金泰園 (Closed)

好少去🚶‍♂️友愛同安定，今晚就去🚶‍♂️下睇下有咩好食😋，入左間叫(金泰園)🏠餐廳食下野先🍽:🙇‍♂️簡單介紹一下先🥰：椒鹽雞翼飯🐓： 椒鹽味重 ，雞翼🍗香嫩滑，仲爆汁㖭，好好味😍👍。芝士茄汁焗豬扒🐷飯：茄汁🍅香濃芝士🧀好滑溶係茄汁內，豬扒🐷軟身，無得輸👍。泰式炸春卷🫔：平平無奇嘅泰式炸春卷🫔， 內裏全部都係齋素食🥗，我就一般，不過夠熱♨️。椰汁紅豆冰🧋： 椰汁香滑紅豆細粒，飲落極正，好均勻🥰。菠蘿梳打🥤：勁差只有梳打味😅。🙇‍♂️以上為個人意見🙇‍♂️☂️如有意見分歧者煩請見諒☂️

早餐份量大，性價比高（兩人食共74元）坐位舒服（2人坐4人卡檯）（4人坐應該不舒服）味道一般偏好服務一般上餐速度快（可能人流不多）星期六早上9時適合一些想食港式早餐又包含一些泰式風味的人

每次慶祝都要諗食乜嘢，諗唔到食咩之際見到錦泰苑好多人排隊所以就走咗入去試。入到去第一時間點我最愛嘅常客，金邊粉，同埋小食拼盤。生蝦夠新鮮自己一個都可以食晒成碟，正！金邊粉差得乾身唔會有粒粒唔錯！小食拼盤冇乜特別正常發揮。下次可以試吓其他嘢

前日去買兩個餐嘅外賣，等咗15分鐘，廚房整好後，有位姐姐叫冧把，拎袋外賣去門口比我嗰時，目光兇狠，好似得罪左佢咁，我講唔該，然後攞完就走，諗住佢嗰日心情唔好啦。今日再去買兩個餐嘅外賣，又係嗰位姐姐拎外賣出嚟，佢仍然係兇神惡煞咁。。。都算喇，反正係外賣，又唔洗睇住佢食。。。返到屋企，我女食食下碗豬手河，竟然食到有條竹籤！！好彩冇吉到喉嚨咋，有乜可能碗豬手河入面有咁大條竹籤！！員工態度咁差，再加埋呢個恐怖經驗，以後仲點幫襯你？？

這間泰國菜，環境乾淨，地方都幾大，除了泰國菜，原來有中菜食架，仲要好抵，選擇也不少，全包48元有湯，飯，飲品。我們叫左三個餐，餐湯是蓮藕，好甜呀，夠足料，有蓮藕仲有豬骨添。熱檸茶比較濃有d苦呀！馬拉盞通菜肉碎飯，好大碟呀，通菜好青綠，有d肉碎，辣椒絲，好多飯，好味的。土魷蒸肉飯，都夠大碟，有d葱同豉油，都唔肥的，送飯一流。洋蔥豬扒飯，這個豬扒同洋蔥，豬扒都淋，多洋蔥，不過個汁就唔似平時的，有d結身。

第一次寫食評，就係一定要投訴哩間野！我唔係第一次食，之前食過好多次，估唔到隔左大半年再食，竟然比到「驚喜」我😤我通常入去剩係食馬拉盞肉碎炒通菜，因為我食得辣，所以叫開加大辣。今日照常都叫返哩個，個阿姐行埋黎，冇啦啦發脾氣丟佢落order個電話係枱面，然後用手寫，再用返部機落單。隔左一陣有人比張單我，我望到上面冇寫大辣，就問一個另一個阿姐，佢準備去查緊個陣，火爆阿姐拎住碟野行過黎，係冇加辣既，佢話㩒唔到個電話寫加辣，然後話比辣椒油我自己加上去，我心諗完全唔夾既野黎，另一個阿姐就話應該加辣椒(正常做法)，佢本身想逼我照要，佢突然又發晦氣話炒過啦，成碟拎走去。我睇佢個樣唔多好，心知不妙，到碟野再上枱就知道瀨哂野。佢竟然用擺係枱上面既辣椒油再炒過比我🤬🤬🤬，成碟野又油到爆又多辣椒渣，我真係唔知食緊乜，最後要放棄唔食因為覺得開始胃痛，油得太緊要。個菜底下全部都係辣椒油，菜面上全都係黑色辣椒渣🥶🥶🥶連d白飯都吸哂辣椒油，你係估唔到咁恐怖😱我當下有諗過出聲投訴，不過佢地似乎一擔擔，我出聲都冇用，佢地大把借口講，出門口之前已經打算以後唔幫襯，亦告誡各位小心叫野食。

優點：環境舒服，服務態度唔錯但真係唔抵食嗌香茅豬扒、扎肉金邊粉$36轉冬蔭功要+$4但扎肉先得嗰一片又細又薄重有啲腥味索性嗌香茅豬扒冬蔭功金邊粉$36重好過面家即係+$4買咗片扎肉豬扒算幾入味，都夠淋夠大塊凍檸水用碎冰，幾夠凍，甜度都適中

唐包確實是健康的食品，經過地鐵站，肚餓想吃東西。我買了幾個回家吃，烤豬肉包子有很多料，而且香甜。包皮柔軟而熟透，顏色誘人，乾淨至於牛奶皇帝包，那是我小時候的回憶。每個孩子都喜歡吃牛奶包，香氣柔和而光滑，不會太甜。健康。

之前我們在這間餐廳品嚐過幾次小菜，覺得味道相當不錯，而現在由於疫情的關係，新推出了一些特惠的$48全日餐，所以今天晚上我們便選擇來到這裡吃晚餐了No.1【馬來咖哩雞扒飯】$48雖然雞扒和咖哩的份量十分多，可惜咖哩好像混合了太多清水了，導致質感非常水稀稀的，味道一點也不醇厚和濃郁，雖然還不至於淡而無味，可是卻缺乏惹味開胃，滋味非常的感覺至於雞扒可能是烹調時間太久了，不單止欠缺嫩滑可口，鮮美多汁的質感，肉質更相當粗糙，口感非常「鞋拾拾」，讓人難以下嚥，囓蘗吞針No.2【馬拉盞通菜肉碎飯】$48今天實在吃了太多肉了，所以是時候需要吃一些蔬菜來清新一下口感，而馬拉盞便是泰國最著名的蔬菜菜式，於是我們便點一份來嚐試一下可惜的是，雖然通菜的調味都算不錯，味道咸咸的同時，亦帶有一絲辣味，鹹辣交織，有滋有味，只是口感略嫌有些油膩，不單止未能清新口感，更加劇了我們的飽滯感覺No.3【是日例湯】套餐包括全日餐除了免費提供餐飲外，還贈送例湯，可惜例湯卻完全沒有任何味道，就好像清湯寡水一樣這麼淡而無味，簡直味如雞肋，讓人吃糠咽菜，味同嚼蜡No.4【凍檸檬茶】$3全場最美味的，應該就只有這杯飲品了，由於檸檬質素

屋企無飯食，出街行下搵食。經過呢間泰國餐廳，入去叫個海南雞飯先無骨海南雞飯，上枱賣相幾好。雞肉唔錯，幾嫩口，但個油飯就麻麻地，得色 無油香，同白飯差唔多椰汁冰，淡過水再食？不了。

話說今日我叫熊貓外賣 叫左個冬陰公雞肉河粉 食過好多間 間間都基本上會自動分湯 唔太明白呢間點解唔提供外賣自動分湯 結果送到黎河粉冇晒湯 夾都夾唔起 要用匙羹先食到 而且蝦頭有陣怪怪味度 難食到嘔 🤢🤮建議大家叫外送就唔好叫呢間 而且打去講返意見 接線員工態度差劣 仲教返我轉頭 聽到電話外仲有人話返我轉頭 而且分店經理回應態度感覺懶得理得你咁😡 叫左七十蚊 食左一啖 咁既價錢 好多餐廳外賣服務做得好過呢間咁既野 叫過咁多間外賣 呢間真係最失望 如果有得負分就一定俾負分

每星期去友愛村買餸。我也會跟老公食呢個套餐。魚柳唔係大塊但熱呼呼都可以，只是冇咩魚味。牛油麵包超好味，不同平時架方包，重牛油味。雜菜沙津都可以。老公說午餐肉薯仔螺絲湯粉好味道。

呢間開左一輪都未幫襯過聽聞話新開最好隔一排先去食唔知有無人聽過呢😂😂今次去食午餐人唔算好多，唔使等位😁牆上有介紹泰美食睇下餐牌有咩食先選擇都唔算好少，有set lunch中等價位，50蚊左右午餐而家周圍都要😅我地一個叫左紅咖哩魚柳配菜有豆豆同茄子仲有蕃茄仔我食辣係普通級數呢個都夠辣，汁係好味既硬係覺得配魚柳就差啲咩咁😢呢個叫醉貓肉碎炒金邊粉問個侍應辣唔辣佢竟然答我唔知😂😂呢碟係幾辣架，好彩我鍾意食辣有生菜墊底，配搭唔錯，調味👍總括黎講兩樣都辣既，好味道既但請唔食辣既朋友一定要問清楚先好叫你知啦，泰國都好多辣野食架嘛我相信唔食辣既一定食唔到2個人1百蚊差唔多架喇

今日同太太去了友愛，當時已經晚上九點，見佢未關門所以就入咗去食。點左馬拉盞炒通菜、蟹肉炒飯和泰式金邊粉，每樣都係$68。可能因為人少，點菜後5分鐘，就已經有炒通菜。通菜係炒得好食同埋翠綠，不過呢啲味道係由蒜頭和大量既油炒出來。出街食就預咗冇屋企自己煮咁健康㗎啦。蟹肉炒飯都幾大碟，不過仲有一舊舊飯，明顯炒得唔夠均勻，同埋蟹肉都有少少殼。炒金邊粉蝦都大隻嘅，味道酸酸甜甜。不過我自己就唔太鍾意食，因為始終覺得太濕，我鍾意乾炒。食物份量算大，所以加兩蚊要咗個外賣盒，環保啲唔好浪費食物。第二日整返熱嚟食，竟然係炒金邊粉好食過蟹肉炒飯。

食物好快到 味道好好平靚正 好食可以再去只要人手服務改善 比米之連更好人手不足空調不足食物多類相當快到好好食特別日子唔加價仲有好多人排隊裝修好好樣樣都可以。一定會再黎