泰潮 (Closed)

成一年冇返去深水埗間舖幫襯過, 以前食十次有九次都在水準之上(除左蔭野), 口味接近地道泰菜, 但係今次去食就真係太差, 唔知內部係咪有咩問題出左, 詳情如下: 我地果晚突然諗起想食泰潮嘅泰式炒椰菜苗, 於事就開車落去諗住食飽仲可以去附近食埋甜品你話幾好呢.....去到見到孖舖少左一間, 入去立即有位, 坐低就叫左碟泰式椰菜苗先, 然後諗住叫碟蔭鳳爪.....呀記得呢度啲蔭鳳爪唔好食嘅咁就叫左蔭燒豬頸肉(儍左唔記得咪又係果隻蔭法), 另外叫左雞飯同米粉。第一碟上嘅係蔭燒豬頸肉, 先唔好講佢嘅蔭做法好唔好食, 問題係佢用烚豬肉切條黎做, 哇唔洗講野啦, 本來個汁經已唔掂, 加埋烚豬肉大家想像到啦。然我見到有位女士拎左碟椰菜苗上閣樓, 咁我地叫嘅雞飯同米粉都到左, 雞飯啲飯同雞室溫嘅, 冬蔭米好淡口, 兩款野水準退步左, 不過是但啦冇所謂因為諗緊個炒菜都流口水。點知三分鐘後另一位女侍應由閣樓拎左碟炒椰菜苗落黎放上我地張台, 咁我同講喂唔係下話點收貨呀你比在人地咁耐仲好意思轉頭比我嘅? 咁果位侍應就大叫第三位幫我地落單嘅女侍應過黎, 我同佢講叫佢換過碟咁佢就拎碟野入廚房然後同廚房佬講樓面賣錯

因餐廳門口廣告牌及餐牌封面，得悉餐廳由2011年開始已連續8年取得米芝蓮推介，今日重臨餐廳午膳，海南雞飯仍然是高水準之作。冬瓜湯：胡椒湯底，每碗有件大冬瓜，冬瓜略嫌太生，味道普通。青瓜粒：香辣爽口。海南雞醬：酸酸辣辣，非常開胃，除了辣椒、蒜蓉、薑蓉外還加入黃豆豉，是傳統的泰國海南雞醬。油飯：粒粒分明，軟硬適中，帶有少量椰香味。去骨海南雞：雞肉嫩滑，份量充足，雞翼位未有去骨。套餐未有包任何飲品，但未有加一服務費。

去完黃金買notebook...諗住喺附近求其搵啲嘢食！咁啱見到呢到有間泰潮...又好耐無食過海南雞飯...就二話不說入咗去😆坐低就叫左個$58去骨海南雞(油)飯！個飯部唔算太油...雞都算幾滑！但係啲骨就吾係全部去哂！另外，唔講唔知...原來呢到茶餐室咁既型式得張圓櫈坐...茶水都冇杯...竟然要收加一服務費！我真係大鄕理😅如果要免加一就要1) Like佢哋個Facebook Page..然後(2) 要 share 出去...(3) 再要寫底自己Facebook個名！Like FB Page 好多都咁做...通常送甜品！但係留FB名就好似有啲奇怪.....🤔真係百思不得其解！問佢點解...職員話唔知！只係公司要求！

深水埗買完野要醫肚，見到呢間話係米之蓮，泰菜都好耐無食過，就揀左呢間食啦~ 晚市剛開始就要等位，兩個人都要等六七張枱，都多人等喎，似乎呢間真吸引。終於有位啦，小店地方唔大。一睇餐牌，有套餐，而且價錢仲好抵添…有選擇困難既我樣樣都好想試，怕食唔曬而且又唔係好餓。最後我地一人一碗粉，我叫左冬陰公金邊粉，冬陰公湯底酸味辣味適中，湯內有成四隻蝦，仲要隻隻彈牙辣辣地好過癮。朋友叫左泰色扎肉雞肉湯粉，湯底甜甜地，扎肉好好食。個泰式炒芥蘭辣辣地好好食，配杯青檸梳打簡直一流，成餐仲好抵。見到人人都叫海南雞飯，可惜我去已經好飽，唯有下次再試

久違了的泰潮深水埗這一條街實在太多美食的選擇而偏偏每一次我也沒有挑到這一間只吃過一次海南雞飯外賣但始終是外賣溫度不夠有點失色這次跟家人一起四大一細過來吃媽媽看到價錢很經濟實惠所以很快就決定吃了我們吃了海南雞油飯冬陰公海鮮湯河泰式炒金邊粉菠蘿海鮮炒飯兩個清菜全部都很有口感比較彈牙硬身正是我的口味辣度很足夠又不會濃味得過分沒有什麼味精的感覺菜分量也很大有菜心芥蘭生菜選擇菠蘿炒飯是最令人滿意的我個人喜愛酸酸甜甜的金邊粉值得再回來

久違了的泰潮深水埗這一條街實在太多美食的選擇而偏偏每一次我也沒有挑到這一間只吃過一次海南雞飯外賣但始終是外賣溫度不夠有點失色這次跟家人一起四大一細過來吃媽媽看到價錢很經濟實惠所以很快就決定吃了我們吃了海南雞油飯冬陰公海鮮湯河泰式炒金邊粉菠蘿海鮮炒飯兩個清菜全部都很有口感比較彈牙硬身正是我的口味辣度很足夠又不會濃味得過分沒有什麼味精的感覺菜分量也很大有菜心芥蘭生菜選擇菠蘿炒飯是最令人滿意的我個人喜愛酸酸甜甜的金邊粉值得再回來

去深水埗可以嚟試下呢間 泰潮佢嘅海南雞飯係出曬名好食個飯係用特別嘅 方法嚟炮製淨係食個飯已經夠入味加上海南雞 雞質嫩滑 同埋切得唔大件女孩子一般都易食你可以食埋個泰式青瓜沙律食完再去電腦商場行街街

七點三路過門口見到唔同晒以前兩間鋪頭而家剩返一間超細裏面坐得密密麻麻仲要等到半個鐘比我三人位真係令人卻步（以後都唔會食）環境惡劣食物質素下降比以前加左好多味精（未食晒已經覺得好口渴）不似預期了照平時一樣叫咗兩個海南雞飯一杯珍多冰（杯嘢就好大但係冰就佔咗三份二）同埋一個豬手飯海南雞飯超味精豬手飯稠稠的醬汁（加上大量毛係豬皮上邊簡直就係嘔心）係咁多講完

每次嚟深水埗都係嚟呢條街搵食，大部份都試過下，話晒都叫做米芝蓮推介咪試吓囉！朋友點咗 Signature 海南雞飯，呢個係招牌菜一定無死。例牌係配黃油飯，朋友表示雞肉相當嫩滑，但係配菜嘅酸青瓜好辣呀！我就叫咗青咖哩豬頸肉飯就比咗個紅咖喱雞飯（我見有啲趕時間就由得佢喇）。好彩都總算唔錯，仲有配埋好多蔬菜。有湯水之餘（味道就幾鹹下，本人覺得太重口味），估唔到午餐仲有飲品送。紙包飲品叫咗荔枝味果汁，點知又嚟錯咗巨峰提子果汁。今日第二次嚟錯嘢啦，不過佢係有禮貌嘅，笑住咁幫我換返啲嘢。

短短的一條的福榮街，食肆數目多不勝數，膽敢在這兵家之地立足，實力不少。泰潮－連續多年榮獲米芝蓮推介，究竟餐廳有什麼魔力能連續獲得推介呢？今次點了海南雞飯和冬蔭公粉，海南雞雞肉嫩滑，油飯油香味濃，蘸醬是指定動作，辣椒醬香而不太辣，可惜再拿多一碟醬便要收錢......附送的湯味精重，不喝也罷。冬蔭公辣度不計強烈，可能要迎合香港人口味，香茅和酸味恰到去處，如果蝦多一、兩隻便更完美。整體的食物質素高，價廉物美。

今日走到深水埗工作，經過福榮街就去食個靚海南雞飯。對上一次食已經大約半年前啦，但入到餐廳依然坐無虛席。雖然今次係自己一個食飯，但一個人食飯亦有一個人的浪漫的。一坐低，諗都唔洗諗就叫一個海南雞飯（無骨）！成個海南雞飯（無骨）餐包括有前菜泰式青瓜沙律、清雞湯、海南雞飯。若果特別想改食雞脾/雞翼就要另加5蚊了。美味Remark1.泰式青瓜沙律相當惹味，而且亦有少少辣。呢個青瓜相當開胃，適合作餐前小食。2.海南雞飯本應呢碟係海南雞飯標明係無骨的，但我果碟好好彩地係有雞脾的，所以成為了有骨的雞飯。而且海南雞的分量都算係多，加埋個雞醬一齊食，味道真不錯。3.清雞湯湯的色澤看來都算清，但係一入口覺得好重味精味，飲一口已經覺得好口渴，所以最後無飲到。最後，呢間餐廳始終都係細間的店舖，相對都係食個快飯之選。走的時候，記住like佢地的facebook page就有9折啦。

好耐冇來太潮食飯了！下午時分，都驚有好多人，但係最後都選擇左黎你度食飯！唔使點等位就可以入去啦，午餐有好多選擇，我揀咗我最鍾意食嘅海南雞飯！呢度嘅可能雞飯飯粒好有彈性，雞嘅份量都好夠，白飯有椰香，再加上一碗湯，感覺10分爆肚！呢個價錢性價比高，同快餐店嘅海南雞飯有得fight! 下次會帶埋朋友來食！

和朋友一行三人在附近找地方晚飯其中一個朋友推介此店，便前來試試～～我們點了二人餐A ($328)有冬蔭公海鮮湯選一款小菜，我們選了泰潮海南雞(例牌)+2碗油飯小食可選兩款，於是選泰式炸蝦餅(2件)&泰式炸魚餅(4件)選了馬拉盞炒通菜還有兩杯飲品冬蔭公海鮮湯，海鮮不多，但菇&香料都很多微酸，辣度很足！例牌海南雞，雞件啖啖肉，尚算爽滑，也有點雞味這裡用的不是三色醬料，而是一款泰式酸辣醬油飯夠香夠濃味，且粒粒分明至於炸蝦餅﹑炸魚餅&馬拉盞炒通菜就一般吧沒有很深刻的印象但吃完整頓晚飯，就會覺得整體食物偏濃或偏鹹一點會有很渴的感覺呢～～

聽聞呢間泰國餐廳有好幾年都有上米芝蓮推介嘅$300以下埋得單餐廳，去左之後發現個價錢真係夠曬好人，質素高過價格 🖒🖒每人有一碗冬瓜湯。呢個湯胡椒味有少少重，大家記住飲完湯先好食冬瓜，會減少d胡椒辣味。🙈我就叫左個青咖哩配牛筋腩，佢個汁算係煮得啱啱好，夠辣但係又唔會嗆喉，我個friend試左啖，覺得佢有好多冬蔭功嘅香料，味道好豐富。牛筋腩又大大件，同茄子仲有其他配料嘅比例係5：3：2，真係好足料😍😍😍我個friend 呢就叫左個泰式炒金邊粉，佢個shape真係不得了，包得好靚，見到嗰陣真係嚇左一跳😲 冇諗過喺呢種咁大眾化嘅餐廳都可以欣賞到d咁高級嘅手藝~ 味道方面，似係甜酸醬加好濃嘅蕃茄，都幾正😀😀😀食完之後又送甜品，係椰汁糕，或者正確黎講應該係上層椰奶、下層椰汁，質感比較爽口，味道唔會太甜太漏，幾好幾好😃😃我另外仲加左一杯龍眼冰，同以前飲過嗰d比較嘅話，佢比較清甜，唔會齋飲糖水，所以我都幾中意😀😀總括黎講呢度真係幾底食，d野食每樣都大大碟，好足料，加上佢做緊facebook like and share 優惠，搞掂曬就有九折，我地除返開兩個人每人平均都係$55，同依加普通茶餐廳碟頭飯差

由於時間關係，事旦揀左呢間，當事旦揀o既時候，就會覺得唔好食都抵死，因為無做功課《雖然有做都未必有好野》，叫左【無骨】海南雞飯好似58蚊，小食拼盤118蚊，加三色冰12蚊。。個海南雞唔知點解個雞脾位有骨，可能佢懶得去啦，但事旦啦，咸左小小《可能我食得比較淡》將佢當做普通雞飯無問題o既，雞肉係幾滑o既，本身都無諗住寫食評，所以無影。。。點知拼盤裡面個樣酸辣鳳爪令我要寫。。個鳳爪難食到。。。唔知佢係白灼鳳爪連水“不”上黎定慳錢所以泰色辣醬溝水，真係好很難食，除左水，泰色辣醬我完全食唔到佢有落其他味，有邊個試完個鳳爪話好好食o既我比返20蚊佢【認真，請對得住自己良心先好，哈哈】。。成間鋪貼住連續七年米豬蓮，一係就係佢地自己貼一係就係米豬蓮個幾條友年年都只係一人叫一碗麵而覺得好食到要比佢入圍。。完『p.s 我無食麵』