手作之店

Open Now

Now Closed

手作雪糕店好細個已經食，不過無特別深刻記憶，即係見到先會記得呢間雪糕店，今日經過上水突然見到，即刻買返杯食，好欣賞呢間雪糕店價錢唔貴，味道Keep到水準，個雪糕筒好脆，但我見四圍食雪糕既人都選紙杯🤔 價錢一樣，不過紙杯比較方便，起碼雪糕溶既時候，唔駛整到隻手污Joe曬🤣🤣🤣🤣 我一向都係食朱古力雪糕做膽，其他食芒果雪糕😋😋😋，我一般鍾意奶味重D既雪糕架😁😁 一般朱古力雪糕都會分濃D淡D, 我比較喜歡濃D,但唔要濃到苦，呢度夠濃唔苦😃😃而芒果雪糕都唔錯，我個人口味都喜歡

好味又抵食嘅雪糕🍦上水店可以坐喺出面食，可以同friend慢慢傾偈💬 今次試香芋味，比較淡味少少🤏對上一次試曲奇🍪會濃味啲。男朋友買左芒果🥭味，唔會酸😚

講真而家想食啲好少少嘅雪糕一係就貴一係就太細球，之前唔知道原來有間野叫做手作之店，試過之後覺得佢啲雪糕質素唔差，但係好平又多，最鍾意食佢嘅薄荷朱古力，味道款式又多，同埋好多分店😈

My love mango 雪糕🍦bb吃雲呢拿味味道還不錯👍👍👍👍👍。味道質感都好柔軟，我就試左士多啤梨味，感覺太酸、藍梅味酸甜度剛剛好。不過還是比較喜歡芒果味

上水中心地下的手作之店，係飯後、放工後必去的地方。時不時去買杯雪糕獎勵一下自己。手作之店勝在可以試食咗先決定買邊款，雪糕口味眾多，價錢平民。提子冧酒和薄荷朱古力是個人最愛的口味。今日來到有兩款新口味，金椰皇味和韓蜂蜜柚子味。金椰皇食落有粒粒椰子粒，都幾有口感，不過椰子味不夠突出，被奶味蓋過了。整體味道較淡，有點失望。另一款韓蜂蜜柚子味雪糕就有驚喜。柚子味濃，好似飲緊柚子蜜咁。甜而不膩，雪糕中仲有粒粒柚子皮，增加口感。

同阿寶食飽飽晚飯，雪糕控當然要嚟個甜品。我就醒起帶佢來手作仔食雪糕。雖然係平平地雪糕，一球先10蚊，通常俾錢時都會問加多一蚊換大球啲，其實呢種營銷手法又幾細心。加上口味都算幾多下，仲可以試味，仲記得學生時代，真係試都勻哂先買。仲要家下有得集印仔卡，食滿有獎。阿寶咩都要士多啤梨⋯ 我就要冧酒提子🍇士多啤梨超級維記式發光粉紅，我就唔多buy , 而食落都幾似維記式味士多啤梨雪糕，但又唔係Haagen 式甜精，算係咁。冧酒提子係我最喜歡💕，既有冧酒提子清香又唔甜，我又覺得雪糕幼滑度又唔錯，呢個價錢，性價比超高啦

飲完茶，行了陣街，覺得有點空虛嘅感覺，應該係飲得太多茶，好「削」，呢d時間最好食d甜野來填補胃嘅空虛感。本來想飲杯珍珠奶茶，但又行到攰攰地，咁啱又行到手作之店，又咁啱有位坐，緊係不加思索埋位啦啦啦。呢度嘅雪糕好多口味，但唔知係咪本想飲珍珠奶茶嘅關係，竟然試都無試就順口叫左咖啡味同我喜愛的冧酒提子味。先講下隻咖啡味，係日式嘅炭燒味，唔錯；而冧酒提子雖然唔係奶香濃滑，但冧酒味好出，提子咬開係超濃酒味，唔錯唔錯。未講價錢，我叫左最大球果隻都係十五蚊，多一球只係加五個大洋，共廿雞，真心抵到爛，品質又不過不失。友人叫了薄荷朱古力同荔枝，偷食過，味道都唔錯。

夏日炎炎，品嚐一杯雪糕的確透心涼。上水手作之店位於上水中心地下電梯底，行街行得熱，點一柸兩三個球的雪糕確實消暑。雪糕球味道種類繁多，可選自己心頭心，貪心的我當然想多選幾種味道，但最後都是選了三種，薄荷、曲奇和香芋，人生是需要作出取捨的；而老婆大人則選了她最喜愛的和朱古力。大球13元一杯，小球10元一杯，無論大球柸還是小球柸，第二、三球都是5元、5元的加上去，所以，點大球杯兩球或以上是最抵食的。注意，椰王味和榴槤味是貴多幾元，若愛好此味者，但試無妨。此外，該店可以試食不同味道，可以試到合心水的才選購，服務相當不錯。手作之店的店外總有數張桌椅，上水分店也不例外，不過通常都很多人坐，他們不是外來閒人閒坐，事實上的確是雪糕店的客人正在品嚐。邊行商場邊吃雪糕，也是夏天的一種享受。

甜品是女生們最愛，我也不例外。即使吃過晚飯，仍要吃一道甜品為一天畫上完美的句點。在眾多類型的甜品中，雪糕是最普遍的一款，但味道卻千變萬化化，令人有著意想不到的驚喜。在「手作之店」，你可以先試食雪糕味道再決定購買你的心頭好。在芸芸口味中，愛好抹茶的我選擇了抹茶味雪糕，大球雪糕再加$1升級為加大碼並配以甜筒，有著多重享受。抹茶雪糕中的抹茶味非常香濃，奶味較淡，不會搶去抹茶味的風頭。雪糕的冷凍程度恰到好處，既冰涼又不至於像冰塊般的口感，屬於結實又包滿的質感，讓我能慢慢享受這球雪糕。甜筒亦香脆無比，即使雪糕融化在甜筒上，甜筒仍是脆脆的相信夏天到來時，到「手作之店」吃雪糕定會讓人透心涼。

行行街, 經過手作之店, 諗起以前食過佢D雪糕, 唔算貴, 又幾好食。今次食返之前食開既荔枝味雪糕, 同新出既榴槤金枕頭味, 榴槤雪糕球要貴多幾蚊。由於午餐未落隔, 要杯裝唔要甜筒, 荔枝味仍然好清甜, 好似食緊荔枝咁, 但個金枕頭就有點失望, 榴槤味不夠濃, 一般水準。呢間分店有幾張台櫈, 可以坐係到慢慢食。

夏日炎炎，經過抵擋唔住雪糕嘅誘惑買左2大球。試味後買左提子冧酒同薄荷朱古力。前者好正好得別，平時雪糕難買尼隻味。酒味都幾濃，好香，岩晒中意食下酒嘅朋友! 仲夾住提子乾，甜甜地林林地，提升口感同味道。後者係大眾化口味，點都唔會唔好食，又薄荷透心。不過dreyers明顯好啲，尼度嘅冇咩奶味，唔夠滑。同埋，食到後期只覺甜味，建議大家買一小球淺嚐，就會少食多之味