泰金香小廚 (Closed)

一直有幫襯開這間在炮台山的泰國菜。雖然店舖不起眼，又有兩間舖，但仍然會有坐滿人的情況發生。所以為了不用等位，今次特別揀選了下午茶時段去光顧這間餐廳。下午茶只有限定幾款炒河或飯有跟飲品，所以為了不被限制，便揀選了下午茶餐以外的炒粉麵。今次揀了泰式臘腸炒飯，比較普通，沒什麼突出地方。反而黃咖哩炒河配豬肉有驚喜呢，因為是即叫即炒的，上碟時熱辣辣，再加埋咖哩粉炒，真的要讚一讚呢泰式臘腸炒飯 🎯7/10黃咖哩炒河配豬肉 🎯9/10

呢間隱蔽嘅小店竟然都幾多人幫襯🤔餐牌幾多選擇。炸春卷（$55）幾抵食春卷好長，炸得幾脆，裏面有豬肉。炸豬頸肉（$58）其實冇炸到，係燒豬頸肉😅。雖然比較乾但係味道還可以。🐔海南雞飯（$50）雞好滑都幾大份，但係飯唔係好夠雞油味，飯幾乾唔會好濕。冬蔭公湯［中］（$85）味道唔錯，都有唔少海鮮嘅，兩位女士一齊share。🐔雞絲湯河 ($37)夜晚都有咁平嘅選擇🤣個人覺得鹹咗小小，但係份量唔少，雞幾滑幾多。乾炒河配雞（$45）呢碟相對較細份，但係味道唔錯，同埋都唔少蔬菜。馬拉盞炒椰菜苗（$57）炒得幾香，味道唔錯，但係唔係好大碟。上菜可能會慢少少，但係畢竟係一間小店。都見到好多人叫外賣同埋堂食，比較多街坊。可能下次會嚟食個平午餐😊

I have been to this restaurant a few times already. I really like their Hainan chicken. the meat is tender and flavorful. The young coconut juice is also a must order. The coconut is usually full of juice and always fresh. The pineapple fried rice is also good. I dont recommend the appetizer platter and the braised pork knuckle tho. This place is on the first floor of a small shopping center, it's a bit hard to find and the setting is quite dark. This restaurant can get busy and the service is

一踏入小店見到泰王相，感覺好正宗食物味道亦不錯，價錢亦合理服務員亦好好，見我朋友未到，亦沒有急著落單，亦沒有限時用餐，枱與枱之間亦沒有太擠迫而小店的悠閒感覺，令人忘記身在鬧市中😊

午餐1:30左右，無咁多人，寬鬆感覺食午餐😊試下個綠咖哩雞撈米線，非常香港味道，合我心意，因為我唔可以食得太辣。聽店員講裝修唔夠一個月，整體光線比唔裝修前光亮左。講返個午餐，幾多菜，幾件雞，米線份量正常，味道唔太辣，價錢$44。得閒再來食！店員有禮貌👍

星期日二人於炮台山食晚飯, 間中亦會光顧這家餐廳, 堂食時, 整晚的電話外賣落單響個不停, 應該很多街坊生意。這家餐廳價錢大眾化, 不設加一, 可謂大件夾抵食, 整體味道亦很好, 座位有家中木家具的感覺。當晚點菜:海南雞(半隻) - $90冬蔭公湯河 - $40炸蝦餅 - $58海南雞(半隻): 正宗沒有骨的海南雞, 啖啖肉。平時我都不會吃雞皮, 但這家餐廳的海南雞我會連皮食, 因為沒有油淋淋的感覺, 雞皮是爽口的。海南雞的辣醬亦很有風味, 酸度、甜度、辣度掌握得好, 與海南雞十分配合。冬蔭公湯河冬蔭公頗為足料，有三隻大蝦, 而且蝦有鮮味, 並非有雪味的蝦, 值得一讚。冬蔭公湯亦採用了多種配料, 如: 紅椒、草菇、南薑、香茅、莞茜、洋蔥、蕃茄等, 十分足料, 可見用心。河粉是幼切, 更為嫩滑。炸蝦餅蝦隻新鮮, 上菜時熱辣辣。這蝦餅先將蝦打成蝦膠, 再炸, 令口感層次更豐富。加上酸甜醬, 更加開胃。 

久唔久都會嚟食，呢度前身係一間日本餐廳，但現任老闆接手後冇特別再裝修，所以會喺一個好日式嘅地方食泰式嘢，好搞笑很喜歡吃這𥚃的海南雞飯，滷豬手飯，炒金邊粉和冬陰公。但今天不是太肚餓，想吃點簡單和輕便些的，因此叫了個滷豬手湯河。滷豬手是浸在湯𥚃的而不是分開上，因此滷味會比食飯的會淡一些，但都煮得很好吃，皮很鬆軟，入口即溶，肉也煮得很淋，湯底很好味，重點在於個蘿蔔，應該浸煮了一段時間的，非常之入味，又沒有根，很淋，如果不是我自己一個的話一定會叫碗淨蘿蔔食

今日叫外賣叫左個粉絲炒雜菜，明明就係menu上”炒菜”嗰一欄到嘅，但嚟到成盒都係硬掘掘，痴到一大舊一大舊又無味嘅粉絲囉！所謂雜菜，就得4，5條仔紅蘿蔔，2件細細椰菜花仔，1件細細西蘭花，4份1塊椰菜葉。嬲到我吖，呃都唔好呃得咁過份吖，$50 食啲咁嘅嘢，無良到，睇你幾時執笠😡😡😡😡

公司附近，平時都成曰幫襯，佢地既海南雞飯同豬脾飯都ok，但佢地D串燒真係完全唔掂，牛肉串燒到硬如石頭已經唔係第一次! 上次試過 order 外賣自取，果碟牛肉串燒已經中囇伏咬到牙都軟，Lunch 又再歷史重演一次，提醒佢上次食過一次牛肉串燒超級硬希望可以整好D，點知最後都係比石頭我食....平時出野已經慢，等左勁耐先有得食提左都係唔識整好D，真係 hopeless以後都唔會再敢 order 牛肉串，串燒又唔係平，又難食

極力推介呢間小店,雖然偏僻左D,但都好多人食仲要全日唔駛加一,超讚今日黎食左個海南雞金邊粉,個湯勁好味,雞又滑仲叫左個豬頸肉炒飯,勁足料,飯唔會炒到好乾,亦都唔會好濕,好夠鑊氣,仲勁多配料,有蕃茄,仲有唔同既菜,絕對好食~~

係朋友介紹之下去左北角搵食餐廳既位置唔算難搵 打上去問店員都好樂意答我講返正題 同幾個朋友上去一齊食 大家都唔係好肚餓 諗住試住少少先 如果好食就再返轉頭啦食啲多啦必食既一定有炒金邊粉呢到既炒金邊粉酸酸甜甜 非常好食 而且份量都唔細 女士一個人食既話應該會食唔哂 抵！炸蝦餅同通菜都係泰國菜一定要有既 緊係要試埋啦！蝦餅好彈牙 雖然睇落去唔係好大舊 但食落有咬口 好過係第啲地方食過既大大舊但又唔好咬通菜都好夠味 不過如果可以辣少少就好！醃豬頸肉同生菜包豬肉都好惹味 生菜包豬肉唔算太辣 就算唔食辣既人都可以輕易入口最後，呢到既價錢真係好親民絕對係良心平民小店我地4個人食 平均每人都唔洗100蚊 但係份量又冇偷工減料 抵！一定會再返黎幫襯

冬蔭功 ($60)以上只係細size，普遍可以分到10碗左右。適合3人分享。裏面有大量草菇，好重香茅味，辣度普通，相信係老闆調到適合港人口味。泰式炒金邊粉 ($43)甜酸鹹三味均衡，加入咗茄汁同花生炒食，食落香口，再有大量蛋絲，食落香口。炮台山一帶較少泰菜，加上泰金香價錢取勝。難怪一路以嚟都受街坊歡迎，讚

我好鍾意食泰國嘢，要喺香港搵一間又平又地道嘅泰國餐廳都唔容易，而呢一間係我一直都幫襯嘅泰國餐廳。 雖然間餐廳上手係日式餐廳，啲裝修都係日式，但係餐廳嘅嘢食仍然係好味。 我好欣賞呢間餐廳嘅5樣嘢食，分別係海南雞飯、冬陰公湯河、炒金邊粉、辣椒膏炒飯同埋馬拉盞炒椰菜仔。 海南雞飯，啲雞肉好嫩口好滑，雞皮又爽口，配埋啲泰式地道醬汁一齊食就好好味，啲飯唔係普通白飯，而係香噴噴嘅雞油飯，所以好值得大家試。 至於冬陰公湯河，因為鋪頭配合港人口味，所以湯底唔會太辣，我呢啲唔係太食得辣嘅人都接受到，仲要湯底保留返泰式嘅酸味，再配上濃郁嘅蝦味，簡直係食過返尋味。 炒金邊粉同埋辣椒膏炒飯就好香口，金邊粉甜辣適中，而辣椒膏炒飯，千祈唔好比佢個名嚇到，其實佢係唔辣並非常香口嘅炒飯。 馬拉盞炒椰菜仔非常嘢味，廚師炒得好鹹香，配埋嫩口嘅椰菜仔，非常下飯，推薦大家食。 可惜我淨係影咗海南雞飯，忘記咗影其他食物相，嗚嗚TT

每次去北角都心思思想去食呢間泰菜。由以前在渣華道一個好細嘅鋪位，食到宜家在城市花園，一樣親切平實，美味泰菜一樣令我心動。我家大少最鍾意佢嘅冬蔭公，有大蝦又好有鮮蝦味，酸味咸味辣味啱啱好。香葉包雞、青咖哩、馬拉箋妙菜是我的心水選擇，其他菜式都好味又抵食。雖然餐廳門面不算靚，比較街坊，但勝在真好味。我時不時去北角探親友，大少晩飯前都要去食吓，其實都幫襯好幾年了。我看老板都係低調又有心煮好泰菜嘅人，支持！

冬蔭公海鮮湯河- 湯底微稠不辣，香茅、金不換、檸檬葉、指天椒香料味濃- 蕃茄香甜，為湯底添酸甜清香，草菇彈牙- 蝦爽脆彈牙帶淡淡鮮味- 河粉碎散但吸湯*泰式酸辣汁酸辣味平衡，惹味醒胃