手作之店

Open Now

Now Closed

Blingbling美食推介✨📍深水埗手作之店連鎖平民最高CP值雪糕店💠💠💠💠💠💠💠💠黎開西九龍中心，緊係要食雪糕啦！係西九龍中心1樓既手作之店就係比食之選！次次去，無論係日頭定夜晚都係好多人排隊，手作之店姐姐總係忙過不停！！手作之店雪糕平靚正，緊要要食幾隻味道啦！！當然如果未試過一d口味都可以問姐姐試試架，佢地全部都好nice🩷💠水豆腐雪糕豆腐雪糕唔算好多地方有，但手作之店既豆腐雪糕好濃豆腐味，不過係屬於清既雪糕~所以我通常都會同濃味雪糕一齊叫，唔洗咁漏嘛~💠牛奶抹茶雪糕香濃牛奶抹茶味，抹茶味唔會好假，正正啊！💠手作朱古力雪糕朱古力已經係雪糕必須既口味，但係手作既朱古力真係好濃，絕對唔會比其他大牌既雪糕輸蝕！餐廳環境：【外賣】服務質素：🌸🌸🌸🌸🌸/5食物味道：😋😋😋😋😋/5 性價比：💰💰💰💰💰/5手作之店 📍欽州街37K號西九龍中心1樓#blingbling推介 #blingbling美食 #blingbling甜品 #blingbling深水埗 #深水埗美食 #深水埗甜品

聖誕🎄西九食完紅蔥頭小朋友👧🏻想食雪糕🍦，諗起手作の店，落返1樓見到車仔檔，冇人排，揀咗士多啤梨🍓味同曲奇🍪味各一，因為唔想小朋友食咁多，揀咗細，$11，但又可加$1變大球，皓複雜。八達通或現金💰付款。試咗曲奇🍪味，一般，但平霸，因為出面凍，所以室內食埋佢，但快融

🍦🍦嚟開西九一定要食番杯雪糕先啦🍦除咗樓上food court一間小店食開之外，呢一間都幫襯過無數次🤣原因係夠平夠大球之外就係有好多間分店，超級之方便😆不過依家執下執下已經好少分店，有時真係好想食一球球雪糕真係少之又少，小店雪糕店又唔係到到都搵到🥲.🌟Scone —— $14 荔枝🎈荔枝味道幾清新頗有驚喜喔 ~ 味道唔會話死甜同好假，食下一淡又一淡😛🌟Cup ——— $28 咖啡味 & 豆腐 🎈以前細個超鍾意食超市有賣既杯裝豆腐雪糕😛不過依家已經無咗嚕 嗰味道同佢好似的 淡淡的豆腐香同咖啡味幾夾😏大家又唔會搶咗對方陣味🤣至於咖啡味 ～本人極愛的🫶🏽不會太濃太苦 但又帶到咖啡既香味仲有陣牛奶味添🤪不過男朋友就話好似咖啡拖肥糖既味🥶不過我就覺得無拖肥糖咁甜😆

去咗家西九龍嘅雪糕店，真係一個嘆為觀止嘅發現👀！哩間雪糕店裡面嘅裝潢簡單得嚟，又充滿咗親切嘅氣氛。首先，我揀咗一球嘟嘟好味嘅朱古力雪糕🍫，入口即溶，濃郁嘅可可味同絲滑嘅質感，簡直係朱古力愛好者嘅夢幻逸品！跟住，我又嘗咗個芒果雪糕，佢嘅鮮甜同果香，真係爆晒燈💡喺個夏日炎炎嘅下午，食一啖雪糕，簡直清涼過冷氣。另外，我仲發現呢間店有提供嘅士多啤梨雪糕🍓，酸酸甜甜，仲帶有微微嘅果粒，係咁樣炒作着個味蕾，好生過癮！哩間雪糕店嘅服務亦都係一流，員工親切有禮，仲會主動提供試食，一啖雪糕落肚，心情都跟住好晒。每當烈日炎炎嘅時候，記得黎呢度享受個消暑大餐啦！雪糕既有質量，又唔會太傷荷包，真係每個食客嘅夏季福音。呢次嘅食評體驗，令我又想再嚟多幾轉啦！🍨😋

學生時期成日都買黎食 路過見到買左杯 豆腐味同椰青味 仍然可以+$1加大雪糕球 椰青味貴少少 但係好好食 食到椰青嘅幽香清甜味 亦都食到果肉喺入面 超正 豆腐味好清新 好香豆味👍🏻必叫!

自從沒有中學學生會優惠後都好少吃了久違地再吃沒想到還算不錯與其他真才實料的貴價雪糕相比手作的雪糕味道雖然假，但因為是最熟悉的味道，所以絲毫不會覺得難吃加上CP值高，自然令人更滿意推薦Coffee味好香提子rum就必食，不過好快溶

深水埗西九龍分店 X 手作之店荔枝+咖啡 (極大單球)值得推薦😍😍🥰🥰 荔枝味次次黎都會食，太好味太濃味好正咖啡都OK可以食下😍😍下次再挑戰三個球，不過好快溶

好多年冇食過手作之店啦，上一次食已經係幾年前返中學嘅事今日經過西九，咁難得走去手作睇一睇仲記得以前中學學生會有爭取到手作之店嘅優惠真係好懷念啊我叫咗一個細雪糕單球揀咗最鍾意嘅冧酒提子味，當然係揀筒裝啦真係好滋味呀，個雪糕入口即溶而且口感好濃郁細滑，加上冧酒嘅酒味，又唔會太膩，好適合食完晚餐去食個甜品。同行朋友都揀咗一樣嘅雪糕，睇嚟大家都對冧酒提子情有獨鍾。其實我覺得手作最靚嘅就係店員嘅制服，好友日式嘅味道啊。

哩間都營業左好多年，有時在附近食完飯，耐不耐去幫襯一下，不過在2樓真係唔太方便，如果在8樓美食廣場就好喇，6蚊一球，真係好平民好抵食，有好多種口味選擇，而且味道好濃郁，唔會淡而無味。

深水埗蒲開都知道西九龍有間手作雪糕店，一向受人歡迎。店員好好，不停問我地要唔要試食，最後塞咗豆腐味同麥芽味比我地試。但小妹鐘情抹茶同曲奇味就冇叫到店員嘅推介。手作雪糕真係好抵食，係窮人恩物，價錢如下:小單球$7升級小單球$8大單球$10升級大單球$11 原本只想叫一個口味，但之後見到個牌寫住買一球第二球+$4，即係以升級大單球價錢就可以買兩個口味，即刻心動💗奶味抹茶雖然雪糕質地軟滑結實，但冇乜抹茶味，不過不失啦。飄雪曲奇奶味濃郁，入面有好多曲奇碎，甜味適中。又平又好食嘅雪糕去邊度揾呀，寫寫下食評又想食多杯了！

今日無無聊聊無野做於是就周圍逛逛啦行行下去左深水埗而去得深水埗就通常會去西九龍啦因為得一個大型商場天氣甘熱又可以嘆下冷氣🤤🤤🤤其實無乜特別想買但又想行下突然間諗到不如食個雪糕啦就去左手作之店啦我男朋友好中意食佢個冧酒提子味甘又的而且確出面好少食得到其實有條人龍仔但無影到每次黎親都有人排我地揀左提子冧酒味同xx士多啤梨味哈哈，唔記得左個名我男朋友中意食冧酒提子就食得津津有味我個士多啤梨味就無乜驚喜好彩就唔係藥水味啦但每次食親呢度既雪糕都會有種快樂既心情

最近手作之店新推出阿華田雪糕，路過順便買杯試下，阿華田味都OK，不過老婆大人就覺得唔夠濃，冇乜阿華田味喎，我哋仲特登叫咗2球大嘅，不過就算唔夠阿華田味，老婆大人咪又係成杯食晒，我都只係咬咗半球咋，女人都係有個甜品胃㗎啦～

去開西九的人都應該知道這裡的一樓有間手作之店長駐於此。好多學生哥放學都會黎整返杯雪糕，我平時都中意去食，係窮人恩物。有好多味選擇，平時見開的芒果、荔枝一定有。但是我就獨孤一味通常，一定會食豆腐味。豆腐味唔會太甜，清清地，食得出豆腐味，又解渴。可以選cone或紙杯，因為我食過晚餐，就用紙杯，不浪費食物是美德哦。

每次逛西九龍中心，尤其是帶著孩子去的話，我一定會先去手作の店買雪糕！這店的雪糕不算特別幼滑，但也不粗糙，而且味道不假，甜而不膩，也沒有用味粉開出來的感覺! 最重要是價格相宜！！這個價錢吃這個質素，確是物有所值！！假日逛西九，一家人每人拿一杯邊走邊吃，吃完已經很開心、滿足 (孩子胃小，吃完還有點飽了), 即使多逛幾間商店，孩子都不會瘋狂嚷著要走，媽媽就可輕鬆閒逛片刻啦！！今次點了杯裝特大雙球。為免孩子吃得狼狽，夏天吃杯裝雪糕比吃甜筒安全一點。店員一邊滾雪糕球，孩子已經嘩嘩聲説好大球！為方便今次用同一杯盛2球。 曲奇雪糕的餅碎比較大顆，但很軟綿，味道也不太甜。個人比較喜歡顆粒小一點的，但這個也不錯呀！至於芒果味。。。是沒有果肉的，但味道大眾化，也很好吃！！

如果要又有小小規模又要平既話🤔手作依間日本雪糕店絕對係一個好選擇😎門檻好低 單球要大既話最平$10 (深水埗店) 或者$12 (其他) 💰而貪心又係雪糕fans既肥仔我每次都會食兩個以上既大波波😂😂圖入面既就係冧酒提子味同雲尼拿味有鑑於肥仔我對雪糕要求好高😏所以今次會分雪糕同個筒去寫評價今次亦會站係⭐️平⭐️靚⭐️正⭐️角度去寫雪糕：👦🏽如果以依個價錢食到依個質素真係抵到爛👍🏻選擇多到你會想食晒全部😝質素大概係維記雪糕既Level不過不失 唔係難食又未到好好食🌝唯一最煩就係好快溶😨每次都食到成手都係😤雪糕筒：👦🏽脆筒既表現好突出💥肥仔我覺得有Haägen-Dazs既Level👍🏻好有奶油味道😱😱😱😱而且好脆唔會變淋一淡雪糕一淡雪糕筒😋😋OMG 諗起都想食------------------------------總括：價廉物美😆有陣時想食雪糕又想食好食一D但又好矛盾唔想食50蚊一杯既可以黎幫襯一下依一間💥