泰灜

Open Now

Now Closed

放假同朋友🧒一齊嚟咗呢間泰國🇹🇭餐廳🍴食午餐🤣$48「椰青」：新鮮、清甜、好飲🤣$88「蒜蓉炒椰菜苗」：椰菜苗🥬新鮮爽脆，顏色翠綠，簡單蒜蓉炒就已經好味🤣$108「泰色海南雞（半隻）」：海南雞🐓去咗骨，所以啖啖肉食得暢快又方便👍，不同部位就梗係口感不一樣啦🤣，不過總括嚟講雞肉都夠滑😋；雞皮就更加滑，忍唔住食咗2-3塊😆；仲有一碟辣醬同埋薑蓉可以要嚟沾雞食🤣$108「惹味青咖喱雞」：青咖喱汁夠濃郁有椰汁香味🤣$38「惹味蒜蓉包」：蒜蓉包厚切、脆脆哋，有蒜頭香味，沾埋青咖喱雞汁一齊食就更加好味🤣$78「椰汁芒果糯米飯」：白糯米煙靭，芒果🥭就鮮甜，成個組合幾美味🤩

泰瀛📌佐敦吳松街141號地舖蒜蓉椰菜苗 $88仲有泰式同馬拉盞口味可以揀不過爸爸話蒜蓉炒正氣d🤣椰菜苗好嫩唔鞋口!大大小食拼盤 $208本身想叫細小食拼盤但呢個有四款小食之餘仲有生菜包cp值極高😍泰式濕炒河(雞/豬/素) $88爸爸因為糖尿病關係就唔叫飯喇佢想試濕炒河生菜包係豬咁呢個我哋揀咗雞雞肉都嫩滑又夠多本身我都怕嚟到濕炒會糊埋一舊舊河粉🥲點知食落依然有咬口不過都幾大份我哋差d食唔曬😅龍眼冰 $28夠fresh解膩😆全程所有staff都好nice就算爆曬場又多外賣單都冇黑面同炆憎連店內洗手間都保持好整潔難怪開咗咁多年keep住咁旺啦🤩⭐️Rumple港女評分⭐️味道: 4.5/5環境: 5/5服務: 5/5抵食: 5/5

今日同朋友去咗泰灜慶生餐廳裝潢超泰式Thai-in 火焰燒春雞即叫即燒, 需時大概30分鐘, 店員係雞上淋上火酒, 保留左大量肉汁, 雞肉肉質鮮嫩泰式生蝦刺身蝦肉刺身鮮甜新鮮, 配撘秘製醬汁, 酸酸辣辣, 開胃惹味, 小食拼盤包括蝦餅, 春卷同埋雞翼蝦餅好彈牙, 春卷酥脆厚實, 包住鮮嫩蔬菜同豬肉; 雞翼用咗泰式香料醃製, 香味獨特餐廳每日會推出唔同晚市堂食優惠可以優惠價加配蒜蓉炒通菜通菜爽口, 炒得好有鑊氣, 蒜味香濃芒果糯米飯生日蛋糕店員播住泰國生日歌拎個蛋糕出嚟, 好有氣氛糯米飯熱辣辣, 口感煙靭, 將香甜嘅芒果,砌成玫瑰, 賣相超靚,

Order：1⃣️ Thai-in 虎蝦炒金邊粉虎蝦大大隻！而且炒金邊粉都好香😭配料有糖、花生碎同埋青檸🍋‍🟩標準泰式炒金邊粉配搭🤍炒金邊粉混合埋配料之後，食落多咗層次感～大推！2⃣️ 泰式生菜包（雞肉）雞肉粒粒分明，配埋爽脆嘅生菜，而且香料味都好夠😋鍾意食生菜包嘅朋友仔一定要叫👍👍👍3️⃣ 馬拉盞炒通菜份量超多🥬通菜好新鮮爽口！味道唔會太辣～老少咸宜都啱食👫4️⃣ 芒果沙冰新鮮打出嚟嘅芒果沙冰😎完全冇出面食到嘅假甜，而且真材實料🥭夏天飲呢個真係無得頂！5️⃣ 椰汁芒果糯米飯呢個係老闆娘極力推介嘅甜品🥳果然名不虛傳，真係好好食！軟糯嘅糯米飯仲有少少暖，配埋香甜嘅芒果，啖啖都好滿足🥹

店子不大, 但也有樓上座, 甫入座即見侍應殷勤招呼, 不斷介紹Menu內各種美食及做法, 更會推薦一些熱門打卡菜式, 然後做會讓客人慢慢自己選擇, 絕無壓迫感, 細心再觀察Menu, 各樣的價錢也很貼地, 在這旺區也算親民, 原來更有每天做緊promote的小菜, 今日星期三竟然能夠十蚊吃到一個馬拉盞炒通菜, 超抵, 當然地道的霍道霍豬肉串是必點的, 更配有熱辣煙韌的糯米飯, 超正, 另一蒜香炒蝦球端上枱時香噴噴, 八隻大蝦球肉質爽脆, 食泰菜咖哩是必選的, 那個黃咖哩牛腩, 火喉剛剛好, 主食要了一個泰式蟹肉炒飯好味, 但畧嫌蟹肉太少, 整體完全合乎經濟和物超所值。

是日跟好友搵正野食，到佐敦吳松街吃泰國菜晚餐。坐好就開始傾下食咩好。天氣炎熱先點野飲飲下先，先黎個椰青，泰式奶茶，整返set特價$60三支既象啤。椰青-一口吸入去透心涼，清甜可口，最後食埋d椰肉。泰式奶茶-泰國口味，茶底香奶份量岩岩好。象啤-清涼口感，依個濃度岩晒我，解喝至極。跟住到野食，菠蘿炒飯，火焰燒春雞，大大拼盤，馬拉盞炒通菜，椰汁芒果糯米飯。菠蘿炒飯-炒飯底再加上魷魚，魚，肉鬆，蝦仁，腰果，番茄，青瓜，蛋絲，提子乾。豐富既材料炒埋一碟就叫做豐富呀！火焰燒春雞-香口脆雞，黎到燒一燒都聞到個酒香。雞肉肉質好嫩滑肉質仲有鎖住肉汁。大大拼盤-蝦餅蝦味十足香，雞翼入味香口肉質都好。春卷脆卜卜，入面材料都好豐富。雞棗味道都唔錯。馬拉盞炒通菜-通菜新鮮炒得好味道。椰汁芒果糯米飯-新鮮芒果香甜好味道，糯米飯熱辣辣加上椰汁更好味道

今日到佐敦食泰國菜。入到去叫左大大拼盤，馬拉盞炒通菜，菠蘿炒飯，火焰燒春雞，椰汁芒果糯米飯，椰青，象啤，泰式奶茶。大大拼盤：有蝦餅，炸春卷，炸雞棗，炸雞翼仲有生菜肉碎包。蝦餅，炸春卷，炸雞棗，炸雞翼都即炸香口熱辣辣 。生菜肉碎包肉碎炒得香口，生菜單鮮味。馬拉盞炒通菜：新鮮通菜炒得香口有鑊氣。菠蘿炒飯：好多海鮮配料，蛋鮮菠蘿粒，提子干。火焰燒春雞：一黎到店員淋一淋酒點火，香味即時聞到。燒雞保留到大量肉汁，嫩滑雞肉脆皮可口。椰汁芒果糯米飯：芒果香甜可口。椰青：清涼好味道。象啤：食泰菜必定要叫泰國啤酒。泰式奶茶：香滑奶茶，茶味香口。

放假前夕，份外開心，死黨想去吃泰菜，於是網上搜查附近餐廳。這夜我們約了在佐敦聚餐，她比較鐘情泰國，食物我今晚來一次盲盒，全由她發板😂上菜好快，很快就一枱餸。泰式鮮蝦金柚沙律清新的柚子，配洋蔥腰果干蒜片芫荽香蔥等甜酸醒胃，蝦大只，有少少香辣，夏天吃吃沙律🥗份外清爽。泰式生菜包有豬和雞兩款肉揀，選了經典一點的豬肉。豬肉無膻味，只帶少許肥，加上泰式香料，辣度不少，香葉和豬肉炒得可口，用生菜包著吃，增加口感，且生菜🥬給得很大方，很難得夠吃到最後。泰北冬陰功冬陰功湯足料，主要有蝦海鮮菇蕃茄蘑菇及洋蔥辣椒青檸🍋‍🟩香茅魚露等泰國香料，口味正宗，酸度也足。每口酸辣酸辣的，非常開胃，尤其大蝦肉很彈牙。街邊燒牛肉賣相不錯，燒牛肉肉味ok濃，質地鬆軟兼保留一點嚼勁，不過熟，呈嫩粉紅，沾上惹味酸辣泰式醬料，更加醒神，完全沒有肉膩感，有點辣，吃起來挺刺激。食後感：幾樣食物下飯一流，抵抗炎夏。

老朋友從澳洲返黎重要帶住個bb 住係吳松街附近 book左呢間泰菜 貪方便 本身睇OpenRice見到評價好不一 都有d擔心估唔到服務超好👍真係劉德華講既服務既餐廳👍👍👍老闆娘笑容勁nice 今時今日咁既服務態度真係奇景真係要出post幫佢平反一下！講真香港地咁細細既餐廳有high chair真係要讚💛🧡❤️🩷食物方面： 泰式生蝦 醬好味 蝦新鮮！波蘿炒飯 真波蘿上 超足料！炸蝦餅 量大 彈牙！馬拉通菜 唔太油 唔太老！豬肉串燒 唔乾juicy 夠味！飲品： 龍眼冰 芒果沙冰🍧 大杯足料！

經過佐敦入咗去呢一間泰國菜餐廳，食物種類都好多，裝修都好有泰國風格。必食芒果糯米飯，糯米夠黏口，椰漿好清甜，芒果有好多同埋勁甜，推介！叫左小食拼盤，有春卷雞翼蝦餅各兩件，推薦蝦餅，彈牙唔油膩～仲叫咗街邊燒牛肉，火候控制唔錯，完全唔韌，幾個朋友食啱啱好！主食叫咗排檔海鮮炒粉絲，有鑊氣，都幾足料，又有蝦又有魷魚，仲要啖啖粉絲都食到有蛋~而家做緊優惠嗰日係做緊$10加通菜，叫左馬拉盞通菜，都幾大碟抵食！飲品叫咗芒果沙冰，係用真芒果製作好甜，仲要勁大杯！必食推薦芒芒果糯米飯同小食拼盤~~

完全中伏！不推介！奉勸打工仔千祈唔好嚟呢間！等個炒河等咗30分鐘先有！叫咗個香葉肉碎炒河辣到飛起囉！辣到你成個口都麻痹！餐牌又冇講係辣！完全食唔到！自認自己都可以食到辣！唔知係咪因為催單特登加料！凍檸茶又冇茶味！似飲水！3片檸檬有2片又細又薄！使唔使咁慳？十分差！而且坐得唔舒服！又要搭枱！冷氣又凍！兜頭吹！叫咗個短頭髮侍應阿姐調高啲！好大聲好惡講冇得調！！！又唔係叫你熄咗佢！有病！食物質素已經差！態度仲差！

7月1號夜晚， 成條吳松街都冇乜人行 ，我和家人在這間泰國餐廳食飯👍 這間泰國菜我嚟過好多次， 這晚可能是最靜的一晚。正題喇～咖哩炒蟹 ，串燒和鹽焗魚都保持水準👍 特別一題呢個燒墨魚 好好味 最後吹埋蠟燭 食埋呢個芒果糯米飯蛋糕 （還播放泰文生日歌）非常滿意

一行8人去，火焰燒雞嫩滑多汁，必食生日蛋糕造型嘅芒果糯米飯，足料，記得呢兩樣要預先訂同埋要預時間上菜，其他如豬頸肉，蒜蓉包，小食拼盤，飲品大杯好味，對得住個價錢，都高質，座位都闊落，略嫌店員唔知係咪唔係好識聽廣東話，唔知佢係發呆定聽唔明，要俾少少時間佢先有反應，服務態度冇其他人講得咁差，我哋要額外嘅醬汁都好快攞到俾我哋，可以再去因為我哋book 8:30 ，佢收10:00，好似唔係好夠時間，如果能夠開夜少少會更加好(食家問題，當然如果可以約早少少去就好啲)

第一次去咁伏既泰餐，先唔講野食，岩岩黎個職員話8:30 有booking , 問我地還唔還到枱。咁我地打算食一陣野就走，咁得一個鐘都可以啦就食。我地落左3樣野同一杯野飲，咁見到佢有做小食優惠，滿$300 就加$10有小食，咁咪問個職員仲可唔可以落，個職員話張單得$26x ，落唔到。咁我地都叫多左個椰青滿$300佢。之後等左20分鐘都未有野食，心諗無理由啦，仲8:30 有booking 唔系應該加快整比我地食咩。之後吹完再等先有野食,食完都仲未有個小食拼盤，之後佢就話個booking 到左，我地都合作調左枱，但調完枱都系未到。我地就決定不如打包啦，驚唔夠$300 去達到個個小食優惠。重點黎啦，到埋單時系4百幾蚊，但當時佢話我地得$26x,唔夠個小食優惠，好彩個小食拼盤都仲未到，最後取消埋都要$36x,心諗系咪玩野，如果系咁唔駛叫椰青啦。嚴重缺乏溝通，好似我地唔交枱咁….中伏🥲

🍽️泰灜🐷泰式豬頸肉飯 💰52豬頸肉煎得外皮香脆，但肉質咬起來較煙靭，但可以接受，配上酸辣的醬汁，味道方面不錯，但豬頸肉的份量較少🥺🦐泰式蝦醬炒飯 💰53蝦醬味道突出，而且炒飯濕潤不會太乾，配上裝絲和配菜，增加炒飯層次感，但同樣份量較少午餐meau還有其他泰國菜式🇹🇭🍽️，除份量較少外，味道不錯，而且午餐包含一碗泰式例湯，性價比不錯👍🏻味道 : 🤎🤎🤎🤍🤍環境 : 🤎🤎🤎🤎🤍服務 : 🤎🤎🤎🤍🤍CP值: 🤎🤎🤎🤎🤍🍽️泰灜📍佐敦吳松街141號地舖