泰聚 (Closed)

成日搭西鐵經過 覺得幾靚 入到去 確實環境不錯 員工亦有禮貌 不過我地order 左個套餐 好難食 真係物非所值 一個二千幾蚊既套餐 菜式不小 但云云餸菜中 只有沙律可以叫做正常 食得入口 1.冬陰公麻麻地 有别一般泰菜四隻大蝦全霉2.菠蘿炒飯淡而冇味3. 海南雞完全真係冇雞味 口感還可以4. 咖哩鈔蟹正常味道 但蟹真的不是太新鮮5. 鈔通菜和鈔什菜普通 但味道真係一般6. 串燒還可以 同正常果啲比 都ok7.生菜包偏鹹 似是生菜鹹肉鬆8.併盤一般正常菜式 9. 魷魚勁林 一啲都唔彈口10. 青檸梳打是沒有味道的 簡單說 是檸檬梳打水11. 濕鈔海鮮河味道可以 但奇怪的是有麵鼓12.甜品大菜榚一般 但椰汁粟米榚賣相一流 但味道就⋯

星期日上午正想出去行街吃午飯，見到有朋友在Fb 發怖在屋企附近吃泰國菜，於是同老公去試下先，叫左青咖哩牛，芥蘭炒咸肉，焗芋頭飯，1杯火龍果沙冰，青咖哩牛分小和大，我叫左小來試試，真的少許辣味不過汁唔夠濃，味道尚算可以；芥蘭咸肉好味；焗芋頭飯多海鮮，汁好濃咸左少少，份量夠；沙冰味夠，不過依家未到好熱，但冰就好快溶。戶外環境清靜，雖然下雨，好彩有玻璃頂，不過這間食寵物不可進入，好彩冇帶狗狗去啫。

星期日難得同母親大人食晚飯，由於唔想食嚟食去都係新北江嘅關係，所以搵咗間喺聚星樓附近嘅泰國餐廳。餐廳有專屬停車場，啱晒一家大細駕車用膳。我哋6點幾去到，餐廳負責人話今晚full booking，所以7點半要還枱。我哋入去坐低就好快手叫咗四樣嘢食，兩個人嚟講算係叫得多。上菜嘅速度好快，而整體嘅味道都好好，我最鍾意食嘅椰菜苗炒得好有水準，炭燒鯖魚即燒效果超正，不過鳳爪則不過不失，炒粉絲調味略嫌不太夠，最後和母親大人吃到捧著肚子走。我非常推薦這間泰國餐廳，如果大家唔想等太耐嘅話，建議去食之前預先訂位。

在香港駕車覓食最難之處就是泊車，除非隨時樂意付出三百二十大元，不然只好光顧商場連鎖食肆。泰聚位於天水圍西鐵站旁的一橦獨立三層建築，鐵路直達地點方便亦甚為顯眼。餐廳車場為顧客提供免費代客泊車，假日食客甚多故最好先行訂座。 一行五人我們點了大蝦柚子沙律及串燒作小食及前菜，柚子沙律味道清新很開胃，汁料調味恰好不會過酸，大蝦蝦肉爽口，腰果亦保持香脆感。串燒點了雞肉、牛肉及羊肉，醬汁惹味，經燒過的串燒仍能保持住應有的肉汁，不錯！ 主食有：炒通菜、芋頭煲、菠蘿海鮮炒飯及咖哩軟殼蟹。整體各款味道都很好，唯獨咖哩軟殼蟹咖哩味不足，且調味過甜，下次不會再點。各款主菜份量適中一點也不少，而且上菜很快服務也不錯。 這裡的泰式飲品選擇也很多，我點了這杯椰汁珍多冰很不錯呢！

一班朋友住天水圍同屯門~想食泰國菜 但星期日小曼谷會好多人我地一諗就話黎天水圍站旁既泰聚因為怕多人 預先已訂位去到餐廳8點左右 已經有一班人等位好采我地等左5分鐘左右就入得餐廳環境幾大 燈火暗 有格調看看餐牌 選擇好多我地5個人 點了蟹肉炒飯 串燒沙爹咖哩炒軟殼蟹 馬拉盞炒通菜 炭燒魷魚同菠蘿炒飯蟹肉炒飯11較普通 反而菠蘿炒飯較好唯一可取係份量多串燒燒得幾好 加上醬汁惹味通菜都係一般 燒魷魚就彈牙 但汁比較辣呢個咖哩軟殼蟹較奇怪係好多青豆。我係最怕青豆 同埋沒有辣味最後食埋甜品 滿足~~埋單每人要200以上 價格較貴唯一是環境好 所以應該無下次。。

呢間泰國嘢味道唔錯同價錢都唔算貴。叫咗雞肉炒河，炭燒豬頸肉同埋炭燒三文魚扒。雞肉炒河 ：- 炒得有鑊氣- 幾足料- 菜都幾多炭燒豬頸肉 ：- 份量多- 啲肉唔會乾- 值得一叫👍🏻炭燒三文魚扒 ：- 無骨👍🏻- 味道有啲淡- 唔係好香三文魚味- 份量少不過叫炭燒果啲需時就長啲，所以如果肚餓嘅話就要叫其他嘢食住先。總括嚟講呢間嘢係值得一試👍🏻👍🏻

工作中午餐，呢間幾有特色，門口可以泊車，入內有一橦新式村屋，地下放咗戶外桌椅，有晒遮陽傘，今日唔太熱，坐室外都幾舒服！餐牌食物及飲品選擇多！落單好快到！泰式炒金邊粉（$48）賣相靚，好大碟，三隻大蝦已拆殻，蝦仁爽口彈牙，豆腐乾彈牙有𡁻口，金邊粉煙韌，加上青檸汁、花生碎，好香兼酸酸地開胃！火龍果冰（跟餐加$8）第一次見火龍果冰！足料味道清甜，夾雜冰碎好冰涼！正！同事食：滷水豬髀飯（$58）咖哩牛腩飯（$68）香茅雞翼豬扒飯（$48）泰式牛丸湯河（$43）泰式札肉湯河（$43）綠豆冰（跟餐加$8）凍檸茶（跟餐加$2）凍咖啡（跟餐加$2）環境舒服（不過有啲蚊蟲仔）賣相靚，食物好味，份量又大！又有啲平時出面泰菜都少見嘅菜色！店員爽手勤快，出錯飲品即時性道歉兼更改！可以encore!

二人老遠從荃灣來天水圍浪漫一下. 離天水圍站不遠, 很易找到. 我們選了坐在外面, 氣氛很好. 兩人叫了串燒加燒魚, 炒雜菜, 柚子沙律,再來個薄餅. 沙律酸甜清新, 燒魚不過不失,串燒的沾醬好若味. 價錢不太貴, 可以再來!

今日難得外母來幫手照顧BB，為左答謝外母當然要請佢食飯，於是就去臨近西鐵站的泰聚。餐廳由一間村屋擴建而成，地方尚算寬敞，裝修亦具泰國特色，置身其中，完全脫離鬧市的繁囂及擠迫。星期一至六供應午餐，可自選炒飯粉麵或湯粉，包一杯汽水或熱飲，凍飲加兩蚊。金不換肉片炒河河粉很滑，肉片質感鮮嫩，味道適中，不算太濃味，份量也挺多。唯一不足之處係太多油了，底層的河粉都沾滿了油。為左自己健康著想，沒有勉強自己再吃下去。可樂是整罐上，可以慢慢飲，邊享受周邊的美景。食完午飯後總覺得好口渴，懷疑食物有點味精。

呢間餐廳位於天水圍西鐵站附近，環境佈置靚，設有室內及戶外座位，戶外座位燈光柔和氣氛一流。金柚大蝦沙律($88)份量幾多，酸酸甜甜帶點辣，非常開胃。酸辣泰式鳯爪($68)最辣既一道菜，爽脆既鳳爪配上酸辣醬汁，愈食愈過癮，可以食小蕃茄解解辣。沙爹串燒半打($88)雞、牛、豬各兩串，配上惹味沙爹醬，當中以雞肉串味道最佳，肉質鮮嫩。菠蘿炒飯($98)份量多，炒飯乾身吾油膩，材料豐富。炭燒豬頸肉($88)有炭香味，肉質juicy吾乾身。泰式雞翼($58/5隻)雞翼烤得皮脆肉嫩，十分惹味。泰式蒜蓉炒椰菜苗($68)椰菜苗新鮮爽甜，帶點微辣。椰汁西米糕($38)西米加粟米粒，上面鋪上椰汁糕，椰汁味香濃。椰汁千層糕($38)上枱時微暖，口感煙un帶點椰汁味，甜度適中。龍眼冰($38)味道清甜，解渴解辣，底部有龍眼肉。是次消費 $9xx，每款價錢都吾太貴，加上環境一流，值得再泥。另外，值得一讚上菜速度快速，餐廳經理禮貌周到，服務態度良好。

朋友最近搬咗去屏山住，到咗夜晚附近都冇嘢食，見到有間門面幾靚價錢又可接受嘅泰國餐廳，就入去試下，一開始杯嘢飲都幾驚喜，有用好靚嘅蘭花裝飾，飲落都幾好飲，我哋3個人叫咗五味餸同兩杯嘢飲，結果得杯嘢飲滿意，啲餸真係稱得上劣食，全部都得個樣，味道又唔夠，最接受唔到嘅係啲咖哩完全冇咖哩味，啲薯仔同雞係烚熟放落去，完全唔知想點，而且好重味精。如果你想食un胃嘅金邊粉同冇味嘅咖哩可以去試下，呢間絕對滿足到你。

這家位於西鐵站傍的餐廳都幾大下，有三層。由於無訂枱，我們坐在戶外，在十二度的溫度下共晉泰式晚餐。蝦醬炒通菜$68份量足，認真夠熱夠火侯，蝦醬咸鮮而唔肥膩，通菜入口都幾嫩口。沙爹串燒半打$88串燒雞超級好味，雞肉嫩而多汁，熱度夠，口感滑溜而沙爹汁惹味，讚！串燒豬比較普通，有燒烤味，但肉質偏乾身；串焼牛好乾，唔夠熱，肉質韌到咬唔到。菠蘿雞粒炒飯$98半個菠蘿盛著滿滿的炒飯有如小山丘。炒飯粒粒分明，混著雞粒、菠蘿粒，腰果，肉鬆同提子，味道唔錯，最緊要D飯食落唔油膩。泰式甜品拼盤$45熱糯米團熱哄哄軟稔稔，沾上沙糖又幾好味噃；其他五顏六色的糕點質地像大菜糕，爽爽地，唔多甜；椰汁西米糕味道正常，這甜品拼盤算中規中舉吧！以食物質量、食味同價錢比而言，這間泰菜是可以encore 一下，滿足一下泰式風味。

某個晚上經過天水圍西鐵站，見到呢間自家一楝的餐廳，明亮吸引，而且可泊車在門外空地，便決定找天來試下了。家姐生日便一行五人來吃，訂的是室內位置，但在門口見到露天座位幾好feel, 有大傘遮頭，而且呢排天氣涼涼的，咁啱有張枱，就改左坐外面了。唯一唔好處，是可以食煙，周圍見到有D客人食煙，但又聞唔到煙味，所以都留在外面。睇menu時已聞到陣陣我最鍾意的炭燒味。食物選擇好豐富，見人地點的都好吸引，所以叫左好多野。大蝦抽子沙律泰國金柚的肉大粒D，蝦好似有三隻但不算是"大"，醬汁是甜甜的有少少辣，幾似在泰國吃的味道（照片是差不多吃完才記得拍）炭燒金沙骨D肉好林，大家都覺得呢個好味炭燒鮮雞初時無留意餐牌寫鮮雞，吃時在想，咦，幾嫩滑喎，好味，之後才發現是鮮鷄，原來真係有分別架泰式咖哩大蝦Order 時要求多D汁，要來蘸薄餅，來到是好大碟，配料和汁都好多，主角嘅蝦都好多好大隻，完全唔辣同埋唔夠咖哩香，加D辣先好嘛泰式炒金邊粉呢個粉一般是甜甜地，這裏是過甜，普通啦。咸魚炒芥蘭最傳統的泰國菜，咸魚好多和切得好大舊，D菜有點老。芒果糯米飯芒果好甜，椰漿好多，一人食D都不錯西米糕正常，不錯另外還點了龍眼冰和兩客

和男友在幾個月前來過一次到，有舒適環境，服務也非常好，食物都適中，不過不失。沙律味道吃，所以在2016年尾就和男友全家共6人來食,但食物出品大失所望！最差是泰式海南雞，整隻雞 好似煲湯d 雞咁，甩皮甩肉，拾到超林，過老😠。食吾到半隻。大家好失望😬

探朋友入到黎天水圍食飯 好耐無食泰菜上網見到比較近既地點 而且環境唔錯就揀選了地點就係天水圍西鐵站E 出口一出就見到了大大個燈牌 一眼就見到因為需要擺放BB車，所以一早book定位，服務員都好細心噤安排我地坐較靜同入既位置 又夠位放到打開既BB車我地都點左好基本既泰菜：生蝦，無骨鳳爪沙律，菠蘿炒飯，馬拉盞炒通菜，椰汁冬陰雞湯，小食拼盤，椰青每樣都好有水準，好開胃美味非常愛泰菜 推介