泰嘉雯泰式去骨海南雞飯

Open Now

Now Closed

呢間泰嘉雯都開咗成五六年以上，小店格局成日行過都見到爆場，始終雞飯我都係鐘意食同區嘅文華，所以呢間應該只係N年前食過一兩次冇乜印象，到前排響附近睇戲時突然摵起條筋想食，午市去等咗都一般時間先入到去😌其實每次去食呢啲星馬泰雞飯舖都會掙扎一陣，到底食雞定食豬手好，然後呢度相拼只係加五蚊，叫哂兩樣冇煩惱😂兩個人四樣餸，撈埋一齊食變泰式四寶飯，每樣都好好食，最鍾意竟然係咖喱牛腩，唔辣帶椰香，牛腩同薯仔都入味夠腍，豬頸肉就好脆口，豬手夠腍同埋層皮好滑，個雞都嫩口的，去埋骨食啖啖肉好滿足，最正係兩點半下午茶時間一個飯轉雙拼再加凍飲仲有埋碗湯都係四十蚊，抵食✨