Video
3-min walk from Exit B3, Sai Ying Pun MTR Station
continue reading
Telephone
56376531
Payment Methods
Above information is for reference only. Please check details with the restaurant.
第一次見識冬蔭公清湯。半透明狀非常清澈，只有鹹味、辣味，非常重味精，無青檸味，無酸味，無奶/椰汁，有少少咁多香茅味。盛惠$68大元。係我食過最最最難食嘅冬蔭公。買包冬蔭公醬自己開水都比佢好味。其他地方D冬蔭公就算係湯底，食完個河粉都會想飲埋佢。哩個作為一道湯品賣，真係飲唔落。木瓜沙律，又係鹹同辣，無酸味無甜味，又係勁重味精。食完好口喝。唔會再幫襯。唔明好評點嚟嘅。特此留字，以免自己唔記得咗下次又中伏。
continue reading
晚上9點後在西營盤真的很難揾到好西食。行左半個鐘，發現到依間泰式小店，即刻入去試下。裝修企理，一般茶餐廳的感覺。價位屬於正常水平，而且款式都多，亦有套餐和每日特價選擇！我地兩個人一共叫左4樣野。1. 青芒果沙律佢嘅口味偏酸唔辣，口味清新。色澤偏紅。2. 酸扎肉串燒及雞肉串燒酸扎肉好食，雞肉好大件又Juicy 又香。配埋佢個野汁醬好好食3. 特價$68半隻燒雞皮脆肉嫩！好香好惹味，抵食！4. 香辣炒河 套餐$65 連餐飲熱辣辣即炒，好香口好足料餐飲叫左龍眼冰，有5粒龍眼肉，好飲👍🏻
continue reading
剛參加完活動，和男友在西環搵食。晚上9點左右，老實講喺而家嘅香港真係好難搵食，抱住我唔想又食大財團快餐店的心理，一路走到西營盤地鐵站附近… 漆黑之中見到呢間泰好好小店，柔和橙燈竟然仲要坐無虛席！心想：就試呢間！看過餐牌後價錢非常實惠，全日套餐包括大部份泰菜餐廳必點粉麵飯連埋杯飲品都係$65-70，仲要唔駛加一。同男朋友嗌左青木瓜沙律、泰式炒金邊、濕炒豬河同埋飛天通菜。菜式一碟一碟咁送黎，份量唔算多但食到背後廚師的用心，味道好好，好有家嘅感覺！可以說是我喺香港食過最好味嘅泰菜👍🏻👍🏻 食到一半已經開始想念味道，想試哂所有食物！如果開喺屋企附近就好了！檸茶用的是泰國紅茶底，應該有人很喜歡有人不喜歡吧？埋單4碟食物連飲品，每人hkd120，不錯不錯！泰菜來說真的是超便宜，還要是這樣高質！溫馨泰菜家庭小店，希望大家多多支持👍🏻
continue reading
西營盤 📌 泰好好 呢間 [ 泰好好 ] 近來成為咗我飯堂，加埋外賣，幫襯咗超過十次，佢地廚師都係泰國人，所以食物都好地道，最緊要係無加一 ，Menu 仲有包埋飲品嘅全日供應套餐 $60 / $68 & 每星期特價嘅廚師推介，真心相當抵食 🤤🥙 青木瓜沙律 $60呢個青木瓜沙律冇得輸，平 • 靚 • 正 • 份量多，青木瓜好 fresh， 酸酸甜甜辣辣地，好開胃。🥗 泰式生菜包 ( 豬 / 雞 / 鴨 ) $85揀咗豬 🐷 | 粒粒豬肉碎加以以粒粒肥豬油等爆香調味料炒洋蔥 & 辣椒粒，肉碎炒得好香，好juicy 汁，食得出有加青檸汁，酸酸辣辣好惹味 🥬生菜大大塊，好新鮮，真心係我食過數一數二好味嘅生菜包。🍢串燒 $17@▪️雞全翼 - 雞翼外皮燒到好香，好juicy 好好味 😋▪️酸扎肉 - 係好地道嘅泰菜式，呢個多叫酸扎肉唔係度度食到。 扎肉係由粒粒嘅豬肉拍打而成，好似臘腸，我自己就幾鍾意食喇 😋雖然個串燒嘅沙嗲醬係好香花生味道，係我鍾意嘅風味，係略嫌個醬呢比較稀身，呢個係美中不足。🍘炸蝦餅（2件）$40炸到熱辣辣嘅炸蝦餅，滿滿蝦膠，口感十足，好出色。🍝 泰式炒金邊粉 $68金邊粉炒得幾乾身，食落唔會一口油，仲有幾隻啖啖肉嘅炒蝦，性價比超高，酸酸甜甜好開胃，如果有得撈埋花生碎，簡直係不得之了。🥖 蒜蓉包 ( 五大塊 ) $25蒜蓉包一上枱，[ 嘩！好大塊 ] 我即刻心心眼 😍 即刻塞咗一塊入口，熱辣辣，又脆又香，真心好好味 ☺️🍤 咖喱炒蝦 $108我好認真咁數過成碟咖哩炒蝦，total 有十隻 🍤 仲要係啖啖肉兼肉質爽彈，每隻蝦都有炸過，食落寧舍香; 而本身個咖喱汁好香，係 mixed 雞蛋🥚整嘅，夠结身，亦好多配菜 eg，洋蔥🧅，配埋個蒜蓉包 ~ 口感簡直完美。🥥 椰青$35我想講佢地賣嘅呢款椰青係特別好飲🤤 勁鐘意入面d 椰青肉係非常軟淋淋，Mixed 埋清甜嘅椰青水係超正呀 ☺️我仲外買咗一個🥥 返屋企飲添🤤🔅 總括嚟講，[ 泰好好 ] 嘅食物款式多又抵食，而且係好高質，希望往後佢哋會收到更多好評 💪🏻
continue reading