泰亞萊海南雞專門店 (Closed)

：聽朋友推薦話呢間泰菜好抵食，今日終於有機會嚟食個午餐。我想食少啲碳水所以揀咗香葉肉碎生菜包，同行嘅朋友揀咗黃咖喱蟹肉飯。加$6或者$8可以叫嘢飲，選擇多多有泰式檸檬茶，泰式奶茶，龍眼冰，等等。我哋就叫咗例湯同埋泰式檸檬茶。另外三再加$15加咗青木瓜沙律同榴槤糯米糍。生菜包可以揀小、普通或者大辣，三種辣道，我哋揀咗普通。上枱後我即刻比佢嚇親，因為肉碎嘅份量大概係平時食嘅三倍。肉碎保留少少濕潤唔會太乾，調味亦都適中，唔會話太鹹或者太辣，生菜包住味道啱啱好。泰式黃咖喱蟹肉飯先至係最推薦嘅菜式，咖喱上面放滿蟹肉，就咁食蟹肉食咗少少嘅鮮甜味，同黃咖喱混合後味道都算夾。黃咖喱係正宗泰式咖喱，但係就唔會好大椰汁味，平衡到香料、辣味同香味。本來我淨係想試一啖，後尾竟然將朋友食剩嘅飯全部食晒，真係太好味啦。小食嘅榴槤糯米糍睇佢細細粒，但係入邊充滿着榴槤餡味道都不錯。青木瓜沙律就不過不失啦。整體來講好抵食，亦都適合大食嘅朋友們，個份量一定食得飽。

其實我就好欣賞佢嗰個黃咖喱蟹肉飯，份量都唔係太少，質素亦都唔係太差。但係每次打電話落去呢落order，系統非常之差！去到現場攞外賣，隻眼生咗上額頭、一啲服務態度都冇、一啲笑容都冇！做生意唔係咁做囉！

泰亞萊係荔枝角中有唔少人推介的海南雞飯專門店，所以抱有期待的去試試。食物味道係唔錯既，$40零蚊價錢，比到宜個味道，都可以啊。不過份量偏細，因為只有外賣，而佢地選擇之外賣盒亦比較扁身，所以唔好預食得飽。出事位： 服務態度0分，未去到受氣，但係收錢態度，去到出餐，唔會望你一下，口氣亦唔太舒服。希望店長見到，可以改善下

係不忙碌的中午，已過高峰食飯期，在叫餐拎餐前後都只有我一人，亦無做緊外賣單，叫了咖喱蟹肉飯，但回家看到的卻是不愛食的海南雞飯🙂👍🏻👍🏻真係好無奈，我又無可能落翻去換個飯🙃 食完都趕住做嘢👍🏻👍🏻 變左係硬食個飯.咁個飯好唔好食？一般差飯 普通，無乜油飯香味雞 硬、凍、雞皮比例好大但大件.唔會再想食記得觀塘有間，比起佢好食好多，呢間真係，錢又收錯，單又落錯….滿心期待變左滿心燥底👍🏻👍🏻🙃🙃

lunch飯盒通常有中式、西式、台式及日式等……泰式飯盒較為少見，今次品嚐一間泰式外賣自取店，提供泰式咖喱、湯粉、海南雞及泰式小食，落單5分鐘內製成，中午酸酸辣辣可以精神一下。招牌清楚說明為東南亞餐廳，餐牌亦清晰列出提供飯類、湯粉類及小食，喜愛吃青咖喱的我毫不猶豫便點選試試。包裝十分扎實，沒有半點汁水流出，而且膠盒乾爽沒有油漬或碎屑，餐具獨立包裝乾淨衛生。非想像中的顏色與稠度，是呈流質黃色的青咖喱，帶有輕微椰奶味道，辣度明顯，有愈食愈趨勢，飲啖冰凍椰汁即時解辣，而且甜度適中，食咖喱椰汁必備！還陪伴我成日工作天～3件雞槌多肉夠飽，雞肉煮至腍身，可能青咖喱呈流質關係，咖喱未能完全掛於或滲入雞肉中。鳯爪酸酸辣辣夠醒神，尚算彈牙爽口，份量甚多為2人份量，幸好與同事分享～瓜菜絲保持到乾爽爽脆增口感。

今日試左荔枝角呢間專做外賣既泰國餐廳，viutv都介紹過，食物果然好掂，全部套餐都係$50 ，有一個飯或麵，再跟一個特色飲品，真係超抵食！招牌海南雞飯雞肉滑嫩多汁，而且佢嘅特製醬汁鮮美，配埋特製既醬，好味無得輸！個飯都處理得好好，好軟綿！泰式雞絲撈麵麵條煮得岩岩好，有彈牙口感，雞絲鮮嫩，撈麵醬汁香辣開胃，好好味！（飲品）椰汁冰清涼解渴，椰汁味道濃郁，真係好適合夏天飲用龍眼冰龍眼肉飽滿大粒，加上冰涼嘅口感，十分清香可口。

系荔枝角學完瑜伽，好鬼死肚餓，快速買個外賣番屋企填肚星期六晏就見呢間泰國野無咩人，人均$50左右加$5有飲品，幾抵食試試佢落單五分鐘即拎到，晏就好熱，唔駛曝曬黃咖哩蟹肉飯$50黃咖哩好濃郁撈飯食一流，唔食得辣都可以試蟹肉份量唔少，唔駛折骨方便食用招牌海南雞飯$50招牌海南雞好滑好嫩，美中不足系無油飯青檸冰$5平時叫特飲都要加$10，呢度叫青檸汁都只系加$5夏天咁熱岩飲酸野開下胃，冰凍🥶口感，好正

今日lunch 想食泰國菜, 就去左公司附近既泰亞萊叫外賣食, 呢到除左招牌海南雞之後, 仲有唔少泰菜選擇, 而且一嗌完野食超級快就拎得🤣我就叫左泰式黃咖喱蟹肉飯, 份量唔少,一打開就見到勁多蟹肉喺面頭,仲有洋蔥青椒等配料, 本身黃咖喱口感幾creamy, 椰香味幾重, 蟹肉鮮甜, 撈埋黃咖喱, 口感豐富😋另外冬陰功湯都好足料, 入面幾多香料, 帶少少辣, 味道偏酸, 仲有秀珍菇同埋蕃茄等配料食完辣野再飲椰子冰就夠唒爽, 椰子冰好濃郁, 幾香椰香味, 唔會太甜

📍泰亞萊海南雞專門店 (荔枝角)荔枝角長沙灣道883號億利工業中心地下6A6號舖荔枝角多小店就係人都知，早排同朋友食過依間海南雞，今次返轉頭食多次，因為真係好好味。🐔招牌海南雞飯$50份量大大份，雞肉仲好多添。再加埋秘製醬汁，真係好難話唔好食。🦀泰式黃咖喱蟹肉飯$50份量依然大大份，蟹肉都幾多，沒有蟹殼。小編覺得啲咖喱唔辣，啱晒唔食得辣嘅我。飲品🦖龍眼水真材實料，粒粒龍眼肉。🥥椰汁凍冰冰，啱晒咁熱嘅天氣飲。最緊要係味道唔錯，唔會超甜，啱啱好。總結：$50 食到海南雞價錢叫平，只有外賣沒有堂食。啱晒附近返工嘅人。地點⭐️⭐️⭐️⭐️⭐️味道⭐️⭐️⭐️⭐️⭐️環境⭐️⭐️⭐️⭐️服務態度⭐️⭐️⭐️⭐️（5星為最高分）

好嬲平時都耐唔耐有叫開泰亞萊，都知佢外賣時間唔太穩定。今日我趕住走，11:40分叫佢即送，特登confirm佢需時幾耐，佢話15-20分鐘，我話預12:00送上來，佢話ok等到12:15都未到，催佢話出左;12:30我真係要走了, 搞到我飯都冇時間食，叫店家取消，我走埋啦公司冇晒人，搞到我又要同全公司用whatsapp講底唔好接個外賣。最後佢12:40又送左上來，剛好有同事返左公司又冇睇whatsapp, 又打鑼咁問邊個叫外賣。好彩最後同事冇比錢。搞到我勁麻煩，又冇時間食野，店家完全冇道歉，回應從來只係「出左單」「ok 」。我唔評論食物好唔好，因為一間服務態度唔好的店食物再好都冇用。

一個人都可以盡興——泰菜。1825打電話去落單，1840已經準備好，隨時拎得！可能因為夜晚人少啲，lunch就應該早啲打準備！。🐥『招牌海南雞飯』$50都幾大份，雞有兩層，好彩叫咗小飯，如果唔係食唔晒；個醬好惹味，（中酸小辣中薑蒜），仲有好多料⋯⋯🇹🇭 🌶️『冬陰功湯』+$8都幾香濃喎，下次可以試下冬陰功湯粉。地點都算幾就腳，價錢亦都好合理，下次可以試吓其他嘢！。📍 泰亞萊海南雞專門店 (荔枝角)荔枝角長沙灣道883號億利工業中心地下6A6號舖。好味指數：🌕🌕🌕🌗🌑回味指數：🌕🌕🌕🌕🌑

之前聽收音機話呢間海南雞好食，尋日放假就出去試吓，我搭地鐵過去，都好近地鐵站，見到這間只做外賣，果時門口差唔多有十個人等外賣，心諗，我淨係買個海南雞有排等，不過算啦，橫點今日放假，應該都唔洗等好耐，點知比完錢，叫左2個號碼，第三個到我，出餐個速度都幾快，唔駛等好耐就有得攞，返到屋企，打開見到的雞切得好大舊，如果切返細舊的就容易入口，還有，啲雞又切唔斷，一嚿嚿黐住晒，這點，請師傅可以改進一下，啲雞真係好嫩滑，個汁又好味😋

今次第一次寫食評，冇諗過係俾呢間野。其實呢間野已經食過好幾次，味道一直都覺得唔錯，但今次係好耐冇食之後食返，真係難食佐好多。今次叫既係生菜包+椰汁冰，因為唔係set, 所以等得比其他人耐好多，等佐差不多20分鐘至有得拎，不過如果好味既等耐d都冇咩所謂。可惜個生菜包真係好難食，勁咸，係咸到苦，我食佐一半就食唔落，而個椰汁冰就完全唔甜，唔知係咪佢諗住d野好咸等我飲個冇味既椰汁冰可以解渴。至於個生菜我覺得洗得唔乾淨，食到一半竟然發現有隻飛蟲？總之呢餐d野食冇樣掂，又難食又唔乾淨，好失望，完全唔值得為佢等耐d lor！

有時做野太忙真係冇乜時間坐低係餐廳慢慢食，就唯有同D同事係附近買外賣返公司食算，食完繼續努力工作！近近地就試下呢間泰亞萊，有海南雞飯、咖哩同埋滷水既飯同埋粉面，估唔到仲有生菜包，選擇都幾多我就叫左海南雞，份量都算幾多，個油飯都幾香雞肉都好滑，醬汁就分開裝起，酸甜既醬汁真係幾開胃至於同事個滷水豬手金邊粉都幾有驚喜，豬手煮得好冧而且份量超多，豬手仲多過D粉，超級滿足原來仲有芒果糯米飯，下次買個黎試下先

轉工黎咗荔枝角返新工一個月多少少，每日Lunch time 試唔同餐廳就好似探索新大陸咁今個星期成功發現新大陸食到呢間幾好味嘅泰菜。雖然佢只有外賣，但因為疫情關係都已經好習慣買外賣食。今日點餐：1）海南雞飯（油飯）2）酸辣肉碎飯不愧為海南雞專門店呀！啲雞件係起咗骨嘅，個人最鐘意啖啖肉！正！雞肉好嫩好有雞味，雞皮好爽滑，最出色係做到雞皮下有層最精華嘅啫喱。油飯睇落好淺色，但食落又有淡淡雞油味。雞肉配酸辣味嘅醬汁，好夾點咗個醬汁黎食即刻明白點解個油飯咁淺色，因為咁先唔會互相搶味（但其實個油飯淡淡地都好啱我個人口味）剩咗嘅醬汁用黎撈白飯都好正！酸辣肉碎飯，又酸又辣好送飯，而且份量好足！因為可以唔洗加錢叫多飯。（唔知個肉碎係咪生菜包果啲肉碎呢，因為食落口覺得會同生菜好夾，如果係的話，覺得有賺）同事推介話滷水豬手都唔錯，下次會試埋！呢間小店價錢亦都合理，絕對會回頭呢！