔覺自己食緊雪糕。以前細個好鐘意食呢個手作之店，果時仲個儲印花食，宜家無呢d野啦，算啦咁平。