泰潮

Open Now

Now Closed

今次因為一朝早就去左shopping，買到成手野去唔到葵廣掃小食，機會就去左新都會廣場有大大個米芝蓮車胎人係餐廳門口嘅泰潮坐低抖抖啦。今次我地就分別叫左3碗湯粉🍜假日湯粉每碗盛惠$68，包凍/熱飲品一杯及泰式木瓜沙律，以今時今日嘅物價嚟講，唔算好平都叫係正常價啦。🍜滷大腸扎肉泰式船粉第一個船粉揀左河粉，河粉係捲埋咗一片片既河粉卷，食落比較硬身。滷大腸比較肥，扎肉就ok 啦，重點係湯頭味道幾濃厚，濃味中帶點甜味係幾泰式既。🍜手打豬肉丸鴨絲泰式船粉手打豬肉丸理所當然地係打唔到乒乓波啦，肉丸既味道同鴨絲都不過不失既，靠個湯救左成碗粉。🍜豬頸肉鴨絲唐人街粿汁粉絲豬頸肉一如既往爽口，鴨絲都係不過不失啦。特別啲嘅係湯底，呢個湯底揀咗唐人街粿汁，有啲胡椒既香辛味，加埋少少煮過既炸蒜，都算唔錯。總括嚟講，試過未必會覺得佢係一間米芝蓮餐廳，但撇除人氣同埋名氣呢啲世俗嘢，以葵芳呢個地區既泰式餐廳嚟講，用呢個價錢而又有味道都算唔錯架啦，小編就會重點推介佢個湯底，淨係以湯底計佢嘅味道都冇得輸。 😂

如果你係見到佢米芝蓮而慕名前來我都幾肯定你會失望。但如果你當佢係一間普通餐廳，咁嘅食物質素絕對對得起個價錢。其實我覺得反而係個米芝蓮嘅稱號耽誤咗佢😅我哋三個人叫咗一個二人餐再另外加個豬髀飯。佢個二人餐都好豐富份量又多，木瓜沙律，生菜肉碎，冬陰功，咖喱牛腩配薄餅仲有個馬拉盞炒通菜。嘢飲方面都係啲普通泰國嘢龍眼冰珍多冰之類。個生菜肉碎份量非常之多我哋三個人都食唔晒，咖喱牛腩就細細兜啦，不過都夠點晒啲薄餅食。總括而言，我覺得佢有一間喺商場普通嘅泰國餐廳級數，不過不失咁啦。埋單3人 $42x好食指數：⭐️⭐️⭐️性價比：⭐️⭐️⭐️⭐️

星期日晚用餐高峰時段，打算在Eurogogo同泰潮兩者二選其一。最後去左唔洗排隊既泰潮，展開左奇幻既一餐。見到餐廳仲有幾枱空位，示意職員兩位用餐。男職員大聲表示，「你地出去排隊啦，執緊枱未有位」。不到五秒還在找排隊處的我們錯愕地被同一位職員叫進用餐。點餐時，本以餐牌上的號碼點餐。另一男職員即以不耐煩的語氣表示，「講名！講名！」。我當下還未反應過來，原來在商場餐廳還能享受如斯貼地的呼喝體驗。真想請教該公司負責人，餐牌印上號碼的用處為何？上菜亦有他們的學問，不會在餐枱旁的一則上菜。而是在枱與枱之間的位置打算讓友人幫忙傳菜。用餐時，帶位的同事都會中氣十足的指引每一位客人，包括用力地拉開在你身旁的凳子。到付款，收銀姐姐也是打開喉嚨在你面前跟同事溝通。差點忘記提及食物的質素。葵芳分店以深水埗店獲多年上榜推介，同樣地在這分店門口樹立大型紙牌作招徠。總括而言，最正常的為泰式奶茶（沖劑飲品）。而我最難忘的是牛筋腩上一堆像是眼睫毛的牛毛，唔識野既我真係唔識欣賞。以上經歷都係忘記左佢好過，永久black list!

兩個字-垃圾一坐低，超差服務態度，完全不為顧客服務。個稍為大份小小的中年男人，不知他是否餐廳老闆，起初門口等位時，見到竟然真係會趕人走，睇到即刻呆了，竟然會直接趕人走。餐廳設備非常不足，一間係大型商場內的餐廳竟連BB椅都無。有小朋友的，可以唔使考慮食呢間餐廳。食物一般，一心型嘅碟，好似好靚嘅肉碎頹飯。二人餐超唔低食，$298嘅價錢，小食得兩隻雞翼。加個生菜包肉碎。真係寧願散叫好似仲好，套餐只係包飲品同小食。無下次

豬肉丸船粉，算最正常，個湯應該系牛血湯底定扮牛血湯底我吾知，就系好濃濃得黎又吾系好味嗰種 ，豬肉丸系成餐飯最好食既野。馬拉盞炒雜菜，裏面有又粗又老又硬既芥蘭，西蘭花，椰菜花，紅蘿蔔。完全係九唔搭八，完全食唔出邊方面似泰菜，我阿媽炒嗰啲都好食過佢九倍。泰式辣椒膏炒蜆，$98。呢個經典！難食到痴晒線，兩個人好辛苦甘食左5粒，完全反白眼，啲蜆一定系冰鮮既，仲系已經哪到冇晒味嗰種食落好似食緊條橡筋甘怪到丫媽都吾認得，另外佢個辣椒膏好似甜醬甘淨系食到甜味，啲蜆烚完就淋啲醬落去，就叫炒蜆，食落蜆羅蜆醬還醬，蜆同醬一樣甘難食，打和。真系千祈千祈千祈吾又去食，浪費左三百蚊食左餐垃圾，真系大家樂食個燒味飯仲滋味。

📍泰潮葵芳興芳路223號新都會廣場1樓167號舖個日好早 十一點幾 冇早餐但想揾野食唔想食西餐 見佢呢間泰菜開門 就決定入去食一入到去啲staff好nice好熱情😋 冬陰功湯河正常 幾好味 要講下佢個河粉係幾特別同平時食嘅牛腩河嘅河粉唔一樣佢呢度嘅河粉係一片片 然後會捲埋咗咁樣有少少難夾 食嘅時候會有啲論盡😂😋 泰式海南雞飯正常嘢😋 泰式凍檸茶甜到爆炸😂 不過有泰茶味總結 一般泰國嘢 如果冇其他野揀先食佢就ok😂

本人今天跟家人到葵芳新都會廣場泰潮用餐，因餐廳經理的服務質素極差而在此留言。希望其他準備要在此餐廳用餐的人仕注意。餐廳經理在點菜時已表現出不耐煩的態度。本人點的是咖喱＋薄餅午餐， 咖喱要選擇肉類（豬／牛／雞），並要選擇加小食和飲品。在點餐過程中，餐廳經理並沒有解釋亦沒有詢問所需的選項，只是在餐牕上＂手指指＂，一臉不屑的樣子。另外到用餐完畢後有剩餘食物，向同一位餐廳經理要求需要一個外賣盒，餐廳經理高聲疾呼回覆說＂等一陣啦＂。只是要一個外賣盒那麼簡單的要求， 犯不著這種態度吧。當時有老有少，就不理論了，免生事端。只希望在這提醒大家，以免成為下一個受害者。

新年好多餐廳冇開，夜晚8點左右，行葵芳都係得連鎖餐廳有開，仲要好多都賣哂嘢/準備收鋪。好彩趕得切截龍前入到去食，廢事再搵餐廳佢晚餐多數70-75蚊左右 再加$10配凍飲 &加$12蚊可以配小食可能準備收鋪，本身想加配木瓜沙律但冇哂。咁最後就叫咗青咖哩配薄餅$70凍泰式檸茶及豬頸肉沙律新年期間都淨係加一，比其他餐廳有良心了埋單先$101青咖喱可以揀要咩肉，我就揀咗雞肉。但青咖哩個味道一般。肉既份量都算多但冇乜配菜淨係三色椒多。豬頸肉沙律唔可以話係沙律，只係泰式撈豬頸肉咁。成份都係肉🤦🏻‍♂️🤦🏻‍♂️凍檸茶就正常泰式味👍🏻👍🏻係新年冇乜嘢開既環境，都算唔錯

30/12/2022吾知食咩好，經過泰潮，好想食泰國嘢就試吓呢間近期開既泰潮。其實幫襯過佢其他分店，葵芳店就第一次。兩點開始有下午茶，基本上係主餐牌既粉麵單點食物加$10就變成餐，有主食有飲品。炒金邊粉同豬手飯之間掙扎，結果豬手飯勝出飲品叫了熱泰式奶茶。豬手飯好足料，除了豬手，還有豬大腸同酸菜，豬手同豬腸應該炆左好耐，好淋又好入味。白飯叫左少飯，份量都多。隨豬手有個醬汁，少少酸微辣，可以減少豬手既油膩，最重要那陣酸辣味好有泰國既味道，好在旅行既感覺。至於熱泰式奶茶吾係間間有，因為有啲泰式餐廳只提供凍泰式奶茶，跟港式奶茶吾同，泰式奶茶既茶味無咁重，奶味重一點，吾知是否用上標奶茶葉呢。呢間沖得好順滑整體來說吾錯，下次會再來試其他食品

真係非常之份量少嘅食店，原因午飯買咗一份架喱牛腩飯，午餐外賣，味道只係一般，大問題係只有四粒所謂牛腩，有相為證，好唔好食都算數了，做食店最基本都要比幫親你的客人食飽吖唔該。難為你好意思仲大大個米之連公仔放喺門口！此店位置於葵芳大型商場之中，主要顧客除了街方，就係樓上和週邊工作返工和商場寫字樓的上班族°辛苦一朝，想食翻個似樣嘅午飯，幫襯你就一定撞辦，堂食座位密麻麻，一定坐得唔舒服°只係幾粒牛肉就叫牛腩飯？你收62蚊，飯盒另外比錢，你收得唔平呀，你話你比啲乜人食？廚房處理食物的職員根本冇用心去處理食物給客人°

1.野食方面炒金邊粉 $70擺盤幾好但係要酸無酸 要辣無辣 要甜無甜完全唔知食緊咩 入口勁粉 0獲氣 d粉癡埋一舊根本唔係俾人食 擺條蔥係粉上面扮靚就賣70一碟真係食到一肚氣黃咖哩飯 $70都好彩正正常常食多兩啖先發覺 個味exactly係茶記40蚊個咖哩飯 一模一樣講真係勁bad trip2.環境方面成間舖面勁細全部搭枱咁濟夾埋縮埋咁食都算收所謂嘅服務費就係幫你落單同收menu出面仲有個車汰人 都唔知點囉米之蓮 救命千祈唔好去食

💥豬髀滑嫩、愛心奉上📍泰潮｜葵芳📍人均消費 $ 8 X#CL葵芳 #CL四圍食 #CL泰國野 ⚪️⚪️⚪️⚪️⚪️⚪️⚪️⚪️⚪️⚪️嗰日臨時臨急要去葵芳做嘢，LUNCH只係隨便搵間唔使排隊嘅食肆🤓估唔到又OK幾唔錯喎😌原來拎過幾屆米芝蓮推介咖😍💟泰式滷水豬髀飯 $ 6 2 + $ 1 0 再加 1 0 %其實有啲搞笑嘅，佢呢度所謂嘅套餐原來只係得個飯或者面，冇小食或者嘢飲全部都係另外叫😳👧🏻叫咗杯泰式奶茶都幾香滑😀講返個主菜先👀豬髀都幾多件唔會鞋口好滑嫩，下邊仲有啲酸菜咁樣撈飯一流，旁邊嘅滷蛋都好入味👍🏻🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌑🌑🌑回頭率🌕🌕🌕🌕🌕🌕🌖🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

一大一細入座，細路三歲，等佐半個鐘，講好佐要卡座，結果安排一張兩對面的一人位。大佬，個小朋友冇bb凳都唔夠高啦，你要距一個人坐對面我點喂食？OK，入座，叫佐幾次都冇人過黎點餐，最後頂唔順大聲叫個經理過黎，經理全程黑面，點佐半隻海南雞，得雞胸雞比，隻翼飛走左？嘢都未食完就過來趕客，問都唔問就收走d碟，叫200幾蚊嘢，一個鐘唔夠就催人走。套餐寫住+10蚊椰青，最後埋單同我講我點嘅係散叫？你跪低求我都唔會再去

我家的煮食爐壞了，要換個新的，到葵芳新都會廣場 Town Gas門市選購爐具，之後在商場吃下午茶。今次試試家我沒吃過的店：泰潮連續10年米芝蓮推介泰國菜下午茶時段，由下午2:30開始，我的下午茶組合，包括以下的：#泰式海南雞飯：本來點冬陰功湯粉的，點餐時店員說蝦缺貨，改配豬肉丸，５分鐘後說今天不做冬陰功湯粉，就改吃泰式海南雞飯，雞肉去骨，啖啖肉，吃起來方便，但油飯不夠熱，扣分。#泰式冰咖啡：下午茶加10元配咖啡，少冰少甜，挺好喝的。#香葉包雞：下午茶加12元配小食，本來點冬陰功湯粉才加配香葉包雞，現在變成吃２種雞😅，味道一般，不及海南雞好吃。總體一般的下午茶。

星期六晚商場所有餐廳都堆滿人，就算拎籌都要等幾十張枱，有啲連飛都攞唔到。經過一間有車軚人公仔喺門口的泰國菜，加上旁邊見到一條小小的人龍，睇完餐牌覺得價錢經濟於是就打算一試。叫咗二人餐，其實都幾豐富，但估唔到味道出事，同預期好大落差！冬陰功豬肉丸海鮮湯香葉肉碎生菜包泰式青咖喱牛筋腩泰式薄餅兩件雞油香飯馬拉盞通菜泰式珍多冰鹹柑桔蜜正常味道： 冬陰功湯/泰式生菜包/馬拉盞通菜鹹柑桔蜜甜到難以入口雞油飯無雞油味，只有椰漿味薄餅係全晚最差嘅，上枱油淋淋，未煎好嘅餐廳整體印象麻麻有負米芝蓮，雖然都見到只去到2020年，但真係估唔到兩年後會攪成咁同老公一致認為，絕無下次，回頭率零嘅泰國菜由於味道問題，一張相都無影提供單據證明親身食過［完］