泰潮 (東薈城名店倉)

Open Now

Now Closed

🏄‍♀️⛈️暴雨狂潮去“泰潮”人如潮湧,亂中有序,食品和管理均出色！👍👍👍😋泰潮-東涌又是連日翻天覆雨,遇上攔路雨,覽車也停戴,難去平時去開又喜歡的地鋪,侷去商場或樓上鋪,人如潮湧,一般情況下,商場水浸地滑污糟,客人多碰撞,爭位易衝突予盾.食肆零售店也難大雨保持水準.但東涌city gate商場,美食廣場-食代館以至“泰潮”熱食檔管理出色,控制人流,環境整潔,服務貼心,賓至如歸！非但沒有太混亂而且亂中有序,出色！整個shopping和用膳過程十分好味愉快！👍👍👍😋$80$55泰式冬蔭功🌶️牛筋腩🐮🐽豬大腸金邊粉+$15泰式春卷+$10熱柚子蜜)香辣醒胃,以車仔檔嚟講,售價$$相宜,我個人ok👌,可能也有人覺得味精味重啲？！牛筋😋,大腸軟糯,牛腩軟稔入味.相信大多數人也喜歡✨追加小食春卷,需額外稍等上,卻熱辣即炸香脆😋

1️⃣米芝蓮雞飯🐓 即係泰式海南雞飯如果係米芝蓮，我就覺得……🧐冇餐飲，加錢都冇🙈🔹雞脾肉🐓肉質軟滑，雞味就冇乜🧐，但份量都幾多😊，而油飯無乜味，份量都幾多😊🔹菜🥬係新鮮，但冇乜清甜菜味🧐，而青瓜🥒口感爽口，酸酸辣辣🔹湯有蘿蔔味，唔會水汪汪味2️⃣泰式炒金邊粉賣相幾吸引，3大隻蝦🦐，雞蛋網面蓋住金邊粉，食落味道都正常。

好食嘅冬陰公湯粉⋯⋯今之第四次嚟食嘢，我老公嚟到東薈城就只會選呢間嘅湯河，呢個冬陰公湯係靈魂，如果以$5x 配料同質素係成正比，有3隻蝦（係凍蝦但都ok)幾粒豬肉丸，湯好有椰香唔太辣，唔太酸，味道適中，最緊要食完唔口渴⋯⋯

今日中午，嚟到東薈城位於7樓美食廣場今日人流好多基本上都坐滿人，好好彩好快就畀我搵到位，咁就開始諗下食乜嘢。見到有間泰國食店，見到有個泰式金邊粉都幾多人叫賣相亦都幾吸引，咁就點咗呢個先試一試。等咗十分鐘左右就到過去攞食物，金邊粉賣相十分吸引同我之前看到其他人食的都是一樣，橙色的金邊粉外層包上雞蛋花面頭有三隻大蝦，金邊粉酸酸甜甜都幾好味而且炒得亦都相當之好沒有一舊舊的粉，而蝦亦都相當之爽口雖然都知道不是新鮮蝦但爽口程度都比美，呢個金邊粉下次一定會再點。

東薈大代您以為改名我就唔認得您？蘿蔔湯，清清淡淡有一點味道一點瓜甜，熱熱灌入暖笠笠。馬拉盞炒通菜，驚見鑊氣，甘香惹味濃郁，通菜翠嫩多汁，大注大注地塞，索索聲美味可口。泰式滷水豬髀飯，咸菜硬硬帶爽，咸味重送飯還可以，半隻滷水蛋全熟不彈無意見。豬手肉厚厚肥膏不太肥膩，整件略硬而味濁，滾滿醋送少少飯免免強強。

叫左多飯 最後多左幾粒米， 飯量勁小 得幾啖 傻的嗎 雞量又係小 加埋野飲要成72 蚊 講真我同隔離d 正常飯量比較 我真係睇唔出分別 佢應該真係比多左幾粒米我嬲嬲地 明唔明咩叫多飯 我黎過三次 次次叫多飯都係冇多到 我真係覺得咁既餐廳應該要汁 一係就炒左d 樓面 你唔想多咪一開頭話唔比多飯囉 咁我都唔會特登上黎投訴 唔好話比多飯最後又冇多到咁正常男士食係唔會飽 我建議大飯量既簡其他真係會多飯既餐廳雞黎講係ok, 但份量黎講係只值30 蚊 幾啖咩都食完真係好憎呢d 餐廳

東薈城二期既最頂層係美食廣場嚟，而入邊既選擇都好多，而今次就試吓呢間泰潮，因為呢間餐廳標榜係米芝蓮雞飯，咁就當然要試下先啦～米芝蓮雞飯（$62）佢隨餐係有包埋個湯同前菜既，而佢既醬汁就係泰式酸辣汁，蘸雞肉食就特別開胃啦，而佢既雞飯係油飯嚟，食落都夠香，而雞肉亦全部起哂骨，食落夠滑，唔會煮得太老，而雞既份量都正常，係食完應該夠飽既份量，整體來講都唔差～不過呢個價錢係無包野飲既，要額外加多$10先有杯凍飲，感覺上就有小小貴啦～

兩個字形容：難食！三個字形容：好難食！四個字形容：真心難食！重申番係俾左幾次機會都覺得難食！今次係家人一齊食都話難食！價錢仲完全不值！諗住比多次機會, 落單時已經有又中伏預感！點知係難食到忍唔住要俾差評！希望減少中伏人數！特別係掛住 ‘米芝蓮 ‘朵既米芝蓮雞飯, 加錢同冇加錢轉髀都係難食！d飯一舊舊仲要冇味！再來個冬蔭公金邊粉, 留意番係金邊粉！都廢事講配料難食！理解到有時可能會夾雜幾條河粉, 但搞笑既係唔止幾條, 係幾條之外居然發現仲有成舊河粉係底！實在太可笑了！到底係而家有冬蔭公兩溝定唔夠金邊粉？！之前食過其他分店如中環, 都覺得難食, 仲好意思一直用‘米芝蓮’做gimmick👎🏿👎🏿👎🏿👎🏿👎🏿

今日在大嶼山行完老人山 已非常肚餓 友人建議去Food Court食晚餐 我第一眼被泰潮個名吸引了 细閱食物餐單 樣樣都想吃 我揀左冬蔭公炒飯 份量好多 還有很多蝦 很足料 冬蔭公味道很濃 又如置身泰國的感覺 下次入東涌 我會考慮再次光顧

依碗嘢咁細碗，要$57，個老闆有冇良心？一打開真心好嬲囉，收咁嘅價，打開見到個份量，喺咁嘅疫情下，諗住幫襯下，點知佢咁冇良心，唔係話一定要好大碗，但都唔會咁過分囉，真係太過份，大家睇路。

準備出發去大嶼山行山之前，要食個快lunch，要去趕車🙈黎到東薈城food court，原來星期六日都幾難搵位，同埋疫情下又減少左座位🥺所以難得搵到位，見到寫住米之蓮就俾佢吸引咗😂lunch set都幾抵食。米之蓮雞飯($60)啲雞都幾滑，油飯出色，係food court既水平黎講佢都真係唔錯。咖喱牛腩飯($60)正常咖喱無乜特別，正正常常，牛腩就一般般，差在無乜薯仔， 好似得一舊咁上下😂飲品要另外再喺飲品部叫，送嘅例湯似係味精湯，又要上山所以都無乜點飲，但就勝在夠快手，趕住上山之選😅😅

上次陪老婆到東涌逛完Outlet，在東薈城食代館，除了牛腩麵，好吃的還有這個泰式滷水豬脾。見招牌有"連續9年獲米芝蓮推介" ，才想起原來是曾光顧過的上環泰菜館"泰潮"，來了東涌開分店。泰式滷水豬髀原隻才$98，很扺吃，但已買了其他食物，怕原隻太大，兩個人吃不下，不如來個豬脾飯試試。近年晚上一般都是"無飯夫妻"，少吃澱粉質。已是下午五時......最終決定以豬髀飯作為下午茶。還吃晚餐嗎? 哈哈，待定!泰式滷水豬髀飯 ($58) 我們選對了，吃得津津有味! 豬後髀嫩滑肉厚，入口融化，肥瘦適中脂肪香卻不油膩，豬皮爽彈，脂肪少、膠原多。夾著酸菜吃，醒胃更可解膩。滷水汁味道恰到好處，原來加了花椒、八角、甘草、桂皮等十多種泰式香料熬製，所以味香而帶甘醇，佐飯更好。滷水蛋令口感更豐富， 連豬腸都很好味。平日少吃豬腸，但這邪惡的食物，兩小片沒有脂肪，腍滑爽脆，好味!

如果food court 黎講呢間水準係非常唔錯嘅！原來係米芝連推介，所以都有番咁上下水準！食左佢個豬手飯，男朋友友就食左green curry, 2個都好好食呀！呢間野喺尖沙咀分店有自家奶茶嘅，點知東涌呢間唔俾賣！一定係大食代迫佢地唔準賣水！太過份喇，佢個奶茶係幾好飲嘅，拈到我冇得飲！

明明早一晚還在家吃過「日式糧尾咖哩飯」，這天到地鐵站方向有工程，奈何民華又坐得極擠，只好來東薈城找吃的。🤷🏾‍♀️據同事稱這家泰式店也不俗，便毅然一試，印象中之前在深水埗也吃過，這次看餐廳，雞飯都不便宜🤔便點了黃咖哩牛筋腩飯。也沒贈送飲料，但有小碗湯已算小確幸，內有蘿蔔，不太淡味，味精似乎難免。黃咖哩普通，不太辣，沒什麼辣味才對，然後配料極多：青椒、紅椒、車厘茄、薯仔、牛筋、牛腩。牛腩查實挺像街市買的牛筋條切粒般，也不太韌，亦不算過瘦或會痴牙，尚算可以。牛筋也有三兩條，軟林而綿化，還是不錯。飯的份量偏少，咖哩汁都叫剛好可送完整個飯。Pepper lunch 、海南雞喇沙與這次泰潮，都約$60-$70，也只覺是可接受水平，其實與外邊的獨立餐廳，如翠華燒味或牛肉麵、牛角等，價鈛都不相差太遠🤷🏾‍♀️

在東薈城泰潮叫了—份外賣-泰潮海南雞,回家後發現是一份破破碎碎的雞胸，賣相已令人倒胃口! 咬一口雞胸, 其韌無比！難以嘴嚼！難以想像它就是所謂的米芝蓮"海南雞"!在我等候外賣其間，員工端出來的堂食海南雞，是没有破破碎碎的雞胸！一份份都是較好的雞(不是特別要加錢的雞腿嗰隻!)員工留番最差及破破碎碎的部份及外賣顧客, 真係超差！以後不再光顧！