Video
Read full review
2018-04-23
659 views
成一年冇返去深水埗間舖幫襯過, 以前食十次有九次都在水準之上(除左蔭野), 口味接近地道泰菜, 但係今次去食就真係太差, 唔知內部係咪有咩問題出左, 詳情如下: 我地果晚突然諗起想食泰潮嘅泰式炒椰菜苗, 於事就開車落去諗住食飽仲可以去附近食埋甜品你話幾好呢.....去到見到孖舖少左一間, 入去立即有位, 坐低就叫左碟泰式椰菜苗先, 然後諗住叫碟蔭鳳爪.....呀記得呢度啲蔭鳳爪唔好食嘅咁就叫左蔭燒豬頸肉(儍左唔記得咪又係果隻蔭法), 另外叫左雞飯同米粉。第一碟上嘅係蔭燒豬頸肉, 先唔好講佢嘅蔭做法好唔好食, 問題係佢用烚豬肉切條黎做, 哇唔洗講野啦, 本來個汁經已唔掂, 加埋烚豬肉大家想像到啦。然我見到有位女士拎左碟椰菜苗上閣樓, 咁我地叫嘅雞飯同米粉都到左, 雞飯啲飯同雞室溫嘅, 冬蔭米好淡口, 兩款野水準退步左, 不過是但啦冇所謂因為諗緊個炒菜都流口水。點知三分鐘後另一位女侍應由閣樓拎左碟炒椰菜苗落黎放上我地張台, 咁我同講喂唔係下話點收貨呀你比在人地咁耐仲好意思轉頭比我嘅? 咁果位侍應就大叫第三位幫我地落單嘅女侍應過黎, 我同佢講叫佢換過碟咁佢就拎碟野入廚房然後同廚房佬講樓面賣錯
第一碟上嘅係蔭燒豬頸肉, 先唔好講佢嘅蔭做法好唔好食, 問題係佢用烚豬肉切條黎做, 哇唔洗講野啦, 本來個汁經已唔掂, 加埋烚豬肉大家想像到啦。
然我見到有位女士拎左碟椰菜苗上閣樓, 咁我地叫嘅雞飯同米粉都到左, 雞飯啲飯同雞室溫嘅, 冬蔭米好淡口, 兩款野水準退步左, 不過是但啦冇所謂因為諗緊個炒菜都流口水。
點知三分鐘後另一位女侍應由閣樓拎左碟炒椰菜苗落黎放上我地張台, 咁我同講喂唔係下話點收貨呀你比在人地咁耐仲好意思轉頭比我嘅? 咁果位侍應就大叫第三位幫我地落單嘅女侍應過黎, 我同佢講叫佢換過碟咁佢就拎碟野入廚房然後同廚房佬講樓面賣錯野叫佢炒過一碟(我坐廚房出面張台同識聽泰文), 咁個女人轉頭又拎番果碟出黎放上台(因為我聽到佢冇開炒爐), 我同佢講你又拎番果碟比我姐係咩意思呢? 你樓面賣錯野咪叫廚房做過一碟囉有幾艱難? 咁個泰國人女士就拎返碟野入去同個廚房佬理論, 個廚堅持唔肯炒過碟, 咁個位女士就話冇辦法只可幫我張單取消果碟。
我地叫嘅青檸可樂佢黎左青檸梳打, 我同佢講比錯喎, 佢又係話唔好意思但冇同我地換返啱。
埋單出門口果位泰國人女士同我講左兩次唔好意思, 我感覺到佢地內部協調出左好大問題, 士氣好低, 而食品質素明顯下降, 感覺似將會"再會"果隻
Post