泰潮

Open Now

Now Closed

頂著米之蓮嘅光環，每次經過都有人排隊，因為唔想排隊，一直都未食到，今日經過竟然唔洗排隊，所以終於食到坐位比較迫，好彩我地4個人有卡位坐2人只可以搭枱加隔板，有啲似茶記咁，哈～坐落睇吓餐牌，價錢唔算貴，一個冬陰功湯河或者碟頭飯6，70蚊左右，前菜小食，單點餸都8，90左右，海南雞半隻＄118，叫咗小食併盤，樣樣有啲，蝦餅幾彈牙米之蓮推介 － 海南雞，正常無乜驚喜泰式金邊粉，炒雜菜，冬陰功湯粉，甜品芒果糯米飯冬陰功湯粉個粉好似豬腸粉卷卷的，幾得意椰青，好清甜，肉好嫰，最驚喜🤣🤣🤣總括黎講價錢唔算貴，味道唔錯，CP算高！經過唔洗點排隊或者排1，2枱可以食。

第二次光顧。上次試過船麵。感覺好。但第二來試一試飯類。食品質素算是一般無特別好出品奇快飯面無蒸氣但算熱服務員質素劣。職員招待有一種殺氣同趕客感。食完即收餐碟趕收枱門面女服務員唔職轉彎。

好耐之前喺機場食過泰潮，覺得食物唔錯，所以每次入機場都會去再食，但係自從機場嗰間結業之後都冇再食過。早排知道葵芳開咗一間，一直都未有機會試，早兩日終於有機會啦。中午十二點鬆啲去食個午飯，人客唔多，應該未到食飯高峰時期，所以入到去都唔使等位，眼見幾張四人卡位都係兩個人坐，咁啱又見到有一張四人卡位吉咗，所以就坐咗落去。點知有個侍應姐姐話張枱係留畀四個人坐嘅，叫我哋坐返去二人座位，都明嘅，香港地方寸金尺土，又就嚟到食飯高峰時期，唯有稍移玉步。之後叫咗個“泰式鹵水豬髀飯”同埋“泰式炒金邊粉”，另外加多兩杯飲品。隔咗一陣有兩個人坐咗落張四人枱，之後個侍應姐姐（叫我哋坐去第二張嗰個）仲幫佢哋收返多出嚟嘅餐具。當時心諗係唔係自己唔夠人地靚仔呢。哈哈哈哈！食物嚟到之後，賣相同味道相比機場嘅差不多，只係食物嘅量相對於以前機場比較少。可能而家物價又高咗所以縮咗水有一樣嘢比較在意嘅係，派送食物嘅侍應阿姐，派送食物畀坐我隔離枱嘅食客嘅時候，佢順手收咗個好細隻嘅小食碗，之後就走去另一張枱用同一隻手派送食物畀其他客人。個重點係：我係見到隔離個食客，係對住餐桌上面餐具食物又咳又呻鼻涕，所以個心突然就打咗個冷震。可能

葵芳新都會近年都超多人食飯，想搵位又唔洗排都唔係一件易事。見到呢間泰潮係新開既，又有位，所以試試。午餐價錢尚算okay, $50-60蚊就可以落樓，加杯泰式奶茶都係加$8蚊。叫左一個豬手飯，同一碗牛腩豬肉丸湯粉。可能新開既關係，第一次上菜係上錯左第二d 野食黎。之後再上番岩，不過廚房就無跟單上咁走葱啦。味道就同價錢掛鉤，叫做一般程度。另外就再後加左一份椰汁西米糕，呢個唔錯，味道有驚喜，價錢都非常滿意，$25蚊有4件。以午餐黎講中規中矩。

今晚黎到新都會，見到泰潮竟然係呢到開左分店，於是就入去試下。鋪頭吾算大，晚飯時間都可能需要等一陣位諗左十分鐘左右，最後決定叫個泰式豬脾飯。食物好快就送到，係以往熟悉既心心碟，賣相睇落去就普通，豬脾好碎，醬汁都算夠味，豬皮好淋而且入味。飯粒煙韌,但吾係幾夠熱。值得一讚係綠色果個汁，少少辣，好開胃。但總體感覺上失準了，無論係味道同賣相。泰式奶茶都夠香濃，茶同奶配合得不錯。泰式飲品入面，最鐘意都係泰式奶茶

行過新都會地下見到呢間米之連泰國菜都好多人排隊，見好耐無同老公食泰國菜就膽粗粗入去試吓啦坐低見到周末都有優惠晚餐，海南雞飯、豬髀飯、船麵等都係$68，結同老公點了一飯一麵再加蝦餅同飲品先嚟個豬髀飯，係心型碟呀😍😍見到都覺得開心呀💜除咗豬髀仲有豬腸呀，份量都好大船麵個湯底偏甜，雖然同喺泰國食都仲有點距離，但質素其實都算不錯了今餐重心係個炸軟心芝士手打蝦球😍一擺上枱，熱辣辣，一咬落去…嘩，爆芝士！！仲流心㗎飲品方面，我哋揀咗椰汁冰同泰色奶茶，水準都唔錯啦2人晚餐合共$238，捧住個肚走，好滿足呀🙂

今日夜晚同老婆路過見到有米之蓮泰國菜 咁咪試吓囉 一入到去卡位外啲位全部逼到爆 明白嘅香港地寸金尺士 算 老婆食咗一個扎肉船河 味道普普通通只算正常 但好少 唔值呢個價錢 我食咗個泰式肉碎飯 整定嘅 上到嚟啲肉碎唔夠熱（直情煙都冇）明明見到入邊有九層塔但冇九層塔味 啲肉碎勁鞋 超難食 泰式拼盤張圖明明有雞翼 嚟到得扎肉春卷蝦餅雞腳 味道只係算正常 氣炸鍋貨 連埋兩杯嘢飲加埋一$325 呢個價錢真係一啲都唔值 整體質素感覺就好似食緊街市三餸飯

出去葵芳行完街，一抽二抽， 見佢唔洗等位就入左去坐低。睇完一輪餐牌， 選擇唔算多，咁謂有叫晚餐海南雞飯，同加啲少食呀甜品咁。侍應黎到， 態度唔太好， 叫乜無乜， 連冬陰公同椰汁西米糕都無。。。碟飯黎到，份量好少， 跟餐加12蚊嘅菜同酸辣雞腳又好少，雞肉得果5條左右， 仲要加錢轉左雞骴都係得果5條肉仔2大1少， 食左180左右仲要唔夠飽，服務態度又唔好， 仲要好多烏蠅係頭頂飛過， 真係無下次

下午去到新都會廣場，周圍人山人海，自然要搵嘢食先，見到有間叫太潮嘅泰國菜好多人排隊，咁就自然會去排隊試下啦。都唔係等左好耐就有位，睇下係 menu 有午餐六十蚊一款，唔包飲品，要飲野加十幾蚊就有。叫左個咖哩牛腩飯，凍咖啡。結果個飯甩左單，嗰杯咖啡一早到左，連冰都呑埋都未有飯食，十分之無癮。最後個飯當然係有到啦，唔通最後都係冇飯食咩，咁個飯都食得落既，以快餐質素黎計，係咁上下啦。後尾睇番佢原來話自己係米芝蓮推介，得啖笑…

其實之前行過新港中心food court，見到泰潮貼住米芝蓮推介，都有少少心郁想試試，不過因餐廳在地庫，環境好似暗暗地，所以沒興趣。難得今次在葵芳新都會開了新分店，所以的起心肝想試一試，睇吓下午茶餐牌都有好多選擇，米芝蓮推介嘅有海南雞飯和滷水豬脾飯，今次試咗滷水豬髀飯，成碟飯最有驚喜的就係有豬大腸👍，好耐冇食過啦！不過真係有啲肥，怕的就不要叫這碟了，另外碟辣椒汁超好味😋，辣到十足、酸味又夠，為了整碟豬髀和豬大腸，增添了不少韻味。

點了一個青咖喱雞肉飯奶茶好飲雞肉有點韌青咖喱味道不錯，辣道跟譚仔的10小辣差不多什至更少份量算飽肚標配的餐具為筷子，匙羹，及一張紙巾，其餘要向職員查詢座位不太舒適，有點逼以下午茶來説價錢較貴，飲品需另加$8-12友人點的海南雞飯雞的份量亦不算太多，可作參考

今日中午經過葵芳新都會，見有間泰國野，排曬隊，唸住試下。叫左個湯河全餐，乜送都有，冬陰公湯底，加$12要左個木瓜沙律先講個湯河，冬陰公湯底，得個辣，乜野味都冇，啲送淡到五知自己食緊乜，勁垃圾，連小店既冬陰公都比五上，甘就剩惠$68，木瓜沙律，不過不失杯泰式檸檬茶加$8，，完全淡如水最後，職員態度劣到呢，粗聲粗氣，問外賣有未，睇完算，連暫時未有，可能要等多陣，呢啲門面說話都欠奉日日排長龍，冇唸過甘垃圾👎🏻👎🏻👎🏻👎🏻冇下次

今日去咗新都會泰潮食個下午茶一行三個人 嗌咗 泰式豬手飯 冬陰功米粉 泰式青咖喱豬頸肉飯 炒金邊粉 再加多咗個小食$12 青木瓜沙律泰式豬手飯 非常淋 個人覺得好好食 特別要點一點個酸辣汁 超好食 冬陰功米粉 非常辣 不過辣得幾過癮 唔錯 (但如果唔食得辣嘅朋友就唔好嗌呢個啦🤣)呢個冬陰功米粉入面有幾隻蝦 算幾抵炒金邊粉 好有鑊氣 我覺得呢個係五樣嘢入面最好食 而且上菜都擺得幾靚泰式青咖喱豬頸肉飯 青咖喱呢個如果唔鍾意食豬頸肉嘅話佢仲有其他可以選擇雞，牛同素菜 不過呢個就覺得啲普通 而且等得最耐小食 青木瓜沙律 呢個上菜嗰陣真係笑咗 因為真係非常細盤😂😂 雖然$12吾算貴但細到笑咗岀嚟🤣🤣呢個cp值就麻麻啦🤣🤣另外 下午茶無跟餐飲 不過可以+$12 加飲品 我哋嗌左 椰奶，荔枝冰同香茅薑蜜 呢啲就正正常常 一般發揮。埋單 280幾 算幾抵 都食得幾飽

夜晚起新都會見都幾多人食，同排隊，於是去試下，點知中伏左🥲😵同埋真心覺得，通常話自己米芝蓮的，好多都唔好食😂😂原本想去到咁上下，再叫個甜品，最後見佢呢間質素咁樣，都係唔叫喇。。因為已經覺得唔會再去食～"可一不可再"‼️😂😂.扎肉雞絲金邊粉塊札肉個味好奇怪。。最大問題覺得個湯底，應該落左好多胡椒落去，好大陣胡椒味，邊食邊覺得好口渴😵🥺最後食左幾啖，都唔食喇。。好難食😂😂.黃咖哩配蝦球水汪汪的咖哩。。如果話假日多人，溝水落去變多d 都正常， 平日都已經咁樣質素。。😂😂 好差～.左：凍檸茶（完全好似飲緊糖水🤭）右： 椰汁冰（味道都算還好）

同老婆見唔洗等位所以試一試個海南雞飯，泰潮我好多年前在深水步佢開張時食過幾次外賣知幾好，所以今日叫老婆試下剛剛唔洗等位，入坐，先講份量，飯多雞超少，完全唔夠送飯飯質硬，似生米，雞普通，冇得加雞份量因唔夠餸送飯，老婆係女人仔都嫌少，問職員加錢加雞得唔得。唔得！要加只可直接散叫一隻或半隻，但我明知張枱根本迫到放唔落多個碟雞，唔緊要，我氣頂直接叫半隻雞嚟送飯，最終碟雞嚟到，因張枱細張到放唔落碟雞，職員企咗係我後面停咗職員比我嘅感覺似係我麻q煩要叫碟雞職員最後只好換枱比我，半隻雞嚟到只食多幾舊算數，起身埋單埋單到櫃面話我掉咗位，單亂咗，等咗10分鐘先比我埋到單！埋單$297！兩碟碟頭飯兩杯奶茶半隻雞坐位超窄超細張枱放兩碟飯加兩杯野飲以極限一碟飯成80蚊加杯野飲，要收加一建議餸份量唔好太寒酸碟頭飯嚟講雖唔叫貴亦唔叫平奶茶好飲，茶味ok終身唔會再食！