泰聚 (Closed)

今晚在二樓食野, 二樓有一個女侍應 ( 身形略胖, 細眼睛) 態度極差。 我未試過去一間餐廳係咁受氣!1. 我同朋友坐低點餐, 問佢餐牌中既檸檬烏頭同明爐魚有咩分別。 該女侍應就話(態度惡劣) :兩個完全吾同整法!!明爐咪有爐囉! 檸檬烏頭都有爐! 2. 其後隔離台點左幾個送, 來左一碟豬頸肉 , 隔離台話無點過。 之後該女侍應指骂隔離台話: 你明明係點05 , 你睇下張單係落左05! 客人: 我點左魚,吾係豬頸肉。 其後該女侍應仍堅持是客人點了005 , 吵了一陣子。3. 最後我個台埋單, 食左403 蚊 , 我地比畫405 蚊, 好耐都無找錢, 我望住該女侍應, 佢就對住個? 對講機/ headphone 講 (態度囂張) : 啊xxx, 你拎番兩蚊上來! 過左一陣 佢放低兩蚊係台面, 一句不發!吾找錢係個問題 , 服務態度極惡劣係另一個問題! 一間餐廳 無論環境裝修幾好, 咁樣對客人, 無人會想再來食。 不建議大家來食。

位於天水圍西鐵站旁邊，室外環境優雅，坐在室外都不會有蚊又不會熱，風機很夠，服務生很多，招呼一流，不停幫我們加水。。1.炭燒原隻鮮雞(半隻) $168外皮脆脆，很香口，肉質鮮美多汁又滑2.濕炒河選配了豬肉 $98汁是用豆醬煮，我們叫了少鹽，因為比小孩吃，不想太濃味，這個炒河不油膩，還有很多蔬菜。3.冬陰公湯，十分濃郁，香料十足，最喜歡的是大蝦蝦頭還有很多膏，蝦肉大大舊4.半打豬肉串燒，侍應拿來都感覺到很香，小孩很喜歡串燒，因為大大串拎住食，豬肉冇肥肉，我都很放心給小孩吃，大人當然要配上沙嗲一齊食，豐富到極。。

今日同屋企人一行10人，嚟呢間「泰聚」食下泰國菜！大家都唔知叫咩食好，最好選擇就係簡套餐！叫左個8-10人套餐，有8個椰青。上餐都好快，同經常換碟，服務都算可以。柚子沙津香味既柚子肉，帶有酸甜味好開胃，配埋腰果增加口感青木瓜沙律味道比柚子沙律辣，蝦肉大大隻，酸辣味道都唔錯冬陰公比較辣，湯裡既蝦都係大大隻串燒豬、牛同雞肉燒得唔會好乾泰式拼盤蝦餅、春卷、雞亦⋯⋯炸得香脆又五會好油烏頭肉嫩多汁，配埋個辣醬更好味咖喱炒蟹味道較鹹，咖喱味夠濃，酥餅點咖哩一流生菜包、菠蘿炒飯同埋海南雞因為太飽嘅關係已經食五落

正宗胖徒們又來一次胖之罪會，一來眾胖徒都吃過下午茶，二來為免繼續胖逆下去，這一餐就讓澱粉質免疫。泰式生蝦鋪在碟上，片片晶瑩剔透，凍爽不在話下，特色之處還趁著涼瓜，開胃菜頂選！大蝦柚子沙律最愛之處是沒有過份的汁醬，令人食得開懷。泰式炸魚餅做得不錯，不乾不油，而且有厚度，居然連胖徒們每人兩件已然足矣！串燒肉非常好吃，肉不會烤得太乾，熱度甚足，香味非凡，蘸些沙爹汁，吃時從嘴邊流落，一濕一脆，超好食！胖徒們皆大歡喜，已決定鳥還是要胖逆下去！

天水圍真係比較少唔係連鎖既餐廳，果日特登揸車去呢間泰國餐廳，諗唔到呢度真係好多人，果日係星期六要預先Book 位。呢度有代客泊車，因為呢邊都幾多車。一入到去都好有泰國風情，有露天既位，又有室內既，都幾干淨。我地叫有一d 基本野食，炒椰菜苗都幾好食，但咸左少少，可能係口味既問題。菠蘿🍍炒飯都正常， 個烏頭都好fresh，可能加左薄荷葉，所以幾特別。叫左串燒豬、牛、雞覺得有d炭燒既味，但係就干身左d。總結如果有三五知己一齊黎，傾下偈同食下食都係一個不錯既選擇。

是日游完水，行過去都係五分鐘路程，午市時段，d侍應中有個中年男人，應該係老細，因為有d 姆口姆臉，但唔知點解，坐低叫坐兩個午市客飯餐，一個泰式拼盆，份量都好大，整體味道都正常，叫咗杯香芧薑蜜，覺得麻麻😅 可以唔使試，都係青檸蘇打最正常 😂 下次都可以再試吓其他

炸蝦餅勁正！份量好夠，即叫即炸，所以食落口好熱好脆，啲醬都好似係精心調製嘅咁，唔似平時啲泰國店用啲甜辣醬嚟點，啲醬好似係甜柚子醬，蝦餅點左嚟食會減少好多油膩感。串燒拼盤配上個醬嚟點。一甜一酸，幾特別，賣相都幾靚。串燒可以自己揀配搭，豬牛雞，口感不錯。柚子蝦沙律值得推介！大份足料！啲蝦又好新鮮，啖啖都有柚子肉，配埋啲柚子醬汁，超正！大大碟夠四人分。鹽燒鱸魚又係不能錯過嘅一道佳餚，因為即叫即整，等嘅時間會耐啲，條魚比一般出面嘅店都為大，塊皮係一揭就同肉分離開，容易取肉嚟食。配搭嘅醬雖然都好夾，但就辣咗啲，即使無點醬，條魚都已經好香好有鮮味。

地方環境舒服既，食物堅係唔好食，價錢又貴 ，冬蔭功湯只有酸味沒有辣，生菜包雞肉無味只有一個辣字，柚子沙律簡單一個沙律令人太失望一，所有食物可以話係差，唔世再去……

有日下午時間經过天水圍西鐵站，就試下食下。點知中晒服。難食到嘔，叫左個豬頸肉，本身覺得猪頸肉係最穩陣，应該吾會太難食。真係想講粗口。點解可以做到香口膠，咁 銀架……重要塊傀係咁樣。叫個 侍應生过㴝同佢講。 豬頸肉好靭， 佢竟然話我哋餐廳係咁㗎啦冇辦法。 我當堂打個突， 我只係想畀意見啫， 未講完已經話我哋餐廳係咁㗎啦即係唔接受意見啦。 首先先港餐廳服務態度， 服務勁差， 不願意接納其他意見。 我發誓不會再去這間餐廳食。 在此提醒大家不要幫襯。 服務勁差 希望幫到大家啦

泰聚已經開了好幾年，常到聚星樓嘅我始終未曾到訪。昨天終有機會試試。晚上6.30，食客未有太多，未有訂位都能入座。因星期六日，坐1.5小時就要交枱。環境整潔乾淨，有代客泊車（免費）， 招呼也周到。座位安排到樓上，自成一角。不過如果下次再來，要試坐樓下， 氣氛好好多。因為朋友不好辣，所以沒有點辣嘅菜式。泰式干炒河粉蝦餅黃咖哩（不辣）椰汁冰椰菜苗炭燒黑毛豬扒仲有蒜蓉包，珍多冰。埋單$800，四人，泰國菜來說不算太貴。老實說，味道不是太正宗，已經香港化，但味道不錯。可以再試。

和一班朋友聚餐，又有大人又有小朋友，想找個坐得舒適的地方真的不容易。有朋友提議到這間看上去還不錯的泰菜餐廳，因為在門口有提供車位泊車，於是便決定一試。餐廳大部份都是户外座位，但有瓦遮頭，氣氛很好，而且現在的天氣稍涼，坐户外份外舒服。餐廳有很多一家大小來用餐，因為座位開揚，空間感較大，即使有帶同小朋友亦不怕影響到別人。柚子大蝦沙律 — 新鮮的泰國金柚香甜，帶點微辣炭燒豬頸肉 — 即叫即燒，上桌時仍然熱辣辣，豬頸肉不是十分厚身，但炭燒過後仍然嫩滑串燒 — 有雞、牛及豬，當中雞肉最好吃炸魚餅 — 並非似泰國正宗的魚餅，反而質感味道更像加了香料的鯪魚肉，但很香口，亦很好吃菠蘿炒飯 — 味道與一般泰菜餐廳差不多，份量很足鹽燒烏頭魚 — 味道一般，而且不是很大條生菜包 — 比較失色的一道菜，員雖然點了豬肉，但豬肉過瘦，有點乾，調味亦不夠芒果糯米飯 — 芒果很鮮甜，暖暖的糯米飯口感軟糯糕點拼盤 — 擺盤精美，以千層糕最出色，煙韌之餘椰汁味香火龍果沙冰 — 餐牌入面沒有的飲品，收了火龍果，還有芒果、香蕉等。芒果沙冰感覺糖水味重，香蕉及火龍果比較果味濃郁雖然食品不算非常正宗的泰菜，亦沒有另人驚喜的美味，

今日專登揸車入去天水圍食泰國嘢，裡面嘅環境幾靚，有室外及室內座坐，室外有暖氣提供，但係因為今日得九度所以都覺得幾凍，一行六人，所以我哋叫咗個六人餐，唔使諗，頭盤係金柚子蝦球沙律金柚子非常清甜爽口配合酸酸甜甜的醬汁非常開胃，蝦大隻，質感爽口，配合腰果非常一流，冬陰功湯，裏邊有兩隻開邊大頭蝦，味道酸酸辣辣，咁凍飲非常一流，仲有好多香菇、草菇索晒湯汁，非常好飲，之後嚟咗個小食拼盤，有雞翼、三串串燒、蝦餅、春卷、荷葉包雞、香茅餅，個雞翼最好食，其他一般！個通菜好嘢味，都幾大份！香草炒帶子，帶子麻麻哋，質感好林！咖喱炒蟹，咖喱汁好鹹，蟹唔係新鮮嘅，蟹肉與殻不分離醃肉碎生菜包，小辣，肉碎有啲酸酸既青檸檬汁味，好有泰國風味，幾好味原個南瓜海鮮飯，唔好食，佢好似去淸蒸個南瓜，之後放啲飯落去咁叫咗六杯香茅薑蜜熱飲，香芧味好出餐廳環境幾靚，服務人員一流，人手充足，上菜速度快及細心，份量都比較大，但係覺得有啲唔抵食，食咗＄2077

2018年第一擊諗住去屋企付近食餐好，之後搵間泰國菜食，意想不到既差，每樣菜已經黎得慢，條魚$180"梅"到無朋友,冬陰公$88好像水咁.真係食到令人火都黎埋。不會再回頭。

呢間個位置夠晒隱蔽, 如果唔係熟朋友帶路一般外區人好少可會咁樣走去食晏,而且佢本身應該係一間村屋來, 份外有"泰式"的風情, 閒日中午人不多的, 不過朋友都係訂定位幾個熟朋友叫埋就 share 來食菠蘿粒炒飯 - 賣相呢個係最靚 , 味道就全靠菠蘿粒同肉鬆去帶起海南雞飯 - 個雞算係嫩滑的, 但無咩味道, 而個油飯就真係好一般般, 唔香唔油部份飯燈仲係白白地色的,唯一可取的是個泰式辣汁, 好香好惹味 $58 係呢次午餐最貴的一個, 但真係食唔出點解值呢個價錢泰式豬扒湯檬 / 泰式魚丸湯河 - 呢兩個送到來時, 個賣相已經唔太吸引, 因為 share 的關係, 所以隨便兩啖吧, 試完的後感係 : 唔, 我試過了 !!香草肉碎炒公仔麵 $48 - 呢個係比較中間. 味道仍可, 但好多油, 我明白呢度菜係比較油, 但真係油過好多茶記出品既炒公仔麵, 我下次去泰國菜唔敢叫少公仔麵了

第一次帶埋bb食泰國菜。首先讚一讚泰聚可以電話預約，同提供媽媽們最關注最中意既ikea bb凳。我地兩大1b去，bb食自攜食物。覺得泰聚既食物好大份，結果我地係食唔曬要打包。我地叫左6樣野加兩支啤酒，$6xx埋單～冬蔭公湯唔錯，幾香，酸味足夠但唔會好辣，唔係好食到辣既人飲都冇問題。泰式蝦醬炒通菜好大碟！老公表示好好食，唔會太咸焗蒜蓉包又香又脆，推介。我地叫左細既泰式小食拼盤，點知好大份，一共5種唔同食物！醃肉碎生菜包就偏辣，我地揀左豬肉，應該係炒豬肉碎期間已經加左辣椒粒，所以就算冇食到一條條嘅辣椒仍然食到辣味，我自己唔算好食得辣，所以食唔曬呢碟。而泰式炒金邊粉就中規中矩，打包左番屋企第二日先食。環境唔錯，乾淨企理。食飯當日晚上天氣得十一度，知道我地有bb同行，安排左室外較暖既近牆位置比我地，加上食物熱辣辣，係餐廳就盤戶外都暖番曬