手作之店 (Closed)

~!大優惠!~$12 /1大球~加$1 由3.5oz轉4.6oz~真係好抵呀,買之前仲可以試食~我試食左6款tim~哈哈~一行埋去就不斷吃吃吃~ 細球 $9~緊係大球抵好多啦~我揀左芒橙熱情~ 有好多彷芒果粒~也不錯的~個筒脆卜卜~很大個筒~花左10多min先可以將佢KO,份量果然好多~~~呢個6周年discount真係推廣左半年都有*0*||||

今個月d錢淨番唔多,只係夠食飯錢,我答應過自己放學唔可以亂買野但我行到門口,好nice既店員就比左兩款味我試,曲奇同芒果;之後我決定要一球大既曲奇.手不受控制,拎出20蚊,店員接過錢後,哎呀!又係受唔住誘惑,又買左野黎食個店員問我要唔要轉特大,我好似遊魂咁無啦啦話唔駛,所以得一球大既(其實我好想好想要特大)12蚊好有曲奇味,因為我記得之前食過另外一d鋪頭係冇曲奇味,我要左個筒,個筒真係好食咖,有陣牛油香味,同雪糕一齊食真係好夾咖!我同學就叫左個櫻桃,我試左一啖,藥水味但我同學話ok,但我就覺得麻麻...我發誓唔可以再咁敗家!

其實住響荃灣呢頭,,,成日落到黎都見到呢間店^_^呢間店既店員姐姐真系好好人....次次走過去都會比我地試食^_^(雖然有時明知吾會買呵呵=33=)今次真系有D想食雪糕了....店員介紹我食曲奇妙趣(?)....但食落吾太岩我=V=見到最下層竟然有我最愛既紅豆@@...嗯....就要了紅豆和與它最配既綠茶小球=VVV=哈哈先講紅豆的@@....店員介紹佢地除左本身雪糕外還加了紅豆蓉落去....令佢更有紅豆味...嗯...平時我去試其他店D紅豆雪糕的確食落就好似冇味雪糕咁-V-OR得個甜字=3=不過呢個就真系有紅豆香....一食就有驚喜嘻^_^之後食綠茶....第1口是苦的\口/....不過真的有綠荼味@@...好似正宗綠荼咁@口@(難度加了綠茶-VV-哈哈~不過相比紅豆這個就沒那么正了><但你還是與紅豆永遠最配的哈哈XDD-雪糕好食,,,店員親切...實在值得比笑^^-不過如果價錢再平D會好D哈哈^^

處理文章時，或要修改冷與熱情間之類的形容詞，身子總會不其然震一震，偏偏冷同熱這莫名奇妙組合，在食材上配合得宜的話，就總較抒情性的詞彙表達來得平宜近人。一別半年，店子仍是由當日那位活潑開朗小妹妹打理，要了杯熱窩夫X雪糕，雪糕的味道再好也不竅飛，然而冰冷雪糕配上熱辣辣的窩夫，瞬間溶化的冷感實在得意，對冷與熱又開始了另一番感受，$12一客足兩球實在抵吃,路過不仿一試。

一月上旬倒霉天，強制性地要到附近找些特別點子，面黑得似包公，走近小店，店小妹卻是笑面迎人，送來小棒子雪糕來給試味，有善的笑意加上細心解釋，心情突然舒服多了。順手買了幾粒雪糕糯米滋減壓，蜜桃、芋頭、芒果、抹茶，剛由雪櫃取出後很硬的，要稍待兩分鐘，回暖後皮軟化一點會更好吃，幾款味道中最喜歡是芋頭味，味道天然好吃，其餘幾款，就太化學了，不怎好。一笑化千愁，雖然明知不是手作，但仍會給笑面。

今日行開呢邊，就試下呢度既雪糕。佢地既雪糕係用脫脂奶整，我覺得無咁好食。不過都試下啦，我食左個大既雙球，分別係綠茶同紅豆味。此外，佢地既員工都幾有禮貌，佢地好主動咁俾客試食雪糕。綠茶味雪糕都係咁有茶味，又唔會太甜，真係上品。紅豆雪糕都有料到，味又唔太甜而且有粒粒紅豆，真係好正。講番奶味，全脂奶同脫脂奶既分別都唔係太大，都可以咁有奶味，真係唔錯。冬天食雪糕有另一番風味，實有下次既。

話說星期日同屋企人去買雪糕食當時只有我地係度揀雪糕突然有位女仕投訴她的雪糕內無椰果面前所有(3位)職員慌忙安撫呢名女仕,完全當我地透明我地:唔該一杯朱古力雪糕望一望我地,又繼續安撫那名女仕重複一次,結果一樣呢次唔同嘅係,連眼尾都無望過我地終於,一名店員驚覺我地嘅存在說:請問想要咩味氣得七孔生煙嘅我地當然立刻離去一向對呢間雪糕店無咩好感因為我覺得賣咁平,又唔知生產地,會唔會食壞人??如果無記錯,當時(2-3年前)賣$10三球仲要好難食,雪糕入面有好多碎冰,好似d cheap cheap大陸朱古力味無食晒就扔左,連我呢個垃圾口都唔食,可想而知有幾"好味" 而家居然要9蚊一球我情願買盒DREYER'S 家庭裝食好過$40可以食10球有突

無端端想食雪糕，醒起荃灣附近有間雪糕專門店，印象中是未幫襯過，於是來試一試。來到，見到咁多款式的味道，心大心細。服務員好醒目，主動提出叫我試食，還率先拿了綠茶味給我們試。事實上，對綠茶味感覺平平。服務員繼續拿出其他味道給我們試食，結果十多款味道都食勻晒。嚐了十幾種味，也有幾款是比較鍾意的，例如是玉桂味，感覺好清新；香芋味好濃郁；芒果味道不重，但確是幾香。我最後還是選了味道較重的石板街，對方就要香芋，要脆筒盛著。石板街的朱古力味相對濃郁，也有nuts在裡面，同埋呢個牌子的雪糕較為硬身，吃落口感更為豐富。$12一杯雪糕，但服務員的友善和親切態度，又何止值12蚊呢?

我order 左芝麻同芒果好好味ok滑我個friend 食peach and lycee好fresh食完都唔會感覺好肥, 好"濟"價錢合理大細ok夏天食真係一流