泰金香小廚 (Closed)

去朋友公司同朋友食lunch ,朋友推薦呢間好味又抵食。我叫左我最愛嘅海南雞飯，佢個海南雞好有泰式風味，個海南雞醬船蒜味好夠，就咁點雞食或者撈飯食都一流。個海南雞皮薄肉亦都好嫩，一啖雞一啖飯好快就食完個午餐。

是日家人為哥哥補祝生日，這家餐廳是哥哥選的，位於城市花園其中一棟的小商場內，上手是日菜，房間仍保留舊有日式裝修，幸好是用櫈不用屈腳坐😂1）生蝦 $92頭盤先來了2碟生蝦，爽口彈牙好味！2）泰式炒河 $43只吃到茄汁味，似西炒飯，唔正宗，不好吃3）泰式臘腸炒椰菜苗 $60未試過泰式臘腸，甜甜地似台灣豬肉乾咁，幾得意4）炸蝦餅 $58蝦餅切細來炸，方便大家吃又香脆，好吃！5）香葉海鮮飯（辣）$50由於是辣的我沒有吃，哥哥們說是好吃的但是頗辣6）海南雞全隻 $175因為我們8個人吃所以分兩碟上方便我們，雞味ok也算滑，合格7）滷豬髀 $75壽星仔至愛，味道不錯夠「淋」8）冬蔭公湯（大）$98唔記得影相😂味道不會偏酸，好味但對我來説太辣只能喝一點9）雞絲湯河 $35呢個係姪女推介😂果然好正！精華在於湯底，有點肉骨茶味，清甜好味！$35一碗抵到爛！下次為了這碗粉會再來吃的！10）千層糕 $18賣相麻麻，裝在膠盒內痴埋一堆😂但味道ok不太甜總括來說價錢實惠，味道也幾好，可以再來！

食野最緊要好味，食泰菜一定要有泰味！今日朋友帶我去炮台山話有泰國野食。間舖都近地鐵站，但係如果唔係有人識，其實唔會搵到....因為佢個位好格zip, 位於一間冇人既商場入面！先講講間野，三個字：冇裝修。如果冇估錯，間野既上一手應該係日本餐廳。佢用番人地既日本裝修，日本茶杯，感覺有啲奇怪...不過～我黎食野，唔係黎食裝修！可能資金用係食材上呢星期六夜晚，唔洗等位，我同朋友2人輕鬆入座。啲野食唔貴，比出面的泰菜為平，可以稱為平民價當日，我地叫左3樣野，細冬蔭公，黃咖哩軟殼蟹跟蒜蓉包同埋泰式生菜包！第一樣：細冬蔭公味道幾正宗，酸度適中，好多蝦！有椰奶味另外，個湯唔太辣，友人唔食得辣都接受到！第二：泰式生菜包份量比外面果啲泰菜多，生菜下面仲有肉碎，只係影唔到姐。不過，作為嘴刁的泰菜愛好者，呢個菜式應該要酸同微辣....但呢個甜的..而且食落似有啲中式味道....可能冇左青檸果個味道第三樣：黃咖哩軟殻蟹配蒜蓉包份量都幾多！蒜蓉包好香！牛油同蒜蓉香為呢個餸加左唔少分！黃咖哩軟殼蟹，黃咖哩味道不錯，唔辣，但食到咖哩味！軟殼蟹應該有一整隻，都幾多。但略嫌炸得不夠脆，有啲油膩的感覺另外，我見人地個炒金邊

泰金香小廚由電氣道搬遷到城市花園商場入面，環境變大左少少！但商場入面大多數係補習社，無乜食既餐廳，所以平常比較少人發現。泰式炒粉麵飯應有盡有，晚市仲會供應各種小菜晚上7:00左右來到，堂食位置不多，所以有d人會選擇外賣拎走～點菜先全晚精髓海南雞 半隻$90 全隻$175皮爽肉滑 脂肪均勻 好食到其實我地得兩個人都要叫全隻黎食！雞已去骨 食既時候好方便 而且有泰式酸辣醬同醬油 兩隻汁都越點越開胃 酸辣醬少少辣而醬油甜甜地 我就鐘意點醬油多d 點到要添多兩碟醬汁蒜蓉炒通菜 $45叫碟菜補充下纖維先調味吾會過重 幾好！泰式炒粉絲 $43平靚正之選酸酸甜甜！但吾似其他泰式餐廳，吾知落乜，紅到嚇死人！入面有雞肉，蛋，豆干，豆芽，非常惹味泰式濕炒河(豬肉) $42幾好 吾會好咸/重味精不過份量偏少總括泰金香小廚真係試得過又吾會太貴！

Lunch 成日都黎食架，由地舖搬到上樓，大部分餐都$50樓下，價錢都接受到，不過出單好慢，有時等成半個鐘都未到，如果上菜可以快d就perfect.炒金邊粉😋😋😋😋炒濕河😋😋😋😋蝦餅😋😋😋😋海南雞飯😋😋😋😋😋

兩口子由尖沙嘴行完一輪，坐渡海小輪，輕鬆下午文化遊後，一直由海旁沿街而行，一直行到北角城市花園附近，我們兩人都餓了，於是周圍搵野食，抬頭望，發現了一個黃色的招牌。我們兩人就膽粗粗上左去，發現是間泰式餐廳，可能位置比較偏僻，好像有點隠世，所以根本不用等位，就已經有位入。餐廳不大，比較細，但環境寧靜，坐下來，都幾舒服，之後點菜，點了海南雞(例)蒜蓉炒通菜泰式千層糕，三個都好好食，我們最喜歡吃海南雞，確確實實係雞有雞味，好難得，即使是點了例牌，但都有好多雞肉，而且雞皮不肥，不過小女子不太愛雞皮，我們人少，否則會點全隻，絕對會再吃，而蒜蓉炒通菜份量都是比較輕型，賣點是不油，最後是飯後甜品泰式千層糕，小女子超愛吃，因為用泰式千層糕送餐廳提供的茶是畫龍點睛。其實我本身點椰汁西米糕，但老闆說已經賣光光了下次要早點喔，總之會再次光顧這個小店，真的很好吃呀，而且老闆很有人情味，會主動同我們傾計，而且還會介紹菜單呀！

今天上午不用上班，去附近餐廳吃午餐。之前，家人曾經光顧，覺得服務態度不好，便沒有再去。但自己從沒有幫襯過，所以多給這間小店一次機會。我們點了海南雞飯，豬頸肉炒飯和炸豬排湯河。飯餐有例湯附送。海南雞已起骨，鋪滿整碟飯。雞很嫩滑，十分有水準，比一些海南雞專賣店還好吃。炸豬排湯河 - 豬排份量很多，厚切，炸醬適中，但味道一般。河粉很幼滑。豬頸肉炒飯 - 份量很多，有頗多豬頸肉，炒飯軟硬度適中，味道不俗。侍應服務態度很好，離開時還幫忙拉開阻礙通道的椅子。值得再次光顧的小店。

之前係炮台山返工，經常外賣呢間嘅冬陰功湯河，超讚，後來自己去鋪頭食。貢丸湯河都幾好味，都好抵，又有菜。同埋台上嘅調味，蒜蓉辣椒汁一定要加。今日係同frd去食，第一次飲椰青，好清涼，又可以食椰肉。

今日叫左外賣條友吾知聽乜遲左半個鐘黎個河粉吸哂湯碗野冇哂湯得番一大碗碎河完全吾好食D雞吾好食 系乾增增既我吾會再幫襯客務態度系0分打多次電話竟然cut線非常惡劣......

泰式炒金邊粉由佢舊舖食到黎新舖，以前舊舖無咁多位，而家地方大左，易左等位。每次黎到必點泰式炒金邊粉，$43個汽水/湯。大大碟粉，加埋D花生碎、豆腐乾同雞肉。佢炒得乾身得黎，但係又有d汁，幾惹味。食得辣既人，仲可以加佢枱面果樽酸辣汁 (唔知叫咩名既泰式醬)，另有一番風味

今日中午打算同同事試下哩間泰國菜,叫外賣果一刻好地地,一早同侍應講話要3份調味料拎外賣果陣發現得一1份,咁就要求要多2份啦.因為叫左3個金邊粉,一份調味料唔夠,單單係準備個調味料已經用左15分鍾時間,事前我已經同過佢地講.不如唔洗準備,我自己直接加料落個粉到,佢地又話準備比我就可以喇,跟住個短頭髮呀姐一1路準備一1路行黎行去,得閒又走去傾下計,睇到嬲嬲地就入去同佢地講我趕時間可唔可以快D,跟住佢好無禮貌咁答:你又唔早講要3份.咁係要等架啦,你見唔到我整緊咩?我話:我一早同左你地講話要3份.唔係無講呀姐話:你又唔係同我講我點知呀,我話:你地同一間鋪頭我係咪要每一個人同你地講一次?你地無溝通架?呀姐一路整一路講一路話最後我同佢講你唔想做不如返屋企訓覺啦.咩態度點樣做野架,咁樣同D客講野佢覆返我:係呀,我唔想做啊,我都想返屋企訓覺.咁不知所謂既侍應,我唔係比得多錢.但我無需要食佢既態度,野唔係話好好食.叫擺得落口,仲要咁好既態度,一D都唔值得去食金邊粉係OK既,唔會太濕,擺得落口,$43 蚊係差唔多,無蝦好正常另外叫左個木瓜沙律$50,認真真係唔好叫,叫完令自己難受.木瓜太熟唔夠爽,仲要加蘿

千平哥經常嚷着要吃泰國菜，我亦懶得到處尋找。某天，在城市花園商場內，發現一間隱世泰國菜館，客似雲來，於是就膽粗粗進內一試。在座的大部份是街坊食客，和店員非常熟絡。豬豬罕有地點了一杯龍眼冰，發現比想像中好渴。龍眼肉不太甜，咬落龍眼味道非常香濃。首先出場的是千平哥最愛的滷豬髀。滷水不算鹹，豬髀煮得夠諗，非常入味。 最欣賞的是豬髀已經去骨，吃的時候就變得非常方便。這裏的泰式海鮮餐炒飯用料十足，雖然已經變得有點港式化，但是同樣美味可口。木瓜沙律是豬豬吃泰國菜的指定菜式。這裏的木瓜沙律非常地道，和我在泰國所吃的味道一模一樣。最後出場的是香葉肉碎炒茄子，茄子炒得乾身不算油膩，味道也非常惹味。兩個人吃這麼多，胃已經很撐了。

2015.10.05【10.05 第一次"泰"驚喜 ~滋味行TASTY ROAD】因為我蠢，所以“鍾SIR”為我“課後補課”，結果令佢餓壞啦，佢OPENRICE咗一吓，就由佢拍板食泰菜，佢一直點菜，都有問我想食咩，但我真係未試過，所以我只點咗我愛的蝦蝦---炸蝦餅。大家都餓壞啦，所以我淨係影咗生菜包豬肉，呢個生菜同豬肉係分開嘅，豬肉放咗唔少芫茜去炒，如果鍾意芫茜，應該會好鍾意。其實仲有冬蔭功湯、蒜蓉炒芥蘭、青咖哩等等冬蔭功湯同青咖哩香而不辣，係我接受到嘅，好味。蒜蓉炒芥蘭，蒜蓉我至愛，正“鍾SIR”食淨一塊炸蝦餅，點咗醬，以為佢會放入口，結果居然放入我隻碗，太感動。據說“鍾SIR”姐姐明天生日，好在佢今日為我“課後補課”，唔係聽日，冇阻到佢哋慶祝。祝“鍾SIR”姐姐生日快樂。

實在太喜歡吃泰國菜，多年前試過泰金香一次就一直再沒有去吃過。這幾天口痕痕好想吃上一碗冬陰公金邊粉，找著找著，原來已經搬了鋪位，由以前坐落在電氣道的街鋪搬到在商場裡，而且還是兩間連鋪，坐得舒服了。冬陰公金邊粉－好香香茅味，酸酸辣辣的非常可口，4隻大大的蝦加上一些菇十分足料又夠入味 配上爽口的金邊粉，冬陰公濃烈的酸辣甜味隨即散之開來。泰式生蝦刺身－必點之選，是次的生蝦都是大大隻，每一隻都十分鮮甜又夠爽口。沾上一點自家製的泰式酸辣醬相當美味。泰式酸辣醬－自家製的，夠辣之餘又不會嗆喉，好正。-MisS F

呢幾日都想食泰菜, 本身想去熟食中心果間, 但次次上去都冇開  今日都係咁....醒起向北角方向行有間泰金香就捉埋個同事去試下, 佢一d都唔起眼...如果唔係有個招牌掛出黎都搵佢唔到上到去覺得好暗....佢有兩個舖位係個商場入面, 有間就感覺似日式餐廳feel, 一間就似茶餐廳d...(仲暗)坐低我地都揀左好耐先諗到食咩, 因為個menu都幾多野食下, 但係要唔貴~ 第1個係泰式臘腸炒飯, 其實泰式臘腸同我地香港既臘腸好似, 不過冇香港既臘腸咁香, 個飯炒得幾好, 幾乾身, 咸度適中! 有時撈埋d蛋絲食都幾好食第2個係泰式炒河, 其實佢唔係叫泰式炒河, 不過我唔記得左我地叫咩少河, 好似係雞肉/ 牛肉, 我平時好少叫泰式炒河, 因為食過好多間既泰國菜d少河既汁都好甜, 我唔太鐘意, 不過同事揀左就試下啦! 咦! 點解同出面唔同既!? 成個河粉超惹味! 但你唔會覺得佢好濃/ 好咸, 我自己勁鐘意!! 平時食河粉我好鍾意落辣椒醬, 今日完全唔洗, 因為唔想破壞左個河粉味! 如果我仲食得多過個同事, 哈哈!不過有樣美中不足就係多油左少少! 茶餐廳既價錢食到好味既泰國風味, 唔錯唔錯!