泰皇 (Closed)

同屋企人，一人叫一個午市套餐。泰式海南雞黃薑飯，同埋泰式滷水豬手飯，埋單90蚊有找。雞同豬手都捻滑好味。一坐埋位就有免費例湯，今日既係南瓜雞脚雪耳湯，好味。服務都ok既。

我今日去食，叫左一個黃咖哩魚柳飯。等左成半粒鐘，飯到後，我一食落去，我真係忍唔住爆左句魚蝦蟹，成嚿粉咬都咬唔入，真係好失望，$43個飯咁嘅質素？服務態度又差。杯奶茶都幾濃，但係一定唔會再去食嘢。

落咗order（泰式炒飯）半個鐘，中間催左兩次，每次都話就來有，第三次催佢，竟然叫你轉已經整好嘅豬頸肉飯或者湯河！等咗半個鐘依家先講？仲要話未輪到炒你嗰個！依家輪到炒粉絲先！原來佢要夾埋好多order先一齊炒！一直等唔到多個同你食同你一樣order嘅話咪成世都唔使食？最後個飯45分鐘先炒好！只係夠時間食5分鐘就趕住返去返工！仲要一啲泰國風味都冇！煮野速度佢以為自己係fine dining?只可以講，服務態度差，食完成身油煙味

happy firday，同朋友一齊去食泰國嘢，去到荃灣泰王，比想像中多人，七點鐘已經坐滿晒！食泰國嘢我一定會叫sheng，今次刺身非常新鮮，我好鍾意呢度嘅醬汁，唔會太辣亦唔會太酸。之後就叫左海南雞，個雞好嫩滑，不過個醬就有d怪，唔係平時食嘅酸辣味，係鹹㗎！不過味道都ok！油飯一流！（唔記得影tim）之後叫左辣招膏炒硯！呢個辣椒醬配蒜蓉包真係一流！好食過咖哩！又脆又軟！啖啖肉！食海鮮最開心係咁！不過唔平架！成189蚊，又唔係好多隻，主要係食個醬！

好耐無來食飯，今次來食午餐，先來個春卷拚蝦餅，香口野，熱辣辣，一定好食啦！牛柳粒配炒紅飯，紅飯略為啖左Ｄ，幸好牛柳粒夠香夠味，補番泰式炒粉絲，扎肉韮菜香芹青椒銀芽甘筍蛋絲，配料足！星期日午市都有套餐，包飲品又有甜品，正啦！

揼完骨，好掛住個Som Tam~~見就近有間泰菜，就咁決定左是日晚餐地點!一入舖頭已經坐滿人，等左起碼5分鐘先有人理我哋!坐低叫嘢食，樣樣都想食，但又唔可以咁過份，講到尾我哋都係得两個人!最後決定……Som Tam ，不過不失!芒果沙冰，Good!冬蔭公，普通料馬拉盞炒通菜，份量好大但d菜好老鹽燒大蝦(唉!突登放好個位想影相，點知無記性到放好就食!😢) 講返碟蝦先~雖然等左好耐先到，但一上枱就好鬼香!一碟3隻大大隻，尚算抵食!蝦面有d鹽，剝蝦殻果陣特別滋味!

近年荃灣愈開愈多泰國菜，除咗價錢要考慮之外，我估排隊時間大家都好重視吧，我成日係店舖附近搭車，每次經都唔洗等位好快有得入，今次都一樣呀！我地今次合共4人，點餐之後15分鐘就到，岩哂肚餓想快d食嘅你服務方面雖然只有2個人手，但好快就會應你同幫你打點，所以服務態度同速度係值得俾讚呀！唯一大家考慮嘅地方係佢比較偏僻，同路德圍、地鐵站都有一定嘅距離，但放心由地鐵行過去15分鐘到，有時你排隊等位都係返哂度啦，所以推介大家試試，yeah！

因為突然想食泰國野於是近近地同屋企人去泰皇食晚餐。佢啲前菜小食好好食！一定要食佢蒜蓉包，好重蒜蓉味，好香。一般人都會怕泰國菜好辣，但呢間啲野食好似生菜包、冬陰公都唔會話太辣，我平時唔食得辣都食到，而且仲好入味👍🏻最後仲叫左必食嘅芒果糯米飯，芒果甜，糯米飯係黑白兩溝，甜度岩岩好👍🏻我地七個人嗌左超過十樣野都只係九百左右，算係抵食，而且仲要食到好飽。

我老婆去到邊都鍾意食海鮮泰國菜都唔放過！一坐低佢就叫條魚問老闆邊條魚最好食，佢就叫我地條鹽燒魚大大條嘅倉魚，你係點會估到要燒完之後個肉仲係咁嫩滑，咁多汁呢呢個蒜蓉包非常好食！因為我係荃灣街坊所以呢間野我都經常食！呢個蒜蓉包係明顯係厚切！牛油同埋蒜蓉相當多非常之香！非常之軟！我為左呢個蒜蓉包，特別叫咗個蟹！（個蟹太好食，冇影相就食完了，係上圖蒜蓉包後，就係個蟹））呢個係蝦呢個咖喱下我哋叫咗唔好spicy所以味道唔係特別惹味下次都係要叫返少少spicyThai pai 好吃

其實我都嚟過好多次每次都覺得水準係中上而且價錢都非常抵呢度大部份嘅菜式幾十蚊有交易海鮮會係200至300，但係分量相當大點左個椰青，$29大大個！啖啖肉！炒金邊粉（分量係我平時喺中環食嘅兩倍！）大頭蝦炒咖哩（因為老公個胃唔係好舒服，所以特別叫佢唔好整spicy）原本唔係想食呢個架！原本想食炭燒大蝦不過因為想食多士，而多士又要點咖哩黎食⋯⋯老實講， 呢啲咖喱都係小小辣味先好食大蝦有少少甩頭即係唔算好新鮮呢個多士上次食係好好食架今次味道都可以但係略嫌小小唔夠趣，同埋有少少油膩鹽燒倉魚倉魚好大條，肉質好juicy 如果可以再新鮮啲就更加好啦兩個人埋單438小店來講唔算平不過有蝦有魚有炒粉仲有椰青都算係咁臨走仲送咗張九折卡另外有送咗兩張優惠券生意難做啊！大家可以多多支持味道小店

今日 lunch去咗泰王度食。呢間嘢食咗好多次， 所以都幾清楚佢哋嘅味道。佢哋喺荃灣應該開咗好耐，所以裝修都已經非常之舊。但如果你哋唔介意食肆既裝修環境，佢嘅性價比係非常之高嘅。午市套餐嚟嚟去去都係嗰十款八款 。今次我哋叫咗泰式海南雞飯同埋泰式茄子肉碎飯。佢哋嘅海南雞係好滑，薑飯都有薑味。另外個泰式茄子肉碎飯炒得好惹味。但係用咗啲非常之辣嘅辣椒，要我哋撥開佢。但係食得辣嘅朋友會非常之鍾意。四十幾蚊一個套餐有湯有熱飲，仲有舊椰汁糕 係非常之抵食。鍾意食泰國嘢嘅朋友不妨嚟試下！

同班老友慶祝生日，book左佢兩枱，食緊嗰陣已經西西地面，食到9點左右同我地講10點半走，睇住佢10點31分突然有條四眼佬上來擺副西面對住我地，即刻冇哂引，走人

荃灣隱秘泰菜餐廳雖然裝修舊舊 地方細細 有分樓上及樓下但食物質素一流尤其是他們的無國界蒜蓉包麵包皮脆口 唔太油 蒜蓉味好香配埋咖哩汁真係一流其他炒功都好有鑊氣每次經過門口都會有陣燒串燒味 好香所以今次買左少少當作宵夜燒雞翼 豬肉串燒雞翼頭位有少少唔熟豬肉串軟硬適中最讚係他們的醬汁搭配

試過荃灣某出名泰菜，都名過其實罷了，現在都喜歡尋找一些隱世小店。某天經過發現這附近原來有頗多食店，卻被泰皇的串燒香味吸引了。剛坐下便點了串燒雞肉和豬肉，燒得剛好帶點焦，有點焦才夠香脆入味。果然沒有令人失望!醬汁味道濃郁，但有點水得濟，如果杰身d就滿分。炸蝦餅彈牙帶鬆脆，暖暖的。見到推介這個蒜蓉包，叫了試試。攞上手重重的，心想應該索左好多油，應該唔好食，但咬入口又唔太油，裡面仲係煙un既面包，食法同普通炸到乾脆既蒜蓉包唔同。鹹魚炒芥蘭，好多鹹魚粒芒果糯米飯，芒果香甜，糯米糊了少少，但可接受，只是份量太少，1人份量。

一收工突然好想食蝦餅,就叫晒D朋友一起去食返餐.朋友話試下泰皇，之前食過唔錯,就去試試.我地點左蒜蓉包，炸蝦餅，咖哩炒蜆，泰式酸辣鳳爪，全部都好好味。蒜蓉包：麵包好脆，蒜容味好香又夠多，配咖哩一流。炸蝦餅：蝦味重，而且好彈牙。咖哩炒蜆：蜆好大隻不過有少少沙，咖哩香而不辣，配蒜蓉包唔錯。泰式酸辣鳳爪：酸辣適中，食落好開胃。