泰國廚房

Open Now

Now Closed

因為母親大人生日，所以呢排出多左去食今次食屋企人食過兩次都話正既泰國廚房，即日打去book位員工已經好禮貌，同行有細路仔所以唔係好食得辣，去到睇menu時員工會主動推薦菜式，服務態度好好真係值得大讚食物方面係有水準既，所有野都熱辣辣上枱招牌咖哩蟹果然係招牌，蟹膏頂晒蓋，蟹肉脹卜卜，從未食過咁正又咁抵既咖哩蟹，下次再黎都會叫！另外餐廳風格好有小酒館feel，門外一串串燈好有情調，如果天氣涼返少少時可能都可以試下坐出面。總括嚟講食物同服務質素都好，人均都係2百多，係會再幫襯既泰國餐廳！

住在附近，幾年來多次都有經過這間餐廳門外，但從沒試過，我們今天是打算到九龍塘吃泰菜的，最後都是算了，就在這裏試一試。環境這裏分成了三個區域，最外面是沒有冷氣的雅座，夏天會比較辛苦。而進裡面一點的是有風扇和冷風機的雅座，比較輕鬆悠閒，有點感覺真的去了泰國。但因為當天天氣太熱，我們都是選擇坐在最裡面的室內冷氣區域，環境也算幾乾淨。食物我們兩人都點了$50一份的午餐，另加凍飲或泰式特飲須另外加$2和$8。我點了濕炒豬肉河粉，凍奶茶，而太太點了冬陰功炒飯和青檸梳打，濕炒豬肉河粉裏的河粉炒得香口，也不會黏在一起，另加了大量的蔬菜，但我認為味道偏淡，原因是廚師沒有放足夠的泰式豆瓣醬，因為濕炒河粉那個汁最重要的元素是泰式豆瓣醬，所以最後我只能自行加了魚露調味，才夠味道。冬陰功炒飯不是很重的冬陰功味道，而蝦只有一隻，我認為加多一至兩隻可使客人更滿意😂。總括而言這裏的午餐是十分抵吃，味道也可以，但不能期望是正宗的泰國味道。

今日又係family day🥰同屋企人去咗粉嶺一間餐廳度食 又係我哋最愛嘅泰國菜(⁎⁍̴̛ᴗ⁍̴̛⁎)泰國菜真係好吸引 食極都食唔厭 今次呢間餐廳比較偏遠少少喺粉嶺入啲啲嘅地方 位置比較唔方便 不過嘢食質素就非常好💓入面嘅環境都好靚㗎 一定要睇吓啲相🌟🌟個場都好大分開咗三個位置 最外面係冇冷氣嘅 咁熱我梗係頂唔順啦😿🥵🥵日日都30幾度 另外餐廳外面有個好大嘅位置有冷氣嘅不過冇咁涼 但日光好充足 都有好幾台有帶小動物🐶🐶一齊食㗎(⁎⁍̴̛ᴗ⁍̴̛⁎)下次我都想帶我隻狗過嚟😍😍🥰-泰式燒豬頸肉 $83 (4/5分)⭐️⭐️⭐️⭐️燒得好香脆 一啲都唔會好難咬 唔會燒到黑晒🙊唔會太乾身 上碟嘅時候熱辣辣 雖然上菜速度真係爭咁啲 不過係值得嘅 豬頸肉嘅份量好多🤤我哋6個人都好夠食-正宗太妃海南雞 半隻 $130(5/5分)⭐️⭐️⭐️⭐️必食推介❤️‍🔥❤️‍🔥呢個真係超級好味唔怪得知Daddy👨🏻話一定要叫(˶‾᷄ ⁻̫ ‾᷅˵)啲雞好滑 肉質全部都好嫩 我一啲都唔會好難咬呀 仲要大部份都係無骨既雞髀位 由於真係太好味差唔多一擺上嚟我哋就好快食晒 所以張相影得勁衰😂😂😂配埋黃油飯真係一流(心心眼)如果大家有機會嚟一定要食呢一個(*¯

假日到粉嶺周圍行，參觀完粉嶺裁判處，有點肚餓，看到馬路對面有一間泰式餐廳，就到這裏試試吧！餐廳有室外和室外，佈置很有泰國特色，我們選擇了室內座位。因為今日是公眾假期，所以沒有其他午市套餐，只有泰式湯麵套餐。我們先點了一個泰式湯麵套餐$52。泰式湯麵可選兩款配料，我們點了雞翼和豬扒，面底就是金邊粉，湯底是泰式船湯。雞翼和豬扒很重香茅味，泰式船湯見到深啡色的湯底都知味道非常濃郁，但鹹了些，配金邊粉味道其實很好。蝦醬炒飯$78炒飯非常乾身，而且很香口。蝦醬反而不算太鹹，味道剛好。炒飯還配上幾片泰式臘腸和煎蛋，撈勻食，味道更豐富。餐廳環境不錯坐位很舒適服務也非常好。價錢不算太貴，食物味道不錯，有機會到粉嶺周圍遊的朋友不妨一試。

就禁睇依張相，你係估唔到係粉嶺，因為環境係舒服，店外既佈置係令你好relax，係氣氛既帶動下入到去就叫左好多野食。依間泰國廚房前身係開酒Bar，叫「石頭Bar」，後生個時，同朋友飲酒就係依度，懷念。依間餐廳好近火車站，經過粉嶺可以考慮入去relax下。串燒係最好味，小朋友都食得好開心，一分鐘就食曬。泰式生蝦，例牌去泰國餐廳都會叫黎食，都唔錯。芒果糯米飯...好食。小朋友都岩，平時唔食芒果，左就係會食芒果糯米飯。菠蘿炒飯、通菜都係唔錯既選擇。不過生菜包就麻麻地....好食😋

呢日同朋友行完上水華山，再行到坪輋睇壁畫😆，睇完搭返落粉嶺即刻醫肚🥰由於好耐無食泰國嘢，上openrice搵左間，而行行下沿途見到呢間👇🏻👇🏻👇🏻有兩棵樹又望落環境幾好😆於是決定試下😹餐廳有分室內同室外嘅座位，我地就當然揀左室外啦😆，加上而架天氣涼涼地又唔熱，坐室外仲舒服，餐廳又播住泰文歌，個感覺真係幾似去左泰國咁架～😆😹👍🏻泰國嘢不外乎嗰幾味～冬陰功湯、串燒、咖哩等等，兩個人叫三至四碟就啱啱好👍🏻今次就試左黃咖哩雞🐔、炒金邊粉、串燒🐷🐮🐔、冬陰功湯🍲👇🏻👇🏻👆🏻串燒係半打咁叫嘅，豬🐷、牛🐮、雞🐔串價錢一樣，所以可以每款叫兩串🥰啲肉都幾juicy，唔會乾，份量都算大～👆🏻冬陰功湯🌶就要左個細嘅，都可以有成四至五碗碗仔嘅份量架！酸酸地、辣辣地幾開胃，又唔會太辣，味道比起其他餐廳濃👍🏻而且湯料都足🥰蝦、魷魚個啲夠晒入味😆👆🏻炒金邊粉又係泰國嘢必食嘅😹呢度炒得幾好，唔會一pat pat，份量都幾多下～👆🏻🐔🍲黃咖哩雞都唔錯，正常水準，雞肉都算大舊啖啖肉咁，而且幾入味👍🏻而雞肉同薯仔嘅份量係一半半😹如果雞肉多返啲就更加好啦～👆🏻飲品🍹珍多冰💕除咗有好多 珍多(綠色粉條) 之外，仲有粒粒黃色果肉

有一日，我去到呢間餐廳，叫咗碟「泰式肉碎煎蛋飯」。女店員五分鐘後俾咗一碟肉碎芙蓉蛋飯我，然後解釋說：「我間餐廳開咗七年都係咁㗎。」另一位女店員「教精」我說：「間間餐廳煮法唔同㗎」所以，如果有一日你响呢間餐廳叫海南雞飯，然後得到一碟白切雞飯；又或者叫一碟泰式豬手，然後得到一碟德國烤豬手，唔需要驚訝，因為上面兩個「解說」已經合理化咗呢件事。註：抱歉無影低呢碟傑作「泰式芙蓉蛋...」，唔係...係「泰式肉碎煎蛋飯」，因為相機唔影難食嘅食物

👭今日約咗個好耐無見既朋友，去佢公司附近找她，趁佢食飯時間聚一聚，佢話附近有間食泰國菜，佢經常係到食午餐，而且食物不錯，咁就唔唸咁多，一於係到食😊—————-🥳入去環境唔錯，地方好大，有戶外，又有室內，入門口檢測温度及搓手液，地方環境乾淨衛生，坐得非常舒適👍——————-🟫扎肉湯河———湯清甜，粉滑溜，配菜又有芽茶，夠哂爽口，又有蘿蔔又夠清甜😋😋——————🟧泰式鳳爪———又多料又多配菜，芹菜、洋蔥🧅、紅蘿蔔🥕絲、大葱.........等等，昧道仲好正，而且仲夠哂爽口👍👍👍👍——————🟩沙爹雞🐔肉串燒——即燒熱辣辣，香噴噴，雞肉又嫩又好味，點埋個沙爹仲正👏——————-🟥蒜🧄蓉包——-又香又脆熱辣辣，蒜🧄香加上了牛油更是滋味——————飲品：凍檸茶———茶夠濃郁又夠冰凍青🍋梳打——-泰式飲品中，青檸梳打是我的至愛😋😋😋😋😋—————-開心🥳⋯⋯簡單

為咗慶祝父親節，我地一家四口訂咗泰國廚房食晚餐，大熱天時，緊係要求坐有冷氣的地方食的。6点半我地準時到達，亦都好快点好要食嘅嘢，首先上枱的係大冬陰功湯，個湯好濃味，啲辣椒勁辣，但係啲蝦唔新鮮，啲肉梅梅地。 跟住上枱的係馬拉盞炒通菜，味道唔錯，只係略為細碟，再嚟就係菠蘿炒飯同咖哩軟殼蟹，味道都幾好的，再跟住就停咗上菜，我地追咗3次，總知等咗好耐，我望望個電話，已經係7点48分先上齊菜，以落單計足足等咗個幾小時，而最後先上枱嘅竟然係沙嗲朱肉串。攪到我之後都冇心機再影相啦食物係好味但服務需要改善下。 完

這一次去泰國廚房其實是意外 不過亦不阻礙再次encore既心 相比起上次到來 大概是因為疫情關係今次坐在室外既人多了 包括我們在內跟上次一樣都是月頭 所以餐牌沒有變 菜式依舊 價錢亦一樣 午餐價格同樣親民 在這個艱難既市道實在有點難生存跟餐有餐飲或有餐湯 餐湯味道不錯 相比炒飯略為濃味一點冬蔭公炒飯 上枱賣相挺不錯的說 份量也不算少 而且眼見用料也不少 有兩隻中型size蝦仁 咬落都算爽口但未至彈牙 蕃茄口感略為差了點 食落不是脆口 反之是偏腍身 食落味道不算差 沒有冬蔭公湯那陣特別氣味 而且重點是沒有想像中辣亦不如傳統泰式菜式般重口味 大概是要貼合港人口味吧 我懂的 初以為唔算好油膩 怎料吃到底還是有一點油油 不過炒飯就是會油一點

即慶同朋友黎左呢到食泰國野，餐廳位置唔係住附近既話應該都幾難搵，去到餐廳既感覺都幾好，分室內室外既部分，室外就係個好有泰國風情既裝修，老實講天氣涼涼地坐室外係唔錯既選擇👍🏻👍🏻另外我地一行人都拎得比較多野，餐廳就另外安排左張沙發位置比我地放野，算係貼心既👍🏻第二樣就係馬拉盞炒通菜，個人覺得佢個調味都唔錯，小小鹹味但又唔會太重口味，同時都keep住好爽口，幾滿意嚟到主食當然要試吓泰式炒金邊粉啦，食落都算係唔錯夠晒乾身，酸味辣味都適中，但份量就好似少左d黎到重頭戲就係呢個咖喱軟殼蟹啦，一黎份量都叫多同大碟，咖喱屬於係甜甜地辣辣地同結身個種，軟殼蟹咬落又多汁，兩者配合非常正👍🏻我哋食晒啲蟹之後忍唔住叫個白飯黎撈咖喱食，真係一d咖哩都唔想浪費！最後就係呢個豬頸肉啦，小編可以話係豬頸肉嘅fans，而呢次既豬頸肉表現都唔錯，表皮係烤得有些少脆口，但就有些少肥肉。至於個汁就偏酸，我同朋友試左啖汁之後都情願唔點汁食🙊而個重點就係有些少貴😂😂唔太值呢個價最後要提嘅就係呢間餐廳嘅服務質素，我哋坐低安定冇耐就有d侍應姐姐一直望住我地同趨我地落單，最後真係企左係我地隔離問我地食咩之後忍住叫佢轉頭先（利伸一坐低

自從轉工以來一直都甚少外出午膳 大概是環境問題 加上沒有親愛既鄰居相伴 吃得不夠滋味 難得外出 當然要吃點特別 意外地搵到泰國廚房 泰國廚房提供傳統泰國菜 望望餐牌 選擇不多不少 有飯有湯河 午餐價格算是親民 點了泰式炒粉絲 賣相都算不錯 看上去不會太油 食落味道不算驚艷 不過幾有鑊氣 粉絲炒得不會太乾但又不會太濕 食落不算好油膩 配料都不算少 整體份量頗多 可是味道水準仍有待改善 午餐仲包一杯餐飲 偶爾食一次無妨 畢竟同區泰菜選擇都不少 

行完山大家想搵嘢食，其中一位朋友提議去呢一間 。餐廳嘅位置不好找 ，呢個位置真係特登嚟先會到 ，好少話行街經過，除非係附近嘅居民 。不過食完後 大家都一致認為可以再特登嚟， 因為質素真係幾好， 價錢亦都唔貴。泰式醃生蝦生蝦夠新鮮爽甜。串燒半打燒得夠香 ，肉質冇醃到過龍， 呢點係非常重要的。泰式海南雞肉質爽滑。咖哩軟殼蟹 個汁好好味呀 !好香口，停唔到口， 特登叫咗 蒜蓉包去配搭咖哩。 蒜蓉包 香香脆脆，非常好味。大蝦炒金邊粉足料夠鑊氣。調味方面，酸、甜、咸味平衡得非常好。泰式小食拼盤每一樣都好好味。芒果椰汁糯米飯椰汁千層糕 大家都食到好飽，亦都好滿意呢一餐。

筆者和同事到粉嶺廚房午膳，餐廳離火車站不算遠，但較隱蔽，附近有樹蔭和隧道，若搭車經過也未必會留意到。我們有三人點了冬陰功湯底的麵食，等了很久同行友人都吃完、全場的餐點都己送抵我們還在乾坐，多催數次得到的回應都是「冬陰功要煮架嘛」、「幫你催咗架喇」。雞翼冬陰功金邊粉 (7/10): 雞翼炸得很香，又不會太乾身，湯底像椰香蕃茄湯，沒有辣味。炸蝦餅 (8/10): 炸蝦餅很香脆，蝦肉彈牙，吃得出現製的感覺，有微量蝦殼碎。Summary: 食物質素尚可，但服務態度一般，等的時間過長，店方應預早在開舖前準備好湯底。

晚餐時間黎食，都唔多人，面積較大，坐唔滿。本來好肚餓，所以兩個人都叫左四樣菜，最終食得好飽。Pad Thai：無咩特別，同其他其他一般泰國餐廳既金邊粉相若，唔太辣。串燒拼盤：多款，醬料都好配，整體黎講幾正！菜肉包：有好多肉，味道都係普通，無咩特別。咖哩軟殼蟹：唔係好多泰國餐廳有，都幾特別，而且味道好好。價錢就比普通泰國餐廳就偏貴一點，呢到幾樣菜加埋埋單共五百多元，服務亦無特別，環境則有分室內外，室外都幾有feel，但夏天坐就太熱喇。