泰潮

Open Now

Now Closed

食完先知呢間餐廳海南雞係米芝蓮，整體黎講性價比不錯👍🏻🔸海南雞 🌟雞嫩滑，份量超多，無好驚艷但都做得不錯！ 🔸泰式生菜包肉碎炒香左夠辣，亦好香口，鹹味適中，夾生菜中和好fresh，不錯！ 👍🏻🔸串燒拼盤 雞、豬、牛 各有2條，最鐘意係豬肉！肉質彈牙入味，其餘亦不錯，配勁濃嘅泰式沙嗲醬，正！ 🔸泰式炒通菜 鹹味適中，欣賞通菜亦唔會太油，通菜亦爽口新鮮👍🏻🔸泰式鳳爪偏酸辣，係正常發揮，岩送啲濃味野中和，份量亦有好多！🔸泰式炒金邊粉 份量偏細，相對較淡味，得幾隻蝦，外賣送到就偏乾身，無好驚艷～整體係平均嘅，無好驚艷但抵食！可encore🫶🏻

收工去屯門練箭前例牌都要醫下肚先，今次黎屯市food count試下呢間泰潮，講到話佢地晚既海南雞飯係2020年前都有米芝蓮推介咁利害，就一於試試。餐牌都擺晒出黎，睇完平均價錢都偏高，今日就先試下招牌菜海南雞飯。泰式海南雞飯等左5分鐘左右就有了，套餐跟一份前菜酸辣青瓜，一款小食同飲品，小食要左泰式春卷，先講個春卷就比較般，似大件小小既公仔點心春卷，叫做新鮮炸算幾脆，不過無乜特色，講返主角海南雞，雞黎講皮算幾爽，不過肉質唔算滑，都無乜啫喱，比較一般d，飯係黃薑飯，黃薑味偏淡，飯既質地都ok唔會濕，跟餐飲品要左凍既百香果蜜，味道唔會好甜，一般啦。呢餐黎講質素就真的一般般，價錢偏高，難怪去到20年就無左米芝蓮。

喺屯市food court食完個晚飯之後仲想食個甜品，經過泰潮一於整個芒果🥭糯米飯🍚，外賣返屋企慢慢品嚐，都算有驚喜，芒果都清甜，糯米飯有三種色，配上香濃嘅椰汁，糯米飯食落去都好香軟煙靭，可以一試😋

好少食青咖喱，因為唔太鐘意浸椰子味 🥥😓但朋友叫左青咖喱薄餅餐，食落唔錯😋👍🏻👍🏻👍🏻試左少少就覺得咖喱甜甜地，唔會太辣～原來都幾岩食，而且雞肉同茄子都幾入味！GOOD🥰

Food court 開張咁耐，都未入過嚟食嘢😆今日忽然好想食泰國嘢，🧑‍🍳就入嚟試試啦，餐牌選擇不多，🍽食物項目簡單嘢為主，叫左個最大路嘅泰式炒金邊粉，午市時間人流唔算多，等左5 分鐘就有啦～賣相幾好，可惜冇乜料又冇乜味😥，主要材料果幾隻蝦係就咁舖左喺面，d粉比較乾，喺冇味道加冇餸嘅情況下🥲可以話係捱完呢碟嘢⋯另外叫左杯泰式奶茶味道正常，係好泰式果種大甜😆可能其他嘢好食我冇試啦😅因為見都幾多人揀海南雞飯，下次先試啦😂完⋯

夜晚繁忙時間，鋪頭都只係得一個人負責落單同pack外賣，搞到收銀落單嗌嘢食都起碼要客等兩分鐘。等外賣時間又耐，food court入面，得佢間鋪對出企滿曬等外賣嘅人，仲要比漏好多野。。嗌左個唐人街棵汁河粉同泰式豬頸肉沙律，攞外賣嗰陣見有兩個外賣膠盒，就以為齊曬野食，一個盒裝住沙律同一個盒裝住河粉(唔分湯嘅話)都合理，所以就冇check到外賣齊晒未。。點知返到屋企就發覺一盒係分湯，一盒係齋河粉，兜沙律失蹤左冇比到。。本身都唔知係齋河粉，係食食吓先發覺兜河粉冇餸，Menu同收據都寫明有豬肉丸、豬肚、大腸呢啲餸，但竟然冇同河粉擺埋一齊，有機會啲餸係分多個盒裝，個收銀太手忙腳亂就冇擺埋落去。。$59食個齋河，蝕！

泰潮海南雞飯出名，最近開到入屯門，見外賣app 有，所以又試下啦。預早晌外賣app 落左單但去到都係比預期時間遲左廿分鐘，可能真係太多單吧。叫左兩個粉一個飯同埋甜品。泰潮全餐湯米粉配船粉湯底，有8隻餸豬丸，豬腸，牛腩，扎肉，豬頸肉，肉碎，雞絲同鴨絲。米粉係新竹戈隻，比較幼。泰潮全餐湯米粉配冬陰功湯底湯底好濃👍泰式滷水鴨飯都幾多鴨肉，仲有鴨腎同咸酸菜，份量多芒果糯米飯個飯係三色飯配上厚厚既椰漿，幾好食但芒果就無乜味，可能唔係時候

12.02.2022 星期六泰潮今日放工去市中心買生果，途經上年年終才開張、位於屯門市廣場Food court “Food Maze”，這個美食廣場有不少著名餐廳，例如Pepper Lunch、燒肉焰、BURGA、School Food。本來想幫襯Hawa Poke，竟然發現關了門。出乎意料之外，疫情如此嚴峻，竟然不少人在這美食廣場進食，聚集不少人流，眼見如此，自己也不敢久留，匆匆在「泰潮」買了泰式海南雞飯回家食呀，據說此海南雞飯連續十年獲米芝蓮推介。大家試過未？泰式海南雞飯海南雞份量不少，肉質鮮嫩好吃，加$10可轉脾或翼，另配有少許酸辣青瓜，相當野味，加上黃薑飯，這個海南雞飯是不錯的推介。另外見有一個廿二元生菜/通菜，加了兩個，看回帳單，原來只是加了$12跟餐配菜。打開外賣盒，見有湯水浸著生菜，份量其實很少，不竟只是十多元，下次還是要大盒才足夠。生菜味道不錯，湯喝了幾口，也很美味。除了海南雞，還有不少選擇，串燒、小食、甜品及各款泰式飲品都很吸引，下次有機會再試。