泰嘉雯泰式去骨海南雞飯

Open Now

Now Closed

每次幫襯，老細態度都奇差無比，就算食物幾正，價錢幾平都好，食得都好受氣。每次去到老細都呼呼喝喝，好似極度吾願做一樣。同以前比，人流都少左好多，老細如果再吾改佢d 態度，我估遲下都関門大吉嘞

餐廳多人幫襯, 除咗好食, 親民都係一個要素😘 今日黎到大角咀既泰嘉雯, 係因為之前有飲食傳媒介紹過佢既海南雞飯; 泊車後沿住個富多來商場兜左半個圈就睇到佢個招牌👀 同場既食肆格局全部一置, 舖仔長型放到兩邊枱, 大約15個位; 直望到底就廚房仔, 做事全透明, 公正公開🔍牆身既綠身令我覺得份外有泰國感, 舖頭部份員工都係講泰文; MENU簡潔, 都係湯河/飯, 搭豬手🐷豬扒🐖豬頸肉🐽牛腩🐃海南雞🐥扎肉🥩 ;  另外有小食🍟 同飲品🍸海南雞飯上枱係跟咗碗紫菜湯🍲有少許甜, 幾得意; 黃飯味道未算出🍚但還可以🙆‍♂️雞既味道一樣平凡合格, 少許滑嫩, 個醬汁有少許辣, 個人麻麻地😕豬頸肉湯河, 熱度夠但豬頸肉既份量稍稍少咗, 湯底同河粉正路, 都係合格水準🙆‍♀️魚餅跟咗雞醬上枱🐟一碟六塊, Again, 合格水準, 未算驚喜😙最後既珍多冰, 一樣合格水平👌坐係度食飯既半個鐘, 其實人流不絕, 外賣單基本上無停過, 本來都唔明點解; 一去到自己埋單, 兩個人先98 💵 再望望個雞飯, 其實只係35蚊, 呢個價錢, 我相信好多區既晚市都未必做到。雖然隔條街有間頂級雞飯文華海南雞, 有時只求飽肚

今天中午去了奧運那邊看看服務式住宅，發現到了這一家小店，不是很顯眼的店面跟招牌，但是看到了許多排隊的身影想說可能很好吃，因此看完了房子後我就回來吃了這家。點了最基本的海南雞飯配了個凍檸茶。海南雞飯上來的時候跟照片顯示的一樣，飯的部分比較多，肉的話已經去了骨頭所以可以快速的直接入口，但是肉的份量可能是因為價格也低，所以我覺得不是很多。飯也比較乾一點點，湯的部分我倒是覺得好喝。飲料的話也是一般般吧！省錢的話可以進來吃一吃但是沒有那麼值得排隊吃嘍！

又到大角咀發掘小食店嘅時候，哩間鋪面望落平凡唔起眼嘅泰國餐廳，又比到驚喜我！午飯時間餐廳外面已經排滿等外賣嘅食客，老板接單接到唔停手，好受歡迎。店舖比較細，亦無咩奢華裝修，好明顯係行實力派😂食物價錢好大眾化，四十幾蚊已經有個雙拼飯+湯。今次就叫左哩度出名嘅海南雞拼泰式豬手飯。先黎餐湯，泰式湯都係甜甜地，怕落左味精所以無飲晒主角海南雞同豬手嘅份量好多鋪滿成碟飯，飯底好特別係一半海南雞油飯另一半就白飯，好突出雙拼嘅效果😂油飯好香，海南雞相當嫩滑，全部係無骨海南雞好方便食而豬手肉就好淋，再咬啖軟綿綿嘅豬皮，配埋豬手汁撈飯好開胃食晒成個飯係非常飽！哩度服務態度都好好，平民價錢就食到咁高質素嘅海南雞同泰式豬手，絕對抵食！

平日食晏時間經過，多數都見到有幾個人係門口等，唔知係等位定係等外賣，而附近食肆又唔多見有此情況，在好奇心驅使下，加上招牌註明  "去骨海南雞飯”，即係我唔需要邊食邊煩如何處理骨頭，咁方便，而當時又剛好有位，便順理成章入去坐底試下。餐牌上有泰式小食、湯河、湯飯以及飯類套餐及飲品，選項清晰，簡單易明，款式亦多。第一次來當然要試下佢地主打菜~ 泰式去骨海南雞飯。除了飯外，伙計同時送上一碗紫菜湯，湯入面有紫菜、少少葱花。紫菜入口冇沙，唯湯好似同平時用肉煲過的紫菜湯不同， 味很淡，不太合我口味。去骨海南雞飯賣相OK，飯呈黃色，雞油味不濃，亦不油膩，雖然飯冇咩味， 不過我就鍾意佢夠熱，米飯煙韌，雞肉嫩滑冇骨，碟上還有一小碟醬料，估計是薑蓉、辣醬、少少甜酸汁混合而成，味道不算特出；另外跟餐可以加$2要熱飲或加$3凍飲，原本想叫普普通通奶茶加啡類，不過泰式特飲如椰汁冰、龍眼冰、珍多冰、青檸冰都只不過係加$5 ，以上所講飲品原價係$15杯，咁其實計落只係加$5就可以叫特飲，咁當然叫特飲啦。最終我點了一杯龍眼冰，少冰，入面都有4, 5粒鮮龍眼，甜度較得剛剛好，飲落清甜凉快，唔錯。以這個價錢來說質素算係有番

食物質素不錯價錢都算親民但由一開始已經見到老細黑面眼超超感覺完全係被監視碗碟好快被收之後仲要喺半間空鋪而出面一個客都冇既情況下被趕走簡直不能接受即使平價都唔會再去

呢日朋友帶我黎呢間食話佢既海南雞飯好食得黎價錢又唔貴咁就叫左個海南雞飯 仲有碗湯送湯呢個人就覺得一般個飯呢就真心唔錯！食海南雞一定要配油飯🤤啲雞都夠滑 個醬汁都唔錯只係如果份量可以多啲就好啦！環境黎講呢 當時都幾full 座位都有啲逼 但野食性價比係高既！

E間野成日都好多人排隊，每次經過都`好想食，但太多人排隊自己又冇時間，今日早左尼，又預多左時間，所以就可以食喇，尼到當然要食佢的招牌菜海南雞飯!!!海南雞飯 正常份量，雞都有七八件，雞肉嫩滑唔韌，好香秘製醬汁酸酸甜甜，幾開胃，同D雞都幾夾 建議唔好點太多，食番雞的原味比較好飲品叫左特飲珍多冰 特飲只係加$5，平時出而都要加$7$8，E到真係抵到爛椰汁好真，味濃，唔係溝水，都幾高質嫁個set會送湯，係紫菜湯有少少鹹

今日再去試下其他大角咀既小店，今次就選擇左泰嘉雯黎試下。入到去店面面積不大，但都算舒服既。我就叫左個海南雞飯黎試下，咁個飯就配一碗紫菜湯既，都幾特別😂值得一讚既係d雞全部都係冇骨既，非常嫩滑👍🏻👍🏻而且係配黃飯既，好香口😋😋不過我就認為份量可以多返少少就好啦

呢間泰嘉雯都開咗成五六年以上，小店格局成日行過都見到爆場，始終雞飯我都係鐘意食同區嘅文華，所以呢間應該只係N年前食過一兩次冇乜印象，到前排響附近睇戲時突然摵起條筋想食，午市去等咗都一般時間先入到去😌其實每次去食呢啲星馬泰雞飯舖都會掙扎一陣，到底食雞定食豬手好，然後呢度相拼只係加五蚊，叫哂兩樣冇煩惱😂兩個人四樣餸，撈埋一齊食變泰式四寶飯，每樣都好好食，最鍾意竟然係咖喱牛腩，唔辣帶椰香，牛腩同薯仔都入味夠腍，豬頸肉就好脆口，豬手夠腍同埋層皮好滑，個雞都嫩口的，去埋骨食啖啖肉好滿足，最正係兩點半下午茶時間一個飯轉雙拼再加凍飲仲有埋碗湯都係四十蚊，抵食✨

其實大角咀非常多美食無謂每天只吃某能餐廳在富多來那邊發現了平民泰國菜這間泰國餐廳地方小小，每次去都住滿客人，每次都要等位如果客滿了，老闆會在門口先詢問客人會點什麼吃，那麼有座位的時候，不用等很久就能吃了這間泰國餐廳的海南雞飯為最出名但同時亦有受其他泰式飯類及粉麵類一直都很想是冬陰公湯底但聽同事說海南雞最好吃，所以第一次都要試試飯類雙拼以貴者加$5如點海南雞飯會送餐湯，這碗紫菜湯味道不會太濃，但有點甜飯來了～超大盤的米飯是拌了薑油，很香這裏的海南雞非常滑無骨海南雞對大家來說實在太好了豬頸肉也非常爽脆跟飯加了$5可以點特飲龍眼冰很香，有少許過甜，可能是因為有很多粒龍眼肉這間泰國餐廳很近公司，所以應該會經常跟同事去食午餐

這間小店應該是時泰國人所開的，但坐位不多，每次路經此地都想入去試試今日終於有位了38蚊嘅去骨海南雞飯皮脆肉嫩，超級滑~ 醬汁酸酸甜甜 十分醒胃 ，淡淡的紫菜湯很鮮味， 套餐更有飲品奉送 呢個價錢食到高質素嘅海南雞飯 ，下次一定一定會再幫襯呀

大角咀富多來商場地下有很多小食店， 有時經過會見到泰嘉雯門口有學生哥坐喺度食海南雞飯。 見到佢咁受歡迎，今次就入去試下佢嘅海南雞飯。去到泰嘉雯， 大約係下午茶時間， 就叫咗下午茶海南雞飯， 32蚊唔包飲品， 店員同我講下午茶分量比較少， 我話冇問題。 海南雞飯嚟咗之後， 我見到啲飯真係有啲少， 但係店員之前有同我講， 所以都冇太大意料之外。海南雞夠滑，有雞味，好淋， 令我諗起新加坡嘅天天海南雞飯 飯係好香嘅薑油飯， 跟飯有紫菜例湯。

今日差唔多午餐時間，父親大人說突然好想食海南雞飯，我就提議去新九龍廣場對面街的泰嘉雯泰式去骨海南雞飯。由於午膳時間，舖頭座位有限，餐廳入面已經坐滿人及門口已排長龍，所以我們就決定轉買外賣回家食。我們分別點了泰式去骨海南雞飯$35、泰式香茅豬扒飯$32及泰式扎肉飯$30加了杯凍檸茶，由於凍飲，所以加了$3。泰式去骨海南雞飯，很滑，肉質鮮嫩，還附送紫菜湯，味道清清淡淡。泰式香茅豬扒飯，豬扒好味。泰式扎肉飯，扎肉唔錯。以同區來說，份量及質數，性價比較起來都很抵，會再次幫親。

從來冇去過大角咀食嘢, 今次由為食朋友帶我去食, 嚟到呢間小店, 無論入面或者外賣都幾多人, 不過吹住水等都唔覺, 而且呢度都係速食, 啲食客都唔會食完唔走, 個個都好識做~舖頭面積唔大, 只係得幾張枱, 全部坐滿都唔夠廿人, 不過流量都好快, 你又可以望到廚房, 因為舖頭盡頭已經係, 如果冬天個個着到米芝蓮咁, 都幾迫架~ 海南雞拼豬手飯呢兩味餸都係佢嘅招牌菜, 所以一定要食~ 海南雞都好肥美, 唔鍾意肥果啲人就會唔太接受, 但好滑, 至於個豬手, 味道係幾入味, 但佢未清淨豬毛, 有啲反感~  雞絲湯金邊粉走青後個樣好dry, 但味道一啲都唔dry, 個湯好清, 但清得嚟係有味, 唔會係師傅湯, 趁熱飲好正~ 雞絲比海南雞好得多, 因為佢夠瘦, 又啖啖肉, 真係差不多成碗可以清底~